"Thlarau Khah Nun Cu Zeibantuk Khi Dah A Si?" (power 03)

Thlarau khah timi sullam cu zeidah a si? “Khah/khat” timi bia sullam cu thil pakhat khat nih a uk, a contol tinâk a si. Thlarau in khat deuh u timi bia ah Paul nih zurit he a tahchunh. Mi pakhat khat zu a rit tikah zu nih a uk, a control, a rahsuah cu ziang a si ti le cu pa cu a pumpuluk in ai thleng dih.

Mi pakhat cu bia a chim tuk theng lomi, midai a si. Asinain cu pa cu zu a rit tikah a bettaling in ai thleng dih. A `ihnâk a lo, midai a sinâk zong a um ti lo, a hmuhmi pauhpauh a chonh hna, hla a sa, a ni, nihchuak a sai. Chiandeih bangin mi ral`ha ah ai cang. Mi`hawng `ha `ha a ngamh hna, asinain a thaizing khua a dei tikah ningzak a thihnik. Hawikawm pahnih zuri tuanbia kha ka rak theih bal.

Pakhat deuh nih thlalang awngin ka zuang lai i kan sang cungah khin ka zuang lai tiah a ti. A hnu ah a hawipa nih sizung ah a va veh i a lu le a kut a ke tuam a simi a hawipa nih, “Zeicadah kha zan ah khan naka tlaih lo, naka kham lo?” tiah a ti. A hawipa nih, “ Na zuang kho taktak rua lai tiah kan ruah caah a si,” tiah a leh. Zuripa nih khan zeiruangah kha bantuk khan a tuah? Zeicatiahcun mi pakhat zu a rit tikah zu thiltikhawhnâk nih a uk, a control. Cubangin, zûmtu pakhat Thlarau in a khah tikah, Thiang Thlarau thiltikhawhnâk huham nih a uk, a control i a nun cu ai bingtalet in ai thleng dih tawn.

Note: Hi Rev. Dr. Rual Uk ttialmi "Thiltikhawhnak Huhman Hi Ngaih Khawh A Si" timi cauk chung in lakmi a si.