Cinkhua Tuanbia

Biahmaiṭhi

Cinkhua Tuanbia cauk cu caan saupi tawlrel le khawmhsuat hnu ah mithmuh kuttongh in kan kut cungte a hung phanh cang caah lamhruaitu Pathian min thangṭhat si ko seh.

Global Cinkhua Fellowship {GCF} min in Cinkhua Tuanbia cauk in a chuah khawh nakhnga a hlei in editor rian ṭuanvo a kan lak piaktu, Pastor Hram Bik Lian cungah kan i lawm tuk. Cun hi tuanbia cauk a chuah khawh nakhnga, ruahnak, chawva le caan tampi pek in thazaang a chuahtu, min chim khawh lomi nan dihlak sinah ah GCF nih lunglawmhnak roca kan ṭial.

Cinkhua cu a ṭio bal lomi khua le a hlun ngaimi khua pakhat kan si nain ‘hihi kan khua tuanbia cauk a si’ ti awk tlak in khua tuanbia khomhsuat mi kan ngei kho bal rih lo ti khawh a si.

Tleicia kan pa, Pu Hre Mang nih a ṭial taakmi “Cinkhua Tuanbia Cauk fate, le Cinkhua Baptist Church kum (75) tlinnak Diamond Jubilee Magazine ah capar pakhat bantuk in tlawmpal rak ṭialmi lawng kha tu hlan kan rak ngeihmi an si. Cu hna cu hihi Cinkhua Tuanbia Cauk an si vun ti awk ah an tlam a tling deuh lo.

GCF hruainak in tutan ah ṭialmi Cinkhua Tuanbia cauk zong hi a tling dih khitkhet cu a si kho hlei lai lo. Sihmanhsehlaw hi hnu hmailei chan tampi tiang GCF nih a ṭialmi khua tuanbia cauk ah hi tihin aa ṭial, tiah chirhchan khawhmi cauk cu a si ve hrimhrim lai tiah ruahchannak ka ngei.

Nihin ah kan tuanbia ṭial le khomhsuat a har khun nak cu ca in kan konglam le kan tuanbia ṭial ciami a rak um bal rih lo ruangah a si. Atu kan tuanbia cauk hi a hmasabik Cinkhua Tuanbia Cauk a si caah chambaunak tampi a um zongah hmailei chan tampi hnu ah Cinkhua Tuanbia Ṭial ṭhan an hun duh te tik ahcun, hihi chirhchan awk a ṭhami le bawmtu ṭha a si te ko lai ti cu al khawh lo a si.

Harsatnak tampi tuar bu le caan tampi pek in ṭialmi Cinkhua Tuanbia cauk nih hin vawleicung hmunkip ummi Cinkhua Hrinphun vialte kan funtom chin sehlaw kan ṭhawnter chin ko seh. A hlei in Tuanbia khomsuatu le a hren reltu kan pale hna nan dih lak cungah kan lunglawnhnak a ngan khun. Techin fapar chan tiangin a hmunmi Cinkhua Tuanbia Cauk si hram ko seh.

Upatnak he,

Rev. Thawng Hlei

President

GCF

Foreword

A.D. 1998 ah Ram thar rianṭuannak lohmun kawl in Gangaw peng le Htylin peng, Chin miphun umnak khuate tam nawn ah kan rak lut. "Chin maw nan si Kawl?" tiah kan hal hna i Chin holh hmanh a thei pah rihmi upa cheu khat tiang nih "Chin kan si lo" tiah an kan ti. An pale Chin holh a chim thiam ko rihmi fale hna zong nih "ka pa cu Chin, ka nu cu Kawl, keimah cu Kawl ka si" an ti. Chin hrinsor an si ko nain Chin mi he biakchonh le pehtlaih aa nautatmi mino an tlawm te lo. Cu nihcun Chuahsemnak hmun le ram chuah taak hnu ahcun, minung hi a tlau cangmi, a tlau cuahmahmi le a tlau laimi kan si, ti a ka hmuhter. Kawlram ah Pyu le Ṭhet miphun phun hnih cu miphun ngan siangpahrang phun an rak si nain a tlau cangmi an si cu zapi hngalh a si. Cu bantuk miphun nganpi a simi an tlau cu an holh, an ca, an nunphung le an tuanbia an thlau caah a si. Kan nih Chin miphun zong hi Kawlrawn, India, le Bangladesh ram hna ah ceilak kan tlau cang. Ram thumnak khuasa kan techin fapar pawl hi an tlau ve te sual lai tihi phan a um tuk hringhran. Atu hmanh ahhin an i hngalh lo kar ah a tlau cuahmah liomi an um len cang zumh a um.

Africa mifim Marcus Garvey nih "a tuanbia, a thawhkehnak le a nunphung a hngal lomi minung cu hram a ngei lomi thinkung bantuk an si" tiah a ti. Hram a ngei lomi thingkung cu a pur zau bantuk in, a tuanbia a hngal lomi minung cu an tlau tuan ve ko lai. Cinkhua hrinsor cu kan tlau ti lai lo. Zeicatiah a tlau ti lo dingmi tuanbia cauk kan ngeih cang caah a si. Kan tuanbia, kan ca, kan holh le kan nunphung zei ah a rel lomi tefa cu tuan ah an tlau ko lai.

Adolf Hitler nih "tuanbia hngalh duhnak lungthin a ngei lomi minung cu Mit le Hna a ngei lomi pa bantuk an si" a rak ti. Cucaah hi tuanbia cauk kan ngeih hnu i kan tlau rih ahcun kanmah mawh a si cang ko lai!

Global Cinkha Fellowship {GCF} nih a ṭuanmi thilṭha tampi lakah Cinkhua Tuanbia a ṭialmi hi a lian ngan i a har khun tiah ka ruah. Kan tuanbia cauk ṭial ding in chunmang mantu hna thok in kan tuanbia cauk a chuah tiang a dotdot in a kan hruaitu GCF upa hna, tuanbia khomhsuat tlangtu Pastor Hram Bik Lian, tuanbia khawmtu vialte, lungthin le chawva he dirkamhtu Cinkhua hrinsor dihlak hmang in Pathian nih rosung tuanbia cauk a kan pek cang caah Pathian min sunglawi chin ko seh!

Hngalh ti lomi thil tlau kawl le philh cangmi biathli hngalh ṭhan i timh hi thil har ngai a si. Tuanbia cauk ṭial zong cu bantuk cu a si ve. Chan tampi nih a liam taak cangmi le thil tampi nih a chilhbuk cangmi tuanbia kawl le pehtonh hi a fawi lo. Nebukhahnezar nih a philhmi "a mang le a sullam ka chim u" {Dan. 2:6} ati hna lio ah Pathian nih Daniel a hman bang in, Pastor Hram Bik Lian hi kan khua caah a hman hrimhrim ko. Hi rian a tlamtlinnak ahhin zeitluk mi teirial le mi lungsau a si a lang.

Khua Tuanbia Cauk tam deuh cu minung pakhat nih ṭialmi an si hna. Kan nih Cinkhua Tuanbia cu mitampi i bawmh in ṭialmi a si caah lung a hmui khun. Thawhkehnak tuanbia a dotdot in, tiva, ramri le a chung ummi saram, zu, va, ngaleng, lopil, thlawhhmun, dinh hmun, thingram le fingtlang min tiang hi tuanbia cauk ahhin khumh dih an si. Kan nunphung, kan holh, kan hla, kan laam, fimthiamnak, biaknak, ramchung ramleng kan umnak khua ram le mibu vialte tiang langhter dih an si.

Lungthin tak in a relmi ca ahcun fimnak, hngalhnak, khuaruah tuaktannak le miphun dawtnak, Pathian tthachinrel thiamnak petu a si hrimhrim lai. Cinkhua hrinsor caah philh awk ṭha lomi le bochanmi kan pupa hna pumpak in an tuanbia zong langhter chih kho usihlaw a ttha tuk hnga nain zatlang le mibbu tuanbia papek a si caah theithiamnak ngei cio u sih. Jubilee tuahnak, Khrihfabu tuanbia le khua tuanbia ṭialnak ah lungtlinlonak le buainak tete an tong ṭheu tawn; dairy ah ṭial cianing le hngalh cioning in chimmi pehtonh chom an si caah tlamtlinlonak le chambaunak tete a um lai ti zong ruah thiam kan herh.

Ni chuahlei mifim hna Jesuh chuahnak cawrawl kuang tiang a hruaitu hna Bethlehem Arfi bantuk in, hi tuanbia cauk hi vawlei killi khuasa Cinkhua hrinsor vialte caah lam a kan hruaitu dingah Pathian nih thlachuah pe ko seh! Na ro ttha bik hna lakah hi cauk hi rak telh ve!

Lawmhnak he,

Rev. Bual Sang

 

Editor Hmurka

Hakha peng kan Lai khua hawi hna lakah khua hlun ngaingai pakhat a si vemi, Cinkhua khua nih kan tuanbia cauk kan ngeih khawh ve cang caah Pathian min ka thangṭhat!

Cinkhua Tuanbia cauk chuahnak ding caah, bochannak nganpi he, Editor ṭuanvo a ka khinhtu Global Cinkhua Fellowship {GCF} cungah lunglomhnak nganpi ka ngei. Hi cauk chuah ding in kan tuanbia kan khomhsuatning hi, Cinkhua miphun caah philh awk a ṭha lomi tuanbia dawh pakhat a si. Hi cauk hi Cinkhua hrinphun dihlak nih lungrual tein kan ṭuanṭinak theipar a si. Mifim pakhat nih amah ruahning, theihning le pumpak teimaknak in ṭialmi a si lo.

GCF nih Cinkhua hrinphun pakul chung in bochan bikmi minung pakhat cio sinah, anmah hrinphun tuanbia cio khomhsuat piak ding in, August 2018 ah, fialnak ca kan rak pek hna. Hrinphun kip nih, cu caan thok cun an tuanbia khomhsuat hram cu an thok cio. June 2020 ah, Cinkhua hrinphun dihlak nih an tuanbia cio tlamtling tein an chuahpi khawh dih. Kum hnih tluk kan rau.

Minung pakhat hnih ruahnak le hngalhmi lawng in ṭialmi tuanbia cauk chuah kan duh lo caah, “khua tlaknak kong, biaknak kong, fimcawnnak kong” ti bantuk tete kongah an hngalhning le theihning cio ṭial piak ding in 2018 ahkhan, khuapi nih bochanmi kan pale tampi ṭuanvo kan rak pek ṭhan hna.  Kan pale nih an hngalhning cio an ṭialmi  dihlak kan rel dih hna hnu ah,  an chim cio mi zohchih le pehtonh in Cinkhua tuanbia cauk 1st draft cu hun chuahpi a si.

Cinkhua Tuanbia cauk 1st draft a chuah hnu ah, GCF nih  ‘Tuanbia Cauk Read and Review Comittee’ a ser ṭhan. Cu comittee nihcun caan tampi pek in an rel, a palhnak an kawl i remh dingmi vialte an remh dih cikcek hnu ah, editor sinah an chuahpi ṭhan. Cu ticun palhnak zeihmanh um hrimhrim hlah seh, timi lungput he felfai tein khomhsuat le zohfel dih cikcek hnu ah hi Cinkhua Tuanbia Cauk hi chuah a si.

Cinkhua Tuanbia Cauk a chuah khawh nakhnga, a lamkip in retheitu GCF hruaitu dihlak si hna seh, hrinphun tuanbia ṭialpiaktu Cinkhua hrinphun kip in upa dihlak si hna seh, khua tuanbia a biapitnak zawn vialte kongah an hngalhmi le an theihmi vialte siang tein a kan ṭial piaktu kan pale dihlak an cungah si seh, lungomhnak roca ka ṭial.

A donghnak ah, Cinkhua khua cu chan tam tuk a kal cangmi khua a si caah le pupa hna nih cauk in ṭialmi tuanbia an rak ngeih ve lo caah, palhnak zeihmanh um hlah seh, timi lungput he felfai taktak in zohfel kan i zuam ko nain hngalh cawk lo ruang le khomhsuat khawh cawk lo ruangah tlamtlinlonak le chambaunak tampi a um ko lai. Cucaah upatmi khuami le careltu nan dihlak nih theihthiamnak sangpi rak ngei hram u, tiah kan nawl hna.

Lawmhnak he,

Pastor Hram Bik Lian

 Editor 

Tuanbia Cauk Committee

Cinkhua Tuanbia Cauk cu dawhte le tling tein a chuah khawh nakhnga, Global Cinkhua Fellowship {GCF} OC nih felfai tein khomsuatu le zohfeltu dingah Tuanbia Cauk Committee a ser. Cu Committee chungtel cu GCF president le Editor telh in minung pasarih an si. Upatnak roca ṭial can ah, Cauk phaw a hnulei ah an hmanthlak zong cuanter an si. Cu Committee nihcun kan tuanbia an khomhsuat i felfai tein kan tuanbia cauk cu zohfelnak an tuah; remh awk vialte an remh dih i chap a herhmi vialte an chap dih. Cinkhua hrinsor nih tuanbia cauk ṭha kan ngeih khawh nakhnga, fakpi in zaanghlei an cawi i an caan tampi an pek. Cinkhua Tuanbia Cauk chuahnak caah rethei biktu an si. Cucaah Cinkhua hrinsor vialte nih an sinah lunglawmhnak roca kan ṭial. Bawipa nih damnak le nun saunak thluachuah pe ko hna seh! Committee chungtel hna cu:

1.      Rev. Bual Sang

2.      Pu Ram Peng

3.      Pu Erh Ling

4.      Pu Tin Cung

5.      Pastor Cung Lian Thawng

6.      Rev. Thawng Hlei {GCF president}

7.      Pastor Hram Bik Lian {Editor}

Dal (1) Nak

Miphun Thawhkehnak

Cinkhua hrinsor kan thawhkehnak kong chim ahcun, Lai miphun kan thawhkehnak kong in chim hram thok a hau. Lai miphun kan thawhkehnak kong chim ahcun, Chin miphun dihlak kan thawhkehnak kong chim chih a hau ve. Cucaah zeidang hlan ah, a tawifiannak le a tlangpi in, kan miphun thawhkhehnak tuanbia langhter khawh kan i zuam lai. Chin Miphun Thawhkehnak Tuanbia cauk cu ṭial kan timhmi a si lo caah, Chin miphun tuanbia ṭialtu tampi nih an ṭial ciami kan zoh, kan rel cio hna hnu ah, si dawh bik in hmuhmi zulh in kan ṭial lai. Hi zawn ahhin, Chin Miphun tuanbia ṭialtu minung pakhat ṭialmi zulh le cherhchan in ṭial siloin cauk tampi zoh chih hnu ah si dawh bik a si, tiah ruahmi zulh le cherhchan tu in kan langhter lai. Kan unau Tedim peng Zomi pawl nihcun, "Chin miphun kan si lo. Zo miphun kan si" tiah an ti. “Chin miphun kan si” titu hna nih kan thawhkehnak tuanbia an chimning aa dang i “Zo miphun kan si” titu hna nih kan thawhkehnak tuanbia an chimning aa dang ve. Hi he pehtlai in tuanbia roling pakhat a um.

Chin State ah mirang missionary um khawh ti lo ding dirhmun an rak phanh lio ah, mirang pawl nih “nan miphun sinak min a huap khotu min bak i thim ulaw, cu min cherhchan cun nanmah miphun nih hruaimi convention kan ser lai” tiah an rak ti hna. Cucaah A.D. 1952 kum ah, Rev. Sukte T. Hau Go hruainak in “kan dirh dingmi convention cu, zei min dah kan sak lai” timi ceih khaannak meeting Falam Baptist Church ah an rak tuah. Cu lio ahcun, Zomi pa Rev. Sukte T. Hau Go nih “Zomi Baptist Convention tiah kan ti awk a si. Zeicatiah kan nih cu, Zomi miphun kan si” tiah a rak chuahpi. Cucu Rev. Sang Ling nih “a hman, kan no lio zongah Zotlang chuak kan si, tiah rak chim peng a si. Cucaah kan thawhkehnak miphun min taktak cu Zo a si ko” tiah a lungtlinnak bia a rak chim. “Rev. Sang Fen, nangta zeitindah na ruah?” tiah Rev. Sang Ling nihcun mipi hmai ahcun a rak hal. Cu hnu ahcun, Rev. Sang Fen cu a hung dir ve i “Zomi hi kan miphun min taktak cu a si, tihi kei zong ka zumh ve. Keimah zong cu, ‘Zo’ khua pastor cu pei ka si cu” tiah a rak ti ve. Cucu Zomi Baptist Convention {ZBC} timi a thawhkehnak tuanbia a si. Nihin tiangah, “Zo” timi cherhchan in kan miphun thawhkehnak tuanbia hi phun dangpi in chim a si i “Chin” timi cherhchan in kan miphun thawhkehnak tuanbia hi phun dangpi in chim a si ve. Cu hna pahnih chimning karlak ah, kan miphun thawh kehning zeitluk in dah aa lawh lo timi kan fian khawh nakhnga, a tawi tein hun zoh duak hmanh u sih.

“Zo miphun kan si” aa timi hna nih kan miphun thawhkehnak tuanbia an chimning ahcun, Tuluk ram ah 1027-221 B.C karlak ah uknak a rak tlaitu Zhou Dynasty chan in aa thokmi miphun kan si, an ti. "Zhou" timi biafang in "Zo" timi hi a chuak; cucu kan thawhkehnak phun min taktak cu a si, tiah an ti. Hi hna nih an chimmi hi a hman ahcun, Chin miphun nih Tuluk ram kan rak chuah taak hi tuan deuhpi ah a rak si cang, tinak a si hnga.

Sihmanhsehlaw ‘Chin miphun’ kan si aa timi hna nih kan miphun thawhkehnak an chimning ahcun, Chin miphun cu Tuluk ram ah 221-207 B.C hrawng ah uknak a rak tlaitu "Qin Dynasty" chan in aa thokmi kan si, tiah an ti ve. A zei khum hmanh si sehlaw, kan nih Cinkhua tuanbia cauk ahcun “Chin miphun kan si” timi dirhmun leikap in kan thawhkehnak tuanbia a ṭialtu hna chimning zulh in kan ṭial lai.

A. Chinlung In Taizaang Karlak

Chin miphun timi chung ahhin a tlangpi in, a tanglei miphun phun ruk hi kan um:

1. Asho Chin

2. Cho Chin

3. Khumi Chin

4. Laimi Chin

5.  Lushei Chin

6. Zomi/kuki Chin

Hi miphun phun ruk lakah kan nih Hakha, Thantlang, le Falam hi ‘Laimi Chin’ tiah auh mi kan si. Laimi Chin tiah auh mi poh cu kan thawhkehnak hrampi aa khat dih, tiah ruah a si. Hi kong ahhin tampi langhter awk a um hnga sihmanhsehlaw Chin miphun tuanbia cu ṭial kan timhmi a si lo caah, hi cauk ahhin cun a tlangpi in kan thawhkehnak kong tawi lawng kan langhter lai. Cu hnu ah, ‘Laimi Chin’ tiah auhmi hna hi, zeitindah atu kan umnak pengtlang le hmunhma cio ahhin umhmun khuar hram kan rak thok cioning a si, timi tiang hun langhter khawh kaa zuam lai.

Chin miphun cu Tuluk ram 'Chinlung' in a rami kan si. Chin miphun hringsortu hna hi, mi hawngha an rak si caah 221 B.C in 207 B.C tiang Tuluk ram ah Chin pennak (Qin Dynasty) zong an rak ser. Sihmanhsehlaw Han miphun nih 202 B.C ah tuk hram an rak thok hna i an rak tei hna. Cucaah Chin miphun tampi cu, an ral a simi Han miphun nih Tuluk ram an uk chung ahhin Himalayas tlanghram ram hrawng ah khin an rak zam hna i cu hrawng ahcun saupi khua an sa. Cu hnu ah kan pupa hna cu A.D.400 hrawngah Hukawng tlaangfiang hrawngah khua an rak sa ṭhan. Caan sau nawn khua an sak hnu, A.D.800 hrawng ah Chin miphun kan upa hna cu an kal i Chindwin nelrawn an rak phan. Chin miphun kan upa hna Chindwin an phanh hnu kum tlawmpal, A.D.849 in Kawlram cu Pagan pennak (pagan kingdom) nih A.D.1297 tiang an rak uk hna. Hi lio caan ah siangpahrang a rak ṭuanmi, Pagan uktu bawi hna cu Kawlram Tuanbia cauk zongah kan cawn tawnmi siangpahrang pawl kha an si:

1. Anawrahta Siangpahrang

2. Kyansiṭha Siangpahrang

3. Alaungsithu Siangpahrang

4. Narapatisithu Siangpahrang

5. Narathihapate Siangpahrang

Hi Pagan pennak a dongh kum tiang ahhin, “an rolung phun ah Chin miphun kong hi ṭial a rak si rih”, ti a si. Cucaah Pagan pennak a dongh tiang cu Kawlrawn, Chindwin nelrawn hrawng ah, dai tein Chin Miphun cu kan rak um ko rih, tihi Kawlram tuanbia zohnak in ruahdamh khawhmi a si.

Hi caan hrawng ahhin “Chinwin tiva hlum khuachia thinhunnak ruangah voikhat cu, Chindwin tivapi a lian ciammam i Chin miphun pupa hna khuasaknak hmunhma vialte a rak hrawh piak dih hna” ti a si. Cucaah “Khatlei ah kan i ṭhial lai”, an ti i Kale nelrawn ah khin an rak i ṭhial. Cucaah “Kale” timi biafang hi “Khatlei/Khale” in a rami a si”, ti a si. Chindwin in Kale nelrawn ah an i ṭhial hi A.D. 1300 le 1370 karlak hrawng ah si dawh a si.

Pagan pennak a dih hnu (A.D.1297) ah Sagaing, Pindaya, Invua, tiin uknak fa tete an hung chuak hna i A.D. 1363 hrawng tiang kha khat le khat an rak i do hna. A.D. 1364 ah Shan pennak a hung dir i A.D. 1555 tiang Kawlram ah uknak an rak tlaih. Hi Shan pennak hi Kawl miphun tuanbia ah Ava Pennak (Ava Dynasty) tiah auh a si. Hi Ava Pennak chung i an khualipi pathum hna lakah pakhat cu, Chin miphun kan pupa hna zong nih A.D. 800 hrawng thok in an rak um cang nak, Sagaing khuapi khi a rak si. Shan pennak tang ahhin, Chin miphun cu fakpi in hremnak an rak tuar ti a si. Cu Shan hremnak an celh lo ruang ahcun khuasak a harnak hmun tlaang ram, atu kan Chin ram, lei ahhin an rak zaam.

Cucaah Chin miphun Kale-kabaw nelrawn in Laitlaang lei an rak kai hi Shan pennak aa thok hnu, A.D.1370 le Shan pennak a dongh kum a simi A.D.1555 karlak ah a si, tinak a si. Shan pennak tang ah zei tluk sau dah Kale nelrawn ahhin an rak um manh, tihi hohmanh nih kan hngal kho lo. A saupi kho. A tawite kho fawn. Cucaah A.D.1400 hrawng in Laitlang lei an rak kai hi a si, ti in ruah ah a sual lo bik men lai. Hihi Chin Miphun tuanbia ṭialtu, Pu Chawn Kio nih a tuakning zong a si ve. Tlaang ram lei an kai tik ah, anmah umnak zawn cio in an rak kai hna i Chin miphun hawi dang lakah, kan nih “Laimi Chin” (Hakha, Thantlang, Falam) hna hi Run tivapi hrawn in an rak kai hna i Simpi khua an rak phan. Simpi khua cu atu Tawkkhua timi zawn ah khin a rak um. Simpi Khua an phanh hi, tuanbia umkalning zoh tikah A.D. 1400 hrawng ah si dawh a si. A.D.1902 ah Chin ram a rak phanmi Dr. East zong nih amah pumpak Dairy ah “Chin ram an rak tlaaknak hi kum 500 hrawng a si cang” tiah a rak ṭial, ti a si. A.D.1902 ah kum 500 hrawng an umnak a si cang, a rak ti caah Dr. East nihcun “kan pupa hna Chin ram an luh hi A.D.1400 hrawng in a tuak ve” tinak a si.

Simpi khua in Falam peng, Sunthla khua taw ah a ummi Lailun le Lung Ṭial ah Hakha, Thantlang, Falam hringsortu hna cu an rak i ṭhial ṭhan. Cu hnu ah Lailun le Lung Ṭial ah sau um loin, kan nih Hakha, Thantlang hringsortu hna cu an lan i Zotlang Khuarua (Cinzah pawl thawhkehnak) khua an rak tlaak, ti a si. Cucu Rev. Sang Ling nih “kan pupa hna nih Zotlang chuak kan si an rak ti tawn” a timi aa thoknak cu a si. Kan pupa chan ahcun, Zotlang hlan kan tuanbia an hngalh khawh ti lo caah an hngalh banh khawh tawk in “Zotlang chuak kan si” tiah an fale an rak chimh tawn hna. Zotlang khuarua khua in an kal ṭhan i Thlanrawn khuahmun ah khin hmun khat ah an rak i din ta. Thlanrawn khuahmun in phukhat an kal i, Chuncung khua khi an tlaak. A cheu an va lan i Phailenzawl khua an va tlaak ve. “Phailenzawl timi cu atu Hakha khuapi kam i Chin vuanci pawl an umnak Tuaihmawngrawn Hakha leikam in a thlanglei hrawngpi khi a si”, tiah JP Biak Tin Sang nih a ṭial. A taangmi phudang zong cu Thlanrawn khuahmun cun an kal ve i, “Hniarlawn, Cinkhua, Hranhring le Aive khua hna hi an rak tlaak hna” tiah Chin Miphun Thawhkehnak Tuanbia nihcun a ṭial. Lailun an phanh le Taizaang karlak ahhin kum sau tukpi umhmun an khuarnak hngalh a si lo caah, kan nih Cinkhua hringsortu kan pupa hna nih Taizaang khua an rak tlaak hi, A.D.1400 le A.D.1450 karlak hrawng ah a si lai, tiah zumh a si. Lailun le Taizaang karlak ah kan pupa hna zeitiset in dah an rak umkal, timi kong ahhin ruahning phun dangdang tampi a um. Taizaang Khua tlaakning kan ṭial tikah, cu bantuk rauhning le chimning aa dangmi tete zong cu langhter chap khawh kan i zuam te lai.

"Chin ram ah ram ukbawi uknak an rak hrawh” hi February 20, 1948 i Chin ram ukbawi le hruaitu minung 5000 nih Falam ah an rak tuahmi conference ah a si. Kan Chin ram i ram ukbawi chan a dongh kum tiangah khan kan nih "Cinkhua hi chan 17 kan um cang tiah an rak ti", tiah Pu Be Hmai nih "Lai History in Lai" timi cauk chungah a ṭial. Cucu Pu Chawn Kio zong nih a cauk ah a langhter ve i Cinkhua Pu Hmun Mang {Tawk Mang pa} hmurka chuak  a si, tiah a ti. Cu cauk nihcun, Taizaang khua ahhin "Cinkhua hi chan thum hrawng lawng an rak um" tiah a ti.

Hi zawnte ahhin, Cinkhua hrinsor kan pupa chan kan dawimi he cuai hun thlai duak a herh. Cinkhua Hau Zaw hrinphun nih, Pu Hre Mang chan in Cinkhua khua hlun tlaak lio hrawngah Cinkhua bawi a rak simi, Pu Mang Vung chan tiang ahhin chan 13 in an ṭial. Cun, Taizaang um lio ah Cinkhua bawi a rak ṭuanmi, Pu Mang Hniang le Pu Hau Zaw karlak hi chan 8 in an ṭial ṭhan. Cucaah Hau Zaw hrinphun nih Pu Hre Mang le an pu bik, Pu Hau Zaw karlak cu chan 21 in an ṭial. Sihmanhsehlaw hi chung ahhin, pafa-chan chawng in bawi ṭuanmi zeizat dah an si i unau-chan rual in bawi ṭuanmi zeizat dah an si, timi cu ahohmanh nih hngalh khawh a si ti lo; an pupa chan a dot tete in an ṭial tikah, pafa le unau karlak thuat sualnak zawn tampi a um kho. Zeicatiah, hlan lio bawi phun nih an tuanbia cu "annih dih in annih a bawi" tiah bawi ṭuanmi minung zulh in an rak rel tawn.

Cucaah Pu Be Hmai nih a chimmi “Cinkhua ah chan 17 an um i Taizaang ah chan 3 an um; a dihlak ah chan 20 an si cang”, a timi le Cinkhua Hau Zaw bawi chanrelnak nih, “Taizaang tlaaktu Pu Hau Zaw chan in Pu Hre Mang chan tiang ah chan 21 a si”, an timi hi aa pehtonh kho ngaingai mi an si. Hi hna pahnih nih an chimmi cherhchan in, Taizaang khua tlaak caan thok in Cinkhua khua thar tlaak hnu, Pu Hre Mang chan tiang kha chan 20 cu a si hrimhrim cang, timi fiang tein a lang.

Tuanbia ahcun chan khat cu kum 25 in tuak a si caah, chan 20 ahcun {25x20=500} kum 500 a si. A.D.1948 in hun tuak ko usih law, 1948 chungah 500 kan zuh piak ahcun {1948–500= 1448} A.D.1448 a si. Cucaah kan pupa hna nih, Taizaang khua an rak tlaak cu A.D.1448 hrawngah a si lai, tinak a si.

A.D. 1448 hrawngah hin, kan pupa hna nih Taizaang khua an rak tlaak ko timi hi fianter khawhnak lam tampi a um lo. Ca chan a rak si lo caah hringsortu pupa hna chan tampi tiang dawi khawh a si ti lo. Sihmanhsehlaw fianternak lam pakhat cu a um. Lai miphun nih, "Kawl inn pilsim" timi hi kan rak ngei. Lai miphun nih "Kawl inn pilsim" kan rak ngeih lio caan hi Tuanbia thiam pawl nih A.D.1600 hrawng lio ah a rak si, tiah an zumh.

Cu he pehtlai in, atu Taizaang phanh lai ah khin "Kawl Thlan fing" timi hmun a um. Atu tiang zongah a um peng ko rih khih. Cinkhua kan pupa hna chimning ahcun "Kawl thlan fing" timi hmun khi, Kawl inn pilsim lio caan ah sal i an rak tlaihmi Kawl pawl ruak vuinak hmun a rak si, tiah an ti. Cucu a hman ahcun A.D. 1600 hrawngah, Taizaang ah khua a sami kan pupa hna hi inn pilsim kho khua ṭhawng an rak si cang, tinak a si hnga. Cu nihcun, Taizaang tlaak caan cu A.D. 1448 hrawng a si khawhnak lam, fiang tein a langhter ve. Kawl inn pilsim caan kong an tuakmi zong siseh, Taizaang tlaaknak caan kong tuakmi zong siseh, kum tampi in aa palh kho. Cucaah kan pupa hna bantuk in ca zong a rak ngei ve lomi miphun pakhat tuanbia ṭialnak ahcun, “kum 100 tiang i palh hmanh hi ruah thiam a si ko” timi tuanbia ṭialnak zulhphung ruahchih in, kan pupa hna nih Taizaang khua an rak tlaak caan cu A.D.1448 hrawng in tuak ko usihlaw, kum 100 nak tam cun kan palh hrimhrim lai lo, tiah ka zumh. Cucu tuanbia umkalning cherhchan in tuaktan khawhmi a si. A.D.1448 hrawngah Taizaang khua an rak tlaak ahcun, Cinkhua hi kum 572 tluk a um cangmi khua kan si, tinak a si hnga.

B. Taizaang Khua Tlaakning

Cinkhua hrinsor nih Pu Rung Nawn {Pu Rung Nawn cu Pu Hre Mang hringtu pa a si. Pu Hre Mang Cu Pu Ceu Ṭhai pa a si. Pu Ceu Ṭhai cu Pi Mang Tang pa a si} chan tiang ahkhan, kan thawhkehnak kongah zeihmanh hngalhmi an rak ngei rih lo. Cucu zeitindah kan chim khawh ti ahcun, Pu Rung Nawn chan lio ahhin, voikhat cu Maan Bawi tiah an rak auhmi Mirang ralkap sibawipa Cinkhua a rak phan, ti a si. Cu Mirang bawipa nihcun kha lio Cinkhua hruaitu le kan mifim pawl kha, “Cinkhua hi nan thawhkehnak khuazei dah a si” tiah a rak hal hna. Cu tikah, kha lio Cinkhua bawipa, Pu Rung Nawn nihcun aa bochanmi Cinkhua mifim Pu Ui Hnin (Hrang Kung pa) aa sawm i Mirang pa cu, "kan nih Cinkhua cu Taizaang in kan chuak ko" tiah an rak leh. Cu hnu ahcun, cu Mirang bawipa nihcun "a si lo, nan nih nan thawhkehnak cu, cu ticun a si..." tiah a rak chimh hna ti a si. Cucu Cinkhua nih avoi khatnak kan thawhkehnak kong kan rak theih a si.

Cucaah atu chan minung nih kan thawhkehnak kong kan ṭial tikah, cherhchan awk felfai ngaingai kan ngei kho lo; chim chinmi vialte fonh dih hnu ah a si bik rua, tiah ruahmi le zumhmi zulh in ṭialmi a si.

Cinkhua hringsortu kan pupa hna Lailun in Taizaang an rak phanhning kongah chimning aa dang cio. Hi kongah Cinkhua Diamond Jubilee lio ah kan pale nih an ṭialmi Cinkhua Tuanbia timi capar nihcun, “Lailun in an kal i Ramsa ah an rak tang ta. 'Ramsa' timi cu atu Falam peng, Lenhai pawngte ah khin a si. Lenhai ram chung ah a si i, Mangkheng bawi Pu Hlawn Ceu ram chungah a ummi a si. Cu ka ahcun, kum 20 hrawng an rak um. Cun an kal ṭhan i Bawi Sai hruainak in Saamphei (Hlawmphei) ah an rak i ṭhial. Saamphei ahcun, caan tawite lawng an rak um. Saamphei tlang a ummi hna nih, a hmunhma a ṭha, tiah Taizaang cu lo ah an rak thlawh. An lo ṭuannak in, Taizaang cu khua ah an rak tlaak beh. Taizaang Khua an tlaak lio i an hruaitu cu Pu Bawi Sai a rak si; amah nih ramuk bawi zong a rak ṭuan” tiah a ti. Hihi Cinkhua Diamond Jubilee lio ah kanmah Cinkhua kan pale nih an banhphanh khawh tawk in an hlathlai dih hnu ah an ṭialmi a si.

Salai B. Chan Khar nih a ṭialmi “Chin Miphun Thawhkehnak Tuanbia” timi cauk nihcun “Taizaang (Cinkhua) khua cu Thlanrawn khuahmun in an rak tlaakmi a si” tiah a ṭial ve.

Cinkhua tuanbia hlathlaitu kan pa pakhat a si vemi Pu Lal Cung nih Cinkhua Tuanbia a ṭialmi nihcun, “Lailun in Lenhai (ramsa tiah micheu nih auhmi he i khah dawh a si) ah kan rak kal. Ramsa in Hranhring ah kan rak kal. Hranhring in Thangsum (Aive tiah micheu nih auhmi he aa khat) ah kan rak kal. Thangsum in Taizaang hi kan rak tlaak. Taizaang in Hmunpi (Hmaikhah thohkehnak khua) ah a cheu an lan, a cheu Vanha ah an lan i a cheu cu Ngiangsa ah an lan” tiah a ti ve.

Hi he pehtlai in, Hmaikhah khua nih an thawhkehnak tuanbia an ṭialmi zongah, "Atu Hmaikhah khua taw ah khin, Hmunpi timi khua a rak um i cu khua cu Zokhua ral nih an rak ṭhio hna hnu in atu Hmaikhah khua an tlaaknak khi a si" tiah an ṭial. Cun, “Hmunpi timi khua a rak um lio hrawng ahhin atu Hmaikhah ram Ruazua timi hmun hrawngah khin atu Vanha khuami hringsortu an pupa hna cu khua an rak sa”, tiah fiang tein an langhter ve. Cu nih a langhtermi cu, Taizaang (Cinkhua), Hmunpi (Hmaikhah), le Ruazua (Vanha) khua hna tlaak hram an thok hna caan hi an hrawnghran aa khat pah hna, tinak a si.

An chimning aa lo cio lo; an ruahning aa dang cio. Sihmanhsehlaw Lailun in Taizaang ah zei-ti-set in dah an rak luh, timi kongah ruahning aa khah khawh dih lomi nihhin kan tuanbia a hrawk hlei lo. Taizaang kan rak luhning phun dang deuh in kan zumh le kan ruahmi hi a si awk hrimhrim a si; ruat ko hna usih, a poi lo. Ca chan a rak si lo caah kha lio caan kong kha a hohmanh nih “na hman, na palh” ti khawh a si ti lo; ruahning le zumhning cio in ṭialmi le chimmi lawngte an si dih.

A cunglei kan langhtermi ruahning pathum leng zongah, ruahning dang a ngeimi zong kan um ko rih lai. Hi kongah ruahning zeizat a chuah zongah, kan caah biapi bik simi kan tuanbia, ‘khua hlun le ram ngeitu miphun’ kan sinak cu a rawk hlei lo; an dihlak in mi hlun kan sinak fehtertu lawngte an si. Ca pakhat hmanh a ngei ve lomi kan pupa hna thawhkehnak le ṭhut umning tuanbia hi pakhat hmanh palh bak loin hngal kho dih usihlaw, Cinkhua hrinsor cu nizan tihni tein aa thokmi miphun kan si, tinak kan si hnga.

Lailun le Taizaang karlak kan pupa hna umkalning kongah kan ruahning aa khat kho hna lo nain  Lailun in a rak rami Laimi hlun kan si ve, timi ahcun kan i khat dih. Cun, Chin miphun nih Chin ram an rak tlaak lio caan le Chin ram ah khuasak hram an rak thok lio caan hrimhrim in a um ve cangmi khua hlun le ram ngeitu miphun kan si; mipem phun kan si lo. Sal caah tlaih chommi miphun zong kan si lo. Ram tlaaktu le hmawng ṭhiamtu mi hlun kan si ve, timi zongah kan i khat dih. Cucu kan miphun tuanbia ah a biapi bikmi a si.

Kan pupa hna nih Taizaang khua an rak tlaak ahhin, hrinphun zeizat dah an rak si, timi kong zongah hin ruahnak le chimning phun dangdang in a um. Cinkhua Golden Jubilee lio ah kan pale nih an rak ṭialmi Cinkhua Tuanbia ahcun, hrinphun pakua nih Taizaang khua hi an rak tlaak, tiah an ṭial. Cu hrinphun pakua hna cu: 1. Hau Zaw Hrinphun, 2. Ceupa Chung Hrinphun, 3. Ṭial Hup Hrinphun, 4.  Lian Tling hrinphun, 5. Mual Cin hrinphun, 6. Al Hluan hrinphun, 7. Kawng Thun hrinphun, 8. Khup Zawn hrinphun, le 9. King Bawl hrinphun hna an si.

Sihmanhsehlaw kan Pu Hre Mang nih a nun lio ah a ṭial taakmi Cinkhua Tuanbia ahcun, Taizaang khua cu hrinphun hleihnih nih an rak tlaak, tiah a ṭial ve. A cunglei ah kan langhtermi hrinphun pakua lengah, Mual-am hrinphun, Za Hre hrinphun  le King Bawl hrinphun a telh chih hna. Hi kong ahhin, atu ah a nung rihmi Cinkhua kan pale tam deuh nihcun Taizaang tlaaktu cu hrinphun pakua an rak si, tiah an ruah cio. Mual-am hrinphun timi le King Bawl hrinphun timi hi an tuanbia zulhdawi khawh awk in an um ti lo. Taizaang lio ah a rak um vemi an si le si lo zong ahohmanh nih hngalh fiannak kan ngei kho ti lo. Cun Taizaang tlaaktu hrinphun lakah, Rual Hleng hi telh ve lengmang an si. Sihmanhsehlaw anmah Rual Hleng hrinphun nih an tuanbia an ṭialnak ahcun, Rual Hleng cu Cinkhua khua hlun tlaak hnu deuhpi ah Buhlun in a rak i ṭhialmi kan si, tiah an ti. Cun, Za Hre hrinphun nih an tuanbia an ṭialmi ah “Hau Zaw bawi pa fanu le Mang khuami ralbawi pa he an hrinmi, Pu Za Hre in aa thokmi kan si”, an ti caah Taizaang ahcun an rak um rih lo, timi fiang tein a lang. Sihmanhsehlaw Cinkhua Tuanbia Cauk caah, Cinkhua hrinphun kip nih kan tuanbia cio kan ṭial tikah, fiang tein a langmi cu Taizaang chan lio in a rak um cangmi hrinphun pariat an rak si, tihi a si. Cu hna cu: 1. Hau Zaw Hrinphun, 2. Ceupa Chung Hrinphun, 3. Ṭial Hup Hrinphun, 4. Khup Zawn Hrinphun, 5. Mual Cin Hrinphun, 6. Kawng Thun Hrinphun, 7. Lian Tling Hrinphun, le 8. Al Hluan Hrinphun hna an si, timi hngalh khawh a si. Cu kong cu fiang deuh in, "Cinkhua Hrinphun Min le An Thawhkehnak" timi kan ṭialnak Dal (5) Nak chungah kan langhter ṭhan lai.

C. Leilaw Khua Kong

Leilaw khua hi zeiruangah dah Cinkhua tuanbia chim le ṭial poh ah telh a si ve lengmang, timi tawifiang tein hun langhter khawh kan i zuam lai. Leilaw khua hi pupa hna nih an chimnak ahcun, atu Farawn khua le Fiarti khua ram chungah khin rak um dawh a si. Fiarti le Farawn nih an khua tlaaknak tuanbia an ṭialmi ah “Farawn le Fiarti khua cu Leilaw ram chungah tlaakmi an si” tiah an ṭial. Fiarti khua tlaaknak tuanbia ah an langhtermi cu “Leilaw khua cu Cinzah bawi, Pu Than Thuan nih a rak uk” tiah an ti. Annih tuanbia cauk nih a langhterning ahcun, Leilaw khua hi Cinzah tlaakmi le ukmi khua si dawh a si. Sihmanhsehlaw Cinkhua kan pale nih Leilaw tuanbia an ṭialning ahcun, Mangkheng bawi Pu Hlawn Ceu fanu Pi Bawi Ṭial le a pasal Pu Lian Tling nih tlaakmi le ukmi khua a si, tiah an ti ve.

Hi pahnih karlak ahhin a hman deuhmi zeidah si, ti cu ahohmanh nih hngalh khawhmi a si ti lo. Sihmanhsehlaw thil a um khomi pakhat cu, Pi Bawi Ṭial pasal Pu Lian Tling hi Cinzah hna a rak si hnga maw? Asilo ah, amah Cinzah siloin a tlaakmi khua Leilaw khua kha Cinzah bawi nih an hun uk bia tu dah a si hnga, timi cu hohmanh nih fiang in kan hngal kho lo. Zeibantuk a si hmanh ah, Leilaw khua tuanbia le Cinkhua kan pupa hna tuanbia pehtlaihnak a ngeih caah kan pupa hna nih an chimmi a tanglei ah ka hun langhter lai. Cinkhua Diamond Jubilee lio ah an rak ṭialmi, Cinkhua Tuanbia nih Leilaw khua kong a langhterning cu hiti hin a si:

Samphei an rak um lio ah Pu Lian Tling, timi pa nih Mangkheng ramuk bawi Pu Hlawn Ceu fanu Pi Bawi Ṭial a rak ṭhit. Cu tikah Pu Lian Tling le a nupi Pi Bawi Ṭial cu Samphei lei ah kalter loin, Pu Hlawn Ceu nih Leilaw ah khua thar a rak tlaakter hna. Cucaah Leilaw khua ahcun, Pu Lian Tling cu a minung tlawmpal (Hlawn Ceu minung) he an rak um i amah cu ramuk bawi a rak ṭuan.

Cun Cinkhua pupa hna Taizaang khua i an rak um hnu ah, Leilaw khua tlaaktu le ram ukbawi a simi Pu Lian Tling cu ral nih an rak thah. A innpi zong mei in an rak khangh piak dih. Cucaah a nupi Pi Bawi Ṭial le a fapa cu venghimtu ngeilo ngakṭah dirhmun ah an rak can caah, an pu Mangkheng bawi, Pu Hlawn Ceu sin i va um ding in an rak kal. Sihmanhsehlaw Pu Hlawn Ceu nih "Nehbung khirh cu a ṭha hnga maw, khuavang (an mah lio chan i prophet bantuk ah ruahmi, khuachia umpi mi) kan hal rih tuah lai", tiah a rak ti hna.

Cun Khuavang cu an hal tikah, "nehbung khirh cu a ṭha lo, nan thi lai" tiah a rak ti hna. Cucaah Pu Hlawn Ceu nih cun, "ka fanu zei ti awk ṭha hlah, thih nak cun nun cu pei kan duh deuh cu. Na miphun hawi, na (pasal) rualchan umnak khua, Taizaang tu ah va um ko uh", tiah a rak ti hna. Cu ticun Pu Hlawn Ceu nih thlahtu le um pitu minung zei mawzet he Pi Bawi Ṭial le fapa cu Taizaang lei ahcun a rak kalpi hna i Taizaang ah khua an rak sa. Hi lio caan i Taizaang khua uktu bawi cu Pu Bawi Sai a rak si rih ti a si.

Hi Leilaw khua tlaaknak kong te hi zeiruangah dah, kan khua tuanbia ah langhter a herh, ti ahcun hi khua hi Fiarti khua tlaak a rak si lio ah khin khua hlunpi a rak si cang, ti kha Fiarti khua tuanbia nih fiang tein a langher. Cu lio caan hmanh ah khua hlun tuk a rak si cangmi Leilaw khua tlaak caan cu le Cinkhua kan hringsortu hna nih Taizaang khua an rak tlaak caan hi aa hlat tuk lo, ti khi hi tuanbia hmang in kan hngalh khawhmi a si. Hi nih hin, Taizaang khua a hlunh le a tar cang ning fiang tein a langhter.

D. Taizaang Khua Min Saknak

Hlan lio tuk thil a si cang caah le ca in ṭialmi tuanbia a ngeimi miphun kan si lo caah Taizaang min saknak kong zongah ruahnak phunphun a um. A cheu nih an chimning ahcun, Cinkhua kan pupa hna Samphei tlaang an rak um lio ah, atu “Taizaang” kan timi hmun ah khin lo an rak tuah, ti a si. Ni khat cu Bungbu cerh kan timi zawn ah khin lo a vaatmi pa pakhat cu cakei fano cawm liomi nih a rak tlaih. Cucaah cu mipa cu “ka thi lai e, ka chuah hnawh u law”, tiah a rak au ti a si. Cu tikah, lo a vaat vemi a hawile nih an chuahhnawh i mipa cu cakei kaa chung in an rak khamh. Cucaah, cukaa hmun cu “kan thazaang thawnnak in cakei kan thah khawh”, tinak caah "Taizaang" tiah min an rak sak, tiah an ti. Cu bantuk in a chimtu hna nihcun “Taizaang” timi cu“Thazaang” timi biafang in aa thokmi a si, tiah an ti.

Sihmanhsehlaw Taizaang min kongah kan pale cheukhat nihcun "Taizaang tihi khi hrawng hmun-ram vialte uktu le ngeitu khuachia min a si. Tisum cerh ah khin Taizaang timi khuachia cu a um, tiah kan pupa hna nih an rak ruah caah Hau Zaw nih a biak zong an rak biak. Cucaah zeidang siloin kha lio caan ah kan pupa hna nih khuavang sin in maw, an mangmui in maw, khi hrawng hmun-ram uktu khuachia bawi min an rak hngalhmi cherhchan in sakmi min a si ko" tiah an ti ve.

Cu kong zong ahcun ahohmanh nih a hman deuhmi hngalh khawhnak lam kan ngei lo. Lungtlap cungah ṭialmi tehte zong siseh, catlap cungah ṭialmi tehte zong siseh, zeihmanh ngeihmi kan ngei lo. Sihmanhsehlaw zeiruangah dah "Taizaang" tiah an auh, tinak in a biapi deuhmi cu "Taizaang" tiah rak auhmi khua cu a rak um taktak ko, ti khi a si. Zei bantuk ruang i min an rak sak zongah, Taizaang khua timi a um taktak zia langhtertu le fehtertu lawngte an si dih ko.

E. Taizaang Khua A Umnak Hmun

Taizaang khua cu Sakhibuu tlaang tang zawn ah a um i, Zawngkhaan va le Ti-awk va nih an kulh. Sea level: 4900ft hrawng ah a um. Latitude: 22.623809°, Longtitue: 93.749797° hrawng ah a ummi a si. Atu lio pehtlaihnak lam umtuning hawih in chim ahcun, Hmaikhah khua le Aive khua karlak mawtaw lampi tang zawn khi Taizaang khua a rak umnak hmunpi cu a si.


Dal (2) Nak

Cinkhua Khua Hlun Tlaaknak

A. Cinkhua Khua Hlun Thlaaktu Hna le Tlaak Caan

Cinkhua khua hlun tlaakning le tlaak caan hi fiang tein hngalh khawh a si lo. Kan pupa nih ca in record an chiah takmi pakhat hmanh a um lo caah, tuanbia kalning le a nung rihmi kan pale hna chimh chinning ruah damh chih chom le pehtonh chom in ṭialmi a si. Cucaah palhnak le tlamtlinlonak tampi a um kho. Sihmanhsehlaw kan ti khawh tawk lakah a ṭha bik le a hman bik rua, tiah ruahning in Cinkhua khua hlun tlaaknak tuanbia cu ṭial khawh kan i zuam lai.

Chin Miphun Tuanbia umkalning zoh tikah kan pupa hna nih Taizaang khua an rak tlaak hi A.D. 1448 hrawngah a si lai, tiah ruah a sinak cu a cunglei ah kan langhter cang. “Lai History in Lai” timi cauk nihcun, “Taizaang ahhin chan thum hrawng lawng khua an rak sa” tiah a ṭial. Nain Cinkhua tuanbia hlathlaitu kan pale cheu khat nihcun, “Taizaang ah a tlawm bik chan hra hrawng cu rak um dawh an si ko” tiah an chim ve. Cinkhua Tuanbia hlathlaitu Pu Hniar Hu nihcun “Taizaang ahhin kum 250 kan rak um” tiah a ṭial. Cun Cinkhua Hau Zaw bawi pupa chanrelnak nihcun, Taizaang khua um caan hi chan kua in a rel. Kan chim cang bang, hlan lio bawi chan relnak cu "bawi ṭuanmi minung" zulh in rel a rak si caah pafa siloin unau a simi zong chan dangdang ah relmi an tampi khawh ve caah chan kua in lak awk a ṭha dih ve lo. Hi bantuk in miphun tuanbia hngaltu hna nih an chimmi, miphun tuanbia ṭialtu hna nih an ṭialmi le Hau Zaw bawi chanrelnak cherhchan in, Taizaang ahhin chan hra {kum 200} nak tlawm deuh lawng kan rak um, tihi fiang tein hngalh khawh a si. Chan hra nak sau Taizaang ah kan pupa hna khua an rak sa, timi tehte pakhat hmanh hmuh awk a um lo.

Cucaah Taizaang ahhin a sau bik ah kum 200 tluk um in kan tuak ahcun, Taizaang khua tlaak kum hrawng a si lai, tiah kan langhter cangmi A.D. 1448 ah a dang kum 200 kan hun chap ahcun {1448+200 = 1648} A.D.1648 a chuak. Cucaah Taizaang in Cinkhua khua hlun an rak tlaak hi A.D.1648 hrawngah a si lai, tiah tuanbia kalning zulh in ruahdamh khawh a si. A.D.1648 hrawngah Cinkhua khua an rak tlaak ahcun, Cinkhua khua thar tlaak cu A.D.1971 ah a si caah Cinkhua khua hlun ahhin, kum 323 chung hrawng an rak um manh, tinak a si hnga.

Zeiruangah dah kan pupa hna nih Taizaang khua an rak chuah taak, timi hi fiang tein hngalh khawhmi a um lo sihmanhsehlaw Cinkhua tuanbia hlathlaitu hna nih an chimmi tete pehtonh in hngalh banh tawk in a tanglei ah kan hun langhter lai.

Taizaang an rak um lio ahhin, Cinkhua hrinsor a kan hringsortu hna hi Kawl inn pilsim, Kawl sal tlaih, sal zuat le sal cawk a hmang ngaingai mi an rak si, tihi an bia le an hla in hngalh khawh a si. An hlapi pakhat nih hiti hin a ti, “Ni Kawi na pa hung au law…,donh chin sangpar in nitin ṭuan zai rel lo, Lai rel zuu pawng ah cia khar kan run inn zil leng ee” ti a si.

“Donh Chin Sangpar” timi hi kan pupa chan ah an rak ngeihmi “ṭhin ṭhang” tinak a si. “Cia Khar” ti cu “Mah nih ṭuan le kawl loin mi ṭuan cia a tomi” tinak a si. Cucaah hi hlapi nihhin kan pupa hna lakah anmah rian ṭuan tuk hau lem loin sal nih rian ṭuan piakmi le bawi bantuk in khua a sami an rak tam, timi a langhter.

Cu bantuk in bawi lungput a ngeimi le aa porhlawmi an rak si caah Taizaang khua lu ah khin, Hau Zaw hrinphun chungmi Pu Pa Hriang timi pa nih Namte a rak khaan. “Namte khaan” timi hi kha lio chan thilsining ahcun “a ngamhmi poh nih rak kan do u” tiah raltuk sawmnak hmelchunhnak a rak si. Pu Pa Hriang namte khaannak hmun cu, nihin ni tiang ah Sakhibu Fing i Bahhtawnglung timi zawn hrawng ah khin a um peng ko rih.

Cinkhua kan pale cheukhat nihcun, cu namte cu Ral Lawn (Run raal) sia kawl pawl nih an rak laak, tiah an ti. Sihmansehlaw Pu Hre Mang ṭialmi cauk ahcun, “cu naamte an khanmi cu Sunthla le a pawngkam khua an i sawm i an lak. Sunthla bawi nih na naam khan cu keimah nih ka lak kan i do lai, tiah Taizaang bawi sinah thawng a thanh. Cu tikah, Sunthla khua le a kiangkap khua vialte khua pakua fonh nih Taizaang khua cu an rak tuk. Hi tan ahhin, Taizaang khua cu an sung” tiah a ti.

Sihmanhsehlaw an naamte khaanmi latu cu, Run Ral (dongthlang) an si a titu hna nihcun, tihi hin an chim ve. “Dongthlang khua vialte cu an i sawm dih i Taizaang khua cu doh hram an rak thok. Taizaang cung tlaangpi khin lungtum an rak hrilh hnawh hna. Atu Ralriah timi rawn ah khin, an ral pawl cu an rak riak tawn. Cu ticun, Dongthlang ral nihcun kum fate Tho thla (October) a dih sin hrawngah khin Taizaang khua cu an hung doh zungzal. Cucaah kan khua a him ti lo, tiah kan pupa hna cu a him deuhmi khua dang tlaak ding in hmunhma kawl hram an rak i thok” tiah an ti ve.

Hihi Taizaang khua ṭio hram aa thoknak ralpi cu a si. Dongthlang ral nih an ṭhio hna le Falam ral nih an ṭhio hna cu ahohmanh nih kan hngal kho ti lo. Sihmanhsehlaw Taizaang khua cu khua tampi fonhmi ral nganpi nih an tuk hna caah an rak ṭio, timi cu fiang tein hngalh khawh a si. Hi caan hi, Cinkhua bawi, Pu Mang Vung chan lio ah a rak si lai, tiah zumh a si. Zeicatiah Hau Zaw bawi, Pu Mang Vung le Pu Hrang Chawn cu khuachia sin raithawinak kongah an min a langṭimi an si i Pu Hrang Chawn cu Cinkhua (khua hlun) tlaak ding in ram an rak halh lio caan zongah, a min a lang ngaingai mi pa a si. Phun dang in kan chim ahcun, Hau Zaw bawi Pu Mang Vung le Kawng Thun hrinphun chungmi, Pu Hrang Chawn chan lio ah Cinkhua khua hlun an rak tlaak hi a si.

Pu Mang Vung le Pu Hrang Chawn hna nih khua thar tlaaknak hmun an rak halhmi cu “Cintu” tiah rak auhmi Cinkhua khua hlun khi a rak si. Khua an halh lio hrawng ahhin, khua halhtu minung hi an rak bau lengmang ti a si. Cu bantuk in milu an bau lengmangmi cu, Pu Hrang Chawn nih a ruang hngalh a duh caah milu an bau tawnnak leikap a si rua, tiah a ruahmi hmunhma lei ahcun amah a rak kal ti a si. Cu a kalnak hmun cu, Cerh tiput a umnak hmun a si caah “Cerh Ceu” tiah min a rak sak. Cukaa zawn ahcun, Pu Hrang Chawn nih Ngalraang a rak hmuh, ti a si. Ngalraang nihcun, rang taktak in a hun zuam hnawh nain Pu Hrang Chawn nih fei in a hnaak sen ah pem phut in a rak sawh i a thi, ti a si.

Cu hnu cun, kan ral kan thah khawh cang caah kan him cang lai, an rak ti. Sihmanhsehlaw khua halh ah a kalmi chung in milu cu an rak bau lengmang ṭhan. Pu Hrang Chawn nih zeiruangah dah milu kan bau lengmang ṭhan timi hngalh a duh ṭhan caah, milu an tlau tawnnak a si rua, tiah a ruahmi hmun leikap ahcun a uico he an rak kal ṭhan, ti a si. Tlaang an hun chuah deng ah khin, ‘Marau’ timi rul nganpi nih a rak zuan hnawh hna. Sihmanhsehlaw Pu Hrang Chawn cu khulrang in a zuang i ruaphur cungah a kai; aa rian ranh tuk caah a vainam a rak thlak sual ai. Ruaphur cu rulpi nihcun a ngerh cutmat i Pu Hrang Chawn cu thah a timh. Cu lio ahcun, a vansan tuk ah khin, Pu Hrang Chawn cu “Maw.., ka uico pi aw, ka vainam kha hun ka chan kho law hi rulpi hi tan thum ah ka chuah ko ṭung hnga mu”, tiah a rak au ruangmang, ti a si. Cu ahcun, a uico nihcun a kaa in a namte cu a seh i Pu Hrang Chawn cu a rak chanh. Cucaah Pu Hrang Chawn nih rulpi cu a rak thah khawh, ti a si. Hi rulpi a rak umnak lungkua hi “Cinkhua khua hlun Vahzaang thliam hrampi, Pu Zam Ling pate innhmun le Pu Hniar Hu pate innhmun karlak ah khin a rak um, ti a si. Rulpi rak umnak a si, tiah ruahmi lungkuapi cu Pu Zam Ling pate nih rawl chuannak zongah an rak hman rua. Ruaphur pi bel cu a mui hmuh awk in a rak um ti lo nain a umnak zawn cu zapi hngalh cio awk in a rak um. Cu bantuk in khua tlaaknak ding caah dawn hrawntu a simi kokek ral vialte an rak thah dih khawh hna hnu ahcun, “Cintu” cu khua ah an rak tlaak khawh ti a si.  Hi Cinkhua khua hlun tlaak lio caan ahhin, Cinkhua hrinsor cu Hau Zaw bawi hruainak tangah an rak um. Cucaah, Taizaang in Cinkhua khua hlun ah khua ṭhialtu cu, Hau Zaw bawi Pu Mang Vung hi a rak si lai, tiah zumh a si. Sihmanhsehlaw khua a va tlaaktu cu, Pu That Luai nih a chimmi Pu Hrang Chawn le Pu Lian Kip hna leng in midang min khawncher khawhmi zeihmanh kan ngei kho ti lo. Cucu Cinkhua khua hlun an rak tlaakning cu a si.

Kan chim lengmang bantuk in, Cinkhua khua hlun an rak tlaak kum taktak cu Pathian lawng nih a hngalh khawhmi a si cang caah an tlaak kum langhter hi thil harsa ngai a si. Sihmanhsehlaw a cunglei ah kan langhter cang bantuk in, Taizaang khua ah a sau bik kum 200 hrawng lawng an um ahcun, A.D.1648 hrawngah Cinkhua khua hlun cu an rak tlaak, tinak a si hnga. Hihi Chin miphun tuanbia ṭialtu, Pu Chawn Kio nih "Zokhua khua cu A.D.1700 hrawngah tlaakmi a si" tiah a ṭialmi he zong aa zul ngaingai. Hi he pehtlai in, Pu Chawn Kio nih Hakha Peng khua vialte lakah Cinkhua, Chuncung, Hranhring, Hniarlawn, Tiphul le Aive khua hna khi tlaak hmaisa bikmi an si, tiah a ti. Cucaah, Zokhua khua nak in Cinkhua khua hi upa deuh si dawh a si. Cucaah Cinkhua khua cu A.D.1648 hrawnghrang i rak tlaakmi a si, tiah kan timi hi kum tam tuk cun aa palh lai lo, tiah ka ruah.

B. Cinkhua Khua Min Saknak

Cinkhua khua ah a ummi miphun kha Cinkhua hrinsor, tiah auh kan si. Cucaah zeitindah "Cinkhua" timi min hi a chuahning a si, ti hi fiang tein kan hngalh a herh ve. Sihmanhsehlaw Cinkhua khua min saknak kong zong ahhin, Cinkhua kan pale lakah ruahning le hngalhning dangdang a um. A pakhatnak ah, ‘Cin’ timi hi minung min siloin hmunhma/thil min tu a si, tiah a cheu nih an ti. "Cinkhua" timi hi "Cin" timi hri min in aa thokmi a si tiah, Cinkhua tuanbia thiam kan pale nih an chim cio. "Cin Hri" timi hi zei a si set, a hngal fiang lomi kan tampi lai caah Cin Hri cu zeidah a si, timi a tanglei ah tawite in kan fianter lai:

"Cinhri” cu vanlei ah hram a thla i vawlei lei ah a zaammi hri a si. Hi Cin Hri hi kan pupa hna chan ah biapi ngai ah an ruahmi le sunglawi ngai in an rak hmanmi hri a si. Kan pupa hna nih khuang an cawi le pasawm an rel caan ah, minung leikap sunparnak tuah awk vialte an tuah dih hnu ah, an thih hnu kalnak ding lam i sialnak an rak tuah tawn.

Cu thih hnu kalnak ding lam sialnak an tuahning cu hi ti hin a si: an inntual in an inn cung thlungkhum tiang khi hlei an rak donh. Cu an donhmi hlei ahcun, Cinhri hi an rak zam tawn. Cucaah Cin Hri cu mithi vehnak le mithi thlarau ṭumkainak ding tlaihtleng caah an rak hmanmi hri a si. Cinhri nihcun a zaamnak ah hmunhma kaupi a khuh. Cinhri nih a khuhnak hmun cu “Cintu” {Cin hri nih a zelhmi tuupi tinak a si} tiah auh a si. Cu “Cintu” timi hmun cu atu Thlabawm tiah auhmi Cinkhua khua hlun lukaa ah khin a rak um.

Cukaa hmun i a ummi khuachia cu kan pupa hna nih “Van ruah Ngeitu” khuachia an si, tiah an rak zumh. Cucaah Hakha peng khua tampi nih van ruah a san kum poh ah, zuupu an hun i cukaa hmun ahcun van ruah an rak hal tawn" tiah an ti.

Atu 'thlabawm' kan timi zawn ah khin ‘Pan’ tiah auhmi thingkung nganpi a rak um. Cu Pan kungpi cu Cinhri nih a rak zelh dih; cu cinhri hram cun ti a rak chuak fawn. Cu ti chuahnak Cinhri hrampi cu kan pupa hna nih an rak biak. Zawtfahnak, kangh-ṭiamnak le rawhralnak an ton caan poah ah, cu Cinhri hrampi ah a ummi tii cu an than i raithawinak an rak tuah tawn. Cu bantuk in an rak biakmi le raithawinak zongah an rak hmanmi ti chuahnak thingkungpi a zeltu Cinhri min cherhchan in "Cinkhua" timi min hi sakmi a si, tiah micheu nih an chim. Hi hna chimning ahcun, “Cinkhua” timi min cu, cu khua ah a ummi miphun min cherhchan in sakmi a si lo; a khua umnak hmunhma min cherhchan in sakmi tu a si.

Sihmanhsehlaw Cinkhua tuanbia ṭialtu kan pa, Pu That Luai nihcun Cinkhua min saknak kongah phun dang deuh in a chim ve. Annih a chiming ahcun, "Cinkhua” timi cu "Cin" timi miphun kan sinak cherhchan in sakmi a si, tiah a ti. Cucaah Cinkhua khua hlun tlaaktu Pu Hrang Chawn nih "Cin" miphun min a tlau sual nakhnga lo caah ‘Cinkhua’ tiah khua min ah a rak pekmi a si" tiah a ti. A sullam cu “Cinkhua” timi hi a hmuhma min cherhchan in sakmi a si lo, cu khua ah a ummi miphun min cherhchan in sakmi a si, tinak khi a si.

Hi kong zong ahhin ahohmanh nih 'nang na palh, nang na hman' ti khawh nak kan ngei lo. Sihmanhsehlaw Cinkhua kong hngaltu Chin Miphun tuanbia thiam hna le atu tiangah a nung rihmi Cinkhua kan pale tam deuh nihcun, "miphun min cherhchan in sakmi siloin a umnak hmunhma min cherhchan in sakmi tu a si deuh" tiah an ruah.

D. Cinkhua Khua Hlun A Umnak Hmun

Cinkhua khua hlun cu Thlabawm tlaang tang, Hleisang va le Siaksang va karlak ah khin a rak um. Sea level: 3940ft hrawngah a um i Lat:22.618386° Log:93.733931° ah a ummi khua a si. Cinkhua khua hlun hi sangpi sang 4 ah aa ṭhen: 1. Vah Zang Sang, 2. Zuu Mei Sang, 3. Laikua Sang, le 4. Sangte Sang tiah auh an rak si. “Bualpi le Kamkak” tiah auhmi a rak um ve nain a nung rihmi kan pale nih hi pahnih hi cu sang min an si lo, sang pakhat chungah aa khumhmi min an si, tiah an ti. Cinkhua khua hlun hi tlaang nganpi tang hawrkuang chungah a rak ummi khua a si. Cinkhua kan pale cheukhat nihcun, “hawrkuang chungah a ummi khua a si ruangah zawtfahnak a rak tam deuhnak zong kha si rua” tiah an ti.

 

Dal (3) Nak

Cinkhua Khua Thar Tlaaknak

Cinkhua khua hlun in atu kan umnak khua thar an rak tlaak hi, A.D.1971 ah a rak si caah atu kan umnak Cinkhua khua thar i kan umnak hi atu 2022 cun kum 51 a tling cang, tinak a si. Cinkhua khua thar tlaak lio ah upa lungfim a si cangmi, nihin tiang a kan nunpi rihmi kan pale zong tampi an um rih caah Khua Thar tlaaknak tuanbia cu a hngaltu kan pale hna chim cioning fonh in, aa dawh bik le a tling bik in, ṭial khawh kan i zuam lai.

A. Hmaisabik Timhtuahnak

Kum 300 leng khua kan rak saknak Cinkhua khuahlun cu a thurhnawm, a hmunhma a bi, inn dang chuah le inn thar saknak hmun a har i a nichuah le nitlak a ṭha tuk lo. Cucaah hmunhma a ṭhat deuhnak hmun ah khua ṭhial ding tiah khuapi saduh an rak that. Cu timhtuahnak le saduhthahnak an rak ngeihmi ruang ah, A.D. 1953 kum ah tlangkaa, Pu Tum Herh {Ngun Nawl pa} hmun i sianginn tiang zong rak sak kha a si. A.D. 1954 in A.D. 1959 kum tiang, cu kaa hmun ahcun sianginn rak kai a si. Atu chan ah Pu Tum Awi {Than Cung pa} hmun tiah hngalhmi zawn ahkhin, sianginn bawda rak sak a si i cu kaa ahcun Cinkhua Private Sianginn ah avoi khatnak sianguk a ṭuanmi Sayaci Hniar Chum zong cu a rak um. Atu Hram Thlia te inn hmai i Tuaihmawng kungpi le lungrualpi khi, Sayaci Hniar Chum le a siangngakchia pawl nih an rak tuahmi a si caah “Hniar Chum parahnuai” tiah auh a si. Sihmanhsehlaw saduhthah bantuk in khua thar ṭhial cu a tlam a tlin khawh lo caah, sianginn le bawda cu A.D. 1959 kum ah khuahlun ah ṭhial ṭhan a rak si.  

B. Cinkhua Khua Thar Thlaaktu Hna le Tlaak Caan

 Kan upa hna lakah khua thar tlaak a duhmi an um bang, a duh lotu zong tampi rak um ve a si caah khua thar tlaak ngaingai a rak um kho lo. Cu bantuk khulcaan lio ahcun, ruah lopi in Cinkhua khua hlun inn 19 cu April 15, 1970 ah mei nih a rak kangh. Pupa ruahning ah, mei nih inn a kangh nak hmun ah inn thar sak colh cu a ṭha lo, ti a si. Cucaah a inn a kaangmi chungkhar hna cu, kaangbuk tuamh in caan zeimazat chung an rak um hna. Inn sak awk ṭha dirhmun le khul caan a hung phanh hnu zongah, cukaa hmun ah inn ṭha ṭha sak ṭhan a duh kho ti lomi zeimazat an rak um hna. Cucaah khuami tampi nih, inn kangh cianak hmun i inn ṭha sak ṭhan an duh ti lo caah khua phunphun an rak ruat cio hna. Kiangkap khua upa tete le khua ruat kho deuh ah ruahmi zong ruahnak an rak hal hna. Hi lio caan i Cinkhua khua chungah uknak lei hruaitu hna cu: 1. Pu That Luai {Khuabawi}, 2. Pu Do Zam {tlangpi}, 3. Pu Thang Ci {tlangpi}, le 4. Pu Nam Kung {tlangpi} hna an rak si.

Cu lio caan ahcun, Cinkhua khua cu inntung 64 an rak si, ti a si. Cu bantuk in ṭhut-umnak kong i lungrethei le lungtuai in an um lio caan hrawng ahcun, Cinkhua khua hlun in atu kan umnak khua thar ahhin, Pu Tum Herh le a chungkhar cu khua halh ah an rak riak, ti a si. Pu Tum Herh le chungkhar hna Khua halh in khua thar i an rak riah hi anmah chungkhar ruahnak lawng siloin khua thar tlaak kan hau ko cang, tiah a ruattu upa vialte khuakhaannak le hnatlaaknak in thlahmi an rak si. Cu khua thar halh i an rak riah zan cu, Febuary 7, 1971 ah a si. Cu zan cu, calendar kan zoh tikah Zarhpi zan a rak si. An rak riahnak hmun cu, "Cuantu hrukkual khenhnak" rawn tiah auhmi cuantang bawlung celtual chak innhmun ahkhin a rak si. Khuasik le thlizil hrang lakah, Ar a khuang lai dah khuang lo ti in, tuttului le thlanghnap sinah an rak riak. Hlan lio chan ahcun, “khua thar tlaaktu le tikhor huattu” hi an chan a tawi, an thi tuan rak ti a si caah ahohmanh nih an rak duh lo. Bawi pawl nih an salle kha hramhram in khuatlaak le tikhor huah hi an rak fial tawn hna, ti tiang in kan Lai miphun tuanbia cheukhat ahcun an ṭial. Sihmanhsehlaw Cinkhua khua thar tikhor huatu, Pu Tum Herh cu khua le ram dawtnak le zawnruahnak lungthin a ngeihmi ruangah thih tuanh le chantawi zong ṭih loin khua tlaaktu le tikhor huattu dirhmun cu, amah lungtho tein, a rak i thim. Cu lio caan ah, Pu Tum Herh sinah a rak riakmi cu a tanglei hna hi an si:

1. Pu Tum Herh

2. Pi Mang Can

3. Pu Ngun Nawl

4. Pi Sem Sung

5. Pu Zung Ceu

Atu cuantang tikhor hrukkual khenh cerh tikhor zong khi, anmah chungkhar huahmi cu a si. A cunglei ah kan langhter cang bantuk in, Cinkhua inn a kangh hnu ah khua upa te nih fakpi in ṭhut-umnak ding kongkau tuaktannak an rak ngeih cangmi tlamtlinhtu caah thlahmi an rak si, timi kha philh hna hlah u sih. Febuary 7, 1971 ah avoi khatnak an rak riah cu a si nain Khua Thar ah “inntung an hun bunh taktak hi cu, Febuary 19, 1971 ah a si” tiah Pu That Luai nih a ṭial. Pu Tum Herh chungkhar hna hnu ahhin, Pu Chia Hmung {Dar Awi pa} le a dangdang nih an hun zulh hna.

Kha lio caan ah, Cinkua khua uknak lei hruaitu lutlai cu Pu That Luai a si caah, amah hi khua thar tlaaknak he pehtlai in ṭuanvo ngan bik ngeitu le tuaktantu bik pakhat a rak si, timi fiang tein a lang. Cun Pu Tawk Mang hi khuapi chung rianṭuanmi kan pa pakhat a rak si bantuk in, Khua Thar tlaaknak kong ah cunglei bawi biaruah le zunglei ah a herhmi tete fakpi in a rak buaipitu a si caah, Khua Thar tlaaknak tuanbia ahhin philh awk a ṭha lo. Cu bantuk in, Cinkhua khua thar innhmun le khua umtuning muisam vialte a suaisamtu hna zong cu: 1. Pu That Luai, 2. Pu Do Zam, 3. Pu Thang Ci, 4. Pu That Chum, 5. Pu Ui Phen hna ṭhiam hi an rak si. Hi hna nihhin, innhmun vialte cu aungbali in an rak tuah i cucu mipi nih rak zuh cio, ti a si.

 A chungkhar he khua thar vawlei hmun ah a riak hmaisa bikmi le tikhor huattu a simi, Pu Tum Herh le chungkhar cu Cinkhua Khua Thar tlaaktu an si.  Khua ṭhialtu cu khua thar va halh le va riak ding in, Pu Tum Herh le chungkhar fialtu kha lio Cinkhua khua bawitlangpi kha kha an si ko. Khua tlaak hi pumpak in tuahmi siloin a buu in tuah i cozah le uknaklei nawlngeitu hna hnatlaaknak lak in tuah a haumi a si caah, aho khuabawi ṭuan lio ah dah khua thar an tlaak? Aho khua uktu ṭuan lio ah dah khua thar an tlaak? timi hi khua thar tlaaknak tuanbia ahhin biapi ngaingai a si ve tawn. Zeicatiah khawbawi le tlangpi hna minthutnak zulh in cozah nih zung record chiah phung a si. Cucaah Cinkhua khua thar tlaaknak record cu, nihin ni tiangah khua thar tlaaknak minthuttu upatmi kan pa, Pu That Luai min in a um peng ko rih.

Pu That Luai nih Cinkhua khua thar tlaaknak kongah, Febuary 19, 2016 ahkhan, rolung a phun. Cu rolung cung ahcun Pu That Luai nih “Cinkhua khua hlun in Khua Thar ah khua a ṭhialtu cu Kawng Thun hrinphun chungmi, Pu That Luai a si i Khua thar tlaaktu cu, Kawng Thun hrinphun chungmi, Pu Tum Herh a si”, tiah a ṭial.

Cinkhua khua thar ahcun inntung tlamtling deuh in a hung dir i khua puitling muisam a ken hnu, November 13, 1971 ah khua thar tlaak thlacamnak puai zong sunglawi tein an rak tuah. Cu thlacamnak program ahcun, Zokhua khua in Pu Lian Kham, Saya Thang Ṭhai, Rev. Hniar Kio, Pu Chan Ceu hna le Cinkhua Hakha ummi Saya Tawk Mang hna zong nih an rak telpi khawh hna. Cu thlcamnak program caan hmangtu hna cu a tanglei bantuk hin an rak si:

·         Chairperson – Rev. Phun Zam

·         Hram thok zapi hla – KHB No.388

·         Hlaremh – Cinkhua mino

·         Sermon – Rev. Hniar Ceu

·         Dongh thlacam – Rev. Phun Zam

Khua thar ah khua an sak a kum hnihnak ah, kan khua tungtlang a bit tuk caah biakinn hi cuan-cung lei ah sak si seh, tiah ruahnak a hung chuak. Cucaah inn dang dang ṭhial hlan ah, biakinn cu khua hlun in cuan-cung, atu Cinkhua Baptist Church biakinn pi umnak zawn ah khin, A.D. 1972 kum ah ṭhial a rak si. Biakinn ṭhial a si in kum khat tluk a rauh hnu, A.D. 1973 kum ah Rev. Phun Zam cu Cinkhua khua thar tlaakpi ding in peng nih hnatlaaknak rak ngeih a si caah Hmaikhah khua in an rak ra i March 16, 1973 zaan ah atu Mang Tang pate innhmun velchum hrawng ah khin, thliher le phuchim lakah a chungkhar he an rak riak ve. Atu tiang a nung rihmi, Rev. Phun Zam nupi Pi Par Thluai nih a chimning in, cu zaan i khua thar ah a riakmi Rev. Phun Zam chungkhar hna cu a tanglei ah langhtermi hna hi an si:

1. Rev. Phun Zam

2. Pi Par Thluai

3. Pi Sai Ṭial

4. Pa Biak Cung (tleicia)

Pi Par Thluai nih “ka fapa, Pu Dawt Mang ka rak pawi lio, thla thum ka si lio a rak si” tiah a ti. Cu ticun, fasem le naupaw he fikfa le thohmui lakah, Cinkhua dinti ṭha kan hmuh hlan chung vialte mi tampi nih kan rak tohmi, Zunghnin Cerh tikhor a huattu zong anmah chungkhar hi an rak si. Cucaah nihin Cinkhua khua a umnak hmunpi, Cuan-cung tiah rak auhmi hmun an rak tlaak cu March 16, 1973 ah a si i Cuang-tang tiah auhmi, khua hlun in an rak tlaak caan cu Febuary 7, 1971 ah a rak si.

Cinkhua khua thar tlaak lio caan ah hruaitu lutlai a rak simi, Pu That Luai nih Febuary 14, 2016 ah khan Cinkhua Khua Thar tlaak kum 45th tlinak puai sunglawi ngai in a tuah i rolung zong a inn hmai ah a rak phun. A.D 2016 ah kum 45 a tling a ti caah, A.D 1971 kum ah rak tlaak in a tuak ve, tinak a si.

Khuapi i ṭhial a si caah, voikhat ah dihlak in i ṭhial khawh dih a rak si lo. Khua ṭhial taak a siang lomi le a duh lomi zong cu tampi an rak um lai. Cun khuasak tintuknak relrem lo ruangah, tuan ah aa ṭhial kho lomi zong cu tampi an rak um ve lai. Cu bantuk a ruang phunphun ruang ahcun, A.D. 1983 kum tiang kha khua hlun in khua thar ah aa ṭhialmi an rak um rih. Cucaah Cinkhua khua thar tlaak chung cu a kum in tuak ahcun kum 12 chung a rau, ti khawh a si. A.D. 1971 ah ṭhial hramthok a si i A.D. 1983 ah ṭhial lim a rak si. Hi kum 12 chung vialte Cinkhua khuabawi tlangpi le khua upa vialte hna cu, an dihlak in Cinkhua khuatlaaktu ti khawh dih an si; si zong an si taktak fawn!

Hi khua thar tlaak caan chung i Cinkhua khua khuabawi caan sau bik a rak ṭuanmi hi Pu Ui Phen a si. Annih hi, A.D. 1976 in A.D. 1980 kum tiang, Cinkhua khuabawi a rak ṭuan. Phun dang in chim ahcun, khua thar tlaaknak kong ah nihlawh thazaang, thaithawh zanriah a dih heu bikmi hna lakah aa telmi kan pa pakhat a si ve. Pu Ui Phen a bawmtu hi Pu That Chum, Pu Hrang Cem le Pu Bual Ci hna an rak si. Annih zong hi, khua thar tlaaknak kongah khuabawi bantuk tein nihlawh sampal le lungthin ruahnak a rak chuah vemi kan pale an si ve. Hi hna leng ahhin, khua thar tlaaknak kongah chim khawh lomi le hngalh banh lomi retheitu kan pale dang tampi an um rih lai.

A cunglei ah kan langhter cangmi, khuatlaaktu kan pale vialte le khuatlaaknak kongah harnak le retheihnak tampi a tuar i ruahnak ṭhaṭha chuahtu kan pale vialte an dihlak in, Cinkhua hrinsor dihlak nih hi kan miphun tuanbia cauk hin upatnak kan pek hna.

 

Dal (4) Nak

Cinkhua Ram le Ramri

 

A. Cinkhua Ramri Fingtlaang le Tiva Hna

Cinkhua khua ramri kulhtu kiangkap fingtlaang hna le a ram chungah a ummi tiva hna an umtuning le sining tete hika ahhin, felfai deuh in kan hun langhter lai:

1. Tlaang Nganpi Pali Nih A Kulh

Cinkhua cu Chin Ramkulh khuali pi, Hakha khua in khaan 14 tluk a hlahnak ah a um. Sea level: 4500ft ah a ummi khua si. Cinkhua khua in nitlaak chaklei ah Zakitte tlaang, nichuah chaklei ah Hmung tlaang, nichuahlei ah Samphei tlaang, nitlaaklei ah Hria tlaang, tiin tlaang nganpi pi tlaang 4 kulh chungah a ummi khua dawh a si. Latitude:22.611458°, Longitude:93.732077° ah fiang tein zoh khawh a si.

2. Tiva Pali Aa Tonnak Cung Ah A Ṭhu

Cinkhua khua in nichuahlei ah Tihri tiva, nichuah thlanglei ah Dong tiva, nichuah thlanglei in a rung luangmi Laiva tiva, nitlaaklei ah Hlukkua tiva, tiah tiva ṭhaṭha pali aa tonnak cungah a ummi khua dawh a si.

3. Cinkhua Khua Ramri Bitkauh

Cinkhua khua ramri cu nichuahlei in nitlaaklei ah khaan 6, nichuah chaklei in thlanglei ah khaan 5 tluk a kau. Cucaah Cinkhua khua ram hi a dihlak ah 30 square miles hrawng a si.

B. Cinkhua Khua Ngeihmi Lopil le Thlawh Hmun Hna

Hika ahhin Cinkhua khua nih kan ngeihmi lopil le thlawh hmun min tlamtling tein langhter khawh kan i zuam lai. Hi lopil le thlawh hmun hna min hi an umnak hmun khuikaa set ah dah an si hna, ti zong a hngal ti lomi kan mino hna lakah tampi kan um cang lai. Kan fanau mino deuh hna cu, kan lopil le thlawh hmun pawl min zong a thei bal rih lomi hmanh kan um kho men. Cucaah a tanglei ahhin, kan lopil le kan thlawh hmun min vialte langhter khawh kan i zuam lai.

“Lopil” timi le “Thlawh hmun” timi hi aa dang. "Lopil" timi cu Cinkhua khuapi nih kum 3 voikhat in kan tlaak lengmang mi khi a si. Kum 3 chung khuapi nih caan khat teah, kan thlawh ṭimi khi ‘lopil khat’, kan timi cu a si. Cu lopil khat chung ahcun, ‘thlawh hmun’ tampi a um. Phun dang in chim ahcun, "Lopil" timi chung ahhin, Cinkhua khua nih kan ngeihmi thlawh hmun vialte kha, khuapi inntung he aa tlaak in, a phuphu tein ṭhen cheu i chiah dih an si. Khuapi caah hmakhat teah hun iphawt i thlawh cio awk zatawk in, an ṭhenmi phu khat kha ‘lopil pakhat’ tiah auh a si. Cu lopil chungah aa telmi hmun-hma dangdang cio kha ‘thlawh hmun’ tiah auh an si.

1. Lopil Min

Cinkhua khua inntung 60 hrawng kan rak si tiang ahcun, Cinkhua nih a ngeihmi thlawh hmun vialte hi lopil 12 ah an rak ṭhen. Sihmansehlaw milu le inntung kan hun karh i lopil pilkhat ah thlawh hmun tam tuk telh chih a hauh cang caah, atu ahcun Cinkhua ram cu lopil pil 6 lawngah ṭhen a si cang. Cu lopil pil 6 hna cu: 1. Haipi Pil, 2. Buan Pil, 3. Buhlun Pil, 4. Vaasum Pil, 5. Taizaang Pil, le 6. Pinpi/Cerpa Pil tiah auh an si.

2. Thlawh Hmun Min

Thlawh Hmun hi 68 kan ngei. Hi vialte hi, khuabawi le tlangpi nih ṭhen 6 ah an ṭhen hna i cu ṭhen 6 chungah ṭhen khat te kha khuapi nih voikhat ah lopil an tlaak tawn hna. Kan thlawh hmun 68 chungah zei vialte hi dah, zei lopil chungah a um, timi cu a kum kum in aa dang lengmang khomi a si caah langhter awk a ṭha deuh lo. Lopil khat hi a sau bik ah kum thum leng thlawh an rak duh lo; zeicatiah kum sau tuk thlawhmi lohmun cu thingkung a khoh khawh ti lo caah rampee ah aa cang beh, tiah ruah a si. Cu ticun, kum thum voikhat in khuapite cu lopil pakhat hnu pakhat in i ṭhial lengmang a si. Kan thlawh hmun cu an min tete in a tanglei ahhin, kan hun langhter hna lai:



Aitar

Arthial

Basah Khan

Bawinuṭhut

Buan

Buhlun

Bungbu

Caldep

Camdin

Cerpa

Ciadawi

Ekhai

Fang

Haipi

Hairawn

Haitu

Hluangsang

Inncung

Innthlang

Keizau

Khaal

Khaankual

Kharpa

Kheng Lo

Khuahru

Khualung

Khuangphir

Khuangṭhin

Kingki

Kumthluk

Lan

Leidir

Leisen

Lianṭhinglung

Limliam

Lungkhim

Mau

Mei

Minsung

Nalutarnak

Nanawn

Nilik

Ningsih

Phuansung

Pinpi

Ralriah

Rihlei

Rivanthlai

Ronghafiang

Sangriat

Sazaang

Sel

Siakawm

Suang

Suar

Taifiang

Taizaang

Tat-tu

Telteh

Thawlman

Thlepthlai

Thulzaang

Tianglei

Tibing

Tinaak

Tlumhmun

Tummual

Tumtuang

Umpu

Vaasum

Vaihlei

Vaiti

Vokbual

Vomkua

Zaar

Zawngkhaan

Zawngsih

Zawrzuan


 C. Tizu, Ngacel, Saram le Thingthei

Cinkhua tlaaktu kan pupa hna hi, khua tlaaknak hmunhma thim an rak thiam tuk; mifim an rak sinak a lang. Cinkhua khua nihhin khuami caah tizu-ngacel tampi a zuami tiva thianghlim pali a toh. Hi tiva pali hna ahhin, nga phunphun an um hna; nga pum, nga sang, ngahrah, phaile, saiṭang, hnarthua, ngarul, nga zun, lungkhui, ṭialṭareng, chambalaak, noknol, khingso le cangai tiang in an um dih. Hi tiva pali hna leng ahhin ngapum, cangai le kingkuar pawl lawng umnak tivate dang kan ngeih len rih hna.

Cu lengah, Cinkhua ram hi khuate dang Hmaikhah, Aive, Hrawngvun le Zokhua hna karlak te ah aa tenhmi ram a si nain saram phunphun an um ve hna; zukneng, vom, ngal, saza, sakhi, sakuh, zawng, saihrem, saphu, titang, tlangtang, ram-ui, sa-ui, sahuai, vuarvok, hrangngawn, pavuak, keivang, thithiap, tleng, ngau, sathar, canghngia, sahngar tiang in an um dih.

Kan ram chung ahhin, ram va phunphun zong an um hna; Vazun, vahui, ṭhuro, bungkuruk, kualo, buangro, ṭhawngṭhawt, varit, valah, vaking, vavu, vakar, thlaiberh, suangcuar, uihleihli, bongte, bongpi, vasir, vaa-uk, vabuk, vacirh, tektek, zuan niang,  langaak, kaite, mupi, fiangfairock, thankawng, cilio va, theihlang, thlanthla, ṭauṭaw, laiphadin, sumthawng, siirit, ti-ngala, tisul, cinṭeng, cakeihriksua, ritte, pithlung, cereuh, vamek, vanva, pele, palak, zingtiding le thingbumcu ti bantuk tiang vaphun tling an umnak ram a si.

Cun, Cinkhua ram vawlei hi cinthlaknak caah vawlei ṭha tuk cu a si lo nain a kihlum a za bakte a si caah, zei bantuk thlai-rawl poh cinthlak khawh dih a si. Fungvoi, beete, phiang, ra, fatun, facang, uisul, kawhra le bahra baa tiang in a phunphun kan cin khawh. Ram lak thingthei zong ah a rum ngaingai mi khua a si fawn. Theipi, langla, kuhchuk, kuhlu, leitil, murial, hai, dingzun le bakba tiang zong an tling dih. Cinthlak rian ṭuan in aa cawmmi ca ahcun, Cinkhua cu khua ṭha taktak a si.  

 

Dal (5) Nak

Cinkhua Hrinphun Min le An Thawhkehnak

Cinkhua hrinsor nih Taizaang an rak tlaak ahhin, hrinphun pariat an rak si ti a si. Kha chan kha khua khat le khua khat i doh, le miphun pakhat le pakhat sal ah i tlaih chan a si caah, aa daw lomi le pehtlaihnak a ngei lomi miphun cu hmun khat ah khuasakṭi khawh a rak si lo. Cucaah khua tlaaktu kan pupa hna hi, aa dawmi le pehtlaihnak a ngeimi minung lawngte an rak si lai, tihi fiang tein ruahdamh khawhmi a si. Hika zawn ah kan hngalh chih a herhmi pakhat cu, nihin ah ‘hrinphun min’ kan timi hi mibu pakhat hringsortu pa bik min zulh in auhmi khi a si zungzal. Tahchunhnak ah, Hau Zaw hrinphun kan timi hi “Hau Zaw timi min te hi aa dawh caah kan nih kan phun min ah Hau Zaw kan i sak lai” tiah an rak i thimmi min a si lo. Nihin ah Hau Zaw hrinphun vialte an hringsortu pu bik hi a min ah Hau Zaw a rak si ruangah a tefa vialte “Hau Zaw hrinphun” tiah auh an si nak hi a si.

Cucaah hrinphun khat, timi cu phun dang in kan chim ahcun, chungkhar khat kan si hna. Cun, a cunglei ah kan langhter cang bantuk in pehtlaihnak a ngei lomi le aa daw lomi minung pupa chan ah khua tlaakṭi khawh a si lo i khua khat zongah umṭi khawh a rak si lo. Cucaah khua tlaakti le khua khat ah khua a rak saṭimi hrinphun cu an dihlak in pehtlaihnak ṭha an ngeih lengah aa dawmi minung an rak si dih. Taizaang khua lio in a um cangmi hrinphun pariat si hna siseh, Cinkhua khua tlaak hnu ah aa chapmi hrinphun si hna seh, khua pakhat ah a umṭi hrinphun cu kan dihlak in unaural, aa dawmi le lam khatkhat in pehtlaihnak fek a ngeimi pupa hrinsor kan si dih, tihi kan hngalh hrimhrim a herhmi biatak a si. Taizaang khua ah a rak um cangmi hrinphun an si tiah ruahmi hna cu a tanglei hrinphun pariat hna hi an si:

1. Hau Zaw Hrinphun

2. Ceupa Chung Hrinphun

3. Ṭial Hup Hrinphun

4. Khup Zawn Hrinphun

5. Mual Cin Hrinphun

6. Kawng Thun Hrinphun

7. Lian Tling Hrinphun

8. Al Hluan Hrinphun

Sihmanhsehlaw hi cauk chungah Cinkhua hrinphun kan timi ahhin cun, Cinkhua aa thok kaa in nihin tiang Cinkhua khua ah, chan khat nak tam, khua a sa balmi hrinphun vialte kan i tel dih. Hrinphun hi palei phun in kalter a si caah Cinkhua pa nih khua dang nu kan ṭhit hna ahcun, an nupile hrinphun min cu a dang in “Cinkhua hrinphun’ tiah kan langhter lai lo. Sihmanhsehlaw Cinkhua nu nih khua dang pa a vat i Cinkhua khua ah umhmun a khuarmi le Cinkhua nu ṭhit ruang theng siloin Cinkhua khua ah inn tung dirh tein a rak pemmi hna cu, Cinkhua Hrinphun mintling an keng dih lai. Cun Cinkhua thawhkehnak ah Cinkhua hrinphun hrimhrim a rak si ko nain atu ah, Cinkhua khua ah an tefa pakhat hmanh umhmun khuar ti loin khuapi dang le ram dangah umhmun a khuar dih cangmi zong, kan dihlak in, Cinkhua hrinphun tling kan si dih; kan tuanbia aa tel dih lai. Cinkhua khua ah nai tein khuasak hram aa thokmi hrinphun tete zong kan um bantuk in, Cinkhua khua thawhkeh kaa in a rak um cangmi hrinphun zong kan um ve. Cinkhua khua ah um hram kan i thok caan aa khat cio lo! Sihmanhsehlaw atu ah inn tung bunh tein Cinkhua khua ah khua a sami poh cu, Cinkhua hrinphun sinak ah kan ṭuanvo le covo zong aa khah dih bantuk in kan dirhmun zong aa khat dih. Tlukruang tein kan tuanbia ṭial dih an si lai. A tanglei ahhin, nihin tiangah Cinkhua Hrinphun chungah aa telmi hrinphun dihlak min kan hun langhter hna lai:

A. Cinkhua Khua Hrinphun Min

Nihin tiangah, Cinkhua khua nih hrinphun 20 a ngeih hna. A tanglei ah kan langhtermi hi, a cunglei ah kan fiantermi tahfung ning in Cinkhua Hrinphun ah a lutmi hrinphun dihlak Min cu an si:


1. Hau Zaw Hrinphun

2. Ceupa Chung Hrinphun

3. Ṭial Hup Hrinphun

4. Khup Zawn Hrinphun

5. Rual Hleng Hrinphun

6. Mual Cin Hrinphun

7. Kawng Thun Hrinphun

8. Lian Tling Hrinphun

9. Al Hluan Hrinphun

10. Ai Thang Hrinphun

11. Sum Zuan Hrinphun

12. Kheng Lawt Hrinphun

13. Zaa Thang Hrinphun

14. Fam Cun Hrinphun

15. Chun Tei Hrinphun

16. Bawi Khar Hrinphun

17. Sai Hma Hrinphun

18. Za Hre Hrinphun

19. Hlawng Sang Hrinphun

20. Sial Ling Hrinphun


B. Cinkhua Khua Hrinphun Hna An Tuanbia

Cinkhua Hrinphun Min cazin ah aa telmi Hrinphun vialte thawhkehnak le Cinkhua khua kan luhnak caan thok in nihin tiang, kan tuanbia cio a tanglei ahhin langhter khawh kan i zuam lai. Hi kan langhtermi nih, Cinkhua hrinsor vialte khat le khat kan i pehtlaihning fiang tein a langhter lai caah, hi kan hrinphun cio tuanbia hmang in mino tampi nih chungkhat naihniam kan kawl khawh hna lai, tiah ruahchan nganpi ka ngei. Cucaah hikaa ah kan langhtermi hrinphun kip kan tuanbia hi a biapi ngaingai mi a si.

Minung pakhat nih, “nan nih hrinphun tuanbia cu, khi ti khin a si” tiah kan tuanbia a kan ṭial piakmi nakin kanmah cio nih “kan nih hrinphun tuanbia cu hiti hin a si”, tiah kan tuanbia kan i ṭialmi hi a hman deuh i a ṭha deuh fawn. Hrinphun pakhat an tuanbia kan theihning aa dang men lai nain anmah hrinphun nih hihi kan tuanbia a si, an timi kha biapi bik ah chia in hi cauk ahhin langhter an si. A tanglei hi Cinkhua hrinphun dihlak chung in bochanmi an pale cio nih, felfai tein an tuanbia cio an hlathlai dih hnu ah, anmah hrinphun tuanbia cio an ṭialmi a si.

 

Hau Zaw Hrinphun Tuanbia

Kan theih dih bantuk in Hau Zaw hrinphun cu, Cinkhua khua rak uktu bawi phun an si. Atu chan bang, ca chan rak sisehlaw anmah hrinphun cawlcanghnak le tuanbia record lawng hmanh hi, cauk nganpi chuah tlaak a si hnga. Sihmanhsehlaw ca chan a rak si lo caah, an pale sin in an rak theih chinning in an pupa tuanbia banh khawh tawk an chuahpi mi cherhchan in an thawhkehnak tuanbia cu ṭial a si. Pu Hre Mang hi bawiphun le cathiam hmaisa a rak si caah, an pupa min 22 tiang an langhter khawh. An pu bik Pu Hau Zaw hringtu hi, Pu Bawi Sai a si, tiah an ti. Pu Bawi Sai hi zei hrinphun dah a rak si, timi hngalh khawh a si ti lo. Sihmanhsehlaw Cinkhua Hau Zaw hrinphun cu Pu Hau Zaw tefa in an si caah ‘Hau Zaw hrinphun’ tiah auh an si nak hi a si.

Cucaah Pu Hau Zaw chan in Pu Hre Mang karlak ahhin, an pupa min 21 tiang an langhter khawh. Sihmanhsehlaw hi an langhtermi pupa vialte hi an bawi ṭuan caan zulh in relmi an rak si lai, tiah zumh a si caah 'pa-chan, fa-pa chan' tiah pafa duahmah in aa changmi an rak si dih lo kho. Unau a rak simi zong kha, ramuk bawi rian an ṭuaning dot zulh in, cingchiah an si ruangah pafa dirhmun in a langmi zong an um kho. Cu bantuk cu, ahohmanh nih fiang tein hngalh khawh a si ti lo caah, anmah nih Hau Zaw hrinphun nih an pupa chan an langhterning tein kan hun langhter hna lai:

1#. Pupa Min A Dot Dot

1.         Pu Hau Zaw

2.         Pu Tin Thang

3.         Pu Ṭial Kham

4.         Pu He Khar

5.         Pu Tluang Cin

6.         Pu Hmui Lang

7.         Pu Ral Luai

8.         Pu Mang Hniang

9.         Pu Mang Vung

10.       Pu Khen Tling

11.       Pu Hniar Tling

12.       Pu Ṭial Kung

13.       Pu Pa Ṭhai

14.       Pu Ṭial Cung

15.       Pu Tei Luai

16.       Pu Mang Hlun

17.       Pu Ṭial Al

18.       Pu Ni Mang

19.       Pu Ung Kar

20.       Pu Rung Nawn

21.       Pu Hre Mang


Taizaang khua an rak tlaak tiang ah, Cinkhua kan pupa hna a rak hruaitu hna hi Pu Bawi Sai a si, ti a si. Pu Bawi Sai cu, nihin Hau Zaw hrinphun vialte hringsortu an pu bik, Pu Hau Zaw hringtu pa a si. Pu Bawi Sai thih hnu ah, a fapa Pu Hau Zaw nih ramuk bawi rian a hun ṭuan. Pu Hau Zaw a thih hnu ah, a fapa Pu Tin Thang nih a hun chaan. Pu Tin Thang thih hnu ah a fapa, Pu Ṭial Kham nih a hun chaan. Pu Ṭial Kham thih hnu ah a fapa, Pu He Khar nih a hun chaan. Pu He Khar thih hnu ah a fapa, Pu Tluang Cin nih a hun chaan. Pu Tluang Cin thih hnu ah a fapa, Pu Hmui Lang nih a hun chan.

Pu Tluang Cin chan ahhin, Cinkhua hrinsor cu khuasak tintuknak lei ah biatak tein tei an rak ma i satil zuat zong biatak in an hun hngalh i sia zong tampi an hun ngei cang hna, ti a si. "Taizaang sia zun in ngafuan an chuak" hlan pupa biaroling zong hi hi lio caan kong hi si dawh a si. Pu He Khar chan ahhin, paw cawmnak caah biapi asimi lothlawh le rian ṭuan hram biatak in an rak thok, ti a si. Inn tlun loin an vok le an Ar he lo riah zong an rak hmang cang rua. Pu Hmui Lang cu, a nihin tiangah Taizaang luhnak zawn ah khin “Hmui Lang lundonh” tiah a lungdonh te zong hmuh awk a um peng ko rih, ti a si.

Pu Hmui Lang thih hnu ah a fapa, Pu Ral Luai nih ramuk bawi rian cu a hun chaan. Pu Ral Luai thih hnu ah a fapa, Pu Mang Hniang nih a hun chan. Pu Mang Hniang thih hnu ah a fapa, Pu Mang Vung nih a hun chaan.

Pu Mang Hniang chan ahhin puai le laam sunhlawihnak phun an hun tuah cang. Vok rawl khuang thingin saihmi cungah siaphaw an pho i vok rawl kuang cu siaphaw nih a car chih. Cu a car chihmi cu an fanu nih fung in a tuk tikah a khuang i a aw a ṭha cu caah laamnak an rak ser beh. Cu hnu cun, Cinkhua nih cawm an hun ngei i hla le lam zong biatak in an hung hmang.

Pu Mang Vung thih hnu ah a fapa, Pu Khen Tling nih ramuk bawi rian a hun ṭuan. Pu Khen Tling thih hnu ah a fapa, Pu Hniar Tling nih a hun chaan. Pu Hniar Tling thih hnu ah a fapa, Pu Ṭial Kung nih a hun chaan. Pu Ṭial Kung thih hnu ah a fapa, Pu Pa Ṭhai nih a hun chaan. Pu Pa Ṭhai thih hnu ah a fapa, Pu Ṭial Cung nih a hun chaan. Pu Ṭial Cung thih hnu ah a fapa, Pu Tei Luai nih a hun chaan. Pu Tei Luai thih hnu ah a fapa, Pu Mang Hlun nih a hun chaan. Pu Mang Hlun thih hnu ah a fapa, Pu Ṭial Al nih ramuk bawi rian cu a hun ṭuan. Pu Ṭial Al thih hnu ah a fapa, Pu Ni Mang nih ramuk bawi cu a hun ṭuan.

Pu Mang Vung chan ahhin, Taizaang in Cinkhua kan pupa hna nih Cinkhua khua hlun an rak tlaak hi si dawh a si. Pu Mang Vung chan lio ahhin, atu Tihri i Zordil timi hmun zawn ahkhin Zor a rak dil, ti a si. Zordil timi cu vawlei min nih tiva kha luang kho loin a rak phih, tinak khi a si. Cu Zordil chungah a ummi khuachia nihcun "Hau Zaw bawi, Pu Mang Vung nih ka bia seh" tiah khuavang hmang in a rak ti. Cucaah Pu Mang Vung cu, Pu Hrang Chawn he Zordil khuahrum biak ding ah an rak kal. A hmun an hung phanh tikah, Pu Mang Vung nihcun "Zor, ka bia seh na ka ti bantuk in atu hi nangmah biak awk ah ka rak ra cang. Na zuat khalhmi siloin nangmah hrimhrim rak chuak tuah" tiah a ti, ti a si. Cu bak ahcun, Rul phun kua tiang khuachia nihcun a hun chuahter hna nain Pu Mang Vung nihcun "nangmah hrimhrim hung chuak tuah" tiah a ti nolh ṭhan. A donghnak ah, Zor khuachia bawipa cu a Ki ah rul phuntling ngerh dihmi bu khin a hung chuak i Hau Zaw bawi, Pu Mang Vung nihcun a ṭih tuk hringhran caah a rak zam taak, ti a si. Cucaah aa kalpimi, Pu Hrang Chawn nihcun "keimah nih kan biak lai a ti i a rak biak" ti a si. 

Pu Ṭial Al chan ahhin, Cinkhua nih Tiphul ral an rak doh hi a si. Tiphul ral kong kan ṭialnak ah tlamtling deuh in a tuanbia kan langhter chap te lai. Pu Ni Mang chan ahhin, Kawl Mang khua nih Hakha an doh hna i an tei khawh hna lo caah an rak kir taak hna. An kir pah ahcun, Cinkhua ah an rak cam. Kum thum hrawng an um hnu ah, Pu Ni Mang salpa, Pu Mang Vai nih Kawl ah a vung chiah hna. Cucaah Kawlram Mang khua bawipa nihcun, Cinkhua bawi cu lomhnak laksawng caah Dar Raang a rak kuat. Pu Mang Vai nih “dar raang kan phorh, rak kan dong uh” a ti hna i don an timh Ni ahcun hmun danglei in “Tlaang thlang ral sin in, ṭhi-aang kan laak i kan in phorh; rak kan dong uh” tiah an rak ti ve hna. Cucaah Pu Ni Mang nihcun, “Ni Mang ka chan ah zei le zei dah ai tong” tiah biaro ling a rak chim, ti a si. Cu ticun, Pu Ni Mang nih dar raang cu a don i a nupi, Pi Hluan Fom nih ṭhi-aang (langkheng) cu a rak don ve.

Pu Ni Mang thih hnu ah a fapa, Pu Ung Kar nih ramuk bawi a hun ṭuan. Pu Ung Kar nih Hakha sangpi chungmi, Pi Khuang Nawn a ṭhit i fapa pahnih, Pu Bawi Lung le Pu Rung Nawn a hrin hna. Pu Ung Khar thih hnu ah a fapa, Pu Rung Nawn nih ramuk bawi cu a hun ṭuan.

Pu Ung Kar fapa Pu Bawi Lung: Pu Bawi Lung nih Al Hluan hrinphun chungmi, Pi Nak Thluai a ṭhit i Pu Tei Kim a hrin. Pu Tei Kim nih fapa pahnih a hrin hna: 1. Pu Co Dawn, le 2. Pu Chia Uk hna an si. Pu Co Dawn tefa cu, nihin ah hngalh awk in hohmanh an um ti lo caah a tuanbia ṭial awktlaak in zeihmanh zulhdawi khawhmi a um lo.

Pu Tei Kim fapa Pu Chia Uk: Pu Chia Uk nih Ṭial Hup hrinphun chungmi Pu Hmung Nawl fanu, Pi Khuang Pen a ṭhit i fanu pahnih le fapa pakhat a hrin hna: 1. Pi Zing Nawn {Pu Aung Lin nu}, 2. Pi Iang Par {Pu Kap Cung nu}, 3. Pu Tum Bik hna an si. Cu hnu ahcun, Pu Chia Uk nih Vanha khuami, Pi Hniang Hnem a ṭhit ṭhan i fanu pahnih a hrin ṭhan hna: 1. Pi Ṭuan Bang {Pu Sim Bawi he an i um. An fale cu: 1. Pa Ceu Ceu, le 2. Pa Pum Pum hna an si. Atu cu an chungkhar in US ram ah khua an sa}, le 2. Pi Nu Bu {Ceupa Chung Hrinphun chungmi Pu Thawng Hu a vat} hna hi an si. Thih ṭian in an ṭian hnu ah, Pu Chia Uk nih Pi Tum Khun a ṭhit ṭhan i tefa dang an ngei ti lo.

Pu Chia Uk cu A.D 1975 kum ah Cinkhua khuabawi a rak ṭuanmi a si. Pu Chia Uk cu remnak le daihnak a duhmi a rak si caah Pu Bual Ci aa phuah hnu in, kum khat chung khuabawi a rak ṭuanmi a si. Caan sau ṭuan loin thimnak a rak tuahpi hna i Pu That Chum kut ah uknak rian a rak pek colh.

Pu Chia Uk fapa Pu Tum Bik: Pu Tum Bik nih Pi Hlei Ngun a ṭhit i fanu pali le fapa pathum a hrin hna: 1. Pi Bawi Hniang, 2. Pi Thla Meng {Pi Thla Meng nih Khuabe khua Zaathang hrinphun chungmi, Pu Cung Dawt Thawng a vat. An fale hna cu: 1. Pa Biak Cung Lian, le 2. Nu Ruth an si. Atu cu Malaysia ah khua an sa}, 3. Pi Tawk Hoi {Pu Lian Peng-tleicia a vat}, 4. Pu Van Ham, 5. Pa Khua Thawng, 6. Pa Chan Thang, le 7. Nu Ram Len Par hna an si.

Pu Tum Bik fapa Pu Van Ham: Pu Van Ham nih Lei-um khua mi, Pi Hmen Sung a ṭhit i fapa pakhat, Pa Cung Ṭha Bik a hrin.

Pu Ung Kar fapa Pu Rung Nawn: Pu Rung Nawn nih Hakha sangpi chungmi, Pi Ṭial Dei a ṭhit i tefa an ngei kho lo. Cu hnu ah, Pu Rung Nawn nih Kawgthun hrinphun chungmi, Pi Bawi Cin a ṭhit i fanu pakhat le fapa pakhat a hrin hna: 1. Pu Hre Mang {Chan Nawl pa}, le 2. Pi Ni Kawi an si. Pi Ṭial Cin nih a thih taak hnu ah, Pu Rung Nawn nih Kawng Thun hrinphun chungmi Pi Bawi Cin nau nu, Pi Tin Thluai a ṭhit ṭhan i fanu pakhat a hrin: 1. Pi Ngun Ci a si. {Pi Ngun Ci nih Ceupa Chung Hrinphun chungmi Pu Than Ceu a vat. Pi Ngun Ci cu atu Pu Dar Hlun hringtu khi a si. Pu Dar Hlun cu Dawt Zi pa khi a si}. Cu hnu ahcun, Pu Rung Nawn nih Fam Cun hrinphun chungmi, Pi Ngun Cing a ṭhit ṭhan i fapa pakhat, Pu That Cung an hrin.

Pu Rung Nawn cu ramuk bawi chan ah Cinkhua khua ramuk bawi donghnak ṭuanmi a si. Annih hi, A.D.1940 hrawng tiang Cinkhua khua ramuk bawi a rak tuanmi a si. Hi lio caan hi vawlei ralpi pahnihnak lio a si caah Japan ralkap nih an buai hnawh hna chel, Mirang ralkap nih an buai hnawh hna chel, a rak si lai ti a fiang. Cucaah hi lio caan khua bawi rianṭuannak le cawlcanghnak hi hma hngal ngaingai in langhter khawhmi a um lo.

Pu Rung Nawn fapa Pu Hre Mang: Pu Hre Mang nih fapa pali le fanu pathum a hrin hna: 1. Pi Ni Thluai {Fam Cun hrinphun chungmi Pu Tawk Mang a vat. Ngun Par nu khi a si}, 2. Pu Chan Nawl {Pu Chan Nawl nih a note in palek a rak luh caah nihin tiang, a umnak hmun le a sining zong zeihmanh hngalh khawh a si ti lo}, 3. Pi Ngun Ki {P Ngun Ki nih Mual Cin hrinphun chungmi Pu Hmet Hnin he fapa pakhat, Pu Za Ling a hrin}, 4. Pu Ceu Ṭhai, 5. Pa Mang Hlun {nupi fate ngeih manh hlan ah a thih caah a tuanbia ṭial awk a um lo}, 6. Pa Chan Peng {nupi fate ngeih manh hlan ah a thih caah a tuanbia ṭial awk a um lo}, 7. Nu Dar Cin hna an si.

Pu Hre Mang cu A.D. 1920 kum ah a rak chuak i A.D. 1937 kum ah sianginn kai hram aa rak i thok.  A.D.1940 kum ah tangli a rak dih. Amah hi April 15, 1940 ah khrifa phung ah a rak lut. Amah chan ahhin, Cinkhua ah ramuk bawi hruainak lio, A.D. 1940 hrawng in ramuk bawi rian ṭuan aa thok i ramuk bawi chan a dongh hnu zongah khuabawi dirhmun in A.D.1960 tiang Cinkhua khua a hun hruaitu a si. Pu Hre Mang hi khua a kilvennak ah Japan ral nih meithal lawt cia le a hawng nam hmuah chih bu in nikhat ah voithum lengmang in nithum chung taza an cuai i an rak hrem nain a rak tei hna. Annih hi, Zokhua sianginn in lai catang tangli a awn hnu ah, Cinkhua khua ah sianginn hmaisa bik a rak kan dirh piaktu zong a si. Uknak lei ah siseh, fimcawnnak lei ah siseh, biaknak lei ah siseh, Cinkhua hrinsor dihlak caah lam hmuhsaktu kan pu, kan pa pakhat a si.

Amah khua bawi tuan lio caan hi, kan Kawlrampi Mirang uknak in independence an rak lak i Kawlram parliamentary democracy system in an rak i hruai lio a si. Pu Hre Mang nih A.D 1951 kum ah Hmaikhah khua he i fonh in Cinkhua ah Private Sianginn hmaisa bik a rak dirh. A.D. 1955 kum CE pawl he i bawm in Cinkhua khua chung thianh hlimhnak an rak tuah i kum saupi khua chung ah a um cangmi thurhnawm, thu-man le saluu, saruh vialte a rak thianh dih hna. Khua chung sul-lam an sial hna i ṭha tein an rak ser hna. Hi lio caan i CE hruaitu hna cu: Chariman ah Pu Dar Dun a rak si. A bawmtu ah Pu Kilh Ling le Pu Ui Phen hna an rak si. Cu hna he cun lungrual tein khua chung thianh hlimhnak rianṭuannak fakpi in an rak ngei. A.D. 1956 kum ah Hmaikhah le Cinkhua karlak lam a rak cawh. A.D 1957 kum ah Cinkhua-Hrawngvun-Vantlang karlak lam hna le A.D.1958 kum thok in Cinkhua-Hakha karlak lam ti bantuk hna hi kum fatin buaipi hram a rak thokpi hna. Amah khuabawi tuan chung ahhin Cinkhua private sianginn zong cu cozah sianginn ah a rak cang. Pu Hre Mang cu tar tlung tein a nun hnu ah Febuary 3, 2010 ah a thi.

Pu Hre Mang fapa Pu Ceu Ṭhai: Pu Ceu Ṭhai nih Sum Zuan hrinphun chungmi Pu Hniar Kam fanu, Pi Sui Ṭial a ṭhit i fanu paruk le fapa pathum a hrin hna: 1. Pi Mang Tang (Kheng Lawt hrinphun chungmi Pu Lian Hei a vat), 2. Pi Cer Hliang {Pi Cer Hliang nih Lungzarh khua Khil Teng hrinphun chungmi, Pu Aung Mint a vat. An fale hna cu: 1. Pa Biak Ṭha Thawng, le 2. Nu Ṭha Hnem Par hna an si. Atu an chungkhar in Australia ram ah an um}, 3. Pu Lai Uk Nawl Hau Zaw, 4. Pi Can Kip Sung {Pi Can Kip Sung nih Mon miphun Pu Saw Than Htike a vat. An fale hna cu: 1. Pa Joseph Van Ṭha Bik, le 2. Nu Holy Dawt Ṭha Par hna an si. Atu cu an chungkhar in Australia ram ah khua an sa}, 5. Pi Dawt Thluai Meng {Pi Dawt Hluai Meng nih Tluang Khua khua Zaa Thang hrinphun chungmi, Pu Thawng Tin Ceu a vat. An fale hna cu: 1. Nu Levi Ngun Hoi Chin, le 2. Pa Simon Van Bawi Ceu hna an si. Atu cu an chungkhar in Australia ram ah khua an sa}, 6. Pi Hniang Hlei Sung- tleicia (Pi Hniang Hlei Sung nih Zaathang hrinphun chungmi Pu Rual Peng a vat), 7. Pa Nawl Bik Sang, 8. Pu Cung Ṭha Bawi, le 9. Nu Ṭha Tin Par hna an si.

Pu Ceu Ṭhai fapa Pu Lai Uk Nawl Hau Zaw: Pu Lai Uk Nawl Hau Zaw nih Khuk Zawn hrinphun chungmi Pi Ṭial Hliang a ṭhit i fanu pakhat le fapa pakhat a hrin hna: 1. Nu Grace Van Sui Par, le 2. Pa Austin Mang Uk Lian Hau Zaw hna an si. Atu cu an chungkhar in Australia ram ah khua an sa.

Pu Ceu Ṭhai fapa Pu Cung Tha Bawi: Pu Cung Tha Bawi nih Sum Zuan hrinphun chungmi Pu Kil Hlun fanu, Pi Cer Hnem a ṭhit i fapa pakhat a hrin: 1. Pa Jeffron Mang Bik Mang a si.

Pu Rung Nawn fapa Pu That Cung: Pu That Cung nih Kawng Thun hrinphun chungmi Pu Phun Duai fanu, Pi Zing Hnem {Sayakyi Hrang Hre farnu} a ṭhit i fanu pakhat le fapa pakhat a hrin hna: 1. Pi Ngun Ṭial (Mandalay um, Kawl miphun Pu Tun Tun a vat), le 2. Pu Tin Peng an si. Nung ṭian in an ṭian hnu ah, Khup Zawn hrinphun chungmi Pu Hrang Cut fanu, Pi Tum Nawn a ṭhit ṭhan i fanu panga le fapa pakhat a hrin ṭhan hna: 1. Pi Za Ki {Pi Za Ki nih Kawng Thun hrinphun chungmi, Pastor Lian Cin a vat i fanu pakhat, Nu Ngun Chin Ṭial an hrin hnu ah nung ṭian in an ṭian}, 2. Pi Za Sung (Salen khua Kheng Lawt hrinphun chungmi, Pu Cung Kam a vat. An fale hna cu: 1. Pa Sang Bik Thawng, le 2. Nu Sunday Van Par Mawi hna an si. Atu cu an chungkhar in US ram ah khua an sa), 3. Pi Hram Khen, 4. Pi Sai Iang {Kawl miphun Pu Moe Mg a vat i fanu pakhat, Nu Bawi Chin Par an hrin. Atu cu an chungkhar in Malaysia ah an um}, 5. Pa Bawi Ling Thang {Pa Bawi Ling Thang cu nupi fate a ngeih manh hlan ah a thih caah a tuanbia pehzulh in ṭial awk a um lo}, le 6. Pi Sung Zi {Falam miphun Pu Siang Lian Mang a vat. An fale hna cu: 1. Nu Biak Men Ṭial, le 2. Nu Van Bawi Zing an si} hna hi an si.

Pu That Cung fapa Pu Tin Peng: Pu Tin Peng nih Hakha Khua Hlun khuami, Sayama Thluai Cin a ṭhit i fanu pakhat le fapa pakhat a hrin: 1. Nu Biak Ṭha Hlawn, le 2. Pa Bawi Thang a si.

Pu That Cung cu A.D. 1997-2001 tiang a term khat nak, A.D. 2004-2006 tiang a term hnihnak Cinkhua khuabawi a kan ṭuan piaktu a si. Annih hi Cinkhua khua nih kan i bohchan ngaingai mi kan mifim pakhat a si. Cinkhua caah thil ṭha a tuahmi tampi a um, ralkap uk lio le khuabawi rian ṭuan a har bik lio caan ah kum caan saupi, khuabawi rian a kan tuan piaktu kan pa pakhat a si.

Hi Hau Zaw hrinphun tuanbia hi anmah hrinphun chungmi, Pu Ceu Ṭhai nih an hrinphun tuanbia a khomhsuatmi cherhchan in kan ṭialmi a si. Palh sualnak le tlamtlinlonak tampi a um kho zeicahtiah chan tampi a kal cangmi hrinphun a si caah le ca chan a rak si ve lo caah, felfai tein an hngalh khawh dih lomi tampi a um ve. Cucaah chambaunak le tlamtlinlonak a ummi tete kongah, careltu kan dihlak nih theihthiamnak sang bik ngeih piak cio hna usih.

 

Ceupa Chung Hrinphun Tuanbia

Cinkhua Ceupa Chung Hrinphun nih an tuanbia le an thawhkehnak kong an dawi tikah, Taizaang in Khua hlun ah, Khua Hlun in Khua Thar ah a rak ra vemi Cinkhua hrinphun hlun kan si, timi cu fiang tein an hmuh khawh. Sihmanhsehlaw ca chan a rak si lo caah, an pale sin in an rak theih chinning le atu a nung rihmi hna nih an pupa tuanbia an hngalh banh khawh tawk tiang an chuahpi mi cherhchan in an tuanbia cu kan ṭial lai.

Mangkheng khua Hlawn Ceu hrinphun chungmi Pu Sai Thang hinsor a simi Pu Kap Hrang fapa, Pu Ceu Pa cu khua tlaak awk kawl ah Mangkheng khua in a kal i Thlanrawn khua a rak phan. Thlanrawn khua i kum zeimazat a um hnu ah, khua tlaak awk a thaat le ṭhat lo cithlat ruah ah, atu Bung Bu timi hmun khi a rak phan, ti a si. “Bung Bu i caan tlawmpal an um hnu ah khuasak nak hmun hma rem a si, tiah Taizaang khi an rak tlaak”, tiah an ti. Hika zawn ah, Ceupa Chung Hrinphun nih an tuanbia an langhterning ahhin an hringsortu an pu bik, Pu Ceu Pa hi Taizaang khua tlaaktu hna lakah aa tel, timi fiang tein a lang.

Taizaang an rak um lio ahhin Tlaang Thlang ral vennak caah, khua chung paṭhawng deuh poh nih Samphei tlaang in venhimnak an rak tuah zungzal ti a si. Cu runvennak an tuah pah ahcun, aho dah a ṭhawng bik hnga, tiah fei khawh an rak i zuam hna i Pu Ceu Pa hrinsor pakhat a simi, Pu Mang Hniar nih a rak tei dih hna, ti a si. Cucaah cu hmun ahcun, "Mang Hniar Fei Khawh" tiah philhlonak lung an phun; cu hmun cu nihin ni tiang cu lungphun min cun auh a si peng ko rih.

"Mang Hniar feikhawh" timi kong ahhin Cinkhua Hau Zaw nih an tuanbia an ṭialning ahcun, an hringsortu an pu ramuk bawi, "Pu Mang Hniang chan lio ah fei khawh an rak i zuammi philhlonak caah, Mang Hniang feikhawh tiah an auhmi a si”, tiah an ṭial ve.

Ceupa Chung Hrinphun nihcun, “khi hmun khi Mang Hniang feikhawh siloin Mang Hniar feikhawh tu a si. Kha lio caan feikhawh zuamnak ah teinak a rak hmutu kan Pu Mang Hniar min philhlonak caah sakmi a si” tiah an ti.

Hi he pehtlai in, Cinkhua hrinsor kan pa pakhat a simi, Pu Zam Ling nihcun “aho min philhlonak caah sakmi a si cu ka hngal ve lo nain fiang tein ka hngalhmi cu, khi hmun khi Mang Hniar feikhawh tiah auhmi a si; Mang Hniang feikhawh tiah auh a si lo” tiah a ti. Cucaah Mang Hniar feikhawh tiah auh a si ahcun Ceupa Chung Hrinphun i an pu, Pu Mang Hniar philhlonak caah tuahmi a si, tinak a si hnga. Sihmanhsehlaw hi kongah zei deuh dah a hman, timi hngalh cu a har ngaingai cang.

Ceupa Chung Hrinphun hi sunhthah le lianh-ngannak thil tuahlei ah, upatmi le hngalh theihmi an rak si, ti a si. Chim thlang ram ahhin tum 10 (caw tum/naa tum pahra tinak) thah in khuang cawi a rak um bal lo nain Ceupa Chung Hrinphun chungmi, Pu Lawng Lian nih tum 10 thah in khuang a rak cawi i kiangkap khua vialte sapum a rak phawt zamh dih hna, ti a si.

Phutorhtu an rak si: "Phutorh" tihi mi pakhat khat zawtfahnak tuar hmaisa loin an thih tikah, a thihnak ruang hngalh duh i an tuahmi thil pakhat a rak si. Cinkhua khua ahcun cu bantuk "Phutorh" an tuah caan poh ah, Ceupa Chung Hrinphun chungmi Pu Lawng Lian le Pu Ngun Hniar te unau hi an rak fial zungzal hna ti a si.

"Phutorh" cu a mi poh nih tuah khawhmi a rak si lo; Laiphung ning in lianh-ngannak vialte a tlinh dih i khuazing nih a hmanmi minung lawng nih tuah khawhmi thil a rak si, ti a si. Cu nih a langhtermi cu, anmah chan lio ah Laiphung ning in, lianh-ngannak vialte a rak tlinh dihmi an si, tinak a si.

Thlacamtu an si: Hau Zaw bawi Pu Rung Nawn cu ngakchiate a si lio ah, a pa Pu Ung Khar nih a rak thih taak. Cucaah a nu Pi Hluan Fom hringtu pa a simi, Zathang bawi Pu Sui Ling sin ah a sam aa koih tiang {a zat tiang tinak} a rak um. Cu bantuk in Pu Rung Nawn a pule sin a um chung poh cu, Cinkhua khua nih leilung, khuazing dohdanghnak an ngeih caan poh ah, Bawi Sai le Taizaang min put in, Ceupa Chung Hrinphun chungmi, Pu Nawl Dum nih thlacamnak a rak ngeihpi zungzal hna ti a si.

Pu Lawng Lian chan in Pu Bual Hmung chan tiang hi, khuapi thlacampitu le dohdanghnak lei ah hruaitu an rak si caah Cinkhua khua nih an kan kilhkamhtu nan si, tiah khuahrum dohdanghnak ca i khuapi thawhvo le khuachia farel poh an rak awlh hna, ti a si. Cu leng ah, khua khat lai hawi sunhthah caan ah ‘zaam thuat’ timi sazaam zaam hnih fonh in an rak pek tawnmi hna an si.

Ram Bung Ngei An Si: A hlan ahcun Sik Hngil, Vaihlei, Suang timi thlawh hmun vialte khi a dihlak in Rual Hleng hrinphun ram bung a rak si. A sinain Hmaikhah Ai Thang hrinphun nih an rak cuh hna. Biaceih piaktu hlei rak um a si lo caah, "kan i pai lai i aa teimi poh nih hi thlawh hmun hi co si seh" tiah kaphnih hnatlaaknak an rak ngei, ti a si. Cu ticun, Hmai Khah le Cinkhua cu an i pai lengmang i a donghnak ah Hmai Khah khualei in Ai Thang hirnphun chungmi, Pu Than Kulh le Cinkhua khua Ceupa Chung Hrinphun chungmi, Pu Mang Hniar an i pai i Pu Mang Hniar nih voi hnih tiang a rak tei. Cucaah khi thlawh hmun vialte khi, Ceu Pa chung ram bung ah an hung cang beh. Cu lio caan i an rak i paihnak chuankhaan in cukaa hmun cu min an rak sak caah, nihin tiang cu hmun cu "Paih Hmun" tiah auh a si beh. Kan pupa hna biaroling pakhat a simi "Than Kulh kai ser sual" timi zong hi cu an rak i paih lio caan ah rak chimmi bia a si. Cucu Rambung cotu si a rak duh tuk nain teitu a si khawh lo ruangah kaa sersual a tinak khi a si. A tanglei ahhin, Cinkhua Ceupa Chung Hrinphun nih, fiangfai deuh in, an thawhkehnak an hngalh banh khawh tawk in, nihin tiang an tuanbia kan hun langhter lai:

2#. Pupa Min A Dotdot:

1. Pu Vom Pa

2. Pu Hluan Tling

3. Pu Za Ceu

4. Pu Ngun Hniar le Pu Lawng Lian

5. Pu Pek Lai, Pu Ngun Ceu, Pu Ui Hmung, Pu Ral Tling, le Pu Khen Ṭhio

6. Pu Nawl Dum, Pu Hreng Dun, le Pu Mang Tum

7. Pu Bual Hmung, Pu Sang Tlul, le Pu Lal Dun

Pu Vom Pa nih Pu Hluan Tling a hrin. Pu Hluan Tling nih Pu Za Ceu a hrin. Pu Za Ceu nih fapa pahnih a hrin hna: 1. Pu Ngun Hniar, le 2. Pu Lawng Lian an si. Hi hna pahnih hi, nihin Cinkhua Ceupa Chung Hrinphun vialte cithlahtu cu an si.

Pu Za Ceu fapa Pu Ngun Hniar: Pu Ngun Hniar nih fapa pahnih a hrin hna: 1. Pu Pek Lai, le 2. Pu Ngun Ceu an si.

Pu Ngun Hniar fapa Pu Pek Lai: Pu Pek Lai nih Hau Zaw hrinphun chungmi Pu Sang Rawl fanu Pi Mang Cuai a ṭhit i fapa pahnih a hrin hna: 1. Pu Nawl Dum, le 2. Pa Hreng Dun an si. Pa Hreng Dum cu nupi a ṭhit hlan ah, atu Lungtung timi zawn ahkhin khaan duahnak mei nih a kaangh i a thi.

Pu Pek Lai fapa Pu Nawl Dum: Pu Nawl Dum nih Vankhawng hrinphun chungmi Pu Zu Zal fanu, Pi Tin Tlem a ṭhit i fapa pathum le fanu pakhat a hrin hna: 1. Pu Bual Hmung, 2. Pi Renh Zing {Pi Renh Zing nih Khuk Zawn hrinphun chungmi Pu Bil Thang a vat. Pu Thawng Kio pa hringtu nu khi a si}, 3. Pa Sang Tlul {nupi a ṭhit hlan ah a thi}, le 4. Pu Lal Dun hna an si.

Pu Nawl Dum fapa Pu Bual Hmung: Pu Bual Hmung nih Vankhawng hrinhpun chungmi Pu Al Tlung fanu, Pi Mang Pen a ṭhit i fanu pali le fapa pahnih a hrin hna: 1. Pi Sui Iang {Pi Sui Iang nih Chun Tei hrinphun chungmi, Pu Hrang Kip a vat~Zam Ling nu khi a si}, 2. Pi Chia Nawn {Pi Chia Nawn nih Kawng Thun hrinphun chungmi, Pu Chan Re a vat i Pu Tum Kio {tleicia} kha an hrin. Cu hnu ah, Pu Thang Ci a vat ṭhan. Sia Neng nu khi a si}, 3. Pi Ni Taang {Pi Ni Taang cu Ai Thang hrinphun chungmi, Pu Kilh Ling he an i um~Ngun Thlia nu kha a si}, 4. Pu Kil Mang, 5. Pi Hmen Ṭhai {Pi Hnem Ṭhai nih Sum Zuan hrinphun chungmi, Pu Do Zaam a vat. Dar Nawn nu khi a si}, le 6. Pu Ram Peng an si.

Pu Bual Hmung fapa Pu Kil Mang: Pu Kil Mang nih Zathang hrinphun chungmi Pi Hram Hnem a ṭhit i fapa pahnih a hrin hna: 1. Pu Hniar Mang, le 2. Pa Zing Cung {tlei-cia}. Pi Hram Hnem nih a thih tak hnu in, Pu Kil Mang nih nupi pahnihnak a ngeih ṭhan. Rual Hleng hrinphun chungmi, Pi Sung Nawn a ṭhit i fapa pahnih le fanu pasarih a hrin hna: 1. Pu Mual Kio {tleicia}, 2. Pi Ni Sung {Pi Ni Sung nih Zaa Thang hrinphun chungmi Pu Ceu Nawn fapa, Pu Biak Hnin a vat~Hei Mang nu khi a si}, 3. Pi Tin Iang {Pi Tin Iang nih Zaa Thang hrinphun chungmi Pu Tawk Zam fapa, Pu Tawk Thang a vat~Ni Cung nu khi a si}, 4. Pi Sung Hlei {Pi Sung Hlei nih Aive khuami, Pu Ral Thawng a vat. An fale hna cu: 1. Pu Sang Peng Lian, le 2. Pa Ngun Cung Lian an si}, 5. Pi Hniar Cin {Pi Hniar Cin nih Ai Thang hrinphun chungmi Pu Chia Hmung fapa, Pu Kip Dun a vat~Bawi Chum nu khi a si}, 6. Pi Par Iang {Pi Par Iang nih Zaa Thang hrinphun chungmi Pu Zaam To fapa, Pu Bawi Nawl a vat}, 7. Nu Dawt Thlia {tlei-cia}, 8. Pi Hlawn Cer {Pi Hlawn Cer nih  Lian Tling hrinphun chungmi Pu Cia Thang fapa, Pu Za Khar a vat}, le 9. Pu Tum Cung Mang hna an si. Pi Sung Nawn nih a thih tak hnu ah Pu Kil Mang nih nupi pathumnak a ṭhit a than. Rual Hleng hrinphun chungmi Pu Ral Ling fanu Pi Hram Si a ṭhit i fapa pakhat le fanu pahnih a hrin hna: 1. Pi Mah Dei {Pi Mah Dei nih Khup Zawn hrinphun chungmi Pu Than Herh fapa, Pu Za Cung a vat}, 2. Pa. Bawi Zel (tlei cia), 3. Nu Van Sui Meng.

Pu Kil Mang fapa Pu Hniar Mang: Pu Hniar Mang nih Za Hre hrinphun chungmi Pi Thla Pen a ṭhit i fapa pathum le fanu pahnih a hrin hna: 1. Pu Peng Luai, 2. Pu That Mang (Australia), 3. Pi Ṭha Sung {Pi Ṭha Sung nih Sai Hma hrinphun chungmi Pu Zing Mawng fapa, Pu Uk Cung a vat}, 4. Pu Ṭha Thawng {Australia}, 5. Nu Ni Hlei Sung hna an si.

Pu Hniar Mang cu A.D. 2009-2012 tiang Cinkhua khuabawi a kan ṭuan piaktu a si. Annih hi khuabawi a ṭuan chungah felfai tein khua le ram a zohkhenhtu kan pa pakhat a si.

Pu Hniar Mang fapa Pu Peng Luai: Pu Peng Luai nih Matupi khua Penthang hrinphun chungmi Pu Za Sung fanu, Pi Z.D Thluai Chin Par a ṭhit i fapa pakhat le fanu pakhat a hrin hna: 1. Pa Za Peng Lian, 2. Nu Sui Tha Nawn hna an si.

Pu Hniar Mang fapa Pu That Mang: Pu That Mang nih Rual Hleng hrinphun chungmi Pu Zung Nawl fanu, Pi Ngun Hlawn a ṭhit i fanu pakhat le fapa pakhat a hrin hna: 1. Nu Honey, 2. Pa Van Tha Mang hna an si. {Annih hi an chungkhar in Australia ram ah khua an sa}.

Pu Hniar Mang fapa Pu Ṭha Thawng: Pu Ṭha Thawng nih Thlan Tlang peng Bungkhuami, Pi Van Dong Thluai a ṭhit i fapa pakhat le fanu pakhat a hrin hna: 1. Nu Ruth, 2. Pa James hna an si. {Annih hi an chungkhar in Australia ram ah khua an sa}.

Pu Kil Mang fapa Pu Mual Kio: Pu Mual Kio nih Sum Zuan hrinphun chungmi Pi Hnem Khun a ṭhit i fapa pakhat an hrin: 1. Pu Cung Thawng a si. Pi Hnem Khun he nungṭian in an ṭian hnu ah, Pu Mual Kio nih Sum Zuan hrinphun chungmi Pu Nam Kung fanu, Pi Sem Iang a ṭhit ṭhan i fanu pathum le fapa pahnih a ngeih hna: 1. Pi Dar Zi {Pi Dar Zi nih Fiarti khuami, Pu Tluang Awi a vat. An fale hna cu: 1. John Van Ṭha Ceu Awi, 2. Nu Rachel Zing Dawt Chin, le 3. Romeo Biak Cung Thawng Awi hna an si. Atu cu an chungkhar in US ram ah khua an sa}, 2. Pi Bawi Hnem Ṭial {Pi Bawi Hnem Ṭial nih Hmawng Tlang khuami, Pu Van Bawi Thawng a vat. An fale hna cu: 1. Pa Siang Lian, 2. Nu Senia, le 3. Pa Jerimiah hna an si}, 3. Nu Ṭha Meng, 4. Pa Siang Mang, le 5. Pa Chan Thawng an si.

Pu Mual Kio fapa Pu Cung Thawng: Pu Cung Thawng nih Ṭial Hup hrinphun chungmi Pu Tawk Hmung fanu, Pi Hawi Iang a ṭhit i nihin tiang cu tefa an ngei rih lo.

Pu Kil Mang fapa Pu Tum Cung Mang: Pu Tum Cung Mang nih Vantlang khuami, Pi Melody Lian a ṭhit i tefa an ngei rih lo. Atu hi an chungkhar in America ram ah khua an sa.

Pu Bual Hmung fapa Pu Ram Peng: Pu Ram Peng nih Chun Tei hrinphun chungmi Pu Hrang Tlem fanu, Pi Hmet Sung a ṭhit i fapa pakhat an ngeih: 1. Pu Kil Hu {USA} a si. Pi Hmet Sung he an ṭian hnu ah, Pu Ram Peng nih Za Hre hrinphun chungmi Pu Dar Dun fanu, Pi Far Pen a ṭhit i fapa pathum le fanu panga a hrin hna: 1. Pi Ngun Zi {Pi Ngun Zi nih Ruantlang khua Kingbawi hrinphun chungmi, Rev. Ngun Mang a vat. An fale hna cu: 1. Pa Biak Hnin Thang {tleicia}, 2. Pa Van Dawt Hu, 3. Pa Biak Ṭha Hlei Cung, 4. Pa Biak Thawng Lian, 5. Pa Cung Ṭha Bik, le 6. Nu Sarah Ṭha Tin Par an si. An chungkhar in Kalay ah khua an sa}, 2. Pu Za Ceu {USA}, 3. Pi Ṭial Hlei Sung {Pi Ṭial Hlei Sung nih Mirang miphun, Pu Daniel Moses a vat i an chungkhar in US ram ah khua an sa}, 4. Pa Aung Myint {tleicia}, 5. Pi Dawt Cin Sung {Pi Dawt Cin Sung nih Kawl miphun, Pu Zin Min Oo a vat. An fale hna cu: 1. Nu Stellar Dawt Len Iang, le 2. Pa Amos Van Thawng Mang an si}, 5. Pi Ni Hlei Iang {Pi Ni Hlei Iang nih Zokhua khuami, Pu Aung Ko Ko a ka Van Biak Thawng a vat i fanu pakhat, Nu Hanah Van Ṭha Cer an hrin. Atu cu an chungkhar in US ram ah khua an sa}, 6. Pi Ni Hnem Par {Pi Ni Hnem Par nih Sum Zuan hrinphun chungmi Pu Dar Nawl fapa, Pu Tin Cung Uk a vat i Pa Sailas Cung Bawi Thawng, le 2. Nu Emma Za Len Par an hrin hna}, 7. Pa David Lian Peng {USA} hna an si.

Pu Ram Peng fapa Pu Kil Hu: Pu Kil Hu nih Ṭial Hup hrinphun chungmi Pu Tawk Hmung fanu, Pi Ṭial Khen a ṭhit i fapa pakhat le fanu pahnih a hrin hna: 1. Pu Lian Mang, 2. Nu Sui Cer, 3. Nu Noami hna an si. An chungkhar in America ram ah khua an sa.

Pu Kil Hu fapa Pu Lian Mang: Pu Lian Mang nih Ti Khuang Tum khuami, Pi Tluang Hnem Zi ṭhit i tefa an ngei rih lo. An chungkhar in America ram ah khua an sa.

Pu Ram Peng fapa Pu Za Ceu: Pu Za Ceu nih Aive khua Chun Tei hrinphun chungmi Pu Thang Cung fanu, Pi Moly a ṭhit i fapa pakhat le fanu pahnih a hrin hna: 1. Pa Joney Cung Tha Ceu, 2. Nu Deisy Biak Chin Sung, 3. Nu Ruth Siang Chin Ṭial hna an si. Annih hi an chungkhar in America ram ah khua an sa.

Pu Nawl  Dum fapa Pu Lal Dun: Pu Lal Dun nih Aive khua Chun Tei hrinphun chungmi Pu Chia Dun fanu, Pi Hmet Zing a ṭhit i fanu pali le fapa pahnih a hrin hna: 1. Pi Par Thluai {Pi Par Thluai cu Khup Zawn hrinphun chungmi, Rev. E. Phun Zam he an i um~Sai Ṭial nu khi a si}, 2. Pi Hram Ki {Pi Hram Ki nih Mual Cin hrinphun chungmi Pu Hmet Hnin a vat. An fale cu: Pi Iang Hlei, le 2. Pu Sang Kung an si.}, 3. Pu Mual Hlun {tleicia}, 4. Pa Thawng Mang {tleicia}, 5. Pi Bual Vang {Pi Bual Vang cu Sai Hma hrinphun chungmi, Pu Zing Mawng he an i um~Zam Mang Nu khi a si}, le 6. Pi Hniang Pawng {Pi Hniang Pawng cu Ai Thang hrinphun chungmi, Pu Ngun Dun he an i um~Za Tlem nu khi a si} hna an si.

Pu Lal Dun fapa Pu Mual Hlun: Pu Mual Hlun nih Za Hre hrinphun chungmi Pu Tei Tiam fanu, Pi Tawk Zing a ṭhit i fanu pakhat a hrin: 1. Pi Bawi Iang {Pi Bawi Iang nih Al Hluan hrinphun chungmi, Pu Mang Cung a vat i fanu pakhat le fapa pakhat: 1. Pa Zaw Lat, le 2. Nu Ṭial Chin Par an hrin hna hnu ah nung ṭian in an ṭian}. Pi Tawk Zing he an ṭian hnu ah, Pu Mual Hlun nih Kawl miphun Mawngtaw khuami, Pi Ma Wai a ṭhit ṭhan i fapa pahnih a hrin ṭhan hna: 1. Pu Zaw Zaw, le 2. Pa Ṭhun Ṭhun {US} hna an si.

Pu Mual Hlun fapa Pu Zaw Zaw: Pu Zaw Zaw nih Lunghnam khua, Pi Khin Hnin Phyo a ṭhit i fapa pathum a hrin hna: 1. Pa Daniel Biak Ṭha Thawng, 2. Pa Johanah Van Dawt Thawng, le 3. Pa Solomon Van Bawi Ceu hna an si. Atu cu an chungkhar in America ram ah khua an sa.

Pu Ngun Hniar fapa Pu Ngun Ceu: Pu Ngun Ceu nih Pi Mang Hliang a ṭhit i fanu pakhat le fapa pakhat an hrin hna: 1. Pu Mang Tum {Pu Mang Tum cu Kawl ah a rak pem i tefa a ngei lo}, 2. Pi Dawt Tlem {Pi Dawt Tlem nih Sum Zuan hrinphun chungmi, Pu Hram Dun a vat. Pi Dawt Tlem cu Mual Er nu a si. Pu Mual Er cu Ceu Kam pa a si} hringtu nu a si.

Pu Za Ceu fapa Pu Lawng Lian: Pu Lawng Lian nih fapa pathum a hrin hna: 1. Pu Ui Hmung, 2. Pa Ral Tling {Ral Tling hi tefa ngei loin rak thih dawh a si; a tuanbia zulhdawi khawhmi zeihmanh a um ti lo}, le 3. Pa Khen Thio {Khen Thio hi tefa ngei loin rak thih dawh a si; a tuanbia zulhdawi khawhmi zeihmanh a um ti lo} an si.

Pu Lawng Lian fapa Pu Ui Hmung: Pu Ui Hmung nih Kawng Thun hrinphun chungmi, Pi Tin Thluai a ṭhit i fapa pali a hrin hna: 1. Pu Mang Ceu {Pu Mang Ceu hi tefa ngei loin a thih caah a tuanbia pehzulh awk a um lo}, 2. Pu Lian Buk, 3. Pu Lian Cham, le 4. Pa Ngun Thawng {Ngun Thawng hi tefa ngei loin rak thih dawh a si; a tuanbia zulhdawi khawhmi zeihmanh a um ti lo} hna an si.

Pu Ui Hmung fapa Pu Lian Buk: Pu Lian Buk nih Kawng Thun hrinphun chungmi Pu Zawh Lal fanu, Pi Phun Zing a ṭhit i fapa pathum a hrin hna: 1. Pu Than Luai, 2. Pu Than Ceu, le 3. Pu Hrang Ṭhio {Pu Hrang Ṭhio hi ṭial awktlaak in a kong fiang in hngalh khawhmi a um lo. Tefa rak ngeih lo dawh a si} hna an si.

Pu Lian Buk fapa Pu Than Luai: Pu Than Luai nih Ai Thang hrinphun chungmi Pu Thawng Cin fanu Pi Sa Cek a ṭhit i fanu pakhat le fapa pahnih a hrin hna: 1. Pi Nah Thluai, 2. Pu Ṭial Uk, le 3. Pu Tuan Hmung hna an si.

Pu Than Luai fapa Pu Ṭuan Hmung: Pu Ṭuan Hmung nih fapa pakhat a ngeih: 1. Pu Bawi Ling a si. Pu Bawi Ling nih fanu pakhat le fapa pakhat a hrin hna: 1. Pa Van Bawi Thawng, 2. Nu Van Biak Zing an si.

Pu Ṭuan Hmung hi Chuangkhuah khua ah a rak pem. Cucaah nihin tiang, Pu Tuan Hmung tufa hna cu Chuangkhuah khua ah an um peng ko rih.

Pu Than Luai fapa Pu Ṭial Uk: Pu Ṭial Uk nih Al Hluan hrinphun chungmi Pu Hrang Mang fanu, Pi Hniar Kawi a ṭhit i fanu pahnih le fapa pahnih a hrin hna: 1. Pi Ngun Hnem {Pi Ngun Hnem nih Ai Thang hrinphun chungmi Pu Chia Hmung fapa, Pu Hrang Bik a vat~Van Ceu nu khi a si}, 2. Pu Thawng Hu, 3. Pa Thla Kam {Tleicia Pa Thla Kam cu kawl ralkap saupi a ṭuan hnu ah damlonak he a rak tlung i sau hmanh khua a um manh hlan ah a thi}, le 4. Pi Hram Cin {Pi Hram Cin nih Khup Zawn hrinphun chungmi, Pu Thawng Kio he fanu pakhat, Pi Sung Iang a hrin. Cu hnu ahcun, Sumzuam hrinphun chungmi, Pu Thang Nawn he fapa pakhat, Pu Ngun Za Thawng a hrin ṭhan} hna an si.

Pi Hniar Kawi nih a thih tak hnu ah Pu Ṭial Uk nih nupi pahnihnak, Zathang hrinphun chungmi Pu Tei Hmung fanu, Pi Dei Par a ṭhit ṭhan i fapa pahnih le fanu pahnih a hrin ṭhan hna: 1. Pu Hre Bik, 2. Pi Zing Dong {Pi Zing Dong nih Khup Zawn hrinphun chungmi Pu Hre Nawn fapa, Pu Ngun Khar a vat~Lian Cung nu khi a si}, 3. Pu Sai Kung {Tleicia Pu Sai Kung hi nupi cu a rak ṭhi nain tefa ngei manh loin a thih caah a tuanbia pehzulh in ṭial awk a um lo}, 4. Pi Dawt Hlei Thluai {Pi Dawt Hlei Thluai cu Mizoram ah pasal a ngei i an chungkhar in Mizoram ah khua an sa} hna an si. {Pu Ṭial Uk nih nupi pathumnak, Pi Ceih Hnem a ṭhit ṭhan nain tefa an ngei lo}.

Pu Ṭial Uk fapa Pu Thawng Hu: Pu Thawng Hu nih Hau Zaw hrinphun chungmi Pu Chia Uk fanu, Pi Nu Bu a ṭhit i fapa panga le fanu paruk a hrin hna: 1. Pa Sai Cung {Pa Sai Cung cu nupi ṭhit hlan i a thih caah a tuanbia pehzulh in ṭial awk a um lo}, 2. Pu Than Hei, 3. Pi Dawt Len {Pi Dawt Len nih Hmaikhah khuami, Pu Ṭha Bik a vat. An fale hna cu: 1. Pa Richard Van Thawng Mang, 2. Nu Gracy Van Ṭha Par, le 3. Pa Tourist Dawt Cung Cin an si}, 4. Pu Tluang Cung Mang, 5. Pa Tin Thang {USA}, 6. Pi Tawk Hnem {Pi Tawk Hnem nih Thantlang khuami, Pu Thangte a vat}, 7. Pa Mawng Myint, 8. Nu Tha Hlawn, 9. Nu Cer Zi, 10. Pa Ṭial Chum, le 11. Nu Ngun Vang hna an si.

Pu Thawng Hu fapa Pu Than Hei: Pu Than Hei nih Ṭial Hup hrinphun chungmi Pu Tum Tling fanu, Pi Tin Tang a ṭhit i fanu pakhat le fapa pakhat a hrin hna: 1. Nu Van Sui Dim, le 2. Pa Bawi Ṭha Hmung hna an si.

Pu Thawng Hu fapa Pu Tluang Cung Mang: Pu Tluang Cung Mang nih Zaa Thang hrinphun chungmi Pu Mual Awi fanu, Pi Thluai Zi a ṭhit i fapa pakhat a hrin: 1. Pa Biak Ṭha Lian a si.

Pu Ṭial Uk fapa Pu Hre Bik: Pu Hre Bik nih Mizo miphun, Pi Lalthangliani a ṭhit i fapa pahnih le fanu pakhat a hrin hna: 1. Pa Lalnuntluanga, 2. Pa Vanlalrengpuia, le 3. Pa Lawmsangpui hna an si. Atu hi an chungkhar tein Mizoram Farkawn khua ah an um.

Pu Lian Buk fapa Pu Than Ceu: Pu Than Ceu nih Hau Zaw hrinphun chungmi Pu Rung Nawn fanu, Pi Ngun Ci {Sal Hluan tiah an rak auh} a ṭhit i fapa pathum le fanu pathum a hrin hna: 1. Pi Dar Vang (tleicia), 2. Pi Zing Tlem (tleicia), 3. Pu Dar Hlun, 4. Pu Thawng Nawn, 5. Pu Cung Mang (tleicia), le 6. Pi Renh Ci (tleicia) hna an si.

Pu Than Ceu fapa Pu Dar Hlun: Pu Dar Hlun nih Ai Thang hrinphun chungmi Pu Hrang Kung fanu Pi Bual Tlem a ṭhit i fapa paruk le fanu pakhat a hrin hna: 1. Pi Dawt Zi {Pi Dawt Zi nih Kawng Thun hrinphun chungmi Pu Thang Ci fapa, Pu Rual Cung a vat~Sai Iang pa khi a si}, 2. Pu Ṭial Peng {Australia}, 3. Pu Zam Hei, 4. Pu Tin Cung {Australia}, 5. Pa Nawl Bik (tlei-cia), 6. Pu Siang Awi, le 7. Pu Cung Uk Thawng hna an si.

Pu Dar Hlun fapa Pu Ṭial Peng: Pu Ṭial Peng nih Sum Zuan hrinphun chungmi Pu Do Zam fanu, Pi Mang Dei a ṭhit i fapa pahnih le fanu pathum a hrin hna: 1. Nu Mary, 2. Nu Ni Par, 3. Pa. Jessy Mang Lian Peng, 4. Nu Iris Bawi Ṭha Chin, le 5. Pa Benjamin Bawi Bik hna an si. Annih hi an chungkhar in Austrilia ram ah khua an sa.

Pu Dar Hlun fapa Pu Zam Hei: Pu Zam Hei nih Kawng Thun hrinphun chungmi Pu Thang Ci fanu, Pi Dawt Ki a ṭhit i fanu pahnih le fapa pakhat a hrin hna: 1. Nu Iang Chin Sung, 2. Nu Iang Hnem Sung, le 3. Pa Duh Cung hna an si.

Pu Dar Hlun fapa Pu Tin Cung: Pu Tin Cung nih Ṭial Hup hrinphun chungmi Pu Hrang Chum fanu, Pi Ngun Khen a ṭhit i fanu pakhat le fapa pathum a hrin hna: 1. Nu Ngun Chin Par, 2. Pa Van Biak Ceu, 3. Pa Bawi Ṭha Thawng, 4. Pa Ebenezer Lian Cung hna an si. Annih an chungkhar in Austrilia ram ah khua an sa.

Pu Dar Hlun fapa Pu Siang Awi: Pu Siang Awi nih Ṭial Hup hrinphun chungmi Pu Tum Tling fanu, Pi Hlawn Par a ṭhit i fapa pakhat le fanu pathum a hrin hna: 1. Pa Micheal, 2. Nu Esther, 3. Nu Bawi Tin Par, 4. Nu Far Hlei Sung hna an si.

Pu Dar Hlun fapa Pu Cung Uk Thawng: Pu Cung Uk Thawng nih Zaa Thang hrinphun chungmi Pu Kio Tu fanu, Pi Ṭial Thluai a ṭhit i fanu pakhat an hrin: 1. Nu Thla Meng Par a si.

Pu Than Ceu fapa Pu Thawng Nawn: Pu Thawng Nawn nih Aive khua Chun Tei hrinphun chungmi Pu Ngun Ling fanu, Pi Dar Thlia a ṭhit i fanu pathum a hrin hna: 1. Dr. Mi Mi Moses {Dr. Mi Mi Moses nih Karen miphun, Pu Eddy a vat. An fale hna cu: 1. Pa Erika Moses, le 2. Pa Nicole Moses hna an si. Atu cu an chungkhar in Australia ram ah khua an sa}, 2. Nu April Moses {pasal a ngei rih lo}, 3. Nu Gracy Moses hna an si.

Pu Ui Hmung fapa Pu Lian Cham: Pu Lian Cham nih Hmaikhah khua Vankhawng hrinphun chungmi Pu Ceu Nawl fanu, Pi Hniar Tlem a ṭhit i fanu pahnih a hrin hna: 1. Pi Mang Can, le 2. Pi Khuang Can an si.

Hi Ceupa Chung Hrinphun tuanbia hi anmah hrinphun chungmi, Pu Ram Peng nih an tuanbia a khomhsuatmi cherhchan in ṭialmi a si. Palh sualnak le tlamtlinlonak tampi a um kho zeicahtiah chan tampi a kal cangmi hrinphun a si caah le ca chan a rak si ve lo caah, felfai tein an hngalh khawh dih lomi tampi a um. Cucaah chambaunak le tlamtlinlonak a ummi tete kongah careltu kan dihlak nih theihthiamnak sangpi ngeih cio hna usih.

  

Ṭial Hup Hrinphun Tuanbia

Pupa chan ahcun tuanbia ṭial a rak um lo caah, zeitiset in dah Cinkhua Ṭial Hup hrinphun hi aa rak thok i, a kan hringsortu kan pu bik Pu Ṭial Hup hi zei hrinphun chungmi dah a rak si, timi kan hngal kho ti lo. Cun, kan pu Ṭial Hup chan in nihin tiangah chan zeizat dah kan si cang, timi zong kan hngal kho ti lo. Sihmanhsehlaw Taizaang in Khua hlun ah, Khua Hlun in Khua Thar ah a rak ra vemi Cinkhua hrinphun hlun kan si, timi cu fiang tein kan hngalh. Cinkhua tuanbia ṭialtu kan pale hna zong nih, Ṭial Hup hrinphun cu Taizaang chan in a rak um pengmi hrinphun hna lakah an telh chih zungzalmi hrinphun a si. Ca chan a rak si lo caah, kan hringsortu kan pupa hna zong hi an tefa ngeihmi dihlak tlamtling in kan hngal kho hna lo. Kan pale sin in kan rak theih chinning le nihin Ṭial Hup hrinphun pale hna nih kan khomhsuat khawhmi vial cherhchan in, hi kan hringsortu thawhkehnak tuanbia hi ṭial a si.

Cinkhua Ṭial Hup hrinphun hi Mie peng Halta khua, Zokhua peng Hrawngvun khua, Senthang peng Khuapi khua ti bantuk zongah a pem chinmi an um hna. Sihmanhsehlaw khuazei khua a ummi poh, kan dihlak in Cinkhua Ṭial Hup in aa thokmi lawngte kan si dih; kan thawhkehnak hrihhram cu aa khat dih, tiah zumh a si. Ṭial Hup kan pupa hna hi Taizaang khua in Cinkhua Khua hlun tlaak tiang ahcun, khua dangah a pemmi an rak um rih lo, tiah zumh a si. Cinkhua khua hlun tlaak hnu tu ahhin, kaa dang hmun dangah a kalmi le khuasami an rak um hi a si lai, tihi kan ruahning a si. Cucaah Ṭial Hup hrinphun cu, kan dihlak in, Taizaang chuak kan si dih ko caah, khua dangdang i a pem cangmi hna tuanbia zong banhphanh tawk tiang, langhter chih khawh kan i zuam lai.

3#.  Pupa Min Dotdot:

1. Pu Khuang Thlur

2. Pu No Al

3. Pu Thim Thang

4. Pu Hmung Nawl

5. Pu Bual Ceu, Pu Sang Duai, le Pu Bil Tiam

Pu Khuang Thlur: Pu Khuang Thlur hi atu ah a nung rihmi Cinkhua Ṭial Hup hrinsor nih kan chuahkehnak le hringsortu hrihhram kan hngalh khawhmi lakah a hlat bik a si; amah tiang lawng hi kan thawhkhehnak kan dawi khawh. Pu Khuang Thlur nih Pu No Al a hrin. Pu Khuang Thlur nupi min hi aho a si hngalh khawh a si ti lo.

Pu Khuang Thlur fapa Pu No Al: Pu No Al nih fanu pakhat le fapa pakhat a hrin hna: 1. Pu Thim Thang, le 2. Pi Bil Thluai {Pi Bil Thluai cu Za Hre hrinphun chungmi Pu Za Hre fapa, Pu Khen Thang he an i um. Pi Bil Thluai cu That Ve nu a si. Pu That Ve cu Tei Tiam pa a si. Pu Tei Tiam cu Thla Pen pa a si. Pi Thla Pen cu Peng Luai nu khi a si} hna an si.

Pu Thim Thang hi sakah thiam a rak si, ti a si. “Amah chan lio ahhin Cinkhua khuapi ah pul a rak tlung i cu pul a dih kaa hrawng ahcun, khuapi te nih ramlak vah an rak tanh. Khuapi te khua huakaa in tonnak an ngeih lio ah Pu Thim Thang nih sakhi a rak kah piak hna i, kan pul a thiang cang lai tiah khuapi lung lomhnak in an rak khat” tiah Pu Tawk Hmung nih a tuanbia a chim.

Pu No Al fapa Pu Thim Thang: Pu Thim Thang nih Hau Zaw hrinphun chungmi Pu Hniar Tling fanu, Pi Ṭial Cin a ṭhit i fapa pahnih le fanu pakhat a a hrin: 1. Pu Hmung Nawl {Pa Kawi ti zong in auh a rak si}, 2. Nu Dawte le a min hngalh khawh ti lomi an naupa hna a si.

“Pu Hmung Nawl tiah min an rak saknak a ruang cu, Hmung Tlang khuachia an rak biak caah Hmung khuachia an rak nawlnak cherhchan in sakmi a si” tiah Pu Tawk Hmung nih a min sullam a chim. Pu Hmung Nawl hi mitlamtling lo deuh a simi farnu pakhat le nau pa pakhat a rak ngei, ti a si. Cu farnu cu a min ah, Nu Dawte ti a si. Nu Dawte cu pasal le tefa ngei kho a rak si lo caah a tuanbia pehzulh awk zeihmanh a um lo. Cun, nau pakhat a ngei an timi zong hi nupi le fa ngei loin a rak thih maw a si, hring lo dah a si, timi zeihmanh hngalh khawhmi a um ti lo.

Pu Thim Thang fapa Pu Hmung Nawl: Pu Hmung Nawl nih Za Hre hrinphun chungmi Pu Than Zing fanu, Pi Sam Khirh a ṭhit i fapa pahnih a hrin hna: 1. Pu Sang Duai, le 2. Pu Bil Tiam an si. A nupi he an ṭian hnu ah, Pu Hmung Nawl nih Sum Zuan hrinphun chungmi, Pi Ngeih Hnem a ṭhit ṭhan i fanu pahnih le fapa pahnih a hrin ṭhan hna: 1. Pi Ṭial Kai {Pi Ṭial Kai nih Kawng Thun hrinphun chungmi Pu Phun Duai a vat i 1. Pi Zing Hnem {Tin Peng nu}, 2. Pu Hrang Hre, 3. Pi Ṭial Kil {Biak Lawm nu} a hrin hna}, 2. Pi Khuang Pen {Pi Khuang Pen cu Pi Zing Nawn nu a si. Pi Zing Nawn cu Pu Aung Lin nu a si}, 3. Pu Bual Ceu, le 4. Pu Sang Tu hna an si.

Pu Hmung Nawl fapa Pu Sang Duai: Pu Sang Duai nih Lian Tling hrinphun chungmi Pu Ui Er fanu, Pi Ni Doi a ṭhit i fapa pakhat te a ngeih: 1. Pu Tawk Hmung lawng {Ṭial Khen pa} hi a si. [Pi Ni Doi chuahpi unau hna cu: 1. Pu Tei Nawl {Hniar Hu pa}, 2. Pu Hniar Cung {Dar Kio pa}, le 3. Pi Zing Pen {Bual Tiam nu} hna khi an si].

Pu Sang Duai fapa Pu Tawk Hmung: Pu Tawk Hmung nih Sai Hma hrinphun chungmi Pu Kil Dum fanu, Pi Fom Taang a ṭhit i fanu pali le fapa pathum a hrin hna: 1. Pi Ṭial Khen (Ceupa Chung Hrinphun chungmi Pu Kil Hu he an i um-USA), 2. Pi Hoi Iang (Ceupa Chung Hrinphun chungmi Pu Cung Thawng he an i um), 3. Pu Pek Cung, 4. Sayaci Zing Hu, 5. Pa Biak Hlei Bawi, 6. Pi Za Len Mawi {Pi Za Len Mawi nih Hakha Lay khuami, Pu Khrih Thawng a vat i fapa pakhat, Pa Van Nuam Sang an hrin}, 7. Pi Helen Biak Chin Ṭial {Pi Helen Biak Chin Ṭial nih tleicia Pi Biak Hnem fapa, Pu Ngun Cung Thang a vat} an si. [Pi Fom Taang chuahpi unau hna cu: 1. Pu Zing Mawng {Zam Mang pa}, 2. Pi Dar Cia {Par Ṭial nu}, le Pi Sang Ṭial {Ṭial Dei nu} hna khi an si.]

Pu Tawk Hmung fapa Pu Pek Cung: Pu Pek Cung nih Khup Zawn hrinphun chungmi Pu Thawng Kio fanu, Pi Sung Iang a ṭhit i fanu pahnih a hrin hna: 1. Nu Roda Sui Tin Par, le 2. Nu Daily Thla Dong an si.

Pu Tawk Hmung fapa Sayakyi Zing Hu: Sayakyi Zing Hu nih Khup Zawn hrinphun chungmi Pu Ngun Khar fanu, Pi Ngun Taang a ṭhit i fanu pakhat a hrin: 1. Nu Bawi Tin Hnem a si.

Sayakyi Zing Hu cu A.D. 2008 ah Kalay University in Bachelor of Science (B.Sc) in Zoology a dih. Cu hnu ah, pehzulh in Bible lei cawnnak a peh ṭhan i A.D. 2013 kum ah Hakha khua ah a ummi Chin Christian College (CCC) ah Master of Divinity (M.Div) a dih. Cun A.D. 2014 kum ah cozah sianginn cachim rian ah a lut i a chuah semnak Cinkhua sianginn ah siangcachim rian a ṭuan. A.D. 2016 – 2018 August thla tiang Cinkhua Sianginn sayakyi a rak ṭuan. Nihin tiang ah, a chuah kehnak Cinkhua Sianginn ah cachim rian a ṭuan peng ko rih.

Pu Hmung Nawl fapa Pu Bil Tiam: Pu Bil Tiam nih Ai Thang hrinphun chungmi Pu Ui Hnin fanu, Pi Sang Thlia a ṭhit i fanu pathum a hrin hna: 1. Pi Thawr Ki {Ceu Kam nu}, 2. Pi Sa Hnem {Dar Sung nu}, 3. Pi Kai Zing {Mang Hu nu} hna an si. Pi Sang Thlia chuahpi unau hna cu 1. Pu Hrang Kung {Bual Tlem pa}, 2. Pi Ngun Kip {That Luai nu}, 3. Pi Sun Ṭial {Hniar Hu nu}, 4. Pu Chia Hmung {Dar Awi pa}, 5. Pu Hniar Hei {Ngun Dun pa}, 6. Pu Kilh Ling {Ngun Thlia pa}, le 7. Pu That Chum {Biak Hnem pa} hna khi an si. Pi Sang Thlia he an ṭian hnu ah, Pu Bil Tiam nih Hmaikhah khuami, Pi Sia Dei a ṭhit ṭhan i fapa pakhat a hrin: 1. Pu Pu Sa Awi a si.

Pu Bil Tiam fapa Pu Sa Awi: Pu Sa Awi nih Hmaikhah khuami Pi Ceih Hnem a ṭhit i fanu pakhat le fapa pakhat a hrin hna: 1. Pi Sung Tang {Pi Sung Tang nih Sum Zuan hrinphun chungmi Pu Siang Kung fapa, Pu Cung Nawl a vat}, 2. Pu Ni Awr an si.

Pu Sa Awi fapa Pu Ni Awr: Pu Ni Awr nih Pi Tluang Iang a ṭhit i fanu pahnih le fapa pathum a hrin hna: 1. Nu Thluai Cin, 2. Pa Van Dawt Lian, 3. Pa Van Ṭha Bik, 4. Nu Lily Par, le 5. Pa Bawi Ṭha Cung hna an si. An chungkhar Kalay khuapi ah khua an sa.

Pu Hmung Nawl fapa Pu Bual Ceu: Pu Bual Ceu nih Khup Zawn hrinphun chungmi Pu Bil Thang fanu, Pi Mang Iang a ṭhit i fapa pali le fanu pali a hrin hna: 1. Pu Erh Ling {Sang Hei pa}, 2. Pu Tum Tling {Tin Tang pa}, 3. Pu Hniar Dun {Ram Za Awi pa}, 4. Pu Hrang Chum {Ngun Khen pa}, 5. Nu Man Nawn {pasal a ngei lo}, 6. Pi Cer Zing {Pi Cer Zing nih Sum Zuan hrinphun chungmi Pu Nam Kung fapa, Pu Lal Cung a vat~Ni Pen nu a si}, 7. Pi Kilh Dei {Pi Kilh Dei nih Chun Tei hrinphun chungmi, Pu Thla Awr a vat~Tin Hre nu a si}, le 8. Pi Sui Thlia {Pi Sui Thlia nih Rual Hleng hrinphun chungmi Pu Hrang Cem fapa, Pu Ram Hre a vat~Dar Hu nu a si} hna an si.

[Pi Mang Iang chuahpi unau hna cu: 1. Pu Chan Ṭhum {Thawng Kio le Ṭuan Hei pa}, 2. Pu Lal Hlun {Ca Ling le Hrang Khar pa}]

Pu Bual Ceu hi ṭhangthar mino zong nih hun hmuh hngalh khawh awk in, Lai lupawng raang le samtom he a thih ni tiang a ummi a si. Annih hi Khrihfabu ṭhithruainak lubaan tlai in a ummi a si lo nain fek tein Pathian aa tlaihmi kan pa pakhat a si. Pathian thangthatnak hlasak le thlacam a duh tukmi a si. Cinkhua Baptist Church pulpit cung hlaremh le solo sak caan poh ah “Amen, a ṭha, kan sak piak ṭhan te u” tiah aa pummi vialte theih awk in a au tawnmi kan pu a si. A thih lai tiangah, Cinkhua aw ṭha Biak Nawn, Hnem Iang le Biak Ceu hna sawm in rovuihnak biachimnak le hlasak record a tuahmi le a thih ni tiang ah chungkhar le khuami caah thluachuah hal thlacamnak a ngeimi zumhnak lei kan pa pakhat a si.

Pu Bual Ceu fapa Pu Erh Ling: Pu Erh Ling nih Zaa Thang hrinphun chungmi Ceu Nawn fanu, Pi Sa Zing a ṭhit i fapa pathum le fanu pahnih a hrin hna: 1. Pastor Sang Hei Lian {Australia}, 2. Pi Dawt Men Iang { Pi Dawt Men Iang nih Lian Tling hrinphun chungmi Pu Hniar Hu fapa, Pu Mang Bawi Uk a vat}, 3. Pastor Kep Nawl, 4. Pu Tin Sang Ling, le 5. Nu Dawt Tha hna an si. Pu Erh Ling nih nu dang sin in a hrinmi fapa pakhat a hrin i Pa Dawt Cung tiah auh a si.

[Pi Sa Zing chuahpi unau hna cu: 1. Pu Nawl Cung {Thla Peng pa}, 2. Pu Biak Hnin {Hei Mang pa}, 3. Pi Zing Dei (Ngun Ṭha Len nu}, 4. Pi Rual Ken {Sui Zi nu}, 6. Pi Hram Pen {Biak Hlawn nu}, 7. Pi Sui Hnem {Sung Cia nu}, 8. Pi Siang Len Ṭial {Cung Thang nu} hna an si.]

Pu Erh Ling cu A.D 2001 January thla in A.D 2004 November thla tiang Cinkhua khuabawi a rak ṭuanmi a si. Khuabawi a ṭuan chung ah, chinchiah awk tlaak thil a tuahmi le ṭhanchonak thlaici a tuh takmi hna lakah langhter lo awk a ṭha lomi hna cu: Cinkhua khua ah UNDP rianṭuannak a lut. Cinkhua khua ah UNDP rianṭuannak a luhtertu a si, ti ahcun kan palh men hnga. Sihmanhsehlaw amah khuabawi ṭuan lio ahhin Cinkhua khua ah UNDP rianṭuannak luh hram aa thok, ti cu a dikhmanmi a si.  Cinkhua khua ah UNDP rianṭuannak a luh hi A.D 2002 kum ah a si. Cu lio ahcun UNDP bawi Pu Steven Vanbik cu Cinkhua khua ah a rak ra i Cinkhua khua ṭhanchonak rian ṭuan dingmi saduhthah a rak suaiter hna i Pu Erh Ling hruainak tang ah UNDP nih khua ṭhanchonak rian tampi an ṭuan. Atu kan hman liomi hydro sehzung zong khi amah Pu Erh Ling hruainak tang ah tuahmi a si. Avoikhatnak sehzung saknak rian cu 2004 dongh lai te ah lim a rak si. Cun A.D 1971 kum in A.D 2003 tiang Cinkhua khua cu cuancung le cuantang ti in rak um a si. Sihmanhsehlaw Pu Erh Ling khuabawi a ṭuan chung A.D 2003 kum ah cuantang lei ummi vialte cuancung kai kho dih ding in khua upa hna he hnatlaaknak a rak serpi khawh hna.

Pu Erh Ling cu A.D 1976 kum in Rangon in Indigenous Medical (Sii lei thiamnak) cawn hram a rak i thok i A.D. 1978 kum ah a rak dih. Cun A.D. 1981 kum in Mandalay ah LAB Science cawn hram aa thok ṭhan i A.D. 1983 kum ah a dih. Cu hnu cun, Cinkhua le kiangkap khua vialte nih siibawi bantuk in an hmanmi mi santlai pakhat a si. Cu lawng siloin Cinkhua khua ah caan zeimazat chung khuabawi rian zong a ṭuanmi le amah tawk in khua nih bochanmi kan pa pakhat a si. Cinkhua hrinsor nih hi tuanbia cauk hin a cungah lomhnak roca kan ṭial.

Pu Erh Ling fapa Pastor Sang Hei Lian: Pastor Sang Hei Lian nih Kheng Lawt hrinphun chungmi Pu Hrang Hnuai fanu, Pi Tluang Zi a ṭhit i fapa pahnih a hrin hna: 1. Pa Francis Sang Bawi Mang Ṭial Hup, le 2. Pa William Cung Bawi Thawng Ṭial Hup an si. An chungkhar in Australia ram ah khua an sa.

Pastor Sang Hei Lian cu A.D. 2007 ah Yangon khuapi ah a ummi, Missionary Training School (MTS) sianginn in Bachelor of Theology (B.Th) a dih. Cu hnu ah, A.D. 2008 in 2009 tiang, kum hnih chung Cinkhua khua ah a ummi Bethany Baptist Church (BBC) khrihfabu ah pastor rian a rak ṭuan. Bathany Baptist Church ah caantling church pastor a ṭuan hmaisa bikmi upat tlaak mino pakhat a si.

Pu Erh Ling fapa Pastor Kep Nawl: Pastor Kep Nawl nih Zaa Thang hrinphun chungmi Pu Nawl Cung fanu, Pi Sung Dei a ṭhit i fanu pahnih le fapa pakhat a hrin hna: 1. Pa Nun Uk Thawng, 2. Nu Iang Chin Par, le 3. Nu Lovely Par Ṭha Iang hna an si.

Pastor Kep Nawl cu Yangon khuapi ah a ummi Biblical School of Theology (BST) sianginn in A.D. 2013 ah Bachelor of Theology (B.Th) degree a laak. Cu hnu ah, A.D. 2014 in Cinkhua Bethany Baptist Church ah pastor rian a ṭuan i nihin tiang pehzulh in a ṭuan peng ko rih.

Pu Erh Ling fapa Pu Tin Sang Ling: Pu Tin Sang Ling nih Sum Zuan hrinphun chungmi Pu Kil Hlun fanu, Pi Ṭial Hlawn Sung a ṭhit i fapa pathum le fanu pakhat a hrin hna: 1. Pa Van Hnin Thang, 2. Pa Van Ro Thang, 3. Nu Sarah Van Par Hlawn, le 4. Pa Cung Lian Ceu hna an si.

Pu Bual Ceu fapa Pu Tum Tling: Pu Tum Tling nih Sum Zuan hrinphun chungmi Pu Chia Hlun fanu, Pi Ngun Kil a ṭhit i fapa pali le fanu pali a hrin hna: 1. Pi Tin Tang {Pi Tin Tang nih Al Hluan hrinphun chungmi Pu Aung Lin a vat i fanu pakhat le fapa pakhat an hrin hnu ah, nung ṭian in an ṭian i Ceupa Chung Hrinphun chungmi Pu Thawng Hu fapa, Pu Than Hei a vat ṭhan~Jeneary nu a si}, 2. Pu Thawng Cin, 3. Pi Hlawn Par {Pi Hlawn Par nih Ceupa Chung Hrinphun chungmi Pu Dar Hlun fapa, Pu Siang Awi a vat~Micheal nu a si}, 4. Pastor Hram Bik Lian, 5. Pi Biak Tin Par {Pi Biak Tin Par nih Ai Thang hrinphun chungmi Pu Ni Hre fapa, Pu Cung Bik Lian a vat~Stellar nu a si}, 6. Pu Tha Ceu Lian, 7. Pastor Dawt Chum Ling, 8. Tv. Zung Awi Thawng hna an si.

[Pi Ngun Kil chuahpi unau hna cu: 1. Pi Sui Nawn {Thla Sung nu}, 2. Pu Khin Maung {Khrih Thawng pa}, 3. Pu Ngun Awi {Ngun Pen pa}, 5. Pu Hrang Hei (Van Siang Awi pa}, le 6. Pi Sa Nawn {Sui Hlawn nu} hna an si.]

Pu Tum Tling cu Cinkhua khua ṭhithruainak ah khuabawi rian bawmtu rian (se-in-khawng) le khrihfa upa nak sang deuh rian a ṭuan bal lomi a si. Sihmanhsehlaw midik mifel a si caah amah tawk in khuami nih dawtmi le ṭihzahmi kan pa pakhat a si.

Pu Tum Tling fapa Pu Thawng Cin: Pu Thawng Cin nih Khup Zawn hrinphun chungmi Pu Hrang Khar fanu, Pi Ngun Din a ṭhit i fanu pakhat a hrin: 1. Bawi Hnem Par a si.

Pu Tum Tling fapa Pastor Hram Bik Lian: Pastor Hram Bik Lian nih Thantlang peng Bungkhua khua Cinzah hrinphun chungmi Sayakyi Mang Rawl fanu, Pi Ngun Ṭha Hniang aka San San a ṭhit i fapa pathum a hrin hna: 1. Pa Vanbawiṭhabik Ṭial Hup, 2. Pa Vancungbawithawng Ṭial Hup, le 3. Vankhamhthawng Ṭial Hup an si.

Pastor Hram Bik Lian cu A.D. 2005 ah hrinṭhannak a co hnu in Bible sianginn a kai i A.D. 2009 ah, Biblical School of Theology (BST), Yangon in Bachelor of Theology (B.Th) degree a laak. Cu hnu ah, Mie Peng, Fiarti khua ah kum khat pastor rian a ṭuan hnu ah, India ram Bangalore ah sianginn pehzulh in a kai i A.D. 2013 ah Baptist Seminary of South India (BSSI), Bangalore in Master of Theology in Bible Exposition (M.Th) degree a laak. A.D. 2014 ah Industrial Info Resources timi vawleicung pumpi huap in Marketing Research a tuahtu company ah, Myanmar rampi {electric power le Oil & Gas industry} ṭuanvo latu dirhmun in rian ah a lut i nihin tiang cu rian cu a ṭuan chih peng ko rih. India ram khualipi Delhi ah a ummi National Institute of Business Management in Master of Business Administration cu (distance) in a kai i A.D. 2017 ah a dih. A.D. 2018 in New Delhi ah a ummi Lai Christian Church (LCC) ah church pastor rian a ṭuan i nihin tiang cukaa ahcun a chungkhar he khua an sa. Pastor Hram Bik Lian hi cauk zong uk hnih tiang a kan chuah piak cangmi, le amah dirhmun ah bochan tlaak mino pakhat a si.

Pu Tum Tling fapa Pu Ṭha Ceu Lian: Pu Ṭha Ceu Lian nih Hrawngvun khua Hrinthar hrinphun chungmi Pu Tluang Peng fanu, Pi Sarah Ngun Ṭha Par aka San San a ṭhit i fanu pakhat a hrin: 1. Nu Sui Ṭha Par a si.

Pu Ṭha Ceu Lian hi A.D. 2014 ah India ram Silchar khuapi ah a ummi, North East India Baptist Bible College (NEIBBC) sianginn in Bachelor of Theology (B.Th) degree a laak. Cu hnu ah, A.D. 2015 kum khat chung Cinkhua Sianginn ah zaanghlei cawi in cachim rian a rak ṭuan piak hna. Cu hnu ah, pehzulh in sianginn a kai ṭhan i A.D. 2018 ah India ram Delhi khuapi ah a ummi Eastern Theological Institute & Seminary (ETI&S) sianginn ah Master of Divinity (M.Div) degree a laak. Cu hnu ah, A.D. 2018 November ah Industrial Info Resources timi vawleicung pumpi huap in Marketing Research a tuahtu company ah, Myanmar rampi {Metal&Minerals le Food&Beverage industry} ṭuanvo latu dirhmun in rian a lut i nihin tiang cu rian cu a ṭuan peng ko rih.

Pu Tum Tling fapa Pastor Dawt Chum Ling: Pastor Dawt Chum Ling nih Lung Khin khuami, Pi Pen Kuai a ṭhit i fanu pahnih a hrin hna: 1. Nu Eng Cin Par, le. 2. Nu Bawi Len Par hna an si.

Pastor Dawt Chum Ling cu A.D. 2015 ah Kalaymyo khuapi ah a ummi, Myanmar Mission for Christ Bible College in Bachelor of Theology degree a laak. Cu hnu ah, Cinkhua khua ah a ummi Bethany Baptist Church nih pastor ah an lak i nihin tiang cu rian cu a ṭuan cuahmah rih.

Pu Tum Tling fapa Tv. Zung Awi Thawng: Tv. Zung Awi Thawng cu nihin tiang nupi ṭhi loin a um ko rih. Annih hi A.D. 2018 ah Delhi khuapi ah a ummi Eastern Theological Institute & Seminary (ETI&S) sianginn ah Bachelor of Theology (B.Th) degree a laak. Cu hnu ah, pehzulh in sianginn a kai ṭhan i Yangon khuapi ah a ummi, Myanmar Ministry Training School (MMTS) sianginn in A.D. 2020 Master of Divinity (M.Div) degree a laak ṭhan.

Pu Bual Ceu fapa Pu Hniar Dun: Pu Hniar Dun nih Khup Zawn hrinphun chungmi Pu Hre Nawn fanu, Pi Ngun Cia a ṭhit i fapa pali le fanu pakhat a hrin hna: 1. Pu Ram Za Awi, 2. Pi Cer Vang (Hrawngvun khuami Pu Uk Ceu a vat. An fale hna cu: 1. Pa Bawi Lian Uk, 2. Cung Dawt Lian Siakhel, le 3. Pa Sui Lian Thang Siakhel hna an si. Atu cu an chungkhar in US ram ah khua an sa), 3. Pa Chum Nawn, 4. Pa. Bawi Bik Cung (tleicia), 5. Pa Van Dawt Chum, le 6. Pa Van Thawng Mang hna an si. [Pi Ngun Cia chuahpi unau hna cu: 1. Pi Dar Hliang (Za Peng Lian nu), 2. Pu Ngun Khar {Lian Cung nu}, 3. Pu Mang Hlau {Sui Hlei Sung pa}, 4. Pi Tuan Tang {Van Hre Lian nu}, 5. Pi Ṭial Zi, 6. Pu Ngun Cung, le 7. Pi Rosy hna an si.]

Pu Hniar Dun cu A.D 1988 in 1994 tiang Cinkhua khuabawi a rak ṭuantu a si. Pu Hniar Dun cu a chan lio ah paṭhawng le thazaang ngei ah rak ruahmi pakhat a si ve.  Annih zaangleknak bawlung chuih ti bantuk ah kiangkap khua tete nih theih hngalh ngaingai mi pakhat a rak si ve.

Pu Hniar Dun fapa Pu Ram Za Awi: Pu Ram Za Awi nih Hmaikhah khua Vankhawng hrinphun chungmi, Pi Tin Cuai a ṭhit i fapa pahnih le fanu pakhat a hrin hna: 1. Pa Johan Thla Peng Ceu, 2. Pa Samuel Ram Peng Thang, le 3. Nu Monica Bawi Hlei Par an si. An chungkhar in US ram ah khua an sa.

Pu Bual Ceu fapa Pu Hrang Chum: Pu Hrang Chum nih Kawng Thun hrinphun chungmi Pi Sui Hlem a ṭhit i fanu pasarih a hrin hna. Cu hna cu: 1. Pi Ngun Khen {Pi Ngun Khen nih Ceupa Chung Hrinphun chungmi Pu Dar Hlun fapa, Pu Tin Cung a vat i an chungkhar in Australia ah khua an sa}, 2. Pi Sung Meng {Pi Sung Meng {USA} nih Tahan khuami, Pu Rokim Cinzah a vat. An fale hna cu: 1. Nu Sui Chin Ṭial, le 2. Pa Roliansangkim Cinzah hna an si}, 3. Pi Mang Hlawn Sung {Hakha khuami Pu Heaven fapa, Saya Heaven Thawng Ṭha Bik a vat i Thailand ram ah missionary rian ṭuan in an um}, 4. Lg. Ṭial Ṭha Len {Australia}, 5. Pi Esther Ly Ly {Pi Esther Ly Ly nih Tikir khuami Pu Peng Lian Ceu a vat. An fale hna cu: 1. Nu Dawt Tin Rem, le 2. Nu Mary Van Ni Mawi an si}, 6. Pi Man Kip Sung {Pi Man Kip Sung nih Zokhua khuami, Pu David Lal Cung Bik a vat i Australia ah khua an sa}, le 7. Lg. Siang Ṭha Par hna an si.

[Pi Sui Hlem chuahpi unau hna cu: 1. Pi Sia Neng {Cia Sung nu}, 2. Pi Ṭial Bang {Thla Iang nu}, 3. Pu Sang Zel {Ni Meng Pa}, 4. Pu Rual Cung {Sai Iang pa}, 5. Pastor Lian Cin {Ngun Chin Ṭial pa}, 6. Pi Dawt Ki {Ngun Bor nu}, 7. Pu Za Dun, 8. Pu Than Bik {Sui Tin Tlem nu}, 9. Pu Dar Mang {Ṭha Tang pa}, le 10. Pu Cung Hnin {Lian Cung Hu pa} hna an si.]

Pu Hmung Nawl fapa Pu Sang Tu: Pu Sang Tu  nih Hmaikhah khuami, Pi Hmet Kil a ṭhit i fanu pathum le fapa pathum a hrin hna: 1. Pu Chiah Kung, 2. Pu Tum Hre, 3. Pu Zung Kam, 4. Pi Par Thlia {Pi Par Thlia nih Sum Zuan hrinphungmi Pu Chia Hlun fapa, Pu Ngun Awi a vat~Ngun Pen nu a si}, 5. Pi Hram Zi {Pi Hram Zi nih Rual Hleng hrinphun chungmi Pu Ngun Kam fapa, Pu Bawi Cung a vat~Sung Ṭial nu a si}, le 6. Pi Ṭha Dei {Hakha pa a vat} hna an si.

Pu Sang Tu fapa Pu Chiah Kung: Pu Chiah Kung nih Ai Thang hrinphun chungmi Pu Chia Hmung fanu, Pi Thla Hnem he fapa pakhat a hrin: 1. Pu Hre Hu a si. Cu hnu ahcun, Bawi Khar hrinphun chungmi Pu Ṭial Hmun fanu, Pi Ni Cia a ṭhit i fanu pakhat le fapa pali a hrin hna: 1. Saya Van Lian Thawng, 2. Pu Amos Rual Thawng, 3. Pi Biak Dei {Sum Zuan hrinphun chungmi Pu Thang Nawn fapa, Pu Ngun Za Thawng a vat}, 3. Pa Ṭuan Thang, 4. Pastor Bawi Hup, 5. Pa Holy Cung Bawi hna an si.

@. Pu Chiah Kung fapa Saya Van Lian Thawng cu Kalaymto khuapi ah a ummi, Gideon Myanmar Bible College in A.D. 2015 ah Bachelor of Theology (B.Th) degree a laak. Hnu ah Magway region Minhlah peng, Dinbung khua ah missionary rian ṭuan in a um cuahmahmi a si. Nihin tiang cu nupi ngei loin a um ko rih.

Pu Chiah Kung fapa Pu Amos Rual Thawng: Pu Amos Rual Thawng nih Zokhua khuami Pi Esther Van Hnem Sung a ṭhit i tefa an ngei rih lo. An nupa in Malaysia ah khua an sa.

Pu Chiah Kung fapa Pastor Bawi Hup: Pastor Bawi Hup nih Hmawngtlang khuami, Pi Bawi Sun a ṭhit i fefa an ngei rih lo.

Pastor Bawi Hup cu Hakha khuapi ah a ummi Calvary Bible College (CBC) in A.D. 2017 ah Bachelor of Theology (B.Th) degree a laak hnu ah, Mie Peng Tiphul khua AG Khrihfabu ah pastor rian a ṭuan.

Pu Chiah Kung fapa Pu Hre Hu: Pu Hre Hu nih Loklung khuami, Pi Dawt Ṭha Par a ṭhit i faphnih a hrin hna: 1. Pa Joshua Van Ṭha Thawng, le 2. Nu Zing Tin Par an si.

Pu Sang Tu fapa Pu Tum Hre: Pu Tum Hre nih Kheng Lawt hrinphun chungmi Pu Tei Ceu fanu, Pi Sung Ṭhai a ṭhit i fanu pathum le fapa panga a hrin hna: 1. Pi Hoi Ṭial {Joseph nu}, 2. Pu No Ceu, 3. Nu Dawt Hlei, 4. Pi Biak Len {Pi Biak Len nih Zokhua peng, Van Tlang khuami Pu Bawi Hlei a vat), 5. Pu Tawk Peng Nawl, 6. Pu Ngun Maung, 7. Pa Dawt Cung Mang, le 8. Pu Ni Peng Awi hna an si.

Pu Tum Hre fapa Pu No Ceu: Pu No Ceu nih Hranhring khuami Pi Dawt Hniang a ṭhit i fapa pakhat an hrin: 1. Moses Khamh Lian Thawng a si.

Pu Tum Hre fapa Pu Ngun Mawng: Pu Ngun Mawng nih Za Hre hrinphun chungmi Pu Ceu Luai fanu, Pi Dei Vang a ṭhit i fapa pakhat le fanu pakhat a hrin hna: 1. Nu Lydia Bawi Ṭha Dim, le 2. Pa Philimon Cung Lian Mang an si.

Pu Tum Hre fapa Pu Tawk Peng Nawl: Pu Tawk Peng Nawl nih Hmawng Tlang khuami, Pi Bawi Ṭha a ṭhit i fapa pakhat a hrin: 1. Pa Biak Cung Lian a si.

Pu Tum Hre fapa Pu Ni Peng Awi: Pu Ni Peng Awi nih Lulpalung khuami, Pi Van Sui Ṭial a ṭhit i fapa pakhat a hrin: 1. Pa Van Ṭha Thawng a si.

Pu Sang Tu fapa Pu Zung Kam: Pu Zung Kam nih Kheng Lawt hrinphun chungmi Pu Sang Kian fanu, Pi Far Zi a ṭhit i fanu pakhat le fapa pathum a hrin hna: 1. Pu Nathan Bawi Ceu, 2. Nu Hniang Bor, 3. Pa Sa Dun, le 4. Pa Bawi Lian Thawng hna an si.

Pu Zung Kam fapa Pu Nathan Bawi Ceu: Pu Nathan Bawi Ceu nih Khup Zawn hrinphun chungmi Pu Ngun Cung fanu, Pi Ngun Tin Sung a ṭhit i fanu pakhat a hrin: 1. Nu Deborah a si.

 

Khua Dang A Pemmi Ṭial Hup Hrinsor Kong

#. Halta Khua Ah: Halta khua ah a ummi Ṭial Hup hrinphun hi Cinkhua in a kalmi an si. Caṭial chan a rak si lo caah fiang tein hngalh khawhmi a um lo nain kan pupa hna chimmi tete pehtonh in an kalning tuanbia kan hngalh khawhmi cu a tanglei ah, a tawinak in, kan langhter lai. Halta khua Ṭial Hup tefa vialte hringsortu an pu bik hi, a min ah Pu Ngun Ceu a si. Pu Ngun Ceu hi a nu nih a pasal hmaisa, Ṭial Hup hrinphun chung pa he an rak hrinmi a si. Pu Ngun Ceu pa min cu kan hngal kho ti lo. Pu Ngun Ceu hringtu nu cu Halta khua pa he an rak i umh caah, Pu Ngun Ceu hi a nu nih aa rak i kalpi mi a si, ti a si. Pu Ngun Ceu chan in atu Halta Ṭial Hup hrinsor lakah kum khua lei in upa bik a simi, Pu Za Helh hringtu pa chan tiang ahhin, chan 3 a si. A tamlei in, chan khat ah kum 25 in tuak ahcun Pu Za Helh chuah hlan ahhin, Halta khua ah Ṭial Hup hrinphun khua an saknak hi kum 75 hrawng a rak si cang, tinak a si. Cucaah Pu Ngun Ceu Halta khua a rak phanh hi A.D. 1860 hrawng ah si dawh a si; Cinkhua khua hlun lio, tinak a si.

Pathian nih thluachuah a pek hna i nihin ahcun milu zong an tam ngaingai cang. An thawhkehnak a dotdot in, nihin an sining le dirhmun tete tiang, a tlangpi in a tanglei ah kan hun langhter chih lai. Pu Ngun Ceu nih Pu Ui Kha a hrin. Pu Ui Kha nih Pu Ngun Thang, le Pu Khen Tiam a hrin hna.

Pu Ui Kha fapa Pu Ngun Thang: Pu Ngun Thang fapa nih fapa panga le fanu pathum a hrin hna: 1. Pu Hrat Lian, 2. Pu Za Helh, 3. Pu Tum Bik, 4. Pu Mang Kian, 5. Pu Zung To, 6. Pi Sawleeng, 7. Pi Ngun Hnem, le 8. Pi Tin Hngel hna an si.

Pu Ngun Thang fapa Pu Hrat Lian: Pu Hrat Lian nih fapa pahnih le fanu pahnih a hrin hna: 1. Pu Tawk Cung {USA}, 2. Pi Hoi Leng {Halta}, 3. Pi Run Hnem {USA}, le 4. Pu Biak Peng {USA} an si.

Pu Ngun Thang fapa Pu Za Helh: Pu Za Helh nih fapa 2 le fanu 3 a hrin hna: 1. Pu Za Thleng {Kalay}, 2. Pi Sui Chin {Kalay}, 3. Pi Hoi Iang {USA}, le 4. Pi Ngun Hlei Par {Australia}, le 5. Pu Ram Peng {Kalay} hna an si.

Pu Za Helh fapa Pu Za Thleng: Pu Za Thleng nih fapa pahnih a hrin hna: 1. Moses Za Nawl Bik Thang, le 2. Thomas Za Peng Hnin Thang an si.

Pu Za Helh fapa Pu Ram Peng: Pu Ram Peng nih fapa pahnih a hrin hna: 1. Pa Za Bik Lian, le Pa Ceu Bik Lian an si.

Pu Ngun Thang fapa Pu Tum Bik: Pu Tum Bik nih fanu 1 le fapa 3 a hrin hna: 1. Pu Biak Hu, 2. Nu Nun Hnem, 3. Pu Biak Ceu, le 4. Pu Ṭha Cung hna an si.

Pu Ngun Thang fapa Pu Mang Kian: Pu Mang Kiannih fapa 1 le fanu pahnih a hrin hna: 1. Pi No Tlem, 2. Pi Hoi Sung, le 3. Pu Vai Peng {Hmandaw} hna an si.

Pu Ngun Thang fapa Pu Zung To: Pu Ngun To nih fanu pali le fapa pakhat a hrin hna: 1. Pi Ni Hoi (USA), 2. Pi Cung Hnem, 3. Nu Ni Nawn, 4. Pi Iang Sung (USA), le Pu Van Cung Uk (Hmandaw) hna an si.

Pu Ui Kha fapa Pu Khen Tiam: Pu Khen Tiam nih fapa pakhat le fanu pahnih a hrin hna: 1. Pu Sim Heng, 2. Nu Ta Kil, le 3. Nu Ca Har an si.

Pu Khen Tiam fapa Pu Sim Heng: Pu Sim Hleng nih fapa 5 le fanu 2 a hrin hna: 1. Pu Ngun Hre, 2. Pu Khen Hnin Thang (Denmark), 3. Pu Hme Cung (Hmandaw), 4. Pu Hram Tum (USA), 5. Pu Lian Awi (Hmandaw), 6. Pi Tum Tlem, le 7. Pi Cung Nawl Par (USA) hna an si.

#. Hrawngvun khua ah: Cinkhua in Hrawngvun khua ah Ṭial Hup hrinsor Pu Sang Pha le Pu Lian Kip cithlah an pem ve.

#. Sakta khua ah: Sakta ah a kalmi Ṭial Hup hrinsor hi an milu a karh lo, a cimit lo fangfang an si. Atu ahcun, Pu Huat Cin le chungkhar lawng an tang cang. Amah zong cu Santhang peng Zaṭhal khuami a ṭhit caah Zaṭhal khua ah an pem ve cang.

#. Khuapi khua ah: Khuapi khua ah a rak kalmi Ṭial Hup hrinsor zong milu an karh ve lo. Atu ahcun Pu Khua Ṭhio chungkhar lawng an tang ve cang. Pu Pu Khua Ṭhio nih fapa pathum le fanu pakhat a hrin hna: 1. Saya Sang Hnin, 2. Pi Hlawn Hniang, 3. Pu Run Za Thang, 4. Pu Hrang Awi, le 5. Pu Kap Lian Sang hna an si.

Pu Khua Ṭhio fapa Saya Sang Hnin fale ah: 1. Pa Van Lian Kham, 2. Sayama Sung Doi Par, 3. Pa Van Ceu Lian, 4. Pa Khup Lian Thang, 5. Nu Van Mawi Sung, 6. Nu Khe Ṭha Rin, 7. Pa Siang Awi Sang, 8. Pa Biak Hlei Mang, le 9. Nu Hniang Tin Sung hna an si. Pu Khua Ṭhio fapa Pu Run Za Thang fale ah: Pa Biak Van Uk, le 2. Nu Ngun Chin Sung hna an si. Pu Khua Ṭhio fapa Pu Hrang Awi fale ah: 1. Nu Bawi Ṭha Len, 2. Nu Van Naih Rem, le 3. Nu Abigal hna an si.

Hi Ṭial Hup hrinphun tuanbia hi anmah hrinphun chungmi, Pu Tawk Hmung, Pu Erh Ling le Pu Za Helh hna nih Ṭial Hup hrinphun tuanbia an khomhsuatmi cherhchan in kan ṭialmi a si. Palh sualnak le tlamtlinlonak tampi a um kho zeicahtiah chan tampi a kal cangmi hrinphun a si caah le ca chan a rak si ve lo caah, felfai tein an hngalh khawh dih lomi tampi a um. Cucaah chambaunak le tlamtlinlonak a ummi tete kongah, careltu kan dihlak nih, theihthiamnak sangpi ngeih cio hna usih.

 

Khup Zawn Hrinphun Tuanbia

Pupa chan ahcun tuanbia ṭial a rak um lo caah zeitisat in dah Cinkhua Khup Zawn hrinphun hi aa rak i thok, a kan hringsortu kan pu bik Pu Khup Zawn hi aho hrinphun chungmi dah a rak si i kan pu Khup Zawn chan in nihin tiangah, chan zeizat dah kan si cang, timi kan hngal kho ti lo. Taizaang in Khua hlun ah, Cinkhua Khua Hlun in Khua Thar ah a rak ra vemi Cinkhua hrinphun hlun kan si, timi cu fiang tein kan hngalh. Ca chan a rak si lo caah kan hringsortu kan pupa hna zong hi an tefa ngeihmi dihlak tling tein kan hngal kho hna lo. Kan pale sin in kan rak theih chinning le nihin Khup Zawn hrinphun pale hna nih kan khomhsuat khawhmi vial cherhchan in, hi kan hringsortu thawhkehnak tuanbia hi ṭial a si. Cinkhua Khup Zawn hrinphun tuanbia ahhin, Pu Lian Hnawk hrinsor le Pu Ui Zul le Pu Lian Cung hna hrinsor karlak pehtlaihnak hi felfai in kan hngal kho ti lo. Cucaah Pu Lian Hnawk hrinsor in kan thok lai i cu hnu ah, Pu Ui Zul le Pu Lian Cung hrinsor tuanbia nih a hun zulh te lai.

4#. Pupa Min A Dotdot

1. Pu Lian Hnawk

2. Pu Khen Sam

3. Pu Kil Hnin

4. Pu Mit Kua

5. Pu Zawng Tan

6. Pu Chiah Thang

7. Pu Hniar Hlei

8. Pu Kil Khar

9. Pu Lai Hmung

10. Pu Ui Khuk, 2. Pu Bil Thang, le 3. Pu Hrang Cut

Pu Lian Hnawk hi a hlaat bik kan hngalh khawhmi Khup Zawn hringsortu a si. Pu Lian Hnawk nih Pu Khen Sam a hrin. Pu Khen Sam nih Pu Kil Hnin a hrin. Pu Kil Hnin nih Pu Mit Kua a hrin. Pu Mit Khua nih Pu Zawng Tan a hrin. Pu Zawng Tan nih Pu Chiah Thang a hrin. Pu Chan Thang nih Pu Hniar Hlei a hrin. Pu Hniar Hlei nih Pu Kil Khar a hrin. Pu Kil Khar nih Pu Lai Hmung a hrin. Pu Lai Hmung nih fapa pathum a ngeih hna. Cu hna cu: 1. Pu Ui Khuk, 2. Pu Bil Thang, le 3. Pu Hrang Cut hna an si. Pu Lai Hmung fapa pathum hna hi, nihin Cinkhua Khup Zawn vialte hringsortu an si.

#. Pu Lai Hmung fapa Pu Ui Khuk: Pu Ui Khuk nih fapa pahnih le fanu pahnih a hrin hna: 1. Pu Sang Kam, 2. Pu Bual Kim, 3. Pi Chia Zing {Pi Chia Zing cu Pi Sung Nawn nu a si; Pi Sung Nawn cu Pu Mual Kio nu kha a si}, le 4. Pi Thlia Par {Pi Thlia Par cu Pu Dar Nawl hringtu nu khi a si} an si.

Pu Ui Khuk fapa Pu Sang Kam: Pu Sang Kam nih Pi Fom Thlia a ṭhit i fapa pakhat le fanu pahnih a hrin hna: 1. Pu Hre Nawn, 2. Pi Dei Thluai {Mual Awi nu, le 3. Pi Ngun Thluai {tleicia} an si.

Pu Sang Kam fapa Pu Hre Nawn: Pu Hre Nawn nih Sum Zuan hrinphun chungmi, Pi Tum Ṭhai a ṭhit i fanu panga le fapa pathum a hrin hna: 1. Pi Ngun Cia { Pi Ngun Cia nih Ṭial Hup hrinphun chungmi Bual Ceu fapa, Pu Hniar Dun a vat}, 2. Pi Dar Hliang {Pi Dar Hliang nih Khup Zawn hrinphun chungmi Pu Hre Kam fapa, Pu Hleih Nawn a vat}, 3. Pu Ngun Khar, 4. Pu Mang Hlau, 5. Pi Ṭuan Tang {Pi Ṭuan Tang nih Sum Zuan hrinphun chungmi Pu Hrang Ngam fapa, Pu Mang Hu a vat}, 6. Pi Ṭial Zi {Pi Ṭial Zi nih Rual Hleng hrinphun chungmi Pu Chum Awi fapa, Pu Ni Hu a vat}, 7. Pu Ngun Cung, le 8. Pi Rosy (Pu Biak Thawng a vat} hna an si.

Pu Hre Nawn fapa Pu Ngun Khar: Pu Ngun Khar nih Ceupa Chung Hrinphun chungmi Pu Ṭial Uk fanu, Pi Zing Dong a ṭhit i fanu pathum le fapa pahnih a hrin hna: 1. Pu Tawk Lian Cung, 2. Pi Bawi Sung {Pi Bawi Sung nih Kawng Thun hrinphun chungmi Pu Hrang Hre fapa, Pu Thawng Ceu a vat i US ram ah khua an sa}, 3. Pi Ngun Taang {Pi Ngun Taang nih Ṭial Hup hrinphun chungmi Sayakyi Zing Hu a vat}, 4. Pu Jonah, le 5. Nu Fung Zi hna hi an si.

Pu Ngun Khar fapa Pu Tawk Lian Cung: Pu Tawk Lian Cung nih Hrawngvun khuami Pi Ṭha Hlei Iang a ṭhit i fapa pakhat a hrin: 1. Pa Van Dawt Lian a si. An chungkhar in Malaysia ah khua an sa.

Pu Ngun Khar fapa Pu Jonah: Pu Jonah nih Hmawngtlang khuami, Pi Dawt Za Ṭial a ṭhit i fanu pakhat a hrin hna: 1. Nu Merry Tu Chin Par a si.

Pu Hre Nawn fapa Pu Mang Hlau: Pu Mang Hlau nih Sum Zuan hrinphun chungmi Pi Za Hnem a ṭhit i fanu pahnih le fapa pakhat a hrin hna: 1. Pi Sui Hlei Sung {Pi Sui Hlei Sung nih Thlua Laam khuami, Pu Ni Lian Sang a vat i fapa pakhat, Pa Van Bawi Lian an hrin}, 2. Nu Len Vang, 3. Pa Daniel hna an si.

Pu Hre Nawn fapa Pu Ngun Cung: Pu Ngun Cung nih Pi Zing Tin Ṭial he fanu pakhat a hrin: 1. Pi Ngun Tin Sung {Pi Ngun Tin Sung nih Ṭial Hup hrinphun chungmi Pu Zung Kam fapa, Pu Nathan Bawi Ceu a vat} a si. Cu hnu ah, Hmaikhah khuami Pi Thla Cuai a ṭhit i fanu pahnih le fapa pahnih a hrin hna: 1. Nu Ngun Cer Chin, 2. Nu Esther Par Ṭha Iang, 3. Pa James Van Ṭha Cung Khup Zawn, le 4. Pa Cung Za Lian Khup Zawn hna an si. An chungkhar in America ram ah khua an sa.

Pu Ui Khuk fapa Pu Bual Kim: Pu Bual Kim nih fapa pali le fanu pathum a hrin hna. Cu hna cu: 1. Pu Deng Ling, 2. Pi Kilh Nawn {Pi Kilh Nawn nih Hrawngvun khua ralkap rian ṭuan, Pu Hleh Dun a vat i Kawlram ah khua an sa}, 3. Pu Zam Cung, 4. Pa Vai Dun {Pu Vai Dun hi nupi a ṭhit hlan ah thih caah a tuanbia pehzulh awk a um ti lo. Dongpi lam i Vai Dun lungdonh timi khi amah philhlonak caah donhmi a si}, 5. Pu Khua Hnin, 6. Pi Ca Hnem, le 7. Pi Tum Hoi {tleicia} hna an si.

Pu Bual Kim fapa Pu Deng Ling: Pu Deng Ling nih Hmaikhah khuami Pi Ni Kem a ṭhit i fapa pakhat, Pa Ceu Cung a hrin. Pi Ni Kem he an ṭian hnu ah, Khawngthun hrinphun chungmi Pu Thang Ci fanu, Pi Ṭial Bang {A naupa, Pu Zam Cung nih a thih taakmi} a ṭhit ṭhan i fapa pathum a hrin hna: 1. Pa Zung Nawl, 2. Pu Joseph, le 3. Pa Tluang Ceu hna an si.

Pu Deng Ling fapa Pu Joseph: Pu Joseph nih Kheng Lawt hrinphun chungmi Pu Ram Hu fanu, Pi Bawi Ṭha Chin a ṭhit i fanu pakhat le fapa pakhat a hrin hna: 1. Peter Bawi Uk Thawng, le 2. Glory Van Sui Par an si.

Pu Bual Kim fapa Pu Zam Cung: Pu Zam Cung nih Khawngthun hrinphun chungmi Pu Thang Ci fanu, Pi Ṭial Bang a ṭhit i fanu pakhat le fapa pakhat a hrin hna: 1. Nu Thla Iang {Pi Thla Iang nih Surkhua khuami, Pu Ṭuan Lian Hmung a vat}, le 2. Pa Bawi Hmung an si.

Pu Bual Kim fapa Pu Khua Hnin: Pu Khua Hnin nih fapa pali le fanu panga a hrin hna: 1. Pa Hram Nawl, 2. Nu Sui Fom, 3. Nu Dar Ṭial, 4. Nu Lalmuanpui, 5. Nu Tluang Tin Par, 6. Pa Duh Lian, 7. Pa Ṭial Cung, 8. Nu Bethseba, le 9. Pa Elysian hna an si.

#. Pu Lai Hmung fapa Pu Bil Thang: Pu Bil Thang nih fapa pahnih le fanu pakhat a hrin hna. Cu hna cu: 1. Pu Chan Ṭhum, 2. Pu Lal Hlun, le 3. Pi Mang Iang {Pi Mang Iang nih Ṭial Hup hrinphun chungmi Pu Bual Ceu a vat~Erh Ling nu khi a si} an si.

Pu Bil Thang fapa Pu Chan Ṭhum: Pu Chan Ṭhum nih Hmaikhah khuami Pi Cia Hngel a ṭhit i fapa pathum le fanu pakhat a hrin hna: 1. Nu Hram Dei {pasal ngei lo}, 2. Pu Thawng Kio, 3. Pa Hmet Hnin {tleicia}, 4. Pu Ṭuan Hei hna an si.

Pu Chan Ṭhum fapa Pu Thawng Kio: Pu Thawng Kio nih Ceupa Chung Hrinphun chungmi Pi Hram Cin he fanu pakhat, Pi Sung Iang a hrin. Pi Hram Cin he an tian hnu ah, Rual Hleng hrinphun chungmi Pi Ni Ci a ṭhit i fapa pathum le fanu pakhat a hrin hna: 1. Tv. Hram Hu, 2. Tv. Cung Cin Thawng, 3. Tv. Biak Tin Lian 4. Nu Ca Meng Par, le 5. Pa He Mon hna an si.

Pu Chan Ṭhum fapa Pu Ṭuan Hei: Pu Ṭuan Hei nih Bawi Khar hrinphun chungmi Pi Ni Ṭial a ṭhit i fapa pathum a hrin hna: 1. Tv. Za Thawng Lian, 2. Pa Thang Ceu, 3. Pa James Bawi Nun Sang, le 4. Nu Anna hna an si.

Pu Bil Thang fapa Pu Lal Hlun: Pu Lal Hlun nih Fam Cun hrinphun chungmi, Pu Hmun Mang fanu, Pi Thor Iang {Pi Thor Iang cu Pu Tawk Mang far a si. Pu Tawk Mang cu Ngun Par pa kha a si} a ṭhit i fapa pahnih a hrin hna: 1. Pu Ca Ling, le 2. Pu Hrang Khar an si.

Pu Lal Hlun fapa Pu Ca Ling: Pu Ca Ling nih Hmaikhah khuami Pi Ṭial Nawn a ṭhit i fanu pahnih a hrin hna: 1. Nu Ṭha Chin Sung, le 2. Nu Rozalin an si.

Pu Lal Hlun fapa Pu Hrang Khar: Pu Hrang Khar nih Pi Biak Sung a ṭhit i fapa pahnih le fanu pathum a hrin hna: 1. Pu Lian Peng (tleicia), 2. Pi Ngun Din (Ṭial Hup hrinphun chungmi Pu Thawng Cin a cat), 3. Pi Iang Hnem { Pi Iang Hnem nih Khua Thlir khuami, Pu Lal Lian Ngura a vat i fanu pakhat, Nu Esther Elyzabet an hrin}, 4. Pi Sung Cin {Pi Sung Cin nih Pu Sine aka Ko Ko a vat i fanu pakhat, Nu Esther Dawt Chin Ṭial an hrin. An chungkhar in Punhphio khua ah an um}, le 5. Pa Thomas hna an si.

Pu Hrang Khar fapa Pu Lian Peng: Pu Lian Peng nih Hau Zaw hrinphun chungmi Pi Tawk Hawi a ṭhit i fanu pahnih a hrin hna: 1. Nu Honey Van Hnem Par, le 2. Nu Rachel Biak Ṭha Par an si. Pu Lian Peng cu motor cycle accident in Hakha khuapi chungah a thi.

#. Pu Ui Khuk fapa Pu Hrang Cut: Pu Hrang Cut nih Pi Pam Cuai a ṭhit i fapa pakhat le fanu pakhat a ngeih hna: 1. Pu Than Herh, le 2. Pi Tum Nawn an si.

Pu Hrang Cut fapa Pu Than Herh: Pu Than Herh nih Kheng Lawt hrinphun chungmi Pu Tei Ceu fanu, Pi Ci Nawn {Pu Hrang Hnuar farnu} a ṭhit i fapa pali le fanu pathum a ngeih hna: 1. Pu Za Cung, 2. Pu Mual Hu,  3. Pa Than Hre {Pu Than Hr cu nupi ṭhi loin a um ko rih}, 4. Pi Ṭial Hliang {Pi Ṭial Hliang nih Hau Zaw hrinphun chungmi Pu Ceu Ṭhai fapa, Pu Lai Uk Nawl Hau Zaw a vat i Australia ram ah khua an sa}, 5. Pi Zing Hliang {Pi Zing Hliang nih Thlan Tlang Farawn khuami, Pu Ngun Hmun Thang a vat. An fale hna cu: 1. Pa Andrew Ṭha Cung Nung, le 2. Pa Dannie Tluang Hnem Par hna an si. Atu cu an chungkhar in Australia ram ah an um}, 6. Tv. Mang Za Chawn, le 7. Nu Thla Tin Sung hna an si.

Pu Than Herh fapa Pu Za Cung: Pu Za Cung nih Zaa Thang hrinphun chungmi Pi Mah Hmen he fapa pakhat an hrin: 1. Pa Lian Hmung a si. Cu cu hnu ah, Pu Za Cung nih Zaa Thang hrinphun chungmi Pi Tuan Pen he fanu pakhat a hrin ṭhan: 1. Nu Far Hlei Sung a si. Cu hnu ahcun, Pu Za Cung nih Ceupa Chung Hrinphun chungmi Pu Kil Mang fanu, Pi Mah Dei a ṭhit i fanu pali la fapa pakhat a hrin hna: 1. Nu Sui Len, 2. Nu Hnem Vang, 3. Nu Diana Ngun Ṭha Iang, 4. Nu Tracy van Rem Cin, le 5. Pa Clinton Biak Lian Cung hna an si.

Pu Than Herh fapa Pu Mual Hu: Pu Mual Hu nih Ai Thang hrinphun chungmi Pu That Chum fanu, Pi Maw Li a ṭhit i fapa pakhat le fanu pakhat a hrin hna: 1. Tv. Thawng Za Hmung, le 2. Nu Irene Biak Ṭha Par an si. Annih hi an chungkhar in Australia ram ah khua an sa.

>>>>>>> 

Hlan lio chan a si caah pupa hna hi an i pehtlaihning fiang tein hngalh khawh ti lomi an um hna. Cu bantuk cu hngalh khawhnak lam dang a um khawh hlei ti lo caah hngalh khawh tawk in langhter an haut awn. Cu bantuk in, Khup Zawn tuanbia zongah, Rev. Phun Zam hringsortu pupa hna le Pu Hre Kam hringsortu pupa hna hi zeitindah Khup Zawn hringsortu pupa dang hna he an rak i pehtlaihning a si set, timi fiang tein hngalh khawh a si ti lo. Cucaah a tanglei ahhin hngalh banh tawk in an hringsortu hna min kan langhter hna lai.

1#. Pu Ui Zul hrinsor: Khup Zawn hringphun chungmi, Pu Ui Zul nih Pu Tawk Er a hrin. Pu Tawk Er nihcun Rev. Phun Zam a hrin ve. Hihi Rev. Phun Zam hringsortu pupa min hngalh banh khawh tawk an si.

Pu Tawk Er fapa Rev. Phun Zam: Rev. Phun Zam nih Ceupa Chung Hrinphun chungmi Pu Lal Dun fanu, Pi Par Thluai a ṭhit i fanu pali le fapa pathum a hrin hna: 1. Pi Sai Ṭial {Pi Sai Ṭial nih Buan Lung khuami Pu Ṭial Bawi a vat i fapa pahnih le fanu pakhat an hrin hna hnu ah nung ṭian in an ṭian. An fale cu: 1. Pa Nun Cung {Australia}, 2. Nu Biak Ṭha {US}, le 3. Pa Hniang Awi Sang {US} hna an si. Cu hnu ah, Kayin miphun Pu Khu Bah Ṭhu a vat ṭhan i fanu pakhat, Nu Thla Sui Hlawn an hrin. An chungkhar in America ram ah khua an sa}, 2. Pa Biak Cung {tleicia}, 3. Pu Dawt Mang, 4. Pi Sui Sung {Pi Sui Sung nih Tlangpi khuami, Thawng Cung Lian vat. Pi Sui Sung fale hna cu: 1. Pa Van Hnin Thang, 2. Nu Renh Cin Sung, 3. Pa Ram Bawi Mang, le 4. Nu Stellar Par hna an si}, 5. Pi Thla Hoi {Pi Thla Hoi nih Lunghnam khuami, Pu Ram Dun a vat. Pi Thla Hoi fale hna cu: 1. Pa Bawi Ṭha Hnem, 2. Pa Sang Bawi Thawng, le 3. Pa Chan Thawng Mang hna an si}, 6. Pa Ṭial Hu, le 7. Pi Zing Hlawn Sung {Pi Zing Hlawn Sung nih Naabual khuami, Pu Lian Al vat. Pi Zing Hlawn Sung fale hna: 1. Pa Ronald, 2. Nu Ram Ṭha Par, le 3. Nu Biak Rem hna an si} hna an si.

Rev. Phum Zam fapa Pu Dawt Mang: Pu Dawt Mang nih Bualtak khuami, Pi Ngun Hlei a ṭhit i fapa pathum le fanu pakhat a hrin hna: 1. Pa Tluang Za Thang, 2. Ca Ro Sang, 3. Nu Ngun Hniang, le 4. Pa Abraham hna an si. Annih hi an chungkhar in America ram ah khua an sa}.

2#. Pu Za Lut hrinsor: Khup Zawn hrinphun chungmi, Pu Za Lut nih Pu Zung Er a hrin. Pu Zung Er nih Pu Hreng Kham a hrin. Pu Hreng Kham nih Pu Khuk Hre a hrin. Pu Khuk Hre nih Pu Hre Kam a hrin ve. Hihi Pu Hre Kam hringsortu pupa min hngalh banh khawh tawk an si.

Pu Khuk Hre fapa Pu Hre Kam: Pu Hre Kam nih Kawng Thun hrinphun chungmi Pu Hrang Cham fanu, Pi Dar Tlem a ṭhit i fanu pakhat le fapa pahnih a hrin hna: 1. Pu Ngun Hu, 2. Pu Hleih Nawn, le 3. Pi Far Hlem {Pi Far Hlem nih Al Hluan hrinphun chungmi Pu Than Tum fapa, Pu Hre Kung a vat. Ngun Chum Ling nu khi a si} hna an si.

Pu Hre Kam fapa Pu Ngun Hu: Pu Ngun Hu nih Senthang peng Hmawngtlang khuami, Pi Iang Cin {tleicia} a ṭhit i fanu pahnih le fapa pakhat a hrin hna: 1. Pi Lal Than Mawi {Pi Lal Than Mawi nih Leitak khuami, Pu Duh Kam a vat an fale hna cu: 1. Nu Jumy Biak Ṭha Par, 2. Pa Henry Van Ṭha Ceu, le 3. Nu Diana Ngun Sui Chin hna an si}, 2. Pi Hlei Vang {Pi Hlei Vang nih Hmawngtlang khuami, Pu Peng Hnin a vat i an fale hna cu: 1. Nu Jenus Ngun Za Ṭial, 2. Pa Kenneth Thawng Ṭha Lian, le 3. Nu Olivia Dawt Ṭha hna an si}, 3. Pu Cung Nawl hna an si. Pu Ngun Hu nih Hmawngtlang khuami, Pi Hniang Bor a ṭhit ṭhan i fapa pahnih a hrin ṭhan hna: 1. Pa Bawi Thawng Ceu, le 2. Pa Van Bawi Lian hna an si. Pu Ngun Hu le a fale chungkhar vialte hi, an dihlak in, America ram ah khua an sa.

Pu Ngun Hu fapa Pu Cung Nawl: Pu Cung Nawl nih Hakha khuami, Pi Iang Zi Par a ṭhit i fapa pakhat a hrin: 1. Nu Jenevy Dawt Hlei Ṭial a si.

Pu Hre Kam fapa Pu Hleih Nawn: Pu Hleih Nawn nih Khup Zawn hrinphun chungmi Pu Hre Nawn fanu, Pi Dar Hlaing a ṭhit i fapa pahnih le fanu pahnih a hrin hna: 1. Saya Za Peng Lian, 2. Pa Bual Thang, 3. Nu Ṭial Ṭha, le 4. Nu Dawt Chin Sung hna an si. An hi an chungkhar in Hakha khuapi ah khua an sa.

Pu Hleih Nawn fapa Saya Za Peng Lian: Saya Za Peng Lian nih Hakha khuami, Pi Roada Sui Men Par a ṭhit i tefa an ngei rih lo.

Saya Za Peng Lian cu Myanmar Institute of Theology {MIT} in Master of Divinity {M.Div} a dih hnu ah, MIT i BARS ah kum khat tluk cachim rian a rak ṭuan. Cu hnu ah, Lai Khrihfa Caṭialtu Phu {LKCP} ah Coordinator dirhmun in kum hnih chung rian a rak ṭuan. Cun, Yangon khuapi chungah a ummi Lai Baptist Church {LBC} ahkhin kum cheu tluk pastor rian zong a rak ṭuan fawn. Atu cu, Victoria Academy ah cachim rian a ṭuan cuahmah liopi a si. Saya Za Peng Lian hi, amah tawk in, kan Chin mino hna lakah hngalhmi le bochan tlaak mino pakhat a si.

Hi Khup Zawn hrinphun tuanbia hi anmah hrinphun chungmi, Pu Mual Hu le Pu Than Herh nih an tuanbia an khomhsuatmi cherhchan in kan ṭialmi a si. Palh sualnak le tlamtlinlonak tampi a um kho zeicahtiah chan tampi a kal cangmi hrinphun a si caah le ca chan a rak si ve lo caah, felfai tein an hngalh khawh dih lomi tampi a um. Cucaah chambaunak le tlamtlinlonak a ummi tete kongah careltu kan dihlak nih, theihthiamnak sangpi ngeih cio hna usih.

 

Mual Cin Hrinphun Tuanbia 

Mual Cin hrinphun cu Taizaang ah khua a rak sami Cinkhua hrinphun pariat lakah aa telmi a si ve. Atu a nungmi tufa hna nih an pupa chan chan nga tiang lawng an min an hngalh khawh hna. A tanglei ahhin, an tuanbia an hngalh khawhmi le khomhsuat khawhmi vialte cherhchan in kan hun langhter lai. Cinkhua Mual Cin hrinphun nih an tuanbia le an thawhkehnak kong an dawi tikah, Taizaang in Khua hlun ah, Khua Hlun in Khua Thar ah a rak ra vemi Cinkhua hrinphun hlun kan si, timi cu fiang tein an hngalh. Sihmanhsehlaw ca chan a rak si lo caah, nihin a nung rihmi hna nih an pale sin in an rak theih chinning le an pupa thawhkehnak tuanbia an khomhsuat khawhmi vial cherhchan in an hrinphun tuanbia cu ṭial a si. Cinkhua Mual Cin hrinphun chung in Pu Ṭial Hmun cithlah le Pu Cang Lal cithlah hna hi zeitik chan i zeitindah an rak i pehtlaih, timi fiang tein hngalh khawh a si ti lo caah hngalh banh tawk lawng in kan hun langhter lai. Pu Ṭial Hmun cu atu Pi Zing Ca hringsortu pupa hna cithlahtu an pu a si. Pu Cang Lal cu atu Pu Za Ling le Pu Sang Kung hna hringsortu pupa hna cithlahtu khi a si. Pu Sam Lal cu Cinkhua khua hlun um lio ah, Cerh ceu haikungpi a rak cingtu kha a si. Kha Haikungpi kha hlan deuh ahcun “Sam Lal hai” tiah rak auh a si, ti a si.

#. Pu Ṭial Hmun hrinsor: Pu Ṭial Hmun nih Pu Hmun Thang a hrin. Pu Hmun Thang nih Pu Er Thang a hrin. Pu Er Thang nih Pu Len Mang a hrin. Pu Len Mang nih fapa pakhat le fanu pahnih a hrin hna: 1. Pu Zing Uk {Pu Zing Uk cu tefa ngei loin a um. Kawlram Mukoh ah khua a rak saknak in a kong theih khawh a si ti lo}, 2. Pi Zing Ca {Pi Zing Ca nih Ai Thang hrinphun chungmi Pu Chia Hmung fapa, Pu Dar Awi a at}, le 3. Pi Ngun Bau (tleicia) hna an si. Cucaah atu ahcun, Pu Len Mang hrinsor lakah Pi Zing Ca lawng hi a tang cang.

Pu Hmun Thang hi sakah thiam a rak si, ti a si. Cun, a fapa Pu Er Thang hi amah chan lio ah paṭhawng minthang a rak si, ti a si. Hlan lio ahcun, Lai miphun nihhin Kawl rawn ah kawl pawl sal ah vung tlaih i an tlaihmi chungkhat kha phaisa maw, thilri maw, in tlanhter hi a rak tam tuk. Cucu ‘innpil sim’ tiah auh a si. Cu bantuk in, Laimi nih Kawl inn pil an sim hna caan ahhin Kawl paṭhawng deuh pawl hi an rak tlai kho tawn hna lo; an rak luat tawn. Voikhat cu Zokhua khua nih Cinkhua cu Muihle kawl pawl innpil sim an rak sawm hna. Cu ahcun, Cinkhua lei in Pu Er Thang cu a rak kal ve. Muihle khua an phanh lai ah, “khah, Muihle khua bawipa i a nau pa hi miṭhawng taktak a si caah hodah, a kal hnawh ngam lai?” tiah anmah le anmah an rak i hal hna. Cu ahcun Cinkhua Mual Cin chungmi Pu Er Thang nihcun, “keimah lawng nih ka va kal hnawh lai” tiah a rak ti hna. Cu hnu ah Muihle khua cu an kulh i Pu Er Thang nihcun Muihle khua bawi pa i naupa cu an inn ah a va luh hnawh. Paṭhawng a si ve caah, a ngamh tuk i a rak zuan hnawh colh ve. Heh lawh, tiah an i ṭhua i sau nawn an i ṭhuat hnu ah khin, Pu Er Thang nih a til ah fakpi in a cumh piak caah Kawl pa cu a cawl kho ti lo. Cu caah a kut a leh i a rak kalpi; cu pa cu sal ah an rak tlaih i Zokhua ah an rak tlunpi, ti a si. Caan tlawmpal a rauh hnu ah, Muihle khua bawi pa cu a naupa tlanh ruah ahcun a rak tlung ti a si. Zokhua khua ahcun, bual an rak tuah hna i Pu Er Thang zong cu an rak sawm ve nain Muihle khua bawi hmuh lonak ah an rak thuh, ti a si. Muihle khua bawi nihcun, a naupa tlaitu pa hngalh a duh caah, arhli meizik a khaan i hmuichon a rak kahter hna. A kapmi vialte cu a zoh hna tikah “hi hna lak ahhin ka naupa tlai khotu ding an um lo, hmuichon zong an kheng kho fawn lai lo” tiah a rak ti, ti si. A taktak ah, an kah len nain hohmanh nih an kheng kho lo. A donghnak ah, Pu Er Thang cu an chuahpi i a mui a hmuh sin in Muihle khua bawipa nihcun “aw, hi pa hi ka naupa tlaitu cu a si lai” tiah a rak ti colh, ti a si. A boban a rak ṭha tuk! Hmuichon a kah lai ah, tung rialnak caah lung an rak phun piak i a khuk bilnak caah puan ṭhabil an rak phah piak. Sihmanhsehlaw Pu Er Thang nihcun, khuk bil lo le tung rial loin, a dir bupi in, an hmuichon cu laktan in, a khah i pet put a rak khen. Cucaah Muihle khua bawipa nihcun, ka naupa tlai khotu paṭhawng na si, tiah upat peknak caah puan ṭha bil cu laksawng ah a rak pek, ti a si.

>>>>>>> 

#. Pu Cang Lal hrinsor: Pu Cang Lal nih Pu Sem Lal a hrin. Cinkhua khua hlun i Cerh Ceu hai kungpi kha “Sem Lal hai” tiah rak auh a si. Pu Sem Lal nih Pu Ral Zing a hrin. Pu Ral Zing nih Pu Tluang To a hrin. Pu Tluang To nih Pu Lian Nuai a hrin. Pu Lian Nuai nih Pu Hmet Hnin a hrin.

Pu Hmet Hnin nih Ceupa Chung Hrinphun chungmi Pu Lal Dun fanu, Pi Hram Ki a ṭhit i fanu pakhat le fanu pakhat a hrin hna: 1. Pi Iang Hlei {Pi Iang Hlei nih Hakha Cawbuk sangmi, Pu Ceupi a vat. An fale hna cu: 1. Nu Van Sui Par, 2. Nu Bawi Sung, 3. Nu Hniang Ṭha Chin, le 4. Nu Ruth Dawt Ṭha Par hna an si. Atu cu an chungkhar in Malaysia ah an um}, le 2. Pu Sang Kung an si. Cun, Pu Hmet Hnin nih Hau Zaw hrinphun chungmi Pu Hre Mang fanu, Pi Ngun Ki he fapa pakhat, Pu Za Ling a hrin ṭhan.

Pu Cang Lal hrinsor hi Cinkhua khua hlun um lio ah, Hrawngvun khua ah umhmun an rak khuar. Hrawngvun khua ah saupi an um hnu ah, Van Tlang khua ah a cheu umhmun an khuar ṭhan. Nihin i Hrawngvun le Van Tlang khua ah a ummi Mual Cin hrinphun khi, Cinkhua in aa thokmi an rak si hna. Pu Cang Lal hrinsor ahcun atu Pu Hmet Hnin fale lawng hi Cinkhua ah khua a sami an si cang.

Pu Hmet Hnin fapa Pu Sang Kung: Pu Sang Kung nih Sai Hma hrinphun chungmi Pu Zing Mawng fanu, Pi Hlawn Kip Tlem a ṭhit i fanu pahnih le fapa pakhat a hrin hna: 1. Nu Jenevi Biak Hlawn Par, 2. Pa Victor Bawilianthawng Mual Cin, le 3. Nu Sarah Farhnempar Mual Cin hna an si. Annih hi an chungkhar in America ram ah khua an sa.

Pu Hmet Hnin fapa Pu Za Ling: Pu Za Ling nih Sum Zuan hrinphun chungmi Pu Kio Hnin fanu, Pi Iang Ki a ṭhit i fapa pakhat le fanu pahnih a hrin hna: 1. Nu Bawi Ṭha Hlawn, 2. Nu Tluang Chin Par, le 3. Pa Jonathan Bawi Bik Thawng hna an si. Annih hi, an chungkhar in Australia ram ah khua an sa.

Hi Cinkhua Mual Cin hrinphun tuanbia hi anmah hrinphun chungmi, Pi Zing Ca le Pu Za Ling nih an tuanbia an chim khawhmi vialte le Cinkhua kan pale cheukhat nih an chim khawhmi vialte cherhchan in ṭialmi a si. Palh sualnak le tlamtlinlonak tampi a um kho zeicahtiah chan tampi a kal cangmi hrinphun a si caah le ca chan a rak si ve lo caah, felfai tein an hngalh khawh ti lomi tampi a um. Cucaah chambaunak le tlamtlinlonak a ummi tete kongah, careltu kan dihlak nih theihthiamnak sangpi ngeih cio hna u sih.

  

Kawng Thun Hrinphun Tuanbia

Cinkhua Kawng Thun hrinphun nih an tuanbia le an thawhkehnak kong an dawi tikah, Taizaang in Khua hlun ah; Khua Hlun in Khua Thar ah ti in khua tlaaktu an sinak cu fiang tein hngalh khawh a si. Annih an thawhkehnak tuanbia hi atu ah a nung rihmi kan pa, Pu That Luai nih chan tam lakte a dawi khawh i, a dairy ah a rak chiahmi ningin ialmi a si caah lung a hmui khun.

Kawng Thun hrinphun hi miphunte an si nain ‘Miphun thiang an si’ tiah Hakha Sangpi khuabawi (Dei Ṭial pa) zong nih a rak ti bal hna. An tuanbia ah an philh khawh lomi thil pakhat cu, Taizaang in Cinkhua khua hlun tlaak hnu ahhin Hau Zaw bawi salpa kongah Hau Zaw hrinphun le Kawng Thun hrinphun karlak ah theihthiamlonak fakpi in a rak chuah caah Cinkhua Kawng Thun cu an dihlak in Sakta khua ah peem an rak i tim i Pu Run Kaar le hawile cu Sakta khua zong an rak phan manh, ti a si. Sihmanhsehlaw midang an kal manh hlan ah, an timhmi an rak hngalh hna caah Cinkhua nih “Kawng Thun cu phaileng vattu, le tikhor huattu pei nan si cu; nan nanmah lo cun kan si kho lai lo”, tiah Siapi an thah i an rak thloh hna ti a si. Cuticun Kawng Thun cithlah cu Cinkhua khua ah pehzulh in khua an hun sa ṭhan. Pu That Luai nihcun “Kawng Thun hrinphun poh cu, khuazei khua an um zongah, kan dihlak in Cinkhua in aa thokmi lawngte kan si dih" tiah a ti.

A sullam cu Kawng Thun hrinphun hi Cinkhua in aa thokmi hrinphun bak a si, tinak khi a si. Chan tampi chungah Cinkhua in kaa dang hmun dangah a peem cangmi zong tampi an um ve, sihmanhsehlaw Kawng Thun a simi poh cu khuazei khua an um zongah Cinkhua cithlah an si dih ko. Theih khawh tawk ah, Kawng Thun hrinphun hi Kawlram chung Khua 11 ah khua an sa. Cu Kawng Thun umnak khua hna cu: 1. Sakta, 2. Cintlang, 3. Aive, 4. Phai, 5. Hanthawaddy, 6. Dinlau pa, 7. Cengtum (Saido) khua, Gangaw Peng, 8. Phawkva (Yahaw) khua, 9. Hakha, le 10. Kalaymyo hna an si.

A tanglei ahhin, Pu That Luai chimning in an hringsortu pupa hngalh khawh tawk in atu chan tiang a dotdot tein kan hun langhter lai:

6#. Pupu Min A Dotdot:

1. Pu Hrang Chawn

2. Pu Lian Kip

3. Pu Chan Sang

4. Pu Ui Tu

5. Pu No Tling

6. Pu Ral Tling

7. Pu Hram Sang

8. Pu Khen Tlung

9. Pu Than Dun

10. Duh Kar

11. Pu Sang Ling

12. Pu Hre Hmung

13. Pu That Tling

14. Pu Zawmh Lal

15. Lian Zul

16. Pu Hrang Cham

17. Lian Uk

18. Pu Sa Thak

19. Pu Hrang Zal

20. Pu Hre Tum

Pu Hrang Chawn nih Pu Lian Kip a hrin. Pu Lian Kip nih Pu Chan Sang a hrin. Pu Chan Sang nih Pu Ui Tu a hrin. Pu Ui Tu nih Pu No Ling a hrin. Pu No Ling nih Pu Ral Tling a hrin. Pu Ral Tling nih Pu Hram Sang a hrin. Pu Hram Sang nih Pu Khen Tlung a hrin. Pu Khen Tlung nih Pu Than Dun a hrin. Pu Than Dun nih Duh Kar a hrin. Pu Duh Kar nih Pu Sang Ling le Pu Run Kaar a hrin hna. Pu Run Kaar hi Sakta khua ah a rak peem. Pu Sang Ling nih Pu Hre Hmung le Pu Ṭial Kar a hrin hna. Hi hna tefa thok hin duhsah tein Cinkhua Kawng Thun hrinphun milu karh hram aa thok.

Pu Sang Ling fapa Pu Hre Hmung: Pu Hre Hmung nih Mualraan hrinphun chungmi Pu Lian Hnok fanu, Pi Hram Cin a ṭhit i fapa pahnih a hrin hna: 1. Pu That Tling le, 2. Pu Duh Or an si.

Pu Hre Hmung fapa Pu That Tling: Pu That Tling nih Sazual hrinphun chungmi Pu Ral Cung fanu, Pi Khuang Cer a ṭhit i fapa panga le fanu pakhat a hrin hna: 1. Pu Zawmh Lal, 2. Pi Dawt Ki, 3. Pu Tei Kual {Pu Tei Kual chungkhar hi Aive ah an rak peem}, 4. Pu Hluan Tlul, 5. Pu Hai Khiak, le 6. Pu Lian Zul hna an si.

Pu That Tling fapa Pu Zawmh Lal: Pu Zawmh Lal nih Ṭial Hup hrinphun chungmi Pu Khen Kulh fanu, Pi Dawt Ki a ṭhit i fapa pathum le fanu pakhat a hrin hna: 1. Pu Lian Uk, 2. Pu Sa Thak, 3. Pu Hrang Zaal, le 4. Pi Bual Zing hna an si.

Pu Zawmh Lal fapa Pu Lian Uk: Pu Lian Uk nih Tial Hup hrinphun chungmi Pu Khenh Kulh {Hrawngvun}, Pi Dawt Kil a ṭhit i fapa pahnih le fanu pathum a hrin hna: 1. Pu Hre Tum, le 2. Pi Ngun Nawn {tleicia Ci Nawn nu kha a si}, 3. Pi Hlawh Cin {Pi Hlawh Cin nih Sum Zuan hrinphun chungmi, Pu Nam Kung a vat. Siang Dun nu kha a si}, 4. Pu Hram Khar {Pu Hram Khar cu tefa a ngei lo, le 5. Pi Dawt Sua {Pi Dawt Sua nih Kawng Thun hrinphun chungmi, Pu Ui Phen a vat. Hniar Luai nu khi a si} hna an si.

Pu Lian Uk fapa Pu Hre Tum: Pu Hre Tum nih Ai Thang hrinphun chungmi Pu Ui Hnin fanu, Pi Ngun Kip a ṭhit i fapa pakhat a hrin: 1. Pu That Luai a si.

Pu Hre Tum fapa Pu That Luai: Pu That Luai nih Kawng Thun hrinphun chungmi Pu Hrang Zaal fanu, Pi Dawt Hnem a ṭhit i fapa pathum le fanu panga a hrin hna: 1. Pu Hrang Hlei {teicia}, 2. Pu Ram Kung, 3. Pi Zing Thlia {Pi Zing Thlia nih Ruavan khuami, Pu Phun Kung a vat. An fale hna cu: 1. Pa Za Biak, 2. Nu Iang Men, 3. Nu Ram Men Sung, 4. Pa David, 5. Pa Peng Hmung, 6. Nu Biak Hnem Par, 7. Nu Ni Hlei Sung, 8. Pa Cung Ṭha Hmun, 9. Nu Dawt Tin Cuai, le 10. Nu Far Ci Sung hna an si. An chungkhar in Ruavan khua ah an um}, 4. Pi Ni Thlia {Pi Ni Thlia nih Ruavan khuami Pu Peng Hnin a vat. An fale hna cu: 1. Nu Biak Tin Sung, 2. Nu Ngun Chin, 3. Pa Thawng Za Nawl, 4. Nu Ṭha Len Nawl, 5. Nu Zing Par Chin, 6. Pa Van Ṭha Lian Thang, 7. Pa Sang Uk, 8. Nu Noami Van Sui, le 9. Pa Cung Za Lian hna an si}, 5. Pi Ni Hliang, 6. Pi Duh Thlia {Pi Duh Thlia nih Bawi Khar hrinphun chungmi Pu Ṭial Hmun fapa, Pu Ceu Hlei a vat. Cer Chin nu khi a si}, 7. Pa Ceu Hlun, le 8. Pi Mang Kai {Pi Mang Kai nih Rual Hleng hrinphun chungmi Pu Even fapa, Pu That Awi a vat} an si.

Pu That Luai cu A.D. 1968 in A.D. 1973 tiang khuabawi a rak ṭuanmi a si. Amah khua bawi rian ṭuan lio ahhin Cinkhua khua cheu mei nih a rak kangh kha a si. Khua a kangh hnu ahcun inn ṭheh, khua thial le khua thar tlaak in buai a hung si ṭhan. Cucaah Pu That Luai hi Cinkhua khuabawi lakah aa tem bik ti khawh a si. Cinkhua-Aive karlak lampi hi amah khuabawi tuan lio chunhmi a si. A.D 1968 kum ah Cinkhua-Aive lam chunh an rak thok hi a si. Cun Cinkhua sianginn le biakinn khua hlun in khua thar i thial chung vialte le khua thar sersiam chung vialte hrih-hawhtu bik a rak a si.

Pu That Luai fapa Pu Hrang Hlei: Pu Hrang Hlei (tleicia) nih Kheng Lawt hrinphun chungmi Pu Sang Kian fanu, Pi Far Hlem a ṭhit i fapa pahnih le fanu pathum a hrin hna: 1. Pu Van Mang, 2. Pi Bawi Hluan, 3. Pa Thal Tin Thang, 4. Nu Zing Sang, le 5. Nu Biak Sui Hniang hna an si. Pu Hrang Hlei nih ruah lopi in mual a liam taak hna hnu ah, Pi Far Hlem le a fale rual cu Hakhua khua an sa.

Pu Hrang Hlei fapa Pu Van Mang: Pu Van Mang nih Chun Tei hrinphun chungmi Pu Phun Hmung fanu, Pi Sung Len Par a ṭhit i fapa pakhat a hrin: 1. Pa Joel a si. Annih zong an chungkhar in Hakha khuapi ah khua an sa.

Pu Zawmh Lal fapa Pu Sa Thak: Pu Sa Thak nih Khup Zawn hrinphun chungmi, Pi Pen Cik a ṭhit i fapa pathum le fanu pahnih a hrin hna; 1. Pa Kulh Hu {Pa Kulh Hu feafa ngei loin rak a rak thih caah a tuanbia pehzulh awk a um lo}, 2. Pi Chia Kil {Pi Chia Kil nih Kheng Lawt hrinphun chungmi Pu Chia Bik a vat. Hram Thlia nu a si}, 3. Pu Thang Ci, 4. Pu Ram Ling, le 5. Pi Siang Cawng {Pi Siang Cawng nih Chun Tei hrinphun chungmi, Pu Thawng Hlun a vat. Thla Awr nu a si} hna an si.

Pu Sa Thak fapa Pu Thang Ci: Pu Thang Ci nih Ceupa Chung Hrinphun chungmi Pu Bual Hmung fanu, Pi Chia Nawn a ṭhit i fanu pali le fapa pasarih a hrin hna: 1. Pi Sia Neng {Pi Sia Neng nih Rual Hleng phun Pu Ral Ling fapa Pu Chum Awi a vat ~ Cia Sung nu khi a si. 2. Pi Ṭial Bang {Pi Ṭial Bang nih Khup Zawn hrinphun chungmi, Pu Zam Cung nih a thih taak hnu ah Pu Deng Ling a vaat ṭhan}. 3. Pi Sui Hlem {Pi Sui Hlem nih Ṭial Hup hrinphun chungmi Pu Bual Ceu fapa, Pu Hrang Chum a vat~Ngun Khen nu khi a si}, 4. Pu Sang Zel, 5. Pu Rual Cung, 6. Pastor Lian Cin, 7. Pi Dawt Ki {Pi Dawt Ki nih Ceupa Chung Hrinphun chungmi Pu Dar Hlun fapa, Pu Zam Hei a vat}, 8. Pu Za Dun, 9. Pu Than Bik hna an si.

Pu Thang Ci nih nu dang sin in fapa pahnih a hrin hna. Pi Khuang Can he Pu Dar Mang a hrin, cun Hmaikhah khuami Pi Zing Thluai he Pu Albert Cung Hnin a hrin ṭhan.

Pu Thang Ci fapa Pu Sang Zel: Pu Sang Zel nih Sum Zuan hrinphun chungmi Pu Tum Bau fanu, Pi Dar Sung a ṭhit i fanu pathum a hrin hna: 1. Pi Ni Meng, 2. Nu Biak Cin Sung, le 3. Nu Zung Len Ṭial hna an si. Nung ṭian in an ṭian hnu ah, Phai khuami Pi Pen Hnem a ṭhit ṭhan i tefa an ngei ti lo.

Pu Thang Ci fapa Pu Rual Cung: Pu Rual Cung nih Ceupa Chung Hrinphun chungmi Pu Dar Hlun fanu, Pi Dawt Zi a ṭhit i fanu pathum le fapa pakhat a hrin hna: 1. Pi Sai Iang {Pi Sai Iang nih Vomkhua khuami, Pu Sang Cung Lian a vat i US ram ah khua an sa}, 2. Pi Hlawn Sung, 3. Pi Bawi Pen, le 4. Pa Bawi Thawng Hnin hna an si. Annih hi an chungkhar in Hantawaddy khua ah an um.

Pu Thang Ci fapa Pastor Lian Cin: Pastor Lian Cin nih Hau Zaw hrinphun chungmi Pu That Cung fanu, Pi Za Ki a ṭhit i fanu pakhat, Nu Eliza Ngun Chin Ṭial a hrin. Pi Za Ki he an ṭian hnu ah, Pi Thla Hnem a ṭhit a ṭhan i fapa pakhat le fanu pahnih a hrin hna: 1. Pa Nathan Lianbik Thawng, 2. Nu Elizabeth July Par, le 3. Nu Bella Dawt Hniang hna an si. Atu hi an chungkhar in US ram ah an um.

Pastor Lian Cin cu Chin Bible School {atu CCU} in A.D. 1994 ah Dip.Th a rak dih. Cun A.D.1999 ah Zomi Theological College, Falam ah Bachelor of Ministry (B. Min) a dih ṭhan. A.D.1994 March thla thok in Gangaw Baptist Assocaition {GBA} tangah a ummi Hantawaddy Baptist Church ah pastor rian ṭuan hram aa thok. Cun A.D. 2002 kum in Chin Baptist Association {CBA} tang ah a ummi Centernary Baptist Church ah pehzulh in A.D. 2007 tiang pastor rian a rak ṭuan. Pastor Lian Cin cu ram leng a chuah hlan ah kum 13 chung caantling in Pathian rian a ṭuan manh. Cinkhua hrinsor nih Pathian rianṭuannak mihmaisa kan ngeihmi kan pa pakhat a si.

Pu Thang Ci fapa Pu Za Dun: Pu Za Dun nih Hakha Farawn khuami, Pi Ngun Din a ṭhit i fanu pahnih a hrin hna: 1. Nu Sui Cer, le 2. Nu Van Par Hnem an si. Atu hi Hantawady khua ah an um.

Pu Thang Ci fapa Pu Than Bik: Pu Than Bik nih Hmaikhah khua Kawng Thun hrinphun chungmi Pu Tawk Ling fanu, Pi Ṭial Cin a ṭhit i fanu pahnih le fapa pakhat a hrin hna: 1. Nu Sui Tin Par, 2. Nu Zing Sung, le 3. Pa Lian Uk hna an si. Atu hi Hantawady khua ah khua an sa.

Pu Thang Ci fapa Pu Dar Mang: Pu Dar Mang nih Sum Zuan hrinphun chungmi Pu Mual Er fanu, Pi Dawt Meng a ṭhit i fanu pakhat le fapa pahnih a hrin hna: 1. Pi Ṭha Tang, 2. Pa Van Cung Nung, le 3. Pa Khrih Thawng hna an si.

Pu Thang Ci fapa Pu Albert Cung Hnin: Pu Albert Cung Hnin nih Hakha Peng Farawn khuami Pi Zing Khin a ṭhit i fapa pakhat le fanu pahnih a hrin hna. 1. Pa Lian Cung Hu, 2. Nu Elina Dawt Len Sung, le 3. Nu Siang Len Ṭial hna an si. An chungkhar in Gangaw Peng, Hanthawaddy ah khua an sa.

Pu Zawmh Lal fapa Pu Hrang Zaal: Pu Hrang Zaal nih Kheng Lawt hrinphun chungmi, Pi Khuang Cuai a ṭhit i fapa pakhat a hrin: 1. Pu Tum Herh a si.

Pu Hrang Zaal fapa Pu Tum Herh: Pu Tum Herh nih Ceupa Chung Hrinphun chungmi, Pi Mang Can a ṭhit i fapa pathum le fanu pahnih a hrin hna: 1. Pu Ngun Nawl, 2. Pi Sem Sung {tleicia Pi Sem Sung nih Rual Hleng hrinphun chungmi Pu Hrang Cem fapa, Pu Biak Awi a vat. Lydia nu a si}, 3. Pa Biak Ceu {tefa ngei loin a thi}, 4. Pi Sai Hnem {Pi Sai Hnem nih Chun Tei hrinphun chungmi Pu Thawng Hu fapa, Pu Sang Awi a vat. An chungkhar in America ram ah khua an sa}, le 5. Pu Van Biak hna an si.

Pu Tum Herh cu Cinkhua tuanbia ah philh awk a ṭha lomi, khuatlaaktu kan pa pakhat a si. Cinkhua khua hlun atu kan umnak khua thar an rak tlaak lio ahhin, amah Pu Tum Herh le chungkhar in khua thar halh ah a hmaisa bik a riakmi le khua thar tikhor huattu an rak si. Cinkhua khua thar tlaaknak tuanbia ah tling tein hi kong hi rel khawh a si.

Pu Tum Herh fapa Pu Ngun Nawl: Pu Ngun Nawl nih Rual Hleng hrinphun chungmi Pu Lal Kung fanu, Pi Sung Thluai {tleicia} a ṭhit i fanu pahnih le fapa pathum a hrin hna: 1. Nu Ṭha Hnem, 2. Nu Ṭial Mawi, 3. Pa Tawk Nawl Uk, 4. Pa Stanley Biak Za Thang, le 5. Pa Thomas Biak Lian Cung hna an si. Annih hi an chungkhar in Mizoram ah khua an sa.

Pu Tum Herh fapa Pu Van Biak: Pu Van Biak nih Zathang hrinphun chungmi Pu Ceu Nawn fanu Pi Siang Len Ṭial a ṭhit i fapa pali a hrin hna: 1. Pa Cung Thang, 2. Pa Khamh Hlei Thawng, 3. Pa Van Ni Ceu, le 4. Pa Bawi Tin Cung hna an si. Annih hi an chungkhar in Australia ram ah khua an sa.

Pu That Tling fapa Pu Lian Zul: Pu Lian Zul nih Sum Zuan hrinphun chungmi Pu Lian Ruang fanu, Pi Sal Kha a ṭhit i fapa pahnih le fanu pakhat a hrin hna: 1. Pu Hrang Cham, 2. Pu Phun Duai, le 3. Pi Ui Zing hna an si.

Pu Lian Zul fapa Pu Hrang Cham: Pu Hrang Cham nih Ai Thang hrinphun chungmi Pu Hniar Zik fanu, Pi Cia Tang a ṭhit i fapa pakhat le fanu pakhat a hrin hna: 1. Pu Ui Phen, le. 2. Pi Dar Hlem {Pi Dar Hlem nih Khup Zawn hrinphun chungmi Pu Khuk Hre fapa, Pu Hre Kam a vat. Ngun Hu nu khi a si} hna an si.

Pu Hrang Cham fapa Pu Ui Phen: Pu Ui Phen aka Pu Hrang Hu nih Kawng Thun hrinphun chungmi Pu Lian Uk fanu, Pi Dawt Sua {Pu Hrang Hnuai hringtu nu i a nau khi a si} a ṭhit i fanu pahnih le fapa panga a hrin hna. Sihmanhsehlaw kum khua puitling tiang a nungmi cu pathum lawng an si: 1. Pu Hniar Luai {tleicia}, 2. Pi Dei Sung {Pi Dei Sung nih Chun Cung khuami, Pu Tluang Peng a vat i 1. Pa Tluang Uk Thang, 2. Nu Siang Tin Tluai, le 3. Pa Tin Za Uk a hrin hna. Cu hnu ah, Dawn khuami Pu Van Lian a vat ṭhan. An fale hna cu: 1. Nu Lal Hanyi, 2. Pa David, le 3. Pa Lal Nun Tluang hna an si. Atu cu an chungkhar in Mizoram ah an um}, 3. Pa Thla Bik {Pa Thla Bik cu nupi le tefa ngei loin a thih caah a tuanbia pehzulh in ṭial awk a um lo} hna an si.

Pu Ui Phen cu A.D. 1976 in 1980 kum tiang Cinkhua khuabawi a rak ṭuanmi a si. Hi lio caan hi khua hlun in khua thar leiah mitam bik rak kai lio caan a si caah, Pu Ui Phen hi Cinkhua khua hlun in Khua thar i ṭhialnak rian ah rethei bik le tawlreltu bik pakhat a rak si ve. Atu tiang Cinkhua nih kan dinmi zar tilam hi Pu That Chum, Pu Ceu Nawn le Pu Sang Tu hna he an rak zoh. Cun Pu Ui Phen hi avoikhatnak council ah Ohsuh member a rak si, avoihnihnak council ahcun Ohsuh khuabawi ah thim a rak si i term hnih tiang Ohsuh khuabawi zong a rak ṭuan ve. Pu Hre Mang chim lo ahcun Cinkhua khua ah mipi thimmi khuabawi rian sau bik a kan ṭuan piaktu kan pa pakhat a si. Pu Ui Phen cu a cozah rianṭuannak he pehtlai in A.D. 1981 kum ah, Nipi khua ah a chungkhar he umhmun an rak khuar i nihin ni tiang cukaa ahcun an um beh.

Pu Ui Phen fapa Pu Hniar Luai: Pu Hniar Luai nih Hakha khuami, Pi Sun Bang a ṭhit i fapa pakhat le fanu pahnih a hrin hna: 1. Pa Sui Thang, 2. Nu Ṭha Tin Sung {Nu Ṭha Tin Sung nih Bualtak khuami, Pu Tluang Ceu a vat}, le 3. Nu Par Iang Dei hna an si.

Pu Lian Zul fapa Phun Duai: Pu Phun Duai nih Ṭial Hup hrinphun chungmi Pu Hmung Nawl fanu, Pi Ṭial Kai a ṭhit i fapa pakhat le fanu pathum a hrin hna: 1. Pi Zing Hnem {Tin Peng nu}, 2. Sayaci Hrang Hre, 3. Pi Ṭial Kil {Biak Lawm nu}, le 4. Pi Dei Pen an si.

Pu Phun Duai fapa Sayaci Hrang Hre: Pu Hrang Hre nih Al Hluan hrinphun chungmi Pu Than Tum fanu Pi Mang Thlia a ṭhit i fanu pahnih le fapa pahnih a hrin hna: 1. Pu Thawng Ceu, 2. Pa Tin Kung, 3. Pi Sui Tin Fom {Pi Sui Tin Fom nih Kheng Lawt hrinphun chungmi Pu Tum Awi fapa, Pu Ṭha Cung Lian a vat}, le 4. Nu Sweeter Grace hna an si.

Sayaci Hrang Hre cu avoi 11th nak Cinkhua sianginn sianguk rian a ṭuanmi a si. Annih hi, January 24, 1994 in sianguk rian ṭuan hram aa thok i June 01, 2015 tiang a ṭuan. Sayaci dirhmun tiang a kan phanh piaktu upatlaak kan pa pakhat a si.

Sayaci Hrang Hre fapa Pu Thawng Ceu: Pu Thawng Ceu nih Khup Zawn hrinphun chungmi, Pi Bawi Sung a ṭhit i fanu pakhat le fapa khat a hrin: 1. Nu Amanda Van Hnem Par, 2. Pa Stanley Ram Tin Lian an si. Annih hi an chungkhar in America ram ah khua an sa.

Hi Kawng Thun hrinphun tuanbia hi anmah hrinphun chungmi, Pu That Luai le Pastor Lian Cin nih an tuanbia an khomhsuatmi cherhchan in ṭialmi a si. Palh sualnak le tlamtlinlonak tampi a um kho zeicahtiah chan tampi a kal cangmi hrinphun a si caah le ca chan a rak si ve lo caah, felfai tein an hngalh khawh dih lomi tampi a um. Cucaah chambaunak le tlamtlinlonak a ummi tete kongah careltu kan dihlak nih theihthiamnak sangpi ngeih cio hna usih.

 

Lian Tling Hrinphun Tuanbia

Cinkhua Lian Tling hrinphun hi Taizaang tlaaknak ah aa telmi hrinphun hna lakah, aa telmi hrinphun hlun an si, tiah Cinkhua tuanbia hlathlaitu kan pale dihlak nih an ti. Cinkhua hrinphun hna lakah, hrinphun hlun taktak pakhat kan si ve. Sihmanhsehlaw pupa chan cu ca chan a rak si lo caah, kan hlunhning rup in, nihin ah kan tuanbia ah zulh-dawi le khomhsuat khawh a si ti lo. Hi kan tuanbia hi, atu i a nung rihmi Cinkhua Lian Tling hrinphun chung in kan pale hna nih, kan pupa hna sin in an rak theih chinmi le kan khomhsuat khawhmi cherhchan in ṭialmi a si. Cinkhua Lian Tling hrinphun nihhin, kan pupa chan hleili tiang an min kan hngalh khawh hna. Nihin Cinkhua Lian Tling hrinsor vialte cithlahtu kan pu bik hi, Pu Lian Tling a si. Pu Lian Tling chan in, nihin tiang a hrinsor vialte, a dotdot in, kan hun langhter lai.

7#Pupa Min A Dotdot:

1. Pu Lian Tling

2. Pu Lian Cung

3. Pu Tei Sang

4. Pu Khua Mang 

5. Pu Thang Ceu

6. Pu Hram Thang

7. Pu Khen Thang

8. Pu Than Khar

9. Pu Lian Tling

10. Pu Cung Er

11. Pu Lian Sang

12. Pu Hram Ling

13. Pu Hmun Thang

14. Pu Lian Nawl


Pu Hmun Thang fapa Pu Lian Nawl: Pu Lian Nawl nih fapa pahnih a hrin hna: 1. Pu Hram Hmung, le 2. Pu Ui Er hna an si.

#. Pu Lian Nawl fapa Pu Hram Hmung: Pu Hram Hmung nih Pi Nga Bau a ṭhit a i fapa pakhat le fanu pakhat a hrin hna: 1. Pu Cia Thang, le Pi Sal Dei {Pi Sal Dei nih Ai Thang hrinphun chungmi, Pu Hniar Hei a vat ~ Ngun Dun nu khi a si} an si.

Pu Hram Hmung fapa Pu Cia Thang: Pu Cia Thang nih Pi Don Thluai a ṭhit i fapa pahnih le fanu pathum a hrin hna: 1. Pa Ral Hei {annih hi nupi ngei loin a um ko rih}, 2. Pu Za Khar, 3. Pi Hlawn Ṭial {Pi Hlawn Ṭial nih Kheng Lawt hrinphun chungmi, Pu Ram Hu a vat~Bawi ha Chin nu khi a si}, 4. Pi Dawt Hliang {Pi Dawt Hliang nih Sum Zuan hrinphun chungmi Pu Hrang Hei a vat~Van Siang Awi nu khi a si}, 5. le Nu Hram Kil {tleicia} hna an si.

Pu Cia Thang fapa Pu Za Khar: Pu Za Khar nih Ceupa Chung Hrinphun chungmi Pu Kil Mang fanu, Pi Hlawn Cer a ṭhit i fanu pathum a hrin hna: 1. Nu Ngun Hlei Par, 2. Nu Tha Len Sung, le 3. Nu Cherry Biak ha Rem hna an si. An chungkhar in Hakha khuapi ah khua an sa.

#. Pu Lian Nawl fapa Pu Ui Er: Pu Ui Er nih Pi Fom Ṭial a ṭhit i fanu pahnih le pafa pahnih a hrin hna: 1. Pu Tei Nawl, 2. Pu Hniar Cung, 3. Pi Ni Doi (Ṭial Hup hrinphun chungmi, Pu Sang Duai a vat~Pu Tawk Hmung hringtu nu khi a si) le 4. Pi Zing Pen {Pu Lal Kung a vat. Pu Lal Kung cu Bual Tiam pa a si} hna an si.

#. Pu Ui Er fapa Pu Tei Nawl: Pu Tei Nawl nih Pi Sun Ṭial a ṭhit i fanu pahnih le fapa pahnih a hrin hna: 1. Pu Hniar Hu, 2. Pu Thawng Ling, 3. Pi Mah Hlem {Pi Mah Hlem nih Rual Hleng hrinphun chungmi, Pu Chiah Ling a vat~Van Uk nu khi a si}, le 4. Pi Khen Ṭial {Pi Khen Ṭial nih Rual Hleng hrinphun chungmi, Pu Even a vat~That Awi nu khi a si} hna an si.

Pu Tei Nawl fapa Pu Hniar Hu: Pu Hniar Hu nih Senthang peng Hausen khuami Pu Tum Kung le Pi Sa Zing hna i an fanu, Pi Khuang Hniang a ṭhit i fanu pathum le fapa pali a hrin hna: 1. Pi Ca Len Sung {Pi Ca Len Sung nih Rual Hleng hrinphun chungmi Pu Hrang Cem fapa, Pu Zung Nawl a vat~Ngun Hlawn nu khi a si}, 2. Pastor Ngun Hlei Sung {Pastor Ngun Hlei Sung cu Cinkhua Baptist Church ah pastor rian caan zeimazat a rak ṭuan. Al Hluan hrinphun chungmi, Pu Mang Cung a vat i atu cu Australia ram ah an chungkhar in khua an sa}, 3. Pu Ngun Hre Ling (USA), 4. Pu Than Hre Hnin (USA), 5. Pu Mang Uk {Mandalay}, 6. Pu Siang Cung {tleicia}, le 7. Pi Sung Cin Ṭial {Pi Sung Tin Ṭial nih Pu Hniang Lian Bawi a vat} hna an si.

Pu Hniar Hu cu A.D.2008-2009 tiang Cinkhua khuabawi a kan ṭuan piaktu a si. Cinkhua hrinsor lakah fimcawnnak lei ah mi hmaisa pakhat a si. Annih hi Cinkhua sianginn i primary a kai hnu ah, middle school Zokhua sianginn a peh.  Cu hnu ah, high School cu Hakha sianginn le Maylaymine sianginn ah a rak peh. Maylaymine sianginn ah a rak kai hi A.D. 1966 kum ah a rak si.  High School a dih hnu ah, kum khat fai chung A.D. 1967-1968, Shan ramkulh khualipi Taungkyi khua ah cinthlaknak lei training a rak kai. Cu hnu ah May, 1968 in Kachin ram ah Township Agricultural Office ah manager dirhmun in cozah rian ṭuan hram aa rak i thok i cukaa ahcun kum 4 chung a rak ṭuan. Kha lio caan i Mawlaymine ah high school a kai khawh nak le Taungkyi khuapi ah training a rak kai khawh nak cu, ralkap rian a ṭuanmi a ule Pu Tum Bau le Pi Sa Hnem hna bawmhchanhnak thawng in a rak si.  Kachin ram i kum 4 chung a ṭuan hnu ah, Chin ramkulh Tedim khuapi ah an rak ṭhial. Tedim khua ahcun kum 3 tluk a rak um ṭhan i A.D. 1974 ah Thantlang khuapi ah an rak ṭhial ṭhan. Cukaa ahcun kum 2 tluk a um hnu ah, A.D. 1977 ah Zephai khua ah an rak ṭhial ṭhan. Zephai khua ah sau um loin A.D. 1980 kum ah Hnawng Tlang khua ah an rak ṭhial ṭhan. Hmawng Tlang khua zong ahcun sau um loin A.D. 1984 Hakha khuapi ah an rak ṭhial ṭhan. A.D. 1984 in A.D. 2004 tiang hi Hakha khuapi ah cozah rian cu a rak ṭuan. Cucaah Pu Hniar Hu cu mifim le cathiam an rak har lio caan ah, miphun dang le pengtlang dang dang hna sinah cozah rian ṭuan in kum 31 chung (A.D. 1967-2004) tiang a um hnu ah, Township Agricultural Inspector dirhmun in September, 2004 ah ah pension ṭha tein a lami kan pa pakhat a si. Ralkap uk lio caan ah, bawi le dirhmun sang a tlaimi pakhat a rak si ve bantuk in Cinkhua khua ah thil ṭha tampi chuahpitu le bochanmi kan pa pakhat a si. Cinkhua khua chungah a lutmi ṭhanchonak rian tete le cinthlaknak caah a herhmi tete khuami nih kan hmuh khawh nakhnga a chung in a rak tlangtlatu kan pa pakhat a si. Tahchunhnak ah, Cinkhua dinti, Siipekhaan, Sianginn cungkhuh canphio, Thingthei phunphun a keuh cin awk, Vawlei ṭuannak caah a herhmi Pohpia, Hmuiizum, Namte, Ti toihnak pipe, Rice bank le Hakha- Cinkhua karlak motor lam chunhnak ti bantuk tete ah bawmhnak kan hmuh khawh nakhnga le rian a tlamtlin khawh nakhnga a chung in a cawlcang ngaingaitu kan pa pakhat a si. Cinkhua khua nih khuami vialte kan caah a fimthiamnak, ruahnak le thazaang a chuahmi vialte ruangah lunglomhnak roca kan ṭial.

Pu Hniar Hu fapa Pu Ngun Hre Ling: Pu Ngun Hre Ling nih Van Ha khuami Pu Ki Don le Pi Zing Ṭhai hna i an fanu, Pi Ngun ha Hnem a ṭhit i fanu pakhat le fapa pahnih a hrin hna: 1. Pa Philip Van Bawi Ling, 2. Nu Miriam Biak Hlei Zing, le 3. Pa Jacob Lian Tling hna an si. Atu cu an chungkhar in America ram, New York khuapi ah khua an sa.

Pu Ngun Hre Ling cu A.D.1999 June thla ah Malyasia a phan i kum riat a um hnu ah, A.D. 2007 June thla ah atu a umnak America ram a rak phan. America ram a phanh hnu ah, Judson Bible College in Dip.Th degree a laak. Annih biaknak lei zongah fakpi in thazaang a chuah i atu an umnak Chin Christian Church (CCC) khrihfabu dirhtu hna lakah aa telmi le bochanmi pakhat a si. Cukaa Khrihfabu ahcun church chairman dirhmun zong saupi a rak ṭuan piak hna i atu cu North America Cinkhua Fellowship ah president rian a ṭuan cuahmah lio a si.

Pu Hniar Hu fapa Pu Than Hre Hnin@ Maung Maung: Pu Than Hre Hnin nih Sum Zuan hrinphun chungmi Pu Dar Nawl fanu, Pi Dawt Tin Sung a ṭhit i fapa pahnih a hrin hna: 1. Pa Mosses Van Dawt Hnin, le 2. Pa Andrew Cung Bawi Hnin hna an si. Atu cu an chungkhar in America ram ah khua an sa.

Pu Hniar Hu fapa Pu Mang Uk: Pu Mang Uk nih Ṭial Hup hrinphun chungmi Pu Erh Ling fanu, Pi Dawt Men Iang a ṭhit i fanu pahnih a hrin hna: 1. Nu Didi Siang Chin Par, le 2. Nu Van Hnem Par an si. Atu hi cozah rian ṭuan in, Mandalay khuapi ah khua an sa.

Pu Mang Uk A.D. 2006 ah Kalay University in B.Sc a dih. A.D. 2010 ah Chin Ramkulh cozah department pakhat a simi Regional Administration Staff Officer dirhmun in cozah rian ah a lut. A.D. 2012 ah Tedim peng, Tonzang khuapi an ṭhial. Cukaa i kum 4 tluk an um hnu ah, Pathian cawisannak in a rank a kai caah Mandalay khuapi ah an ṭhial i atu tiang cukaa hmun ahcun cozah rian a ṭuan cuahmah liopi a si. Pu Mang Uk cu Cinkhua hrinsor chungah Pathian nih fimthiamnak thluachuah a pekmi bochan tlaak mino pakhat a si. A hnu bik rank kainak camepuai an tuahmi ahhin, Chin ramkulh dihlak huap ah minung pahnih lawng nih hmuh khawhmi rank a si; cucu a hmuh khawh caah cozah rian uan rank sang taktak dirhmun a tlai cuahmahmi mino pakhat a si.

Pu Hniar Hu fapa Pu Siang Cung: Pu Siang Cung nih Aive khuami, Pi Ca Nawn Sung a ṭhit i tefa an ngeih hlan ah mual a liam taak.

Pu Siang Cung cu A.D. 2008 ah Kalay University in B.Sc a dih hnu ah, India ram Serampore Bible sianginn ah Bachelor of Divinity (B.D) a peh ṭhan. A.D. 2015 ah B.D degree a laak. A.D. 2016 October thla ah cozah sianginn cachim rian a hmuh caah Senthang peng, Sumsi khua ah sianginn cachim dirhmun in a um. Caan sau hmanh a um manh hlan December 18, 2016 ah ruah lopi in a umnak hmun ah mual a liam. Cinkhua nih mino cathiam sang kan ngeihmi pakhat nih ruahlopi in a kan liam taak tikah khuami kan ngaihchiatnak a fak khun.

Pu Tei Nawl fapa Pu Thawng Ling: Pu Thawng Ling nih Homalin khua ummi Khumi Chin miphun, Pi Wakho Ning a ṭhit i fanu pahnih le fapa pakhat a hrin hna: 1. Nu Biak Zi {pasal a ngei rih lo. Atu hi America ram ah khua a sa}, 2. Pastor Biak Tin Sung {Pastor Biak Tin Sung cu Kalay Lai Baptist Church ah CE& Youth pastor a ṭuan cuah liomi a si}, le 3. Pu Zam Kho Mang hna an si.

Pu Thawng Ling cu A.D. 1982 kum in Kawl ralkap rian ṭuan hram aa thok i nihin ni tiang kum 38 chung a ṭuan cang. Kachin ram ah A.D. 1982 in 2001 tiang a um. Cu hnu ah, A.D. 2002 in 2005 tiang Hakha khuapi ah a um. A.D. 2006 in atu A.D. 2020 tiang Kalaymyo khuapi ah a um. Atu ah ralkap senthum (sergeant rank) in a um i Cinkhua hrinsor ahcun rampi ralkap dirhmun sang bik tlaitu kan pa pakhat a si.

Pu Thawng Ling fapa Pu Zam Kho Mang: Pu Zam Kho Mang nih Kuki miphun, Pi Elizabeth a ṭhit i fapa pakhat a hrin: 1. Cung Biak Thawng a si. Atu cu an chungkhar in Kalay khuapi ah khua an sa.

#. Pu Ui Er fapa Pu Hniar Cung: Pu Hniar Cung nih Pi Kil Ci a ṭhit i fanu pakhat le fapa pahnih a hrin hna: 1. Pu Dar Kio, 2. Pi Zing Hlawn {Pi Zing Hlawn nih Sum Zuan hrinphun chungmi Pu Tei Tlem fapa, Pu Siang Kung a vat~Sang Hre nu khi a si}, le 3. Pu Zaw Bah hna an si.

Pu Hniar Cung fapa Pu Dar Kio: Pu Dar Kio nih Kachin miphun, Pi Samina a ṭhit i fanu pakhat le fapa pahnih a hrin hna: 1. Pa Nanda Kyaw, 2. Pa Thun Lin Kyaw, le 3. Nu Ee Sung hna an si.

Pu Dar Kio cu Kawl ralkap caan saupi a rak ṭuan. Ralkap rian in pension a lak hnu ah, Hantawady khua ah umhmun an khuar i kum saupi an um hnu ah, a nupi ram asimi Kachin State ah an i thial. Cukaa hmun ahcun a nunnak a liam.

Pu Hniar Cung fapa Pu Zaw Bah: Pu Zaw Bah hi Kawl ralkap (tii ralkap) a ṭuanmi a si. Karen ram a um lioah, Karen miphun nu a ṭhit atu hi Yangon khuapi ah khua an sa. Pu Zaw Bah hi fanu pakhat a ngei nain a thi.

Hi Lian Tling hrinphun tuanbia hi anmah hrinphun chungmi, Pu Hniar Hu nih an hrinphun tuanbia a khomhsuatmi cherhchan in ṭialmi a si. Palh sualnak le tlamtlinlonak tampi a um kho zeicahtiah chan tampi a kal cangmi hrinphun a si caah le ca chan a rak si ve lo caah, felfai tein an hngalh khawh dih lomi tampi a um. Cucaah chambaunak le tlamtlinlonak a ummi tete kongah, careltu kan dihlak nih, theihthiamnak sangpi ngeih cio hna usih.

 

 

Al Hluan Hrinphun Tunabia

Cinkhua Al Hluan hrinphun hi Taizaang tlaaktu hrinphun hna lakah, aa telmi hrinphun an si, tihi Cinkhua tuanbia hlathlaitu kan pale dihlak nih an chimmi a si. Cinkhua hrinphun hna lakah, hrinphun hlun taktak pakhat an si ve. Sihmanhsehlaw pupa chan cu ca chan a rak si lo caah an hlunhning rup in, nihin ah kan thawhkehnak tuanbia zulh-dawi le khomhsuat khawh a si ti lo. Hi kan tuanbia hi, atu i a nung rihmi Cinkhua Al Hluan hrinphun chung in kan pale hna nih, an pupa hna sin in an rak theih chinmi le an khomhsuat khawhmi vial cherhchan in ṭialmi a si.

Rev. Bual Sang nih Al Hluan hrinphun tuanbia ṭialnak kongah, “Al Hluan hrinphun tuanbia hi hlat-hlai a har ngai. Kan pupa hna hi mi chantawi an si pin ah, biaroriak ngei lo pawl an rak si deuh rua. Kapa {Pu Than Tum} nih a ka chimh ning ahcun, ‘ka pu le hi chan li tiang pa unau pahnih chuak an rak si tawn hna i, cu chung ah pakhat hi ciruang le hrinsor ngei lo an rak si tawn. Cucaah, atu keimah {Pu Than Tum} le Pu Bual Ci hi Pathian thawng in hrinsor

tuanbia ngei kho in fapale kan in hrin hna’ a rak ti, tiah a ṭial. Cinkhua Al Hluan hrinphun chung in khua dangah umhmun a rak khuarmi tete zong an rak um len hna. Tahchunhnak ah, Al Hluan hrinphun chungmi pakhat pa hi Halta khua ah a rak pem ti a si. Halta cun Fiarti khua ah khin a hun i ṭhial ṭhan. Cun, Fiarti khua ah kum zeimazat a um hnu ah, Hmaikhah khua ah a rak pem ṭhan ti a si. Cucaah Hmaikhah khua ahkhin, nihin tiang Al Hluan hrinsor, Pi Dawt Har le Pi Far Tum le Al Hluan tufa, Pu Ṭial Khuai hna zong an um peng ko rih. Hi hna leng ahhin, khua dangah a rak pemmi Al Hluan hrinsor zong an um len kho rih ko sihmanhsehlaw fiangfai in hngalh khawh an si ti lo caah, Cinkhua Al Hluan tuanbia lawng papek in kan hun langhter lai.

8#. Pupa Min A Dotdot:

1. Pu Lian Herh

2. Pu Zung Hnin

3. Pu Kip Tlung

4. Pu Hrang Mang le Pu Tei Ling

5. Pu Than Tum le Pu Bual Ci

Pu Lian Herh nih Pu Zung Hnin a hrin. Cinkhua khuataw i a ummi ‘Lian Herh pu lungdonh’ timi khi Al Hluan hrinphun chungmi, Pu Lian Herh i a pu lungdonh a si. Sihmanhsehlaw Pu Lian Herh pa min zong hngalh a si lo i Lian Herh pu min zong cu hngalh khawh a si ti lo.

Pu Zung Hnin nih Pu Kip Tlung a hrin. Pu Zung Hnin cu atu Cinkhua khua kam ii a ummi Zung Hnin Cerh hi Al Hluan pa thlawh hmun chungah a ummi cerh a si, ti a si. Cucaah Zung Hnin cerh timi kha Alhlan phun hringsortu an pu, Pu Zung Hnin min cherhchan in sakmi a si.

Pu Zung Hnin nih Pu Kip Tlung a hrin. Pu Kip Tlung hi nihin Cinkhua Al Hluan hrinsor vialte cithlahtu an pu a si; amah tefa chan hin Cinkhua khua ah Al Hluan hrinphun kan karh.

Pu Zung Hnin fapa Pu Kip Tlung: Pu Kip Tlung nih Ai Thang hrinphun chungmi Pu Al Thawn fanu, Pi Sun Ngen a ṭhit i fapa pahnih a hrin hna: 1. Pu Hrang Mang, le 2. Pu Tei Ling hna an si.

#. Pu Kip Tlung fapa Pu Hrang Mang: Pu Hrang Mang nih Pi Nu Hrem a ṭhit i fapa pahnih le fanu pahnih a hrin hna: 1. Pu Than Tum, 2. Pu Bual Ci, 3. Pi Dei Iang {Pi Dei Iang nih Sum Zuan hrinphun chungmi, Pu Chia Hlun a vat}, le 4. Pi Hniar Kawi {Pi Hniar Kawi nih Ceupa Chung Hrinphun chungmi, Pu Ṭial Uk a vat} hna an si.

[Pu Hrang Mang fanu Pi Dei Iang le Pu Chia Hlun fale hna cu: 1. Pi Sui Nawn {Thla Sung nu}, 2. Pu Khin Mawng, 3. Pi Ngun Kil, 4. Pu Ngun Awi {Ngun Pen pa}, 5. Pi Sa Nawn {Sui Hlawn nu} le 5. Pu Hrang Hei {Van Siang Awi pa} hna an si].

[Pu Hrang Mang fanu Pi Hniar Kawi le Pu Ṭial Uk fale hna cu: 1. Pi Ngun Hnem {Van Ceu nu}, 2. Pu Thawng Hu {Than Hei pa}, 3. Pi Hram Cin {Sung Iang nu}, le 4. Pa Thla Kam {tleicia}, le 5. Nu Dawt Tlem {tleicia} hna an si.]

Pu Hrang Mang cu amah kum 71 hrawng a si ah a thi ii atu Cinkhua cuantang le khua hlun rika i Hmaikhah lam ton hmun ahkhin lungdonh piak a si. Atu tiang zong ahkhin, “Ṭial Vang pu lungdonh” tiah kawh auh a si peng ko rih.

##. Pu Hrang Mang fapa Pu Than Tum: Pu Than Tum nih Khup Zawn hrinphun chungmi Pu Lian Cung fanu, Pi Kip Thluai a ṭhit i fanu pathum le fapa pali a hrin hna: 1. Pi Ṭial Vang {Pi Ṭial Vang nih Kawng Thun hrinphun chungmi, Sayakyi Hrang Hre a vat~Thawng Ceu nu khi a si}, 2. Rev. Bual Sang, 3. Pi Cer Thlia {Pi Cer Thlia nih Sum Zuan hrinphun chungmi, Pu Dar Nawl a vat~Cer Ki nu khi a si}, 4. Pu Hre Kung, 5. Pu Mang Cung, 6. Pu Tin Khar Mang, le 7. Nu Ngun Sung Tum {D.H.M} hna an si. Nu Ngun Sung hi Al Hluan hrinphun chung in ram leng chuak hmaisa a bik a si. A.D. 2000 ah Singapore a rak phan. Kum zeimazat a um hnu ah, A.D. 2011 ah Malaysia a rak phan ṭhan. Kum sau nawn a um hnu ah, A.D. 2018 ah atu a ummnak Australia a phan. Nu Ngun Sung Tum cu Singpapore ram ah a ummi Boston Business School in Diploma of Hotel Management certificate tlamtling tein a lami a si. Atu a umnak Australia ram zongah a si khawh chung in cawnnak phunkip a cawng i khrihfabu le miphun caah a si khawh chung in santlaih aa zuam zungzalmi nusal ṭha pakhat a si.

Pu Than Tum cu Cinkhua hrinsor lakah Bible sianginn kai hmaisa bik a si. Annih hi Rev. Dr. G. Johnson nih Zarh Sarih Bible School ah kum khat ah zarh sarih lengmang in kum thum chung course tling tein a rak kai i Diploma a rak lak. Kha lio chan ahkhan khrihfabu ah pastor bawmtu saya dirhmun tluk in rak hmanmi le bochanmi a rak si.

Pu Than Tum fapa Rev. Bual Sang: Rev. Bual Sang nih Rual Hleng hrinphun chungmi Pu Hrang Cem fanu, Pi Ca Iang a ṭhit i fapa pali le fanu pakhat a hrin hna: 1. Pastor Cung Lian Thawng Sang {B.A.;M.Div}, 2. Pu Hram Cung Sang {B.Sc}, 3. Pa Thawng Ṭha Lian Sang {M.A} , 4. Pi Ni Len Par Sang {B.Sc/DTEC}{Pi Ni Len Par Sang nih Falam khuami, Pu Robinson Baite (B.Sc) a vat}, 5. Pu John Michael Sang {B.A final year} hna an si.

Rev. Bual Sang hi Cinkhua khrihfabu ah caan sau bik pastor a ṭuanmi kan pa pakhat a si. Cinkhua kan har a kan ingtuar biktu le kan ngaihchiatnak le lunglamwhnak zong sau bik a kan hrawmpitu kan pa a si. Amah kum kum 60, a rian ṭuan caan kum 30 a tlin tiang, hmualphonak zeihmanh ngei lo tein Pathian rian a ṭuan hnu ah, Hakha Baptist Association (HBA) nih March 1, 2020 ah Zokhua khua i an tuahmi avoi 52nd nak an BM Meeting ah Pension an pek. Cinkhua hrinsor tuanbia ah Pension lak tiang Pathian rian a kan ṭuan piak hmaisa bik a si; tuanbia thar a kan ṭial piak. Pension a lak lio caan zongah sunglawi tein khuami minung 30 hrawng nih kan va telpi lengah Cinkhua hrinsor dihlak ai-awh in Global Cinkhua Fellowship (GCF) nih Conlo Puan, Lai luchin le Roca an rak pek. Cinkhua khua ca lawng hmanh ah siloin kan pengtlangpi nih aa bochan i a upat ngaingai mi kan pa pakhat a si. Pathian rian ṭuan hram a thok in pension a lak tiang, a rianṭuannak tuanbia tlamtling cu, Dal {8} Nak chung i “Cinkhua Hrinsor chung in caantling Pathian rianṭuantu hna kong” timi tangah rel chap khawh a si lai.

Rev. Bual Sang fapa Pastor Cung Lian Thawng Sang: Pastor Cung Lian Thawng Sang nih Zokhua khua Siakhel hrinphun chungmi Pu Lal Luai {tleicia} le Pi Za Ki hna an fahniang, Pi Biak Hnem Sung {B.A.; DBA} a ṭhit i fapa pahnih le fanu pakhat a hrin hna: 1. Pa Peter Biak Cung Lian, 2. Pa Titus Ngun Bawi Lian, le 3. Nu Hniang Ṭha Par hna an si.

Pastor Cung Lian Thawng cu A.D. 2007 kum ah Chin Christian College {atu CCU} in Bachelor of Theology {B.Th} a dih. A.D. 2009 March 1 in Cinkhua Baptist Church ah pastor rian ṭuan hram a thok sihmanhsehlaw thla khat tluk a ṭuan ah, Hakha khuapi ah a ummi Peniel Baptist Church nih an hal caah April 1, 2009 in Paneil Baptist Church ah caantling Pastor ṭuan hram aa thok. Cun, A.D. 2011 in 2013 tiang CCU ah Master of Divinity {M.Div} a peh i tluang tein a lim. Cu hnu ah, Paniel Baptist Church ah caantling in Youth Pastor le E&M director a ṭuan chung March 6, 2015 in April 1, 2018 tiang hi Hakhua Baptist Association {HBA} ah Youth Department director a ṭuan chih. Cun pastor rian a ṭuannak Peniel Baptist Church nih missionary an thlahmi saya kongah laklawhnak an ngeih caah August 2020 in Magway ṭaing, Ngaphe township, Innpu khua ah missionary rian ṭuan ding in a kal i nihin tiang a ṭuan cuahmah.

Rev. Bual Sang fapa Pu Hram Cung Sang: Pu Hram Cung Sang nih Thantlang khuami Thihlum hrinphun chungmi Pu Uk Hle {tleicia} le Pi Ca Hluan hna i an fanu, Pi Ngun Mawi Chin a ṭhit i fapa pahnih a hrin hna: 1. Pa Joseph Ngun Cung Lian, le 2. Pa Moses Ramlian Cung hna an si.

Rev. Bual Sang fapa Pa Thawng Ṭha Lian Sang: Pa Thawng Ṭha Lian Sang cu nupi a ngei rih lomi, tlangval note a si nain nihin ah Lai miphunpi nih, amah tawk in, hngalhmi le bochanmi mino pakhat a si. Vawlei lei fimcawnnak ah Master of Arts (M.A) tiang a dih cang i atu hi Dr. Lianhmung Sakhong nih a dirhmi, Centre for Development and Ethnic Studies ah Programme Manager dirhmun in rian a ṭuan cuahmah liopi a si.

Rev. Bual Sang fapa Pu John Michael Sang: Pu John Michael Sang nih Thantlang peng Salen khua Lunguum hrinphun chungmi Pu Thawng Mang {tleicia} le Pi Don Thluai hna i an fanu, Pi Ngun Chin Mang aka Suh Mon (B.Sc) a ṭhit i tefa an ngei rih lo.

Pu Than Tum fapa Pu Hre Kung: Pu Hre Kung nih Kupzawn hrinphun chungmi Pu Hre Kam fanu, Pi Far Hnem a ṭhit i fapa pali a hrin hna: 1. Pu Ngun Chum Ling, 2. Pa Za Mang Bik {Pa Za Mang Bik cu nupi ngei loin Chin National Army (CNA) ah a lut}, 3. Pu Hrang Kap Hnin, 4. Pa Biak Ṭha Kung, le 5. Pa Ni Peng hna an si.

Pu Hre Kung fapa Pu Ngun Chum Ling: Pu Ngun Chum Ling nih  Hakha khuachung Keiraw hrinphun chungmi Pu Kap Lian le Pi Ngun Hlawn hna i an fanu, Pi Cer Mang Par a ṭhit i fanu pakhat a hrin: 1. Nu Rachel Van Sui Par a si. Atu cu an chungkhar in America ram ah khua an sa.

Pu Hre Kung fapa Pu Hrang Kap Hnin: Pu Hrang Kap Hnin nih Bawi Khar hrinphun chungmi Pu Ceu Hlei fanu, Pi Sung Khen Iang a ṭhit i fapa pakhat a hrin: 1. Pa Enfred a si.

Pu Hrang Kap Hnin cu miphun le ram caah rian ṭuan ding in, Chin National Army {CNA} ah a lut i atu hi ralkap rian a ṭuan cuahmah liopi a si.

Pu Than Tum fapa Pu Mang Cung: Pu Mang Cung nih Hairawn khuami, Pi Far Men Par a ṭhit i fanu pakhat, Nu Bawi Cin Par a hrin. Nung ṭian in an ṭian hnu ah, Ceupa Chung Hrinphun chungmi Pu Mual Hlun fanu, Pi Bawi Iang a ṭhit ṭhan i fapa pakhat le fanu pakhat a hrin hna: 1. Pa Zaw Lat, le 2. Nu Ṭial Chin Par hna an si. Nung ṭian in an ṭian hnu ah, Cinkhua Lian Tling hrinphun chungmi Pu Hniar Hu fanu, Pastor Ngun Hlei Sung a ṭhit ṭhan i fapa pahnih le fanu pakhat a hrin hna: 1. Pa Khamh Bawi, 2. Nu Biak Ṭha Mawi, le 3. Pa Jonathan hna an si. Atu cu an chungkhar in Australia ram ah khua an sa.

Pu Than Tum fapa Pu Tin Khar Mang: Pu Tin Khar Mang nih Thantlang peng Thinghual khua Hlenglut hrinphun chungmi Pu Bual Ling le Pi Ngun Ria hna i an fanu, Pi Ngun Par a ṭhit i fanu pakhat le fapa pahnih a hrin hna: 1. Nu Ngun Ṭha Par, 2. Pa Ṭha Peng Mang, le 3. Pa Mark Thla Thawng Mang hna an si.

##. Pu Hrang Mang fapa Pu Bual Ci: Pu Bual Ci nih Hau Zaw hrinphun chungmi Pu Chia Uk fanu, Pi Zing Nawn a ṭhit i fapa pathum le fanu pali a hrin hna: 1. Pu Aung Lin, 2. Pi Khin Myint Kyi {Pi Khin Myint Kyi nih Kawl miphun, Pu Khin Maung Myint a vat. An chan a tawi i chanṭim ah an nupa in Magwe khuapi an thi. Cucaah an rauh taakmi fale, Nu Sui Tin Par le Nu Dawt Tin Cuai hna cu Hakha ah chungkhat nih an lak hna i atu hi Hakha khuapi ah sianginn an kai cuahmah lio a si}, 3. Pi Zing Vang {Pi Zing Vang nih Vomkua khuami, Erhlawt hrinphun chungmi Pu Ceu Kung le Pi Zing Thlia hna i an fapa, Pu Chum Khar a vat. An fale hna cu: 1. Nu Cherry Ngun Len Par, 2. Nu Annie Dawt Ṭha Sung, le 3. Nu Ruth Hniang Chin Sung hna an si. Atu cu an chungkhar in America ram ah khua an sa}, 4. Pu Thawng Kung, 5. Pi Dawt Hlei Zing {Pi Dawt Hlei Zing nih Karen state Pha-aan khuami, Pu Ye Kyaw Thu a vat. Ann fale hna cu: 1. Pa Henry Van Thawng Lian, le 2. Nu Iris Ram Ṭha Par hna an si. Atu cu an chungkhar in America ram ah khua an sa}, 6. Pu Ngun Hre Ling, le 7. Pi Thla Tin Thluai {Pi Thla Tin Thluai nih Zokhua khua Kuanglung hrinphun chungmi Sayaci Zo Hmung le Pi Zing Hniang hna i an fapa, Pu Ngun Ceu a vat. An fale hna cu: 1. Nu Citi Van Sui Ṭial, le 2. Pa Cung Bik Thawng hna an si. Atu cu an chungkhar in America ram ah khua an sa} hna an si.

Pu Bual Ci cu A.D 1973 in 1975 tiang Cinkhua khuabawi a kan tuan piaktu a si. Pu Bual Ci khuabawi ṭuan chung ahhin, kan kiangkap khua pawl; Aive, Hmaikhah le Hrawngvun he i tlawnkainak lam remh le sersiam hi aa rak i hmaithlakmi a si.

Pu Bual Ci fapa Pu Aung Lin: Pu Aung Lin nih Ṭial Hup hrinphun chungmi Pu Tum Tling fanu, Pi Tin Tang a ṭhit i fanu pakhat le fapa pakhat a hrin hna: 1. Nu Jennery Biak Za Sung, le 2. Pa Tawk Lian Thang hna an si. Pi Tin Tang he nung ṭian in an ṭian hnu ah, Zaa Thang hrinphun chungmi Pu Ceu Nawn fanu, Pi Sui Hnem a ṭhit ṭhan i fanu pakhat, Nu Miriam Biak Ṭharem a hrin. Atu cu an chungkhar America ram ah khua an sa.

Pu Bual Ci fapa Pu Thawng Kung: Pu Thawng Kung nih Thlan Tlang peng Lungding khuami, Pi Lal Par Mawi a ṭhit i fanu pathum le fapa pakhat a hrin hna: 1. Nu Lalramhmuak, 2. Pa Israel Lalthanglian, 3. Nu Dennis Biak Ṭha Khun, le 4. Nu Rebecca Zing Dawt Thluai hna an si. Atu cu an chungkhar in, Mizoram Lawngtlai district, Vanhne khua ah khua an sa.

Pu Bual Ci fapa Pu Ngun Hre Ling: Pu Ngun Hre Ling nih Zokhua khua Kuanglung hrinphun chungmi Pu Ngun Uk le Pi Hniar Hning hna i an fanu, Pi Zing Hlei Sung a ṭhit i fapa pahnih a hrin hna: 1. Pa Khamh Cung Ceu, le 2. Pa Samuel hna an si. Atu cu an chungkhar in America ram ah khua an sa.

#. Pu Kip Tlung fapa Pu Tei Ling: Pu Tei Ling nih fapa pakhat a hrin: 1. Pa Mang Kem a si. Pa Mang Kem cu nupi ṭhi loin a thih caah a hrinsor tuanbia pehzulh in ṭial awk a um lo.

Pu Tei Ling cu hrinsor ngei lo, cimit ah a cang sihmanhsehlaw Pu Tei Ling cu Cinkhua hrinsor caah philh awk a ṭha lomi, zumtu hmaisa a si. Cinkhua hrinsor ah, Pu Tei Ling le Pu Ram Thawn hi Khrihfa a lut hmaisa bik le tipilnak zong a ing hmaisa bikmi an si. Annih cu December 15, 1932 ah tipil an rak ing cang.

Hi Cinkhua Al Hluan hrinphun tuanbia hi anmah hrinphun chungmi, Rev. Bual Sang nih an tuanbia a hngalh khawh tawk le a khomhsuatmi vial cherhchan in ṭialmi a si. Palh sualnak le tlamtlinlonak tampi a um kho zeicahtiah chan tampi a kal cangmi hrinphun a si caah le ca chan a rak si ve lo caah, felfai tein an hngalh khawh dih lomi tampi a um. Cucaah chambaunak le tlamtlinlonak a ummi tete kongah, careltu kan dihlak nih theihthiamnak sangpi ngeih cio hna usih.

 

Rual Hleng Hrinphun Tuanbia

Cinkhua Rual Hleng hrinphun nih kan tuanbia le kan thawhkehnak kong kan dawi tikah, Cinkhua khua hlun tlaak hnu ah, Buhlun khua in a rak i ṭhialmi kan rak si lai, tiah kan zumh. Ca chan a rak si lo caah kan hringsortu kan pupa hna zong hi an tefa ngeihmi dihlak tling tein hngal khawh ti lomi an um lem lai. Sihmanhsehlaw kan pale sin in kan rak theih chinning le nihin Rual Hleng hrinphun pale hna nih kan khomhsuat khawhmi vial cherhchan in, hi Rual Hleng hrinphun tuanbia hi ṭial a si.

Cinkhua khua in nichuahlei ah a ummi Tihri tiah auhmi tiva ral ahkhin, Buhlun khua timi a rak um. Cucu Rual Hleng khua a rak si. Cu Buhlun khua ah khua an rak sak lio ahcun, atu Zawngkhan tiva khi le Tihri tiva in Hmaikhah ramri tiang khi anmah Rual Hleng ram a rak si dih, ti a si. Ral ruangah, cu Buhlun khua cu an rak ṭio taak i Pu Kio Ling le Pu Za Rawl nih Buhlun khuami inn 28 hrawng cu khua dang tlaak ding in an rak chuahpi hna. Cu a chuakmi chungkhar 28 hna cu, Chalva chuak ahkhin kum hnih tluk hrawng khua an rak sa. Cu hnu ah, Nawi ah khin kum hnih hrawng ve khua an rak sa ṭhan. Nawi an rak um lio i an hmanmi lung sumpi zong, “Rual Hleng Sum” tiah an auh i atu tiang a um peng ko rih, ti a si. Cukaa hmun ahcun, an Sia zong nih fa an rak hrin len hna, tiah an ti. Nawi i khua an sak tiang ahhin, inn chungkhar 30 hrawng an rak si cang. Cukaa hmun cun, atu Thantlang peng, Tlangrua khua khi an rak tlaak.

Buhlun khua in Pu Kio Ling le Pu Za Rawl nih inn chungkhar 28 an rak chuahpi hna lio ahhin, Rual Hleng hrinphun chungmi, Pu Kip Tiam cu a unau hna sin va um ding in Tlangrua khua lei ah kal a rak i tim ve. Sihmanhsehlaw Cinkhua Hau Zaw bawi nih “Tlangrua khua i na pem ahcun, na thingram vialte an lo tlau dih lai; cucaah kanmah khua tu ahhin um law, na thingram zong hi na humh-haak khawh chih lai” tiah a rak ti. Cucaah Pu Kip Tiam cu Cinkhua khua ah a rak um beh. Cucu Rual Hleng hrinphun Cinkhua khua ah umhmun khuar hram an thokning cu a si. Nihin a nung rihmi, Rual Hleng hrinphun chung in kan pale hna nih an pupa tuanbia an i cingchiahmi le khomhsuat khawhmi cherhchan in hi an tuanbia hi ṭialmi a si.

09#. Pupa Min A Dotdot:

1. Pu Sel Thang

2. Pu Kip Tiam

3. Pu Kawi Thor le Pu That Hlun

4. Pu Sang To le Pu Tei Dun; le Pu Pu Sang Herh

Pu Sel Thang hi Buhlun khua ah a rak ummi a si. Pu Sel Thang nih Pu Kip Tiam a hrin. Pu Kip Tiam nih fapa pahnih a hrin hna: 1. Pu Kawi Thor, le 2. Pu That Hlun hna an si. Pu Kip Tiam hi Buhlun khua in Cinkhua khua ah umhmun a rak khuarmi, Cinkhua Rual Hleng hringsortu cu a si.

#. Pu Kip Tiam fapa Pu Khawi Thor: Pu Kawi Thor nih fapa pahnih a hrin hna: 1. Pu Sang To, le 2. Pu Tei Dun hna an si.

##. Pu Khawi Thor fapa Pu Sang To:  Pu Sang To nih fapa pathum a hrin hna: 1. Pu Bil Hmung, 2. Pu Hram Luai, 3. Pu Chiah Ling hna an si.

Pu Sang To fapa Pu Bil Hmung: Pu Bil Hmung nih Kheng Lawt hrinphunmi, Pi Thenh Cuai a ṭhit i fapa pahnih a hrin hna: 1. Pu Lal Kung, 2. Pa Tawk Kam {Pa Tawk Kam cu nupi ṭhit hlan ah a thih caah a tefa kong ṭial awk a um lo-atu dong kalnak lam i Tawk Kam lung kan timi khi amah philhlonak caah phunmi lungdonh a si}.

Pu Bil Hmung fapa Pu Lal Kung: Pu Lal Kung nih  Lian Tling hrinphun chungmi {Pu Tei Nawl farnu} Pi Zing Pen a ṭhit i fanu pali le fapa pakhat a hrin hna: 1. Pu Bual Tiam, 2. Pi Sung Thluai-tleicia {Pi Sung Thluai nih Kawng Thun hrinphun chungmi, Pu Ngun Nawl a vat}, 3. Pi Ni Ci {Pi Ni Ci nih Khup Zawn hrinphun chungmi, Pu Thawng Kio a vat~Hram Hu nu khi a si} , 4. Pi Ni Len {Pi Ni Len nih Mizo pa a vat}, 5. Pi Ṭial Hnem {Pi Ṭial Hnem Ai Thang hrinphun chungmi Pu That Chum fapa, Pu Zung Hu a vat} hna an si.

Pu Lal Kung fapa Pu Pu Bual Tiam: Pu Bual Tiam nih Sum Zuan hrinphun chungmi Pu Nam Kung fanu, Pi Duh Chin a ṭhit i fapa pali le fanu pahnih a hrin hna: 1. Pu Bawi Peng, 2. Pa Van Hu, 3. Pa Thla Hu, 4. Pa Peng Awi {Pa Peng Awi cu Chin ralkap CNA ah 2020 kum ah a lut}, 5. Nu Van Tha Par, 6. Nu Ni Tin Par hna an si.

Pu Bual Tiam fapa Pu Bawi Peng: Pu Bawi Peng nih Pi Vanlalruati a ṭhit i fanu pahnih a hrin hna: 1. Nu Sophia, le 2. Nu Anna Van Tha Chin hna an si.

Pu Bual Tiam fapa Pu Van Hu: Pu Van Hu nih Pi Khin Hninsi a ṭhit i fapa pahnih le fanu pakhat a hrin hna: 1. Pa Van Bawi Lian, 2. Pa Sang Uk Thawng, le 3. Nu Jenny Bawi Sung Ṭial hna an si.

Pu Bual Tiam fapa Pu Thla Hu: Pu Thla Hu nih Pi Khin Aye a ṭhit i fapa pakhat a hrin: 1. Pa Van Ṭha Bik a si.

Pu Thla Hu cu miphun le ram caah nunnak pek in rian ṭuan awkah, Chin ralkap {Chin National Army} ah 2019 kum ah a lut. Nihin tiang, cu rian cu a ṭuan peng ko rih.

Pu Sang To fapa Pu Hram Luai: Pu Hram Luai nih Aive khua Chun Tei hrinphun chungmi, Pi Pen Ṭiak a ṭhit i fapa pakhat le fanu pakhat a hrin hna: 1. Pi Tum Iang {Pi Tum Iang nih Tinam khua Chun Tei hrinphun chungmi, Pu Than Kung a vat. An fale cu: Nu Dawt Hlei Sung, 2. Pa Tluang Lian Thang, 3. Nu Sui Hlawn Zing, 4. Pa Van Dawt Hu, 5. Pa Cung Ṭha Bik, le 6. Nu Zawi Di hna an si}, le 2. Pu Even an si. Cu hnu ahcun, thih ṭian in an ṭian hnu ah, Pi Thaw Tlem a ṭhit i fapakhat a hrin: 1. Pu Ngun Ceu a si. Cu hnu ahcun, Chun Tei hrinphun chungmi Pu Hrang Tlem fanu, Pi Hmet Sung a ṭhit ṭhan i fanu pathum le fapa pahnih a hrin hna: 1. Pi Thla Vang {tleicia}, 2. Pu Thawng Awi, 3. Pi Sung Tang {Pi Sung Tang nih Hnahring khuami, Pu Hram Cung a vat. An fale hna cu: 1. Pa Za Dawt Thang, le 2. Nu Ṭha Hlei Hniang an si}, 4. Pa Ṭuan Cung, le 5. Pi Sui Khen {Pi Sui Khen nih Kalay myone Zaryakyo khuami, Pu Myo Ṭhu a vat i fapa pakhat, Pa Moses Van Lian Bik an hrin}, hna an si.

Pu Hram Luai fapa Pu Even: Pu Even nih  Lian Tling hrinphun cungmi, Pi Khen Ṭial {Pu Hniar Hu farnu} a ṭhit i fapa pali le fanu paruk a hrin hna: 1. Pu That Awi, 2. Pi Phir Vang {Pi Phir Vang nih Sum Zuan hrinphun chungmi Pu Dar Nawl fapa, Pu Biak Lawm a vat}, 3. Pu Cung Ling, 4. Pi Sung Can {Pi Sung Can nih Sum Zuan hrinphun chungmi Pu Kil Hlun fapa, Saya Ceu Tum a vat}, 5. Pi Ely {Pi Ely nih Hakha khuami, Pu Aung Khai a vat. An fale hna cu: 1. Pa David, le 2. Pa Joshua an si. Atu cu an chungkhar in Hakha ah khua an sa}, 6. Pa Biak Ṭha Awi aka Tan Myint {Nupi a ngei rih lo; America ram ah khua a sa}, 7. Pa Cung Hmung Sang aka Aung Aung, 8. Nu Biak Tin Zing, 9. Pi Van Nuam Sung {Pi Van Nuam Sung nih Dauchim khuami, Pu Thawng Thawng a vat}, le 10. Nu Biak Ṭha Cin Sung hna an si.

Pu Even fapa Pu That Awi: Pu That Awi nih Kawng Thun hrinphun chungmi Pu That Luai fanu, Pi Mang Kai a ṭhit i fanu pathum le fapa pakhat a hrin hna: 1. Nu Ni Cer, 2. Nu Ṭha Len Par, 3. Nu Ngun Ṭha Men, le 4. Pa Isak hna an si.

Pu Even fapa Pu Cung Ling: Pu Cung Ling nih Sakta khuami, Pi Van Iang a ṭhit i fapa pathum a hrin hna: 1. Pa Joel Van Bik Ling, 2. Pa Stanley Van Ṭha Ling, 3. Pa Steve Sang Peng Ling hna an si.

Pu Even fapa Pu Cung Hmun Sang@Aung Aung: Pu Cung Hmun Sang@Aung Aung nih Hakha Farawn khuami, Pi Ṭial Ku a ṭhit i fapa pakhat a hrin: 1. Pa Cung Dawt Thawng a si.

Pu Hram Luai fapa Pu Thawng Awi: Pu Thawng Awi nih Bawi Khar hrinphun chungmi Pu Ṭial Tu fanu, Pi Sai Dei a ṭhit i fanu pakhat, Nu Rebecca a hrin. Pu Thawng Awi cu America ram ah khua a sa.

Pu Hram Luai fapa Pa Ṭuan Cung: Pa Ṭuan Cung cu nihin tiang nupi ṭhit loin a um ko rih. Atu hi Swiszealand ram ah khua a sa.

Pu Hram Luai fapa Pu Ngun Ceu: Pu Ngun Ceu nih Tinam khua Khuk Zawn hrinphun chungmi Pu Ṭial Kio fanu, Pi Iang Cuai a ṭhit i fapa pahnih le fanu pahnih a hrin hna: 1. Pi Biak Ṭha Chin {Pi Pi Biak Ṭha Chin nih Bung Zung khuami, Pu Siang Tum a vat}, 2. Pi Khin Sui Zi {Pi Khin Sui Zi nih Bung Zung khuami, Pu Van Lian Thang a vat}, 3. Pu Cung Ṭha Awi, 4. Pu Lal Hmun Lian hna an si.

Pu Ngun Ceu fapa Pu Cung Ṭha Awi: Pu Cung Ṭha Awi nih Thantlang peng Tlangpi khuami Pu Hram Ling fanu, Pi Ngun Ṭha Dim a ṭhit.

Pu Ngun Ceu fapa Pu Lal Hmun Lian: Pu Lal Hmun Lian nih Vantlang khuami Pi Dawt Khen Ṭial a ṭhit i fanu pakhat a hrin.

Pu Sang To fapa Pu Chiah Ling: Pu Chiah Ling nih Lian Tling chungmi, Pi Mah Hlem a ṭhit i fanu pahnih le fapa pahnih a hrin hna: 1. Pu Van Uk, 2. Pu Ram Cung, 3. Pi Thla Bor {Pi Thla Bor nih Kawl miphun Kalaymyo khuami Pu Hlaing Thun a vat. An fale hna cu: 1. Nu Ni Sui Cin, 2. Pa Victor Biak Lian Cung, le 3. Pa Cung Lian Ceu hna an si}, 4. Pu Tluang Cung Mang, 5. Pi Sui Ma Win {Pi Sui Ma Win nih Thantlang peng, Tahtlang khuami Pu Bawi Lian Vel a vat. An fale hna cu: 1. Pa Van Ṭha Cung, 2. Nu Bawi Tin Par, le 3. Nu Ngun Tin Cer an si. Atu cu an chungkhar in Hakha khuapi ah khua an sa} hna hi an si. Pu Chiah Ling nih Pi Dong Bil he fanu pakhat a hrin, Pi Sai Meng {Pi Sai Meng nih Vomkhua khuami, Pu Lan Hmung a vat i Malaysia ah an um}, a si.

Pu Chiah Ling fapa Pu Van Uk: Pu Van Uk nih Shannu he, Nu Biak Tin Sui a hrin. Cu hnu ah, Lawklung khuami, Pi Thla Bor a ṭhit i fapa pakhat le fanu pakhat a hrin hna: 1. Pa Simon Za Uk Lian, le 2. Nu Mercy Bawi Hlei Sung hna an si. Annih hi an chungkhar in America ram ah khua an sa.

Pu Chiah Ling fapa Pu Ram Cung: Pu Ram Cung nih Hriphi khuami Pi Meriam he fanu pakhat, Nu Lydia a hrin. Cu hnu ahcun, Pu Ram Cung nih Chun Tei hrinphun chungmi Pu Phun Hmung fanu, Pi Man Thluai Zing a ṭhit i fanu pakhat le fapa pahnih a hrin hna: 1. Nu Gloria Van Ni Par, 2. Pa Ṭha Lian Cung, le 3. Pa Bawi Lian Cung hna an si. Annih hi an chungkhar in America ram ah khua an sa.

Pu Chiah Ling fapa Pu Tluang Cung Mang: Pu Tluang Cung Mang nih Paletwa Peng Pathain tlang khuami, Pi Aye Daw Mi a ṭhit i fapa pahnih le fanu pakhat a hrin hna: 1. Pa Cung Uk Thawng, 2. Pa Vanbawi Zakhine, 3. Nu Bessylia hna an si.

##. Pu Khawi Thor fapa Pu Tei Dun: Pu Tei Dun nih fapa pahnih a hrin hna: 1. Pu Hmung Er, 2. Pu Ral Ling hna an si.

Pu Tei Dun fapa Pu Hmung Er: Pu Hmung Er nih Khup Zawn hrinphun chungmi Pu Ui Khuk fanu, Pi Dawt Can a ṭhit i fanu pathum le fapa pahnih a hrin hna: 1. Pi Pen Keng {Pi Pen Keng cu atu Pu Hrang Tum hringtu nu khi a si. Annih hi Pu Hmung Er nih a nupi hmaisa sin in a hrinmi a si}. Cu hnu ahcun, Pu Hmung Er nih Khup Zawn hrinphun chungmi Pu Ui Khuk fanu, Pi Chia Zing a ṭhit i fanu pahnih le fapa pahnih a hrin hna: 1. Pi Sung Nawn {Pi Sung Nawn cu tleicia Pu Mual Kio nu kha a si}, 2. Pu Tawk Hlun, 3. Pi Hniar Thlia {Pi Hiar Thlia cu atu Pi Thla Pen hringtu nu khi a si. Pi Thla Pen cu Peng Luai nu khi a si}, 4. Pu Ngun Kam hna an si.

Pu Hmung Er fapa Pu Tawk Hlun: Pu Tawk Hlun nih Hmaikhah khuami Pi Dawt Par a ṭhit i fapa pathum le fanu pakhat a hrin hna: 1. Pu Kap Hu, 2. Pu Zam Awi, 3. Pu Mual Cung, 4. Pu Biak Cin, 5. Rev. Ngun Mang, 6. Pu Thawng Lian, 7. Pi Iang Pen {Pi Iang Pen nih Zaa Thang hrinphun chungmi, Pu Mual Awi a vat~Ngun Meng nu khi a si} hna an si.

Pu Tawk Hlun fapa Pu Kap Hu: Pu Kap Hu nih Hmaikhah khuami, Pi Hram Thluai a ṭhit i fapa pathum a hrin hna: 1. Pa Cung Thawng {USA}, 2. Pa Bawi Lian, le 3. Pu Sang Ceu hna an si.

Pu Kap Hu fapa Pu Sang Ceu: Pu Sang Ceu nih Hakha khuami, Pi Siang Len Ṭial a ṭhit i fapa pahnih a hrin hna: 1. Pa Joel Bawi Thawng Ceu, le 2. Andy Bawi Nun Sang hna an si. Atu cu an chungkhar in Hakha khuapi ah khua an sa.

Pu Tawk Hlun fapa Pu Zam Awi: Pu Zam Awi nih Za Hre hrinphun chungmi Pu Dar Dun fanu, Pi Tum Vang a ṭhit i fapa pathum a hrin hna: 1. Pu Lian Peng Hu, 2. Pu Za Hre Hmung, le 3. Pu Aung Kyaw Oo hna an si. Nung ṭian in an ṭian hnu ah, Pu Zam Awi nih Phai Khuami, Pi Ṭial Hnem a ṭhit ṭhan i fapa pahnih le fanu pakhat a hrin hna: 1. Pa Cung Uk Thawng, 2. Nu Ngun Sui Par, le 3. Pa Biak Ṭha Peng hna an si. Atu cu an chungkhar in Hantawaddy khua ah khua an sa.

Pu Zam Awi fapa Pu Lian Peng Hu: Pu Lian Peng Hu nih Thantlang peng Belhar khuami, Pi Sui Ngun Ṭial a ṭhit i tefa an ngei rih lo. An chungkhar in America ram ah khua an sa.

Pu Zam Awi fapa Pu Za Hre Hmung: Pu Za Hre Hmung nih Sakta khuami, Pi Van Iang Hlawn a ṭhit i fapa pahnih a hrin hna: 1. Pa Ṭha Lian Hmung, le 2. Pa Joshua Cung Dawt Sang hna an si.

Pu Zam Awi fapa Pu Aung Kyaw Oo: Pu Aung Kyaw Oo nih Khup Zawn hrinphun chungmi Pu Hrang Khar fanu, Pi Ngun Din a ṭhit i fapa khat, Pa Thawng Hmung an hrin. Nung ṭian in an ṭian hnu ah, Pu Aung Kyaw Oo nih Malsawm khuami, Pi Far Can Sung a ṭhit ṭhan i fapa pakhat a hrin ṭhan: 1. Pa Jesse Van Ṭha Bawi a si.

Pu Tawk Hlun fapa Pu Mual Cung: Pu Mual Cung nih Hmaikhah khuami, Pi Zing Hnem a ṭhit i fanu pahnih le fapa pahnih a hrin hna: 1. Nu Dawt Cin, 2. Pa Thla Cung Awi, 3. Pa Hrang Awi, le 4. Nu Van Bawi Hnem hna an si.

Pu Tawk Hlun fapa Pu Biak Cin: Pu Biak Cin nih Zaa Thang hrinphun chungmi Pu Zaam To fanu, Pi Par Ṭial a ṭhit i fanu pakhat le fapa pakhat a hrin hna: 1. Pa Ni Luai, le 2. Nu Happy Zing Ṭha Hnem an si.

Pu Tawk Hlun fapa Rev. Ngun Mang: Rev. Ngun Mang nih Za Hre hrinphun chungmi Pu Dar Dun fanu, Pi Tum Vang a ṭhit i fanu pakhat le fapa pakhat a hrin hna: 1. Nu Irene, le 2. Pa Victor hna an si.

Rev. Ngun Mang cu Bible lei cawnnak ah Master of Divinity (M.Div) tiang a dih lengah, caan saupi Zokhua Area Baptist Churches (ZABC) tangah pastor rian a ṭuan cangmi a si. Atu hi Hakha khua ah Zokhua Area nih a dirhmi Sang Fen Memorial Baptist Church ah tukhal rian a ṭuan cuahmah liopi a si.

Pu Tawk Hlun fapa Pu Thawng Lian: Pu Thawng Lian nih Sum Zuan hrinphun chungmi Pu Do Zam fanu, Pi Ngun Hlei a ṭhit i fanu pahnih a hrin hna: 1. Nu Biak Hlei Sung, le 2. Nu Mercy Dawt Hlei Ṭial hna an si.

Pu Hmung Er fapa Pu Ngun Kam: Pu Ngun Kam nih Sum Zuan hrinphun chungmi Pu Nam Kung fanu, Pi Hoi Vang a ṭhit i fapa pakhat a hrin: 1. Pu Bawi Cung a si.

Pu Ngun Kam fapa Pu Bawi Cung: Pu Bawi Cung nih Ṭial Hup hrinphun chungmi Pu Sang Tu fanu, Pi Hram Zi a ṭhit i fanu pathum le fapa pahnih a hrin hna: 1. Pi Sung Ṭial {Pi Sung Ṭial nih Chun Tei hrinphun chungmi, Salai Ṭha Bik a vat i an chungkhar in Hakha khuapi ah khua an sa}, 2. Pa Robert Van Ni, 3. Pi Ca Hlawn Sung {Pi Ca Hlawn Sung nih Vuangtu khuami Pu Ngun Ṭha Bawi Ling a vat i an chungkhar in Hakha khuapi ah khua an sa}, 4. Pa Van Hre, le 5. Nu Emily hna an si.

Pu Bawi Cung hi biaknak lei ah siseh, uknak lei ah siseh, Cinkhua khua nih bochan ngaingai mi kan pa a si. Cinkhua khua khuabawi rian a ṭuan lawng siloin Dauchim Ohsuh khuabawi tiang a kan ṭuan piak khotu, upat tlaakmi kan pa pakhat a si.

Pu Tei Dun fapa Pu Ral Ling: Pu Ral Ling nih fanu pahnih le fapa pakhat a hrin hna: 1. Pi Sa Thluai {Pi Sa Thluai nih Bawi Khar hrinphun chungmi Pu Ṭial Hmun a vat~atu Pi Ni Cia hringtu nu khi a si}, 2. Pu Chum Awi, 3. Pi Hram Si {Pi Hram Si nih Ceupa Chung Hrinphun chungmi, Pu Kil mang a vat~cu atu Pi Mah Dei hringtu nu khi a si} a hrin hna.

Pu Ral Ling fapa Pu Chum Awi: Pu Chum Awi nih Kawng Thun hrinphun chungmi Pu Thang Ci fanu, Pi Sia Neng a ṭhit i fanu pathum le fapa pakhat a hrin hna: 1. Pi Cia Sung {Pi Cia Sung nih Zaa Thang hrinphun chungmi Pu Tawk Zam fapa, Pu Hram Hlei a vat}, 2. Pu Ni Hu, 3. Pi Ni Hlei Ṭial {Pi Ni Hlei Ṭial nih Ai Thang hrinphun chungmi Pu That Chum fapa, Pu Kap Cung a vat}, le 4. Pi Ni Ṭha Cin {Pi Ni Ṭha Cin nih Hakha khuami Pu Chan Thawng Nawl a vat}, hna an si.

Pu Chum Awi fapa Pu Ni Hu: Pu Ni Hu nih Khup Zawn hrinphun chungmi Pu Hre Nawn fanu, Pi Ṭial Zi a ṭhit i fanu pahnih le fapa pahnih a hrin hna: 1. Pa Lian Thawng Bik, 2. Pa Saw Bat, 3. Nu Jenny Johncy, le 4. Nu Jenevy hna an si.

#. Pu Kip Tiam fapa Pu That Hlun: Pu That Hlun nih fapa pathum a hrin hna: 1. Pu Sang Hlun, 2. Pu Sang Herh, le 3. Pu Ngeih Pheng hna an si.

Pu That Hlun fapa Pu Sang Hlun: Pu Sang Hlun nih fanu pakhat, Pi Ui Thlia a hrin. A fanu Pi Ui Thlia cu, Zaa Thang hrinphun chungmi Pu Ceu Nawn nih a ṭhit~Zing Dei nu kha a si. Sihmanhsehlaw Pu Sang Hlun cu fapa a ngeih lo caah a tefa tuanbia ṭial awk a ngei lo.

Pu That Hlun fapa Pu Ngeih Pheng: Pu Ngeih Pheng nih fanu pakhat, Pi Ni Kem a hrin. A fanu Pi Ni Kem cu Sum Zuan hrinphun chungmi Pu Nam Kung fapa, Pu Kio Hnin nih a ṭhit~tleicia Ni Nawn nu kha a si. Sihmanhsehlaw Pu Sang Hlun cu fapa a ngeih lo caah a tefa tuanbia ṭial awk a ngei lo.

Pu That Hlun fapa Pu Sang Herh: Pu Sang Herh nih Sum Zuan hrinphun chungmi Pu Chum Ling fanu, Pi Ngun Iang a ṭhit i Pu Hrang Cem a hrin.

Pu Hrang Cem cu a ngakchiat lio tein hringtu a nu le pa nih mual an rak liam taak caah ngakṭah tein khua a rak sami a si. Sihmanhsehlaw Pathian nih thluahcuah a pek i amah cithlah hi nihin ahcun mibu nganpi ah an chuak cang.

Pu Sang Herh fapa Pu Hrang Cem: Pu Hrang Cem nih Kheng Lawt hrinphun chungmi Pu Lian Hit fanu, Pi Thluai Nawn a ṭhit i fapa pali le fanu pahnih a hrin hna: 1. Pi Ca Iang {Pi Ca Iang nih Al Hluan hrinphun chungmi Pu Than Tum fapa, Rev. Bual Sang a vat~Cung Lian Thawng nu khi a si}, 2. Pu Lawm Bik, 3. Pu Biak Awi, 4. Pu Ram Hre, 5. Pu Zung Nawl, le 6. Pi Aye Myint {Pi Aye Myint nih Ai Thang hrinphun chungmi Pu That Chum fapa, Pu Ceu Ling Chum a vat i an chungkhar in America ram ah khua an sa} hna an si.

Pu Hrang Cem fapa Pu Lawm Bik: Pu Lawm Bik nih Pi San San Win a ṭhit i fapa pathum a hrin hna: 1. Pu Abel Van Cung Nung, 2. Pu Ngun Cung Thang, le 3. Pa Sang Bik Bawi hna an si.

Pu Lawm Bik fapa Pu Abel Van Cung Nung: Pu Abel Van Cung Nung nih Zaa Thang hrinphun chungmi Pu Nawl Cung fanu, Pi Ngun Iang Len a ṭhit i fanu pakhat le fapa pakhat a hrin hna: 1. Nu Esther Van Ṭha Len, le 2. Pa Anthony Sang Bik Ceu hna an si. Atu cu an chungkhar in America ram ah khua an sa.

Pu Lawm Bik fapa Pu Ngun Cung Thang: Pu Ngun Cung Thang nih Pi Mang Bawi Hluan a ṭhit i fapa pahnih a hrin hna: 1. Pa Robert Thawng Lian Thang, le 2. Pa William Bawi Bik Thawng a hrin hna. Atu cu an chungkhar in America ram ah khua an sa.

Pu Hrang Cem fapa Pu Biak Awi: Pu Biak Awi nih Kawng Thun hrinphun chungmi Pu Tum Herh fanu, Pi Sem Sung a ṭhit i fapa pahnih le fanu pahnih a hrin hna: 1. Pu Ngun Bik, 2. Pu Steven Van Ram Ceu, le 3. Nu Ṭial Fom (tleicia), le 4. Pi Tawk Zi aka Hniangzi {Pi Tawk Zi nih Hriphi khuami, Pu Ṭial Lian Thang a vat i an chungkhar in Malaysia ah khua an sa]. Pi Sem Sung nih mual a liam taak hnu in, Pu Biak Awi nih Ai Thang hrinphun chungmi Pu Hniar Hei fanu, Pi Par Ki a ṭhit ṭhan i fanu pakhat le fapa pahnih a hrin hna: 1. Nu Lydia Biak Ṭha Par, 2. Pa Van Dawt Peng, le 3. Pa Van Tha Mang hna an si.

Pu Biak Awi cu A.D. 2012-2016 tiang Cinkhua khuabawi a ṭuanmi a si. Annih hi ati khawh tawk in Cinkhua caah rian a ṭuanmi, kan pa pakhat a si. Amah khuabawi a ṭuan chung {2015} ahhin Cinkhua nih fakpi in kokekrawhralnak kan rak ton caah khua chungah a harsami, bawmhchanh a herhmi le beidongmi vialte bawmhchanh le thazaang pek ah a hlei in a re a theimi kan pa pakhat a si.

Pu Biak Awi fapa Pu Ngun Bik: Pu Ngun Bik nih Thlualaam khuami, Pi Hlawn Ṭha Par a ṭhit i fapa pakhat a hrin: 1. Pa Joel Lian Bawi Thawng a si. Annih hi chungkhar in America ram ah khua an sa.

Pu Biak Awi fapa Pu Steven Van Ram Ceu: Pu Steven Van Ram Ceu nih Sum Zuan hrinphun chungmi Pu Lalcung fanu, Pi Ni Pen a ṭhit i fanu pakhat a hrin: 1. Nu Gloria Ni Ṭha Sui a si.

Pu Hrang Cem fapa Pu Ram Hre: Pu Ram Hre nih Ṭial Hup hrinphun chungmi Pu Bual Ceu fanu, Pi Sui Thlia a ṭhit i fapa pali le fanu pakhat a hrin hna: 1. Pu Dar Hu, 2. Pu Van Bawi Lian, 3. Pu Chan Cung Thang, 4. Pa Van Ṭha Uk, le 5. Nu Monica Par Chin Sung hna an si.

Pu Ram Hre fapa Pu Dar Hu: Pu Dar Hu nih Ṭial Hup hrinphun chungmi Pu Tum Hre fanu, Pi Hoi Ṭial a ṭhit i fapa pakhat, Pa Ṭha Lian Bik a hrin. Nung ṭian in an ṭian hnu ah, Pi Ngun Par he fanu pakhat a hrin ṭhan i a min ah, Nu Rose Mi Mi a si.

Pu Ram Hre fapa Pu Van Bawi Lian: Pu Van Bawi Lian nih Lungding khuami Pi Ngun Za Dim a ṭhit i tefa an ngei rih lo. An nupa in Malaysia ah khua an sa.

Pu Ram Hre fapa Pu Chan Cung Thang: Pu Chan Cung Thang nih Falam peng, Rulbu khuami, Pi Van Nei Sui a ṭhit i fanu pakhat a hrin: 1. Nu Sarah Par Ṭha Sung a si.

Pu Hrang Cem fapa Pu Zung Nawl: Pu Zung Nawl nih  Lian Tling hrinphun chungmi Pu Hniar Hu fanu, Pi Ca Len a ṭhit i fanu pahnih le fapa pahnih a hrin hna: 1. Pi Ngun Hlawn Sung {Pi Ngun Hlawn Sung nih Ceupa Chung Hrinphun chungmi Pu Hniar Mang fapa, Pu That Mang a vat i an chungkhar in Australia ram ah khua an sa}, 2. Nu Sung Hnem, 3. Pa Van Sui Uk, le 4. Pa Solomon Van Cung Mang hna an si.

Hi Cinkhua Rual Hleng hrinphun tuanbia hi anmah hrinphun chungmi, Pu Chiah Ling le Pu Lawm Bik nih an tuanbia an khomhsuatmi cherhchan in kan ṭialmi a si. Palh sualnak le tlamtlinlonak tampi a um kho zeicahtiah chan tampi a kal cangmi hrinphun a si caah le ca chan a rak si ve lo caah, felfai tein an hngalh khawh dih lomi tampi a um lai. Cucaah chambaunak le tlamtlinlonak a ummi tete kongah careltu kan dihlak nih theihthiamnak sangpi ngeih cio hna usih.

 

Ai Thang Hrinphun Tuanbia

Cinkhua Ai Thang hrinphun nih kan tuanbia le kan thawhkehnak kong kan dawi tikah, Hakha in Cinkhua khua ah umhmun a rak khuarmi hrinphun kan si, timi fiang tein kan hngalh khawh. Atu ah a nung rihmi kan pa, Pu That Chum in a cunglei chan sarih tiang kan pupa min kan i dawi kho. Cinkhua Ai Thang thawhkehnak kong hi Pu That Chum nih aa cingchiah khawhmi le a dairy ah aa rak i ṭialmi leng in hngalh khawhmi dang tampi a um lo. Cucaah Ai Thang hrinphun tuanbia cu, Pu That Chum nih aa cingchiah khawhmi le nihin fanau hna nih an khomhsuat khawhmi vial cherhchan in ṭial a si:

10#. Pupa Min A Dotdot

1. Pu Za Tlung

2. Pu Than Kip

3. Pu Hreng Hnin

4. Pu Al Thawn

5. Pu Hluan Bil

6. Pu Hniar Zik, le Pu Ui Hnin

7. Pu Hrang Kung, Pu Chia Hmung, Pu Hniar Hei, Pu That Chum, le Pu Kilh Ling

Ai Thang timi cu nihin Ai Thang hrinphun vialte cithlahtu pa min a si. Amah a hringtu a pa min bel hi hngalh khawh a si ti lo. Pu Ai Thang nih a hrinsormi paoh cu Ai Thang hrinphun tiah aa timi cu kan si. Ai Thang hrinphun a simi paoh hi, Hniarlawn in kan i thawk dih. Ai Thang phun hi Chimthlang Ai Thang, Hakha Ai Thang le Thantlang Ai Thang tiah ṭhen thum ah kan i ṭhen nain kan biakmi kan khuazing cu aa khat dih; Ni Ṭial khuazing a biami kan si.

Cinkhua Ai Thang hringsortu kan pu bik hi, Pu Za Tlung a si. Annih hi Hakha Ai Thang hringsortu a si nain Hakha in Cinkhua khua ah a kalmi a si. Thantlang Ai Thang a hringsor tu hi amah min hngalh khawh a si ti lo nain kan pu Za Tlung a nau hi si dawh a si. Pu Za Tlung nih Pu Than Kip a hrin. Pu Than Kip nih Pu Hreng Hnin a hrin. Pu Hreng Hnin nih Pu Al Thawn a hrin. Pu Al Thawn nih fapa pakhat le fanu pakhat a hrin hna: 1. Pu Hluan Bil, le 2. Pi Sun Ngen {Sun Ngen nih Al Hluan hrinphun chungmi, Pu Kip Tlung a vat~Pu Tei Ling hringtu nu a si} an si.

Pu Za Tlung fapa Pu Than Kip cu an chan lio ah rawl ngei minthang an rak bochan ngai ve mi a si. Pu Hreng Hnin hi amah le caan lio ah thazaang ngei pa raltha ngai a rak si. Hakha Thla Ceu chung hi Hnaring ah an phu a rak taan caah Hreng Hnin cu phu lak an rak fial i a lak piak khawh hna. Thang Hliang lung donh in Hakha khuapi nih darkhuang le sumsel he an rak don i an rak puak. Phu lakpiak khawh man ah siapi an rak pek nain a duh lo. Arhli raang pahnih le mithlahtu pahnih a hal hna i Bingbo (far tlang) in thingpi hram ah ka phu lakmi nih hin ka te fale le ka lunglei neh hlah seh tiah thla a rak cam. Arhli raang cu a thah hnuah thlahtu pahnih cu Hakha ah a rak kirter hna. Lai sunparnak zong a rak tlinh dihmi a si. Pu Al Thawn zong hi khuasaknak ah lungrethei lo tein a nung khomi a rak si ve. Thahdah lei hi cu a rak tlinh vemi a si.

Pu Al Thawn fapa Pu Hluan Bil: Pu Hluan Bil nih fapa pahnih le fanu pakhat a hrin hna: 1. Pu Hniar Zik, 2. Pu Ui Hnin, le 3. Pi Don Zing {Pi Don Zing pasal min hi hngalh a si ti lo. Pi Don Zing nih Pi Chia Zing a hrin. Pi Chia Zing nih Pi Sung Nawn a hrin. Pi Sung Nawn cu Mual Kio nu a si.

Pu Hluan Bil hi Sia tampi a rak zua i sa-lawng (buh tel loin sa lawngte einak) kho a rak chep. Cucaah “Lawng Ser” tiah min aa sak i atu tiang Lawng Ser lung cu Tihri cungah khin a um ko rih.

Pu Hluan Bil fapa Pu Hniar Zik: Pu Hniar Zik nih fanu pathum a hrin hna: 1. Pi Sung To {Dar Dun nu a si. Dar Dun cu Mawng Miah pa a si}, 2. Pi Cia Tang {Cia Tang cu Pu Ui Phen nu a si. Pu Ui Phen cu Hniar Luai pa a si}, le 3. Pi Thor Cuai {Cer Nawn nu a si. Pi Cer Nawn cu Pi Sa Thluai nu a si}. Pu Hniar Zik cu fapa a ngeih lo caah Ai Thang hrinphun tuanbia ah pehzulh in a tuanbia ṭial awk a um lo.

Pu Hluan Bil fapa Pu Ui Hnin: Pu Ui Hnin nih Khup Zawn hrinphun chungmi Pu Val Reng fanu, Pi Hliang Zing a ṭhit i fanu pathum le fapa panga a hrin hna: 1. Pu Hrang Kung, 2. Pi Sang Thlia {Pi Sang Thlia cu Thawr Ki nu a si}, 3. Pi Ngun Kip {That Luai nu a si}, 4. Pi Sun Ṭial { Pi Sun Ṭial  cu Hniar Hu nu a si}, 5. Pu Chia Hmung, 6. Pu Hniar Hei, 7. Pu Kilh Ling, le 8. Pu That Chum hna an si. Hi hna hi nihin Cinkhua Ai Thang hrinsor vialte cithlahtu an si.

Pu Ui Hnin fapa Pu Hrang Kung: Pu Hrang Kung nih Khup Zawn hrinphun chungmi Pu Bil Thang fanu upa bik, Pi Mang Iang a ṭhit i fanu pakhat an hrin: 1. Pi Bual Tlem {Dawt Zi nu a si} a si.

Pu Hrang Kung cu A.D. 1949 January thla (Lairam khrihfa 50 tlinnak Jubilee ni) ah raifanh zawtnak in a rak thi. Annih hi a chan a tawi nain Lai miphun nih kan nunphung lakah thil pipa taktak ah kan chiahmi Pasawm a rak rel i Bawite zong a rak bawi manh vemi Lai pasal ṭha a si.

Pu Ui Hnin fapa Pu Chia Hmung: Pu Chia Hmung nih Pu Ui Er fanu Pi Dar Zing a ṭhit fanu pathum le fapa pathum a hrin hna: 1. Pu Dar Awi, 2. Pu Hrang Bik {tleicia}, 3. Pi Thla Hnem {Hre Hu nu a si}, 4. Pi Ṭial Keng {Dawt Cung nu a si}, 5. Pu Kip Dun, le 6. Pi Hniang Ki {Za Hre hrinphun chungmi, Pu Ceu Luai he an i um~Ṭha Hlei nu a si} hna an si.

Pu Chia Hmung cu a nun lioah zaangrian ṭuan; thingrit lungrit putcawi ah mi nih bochanmi le mi hmaisuang a rak si. Lothlawh thingphurh tein a paw aa cawmmi a si i inndang a chuah ni in a fale an cutzat dih tiang purphiar lo tein a chungkhar a zohkhenh khawh hna. A fapa le pathum hna hi Lai nunphung tein nupi a ṭhit piak hna lengah ṭha tein inn dang a chuahter dih hna. Leihmun a ser piak hna i a fale leihmun a roh tak dih hna. April 1, 1970 ah Cinkhua khuahlun inn hleikua a kangmi chungah an inn a rak tel ve. Cucaah Khuahlun ah innkang buk tomh loin khuathar ah a rak kai colh. Khuathar ah thing-ah inn a sak khawh ṭhan. A fale inn dang an chuah hnu ah a nupi nih a thih taak i a fanu le pahnih he a thih tiang an rung hmei. A nun chungah Christmas le kumthar a rak dongmi Lai pasal ṭha a si.

Pu Chia Hmung fapa Pu Dar Awi: Pu Dar Awi nih Mual Cin hrinphun chungmi Pi Zing Ca a ṭhit; annih hi tefa an ngei lo caah pehzulh in an tuanbia ṭial awk a um lo.

Pu Chia Hmung fapa Pu Hrang Bik: Pu Hrang Bik nih Ceupa Chung Hrinphun chungmi Pu Ṭial Uk fanu, Pi Ngun Hnem a ṭhit i a thih hlan ah, fapa pathum le fanu pakhat a hrin taak hna: 1.  Pu Van Ceu, 2. Pu Khamh Cung Bawi, 3. Pa Van Hre, le 4. Pi Len Thluai Cin {Pi Len Thluai Cin nih Kheng Lawt hrinphun chungmi Pu Hrang Tum fapa, Pu Dawt Chum Mang a vat} hna an si.

Pu Hrang Bik fapa Pu Van Ceu: Pu Van Ceu nih Kheng Lawt hrinphun chungmi Pu Hrang Tum fanu, Pi Mang Cia a ṭhit i fapa pakhat le fanu pahnih a hrin hna: 1. Nu Ruthy Biak Ven Par, 2. Nu Florin Van Rem Mawi, le 3. Timothy Bawi Ṭha Bik hna an si.

Pu Hrang Bik fapa Pu Khamh Cung Bawi: Pu Khamh Cung Bawi nih Hniar Lawn khua, Cinzah hrinphun chungmi, Pi Noami Tawk Ṭha Par a ṭhit i tefa an ngei rih lo.

Pu Chia Hmung fapa Pu Kip Dun: Pu Kip Dun nih Ceupa Chung Hrinphun chungmi Pu Kil Mang fanu, Pi Hniar Cin a ṭhit i fapa pahnih le fanu pakhat a hrin hna: 1. Pu Bawi Chum, 2. Pa Lian Bik, le 3. Nu Van Len hna an si.

Pu Kip Dun fapa Pu Bawi Chum: Pu Bawi Chum nih Lamtuk khuami Pi Mang Hlawn Ṭial a ṭhit i fanu pakhat a hrin: 1. Nu Dawt Ṭha Len a si.

Pu Ui Hnin fapa Pu Hniar Hei: Pu Hniar Hei nih Lian Tling hrinphun chungmi, Pi Sal Doi a ṭhit i fapa pathum le fanu pahnih a hrin hna: 1. Pu Ngun Dun, 2. Pu  Ni Hre, 3. Pi Mang Cer {tleicia}, 4. Pi  Par Ki {Pi Par Ki nih Rual Hleng hrinphun chungmi Pu Hrang Cem fapa, Pu Biak Awi a vat}, 5. Pu Van Thawng, 6. Pu Zing Peng hna an si.

Pu Hniar Hei cu A.D. 1947 July thla zarhkhat chungte ah hringtu nu le pa nih an thih taak hna hnu in, a unau rual vialte caah pa dirhmun a la i chungkhar ṭuanvo aa khinh dih tu a si. A nu le pa an thih hnu ah, an unau pathum; Pu Hniar Hei, Pu Kilh Ling le Pu That Chum lawngin A.D. 1954 tiang an rak hmei. Pu Hniar Hei cu A.D. 1953 ah Laiphung in Pathian biaknak, Khrihfa phungah a lut i tipil a rak ing. Hi kum ṭhiamṭhiam ahhin Pu Hram Kung le Pi Nga Bau hna i an fanu, Pi Sal Doi {Ngun Dun nu} he Khrihfa phung tein ṭhitumhnak an rak tuah.

Pu Hniar Hei cu lothlawh rian ṭuan teima mi a si caah lothlawh thingphurh tein fanu fapa dihlak an cutzat tiang, mizoh hawihngar lo tein, a cawm hna. Cun a naule Pu Kilh Ling le Pu That Chum zong ṭha tein a zohkhenh a kilkawm hna i nupi an ṭhit le inn dang an chuahnak tiangin a rak tawlrel hna. Kan pa nih a kan rauh takmi Sel innpi, a sau dong sawmli avang dong hleihnih cu Pu Kilh Ling inn dang a chuah hnu ah, Thingah inn in kan rak thlen. Inn kan thlen a hmai kum ah, Christmas kan rak tuah.

Pu Hniar Hei cu Innchungkhar ca i bochantlaak minung a si lawng si loin, Pathian rian ah amah si khawh tawk tein a pum aa pemi Khrihfa ṭha pakhat a rak si. BYF chairman term hnih, kumli chung a rak ṭuan. Cu a ṭuan lio ah cun, hlan Lai inn hlun vialte kha thing-ah inn in thlen khawhnak ding cu amah hruainak tangah BYF nih an rak kalpi. Cinkhua Lai inn vialte cu kum hra chungah thing-ah inn in hun thlen dih a rak si. BYF chairman lawng si loin Khrihfa upa kum sawmthum a ṭuan hnu ah, Cinkhua Tipil Khrihfabu nih nunchung Khrihfa upa tiang an rak pek. Amah a nun chungah Christmas voihnih le thawhṭhan voikhat a don lawng siloin a saduhthah a si zungzal mi Thlaithar zong a thihkum ah a taan takmi a chungkhar nih an hun don piak. Amah Khrihfa a luh kum sawmnga tlinnak Jubilee a tuah i nihin tiang cu Jubilee rolung phun cu a innhmai ah a um peng ko rih. Amah kum 82 a si kum, 2013 April thla ah a kan thih tak.

Pu Hniar Hei fapa Pu Ngun Dun: Pu Ngun Dun nih Ceupa Chung Hrinphun chungmi, Pi Hniang Pawng a ṭhit i pafa pathum le fanu pahnih a ngeih hna: 1. Pu Peng Lian Thang {USA}, 2. Pa Bawi Cung Nung {Hakha}, 3. Pa Biak Tin Sang, 4. Pi Za Tlem {Mindat khua mi Pu Sui Ki he an i um. An fale cu: 1. Nu Angela, le 2. Nu Deborah hna an si}, le 5. Pi Tin Ṭial hna an si.

Pu Ngun Dun fapa Pu Peng Lian Thang: Pu Peng Lian Thang nih Vantlang khua, Ai Thang hrinphun chungmi Pi Sui Tin Par a ṭhit i fapa pakhat a hrin: 1. Pa Lucas a si. Annih hi an chungkhar in America ram ah khua an sa.

Pu Hniar Hei fapa Pu Ni Hre: Pu Ni Hre nih Za Hre hrinphun chungmi Pu Tei Tiam fanu, Pi Hlawn Iang he fanu pakhat, Pi Zing Tin Ṭial a hrin {Pi Zing Tin Ṭial nih Bawi Khar hrinphun chungmi Pu Ṭial Hmun fapa, Pu Ceu Awi a vat}. Cu hnu ah, Pu Ni Hre nih Kheng Lawt hrinphun chungmi Pi Hoi Tang a ṭhit i fapa pali le fanu pakhat a ngeih hna: 1. Pu Cung Bik Lian, 2. Pu Joshua Lian {USA}, 3. Pu Tluang Hei {Hakha}, 4. Pu Van Bik Lian {Malaysia}, le 5. Nu Ngun Ṭha Hlawn {Hakha} hna an si.

Pu Ni Hre fapa Pu Cung Bik Lian: Pu Cung Bik Lian nih Ṭial Hup hrinphun chungmi Pu Tum Tling fanu, Pi Biak Tin Par a ṭhit i fapa pakhat le fanu pahnih a hrin hna: 1. Nu Stellar Van Sui Cin, 2. Nu Michal Siang Men Par, le 3. Pa Jame Ngun Cung Lian hna an si.

Pu Ni Hre fapa Pu Joshua Lian: Pu Joshua Lian nih Thantlang khuami, Pi Run Cer Cin a ṭhit i fanu pakhat le fapa pakhat a hrin: 1. Nu Jemimiah Bawi Vel Sung, le 2. Pa Maṭhew Cung Ṭha Bawi hna an si.

Pu Ni Hre fapa Pu Tluang Hei: Pu Tluang Hei nih Hakha peng Ruavan khuami Pi Van Len a ṭhit i fanu pakhat an hrin: 1. Nu Gloria Zing Dawt Chin a si.

Pu Ni Hre fapa Pu Van Bik Lian: Pu Van Bik Lian nih Thantlang khuami, Pi Teddy a ṭhit i tefa an ngei rih lo. Annih hi an chungkhar in Malaysia ah khua an sa.

Pu Hniar Hei fapa Pu Van Thawng: Pu Van Thawng nih Dauchim khuami, Pi Van Ṭial a ṭhit i fapa pakhat le fanu pathum a ngeih hna: 1. Pa Simon Van Cung Lian, 2. Sui Ṭha Len, 3. Nu April Bawi Cin Par, le 4. Nu Ester Van Ram Par hna an si.

Pu Hniar Hei fapa Pu Zing Peng: Pu Zing Peng nih Sum Zuan hrinphun chungmi Pu Kio Hnin fanu, Pi Ngun Hliang a ṭhit i fapa pathum a hrin hna: 1. Pa Johan Van Cung Nung, 2. Pa Stanley Van Ram Bawi, le 3. Pa Aaron Cung Bawi Lian hna an si.

Pu Ui Hnin fapa Pu Kilh Ling: Pu Kilh Ling nih Ceupa Chung Hrinphun chungmi Pi Ni Taang a ṭhit i fanu pathum le fapa pathum a hrin hna: 1. Pi Ngun Thlia {Pi Ngun Thlia nih Kheng Lawt phun chungmi Pu Thang Nawl a vat~San San@Sui Cin nu khi a si}, 2. Rev. Khar Nawn, 3. Pi Hnem Sung {Pi Hnem Sung nih Hmaikhah khuami, Pu Van Hup a vat. An fale hna cu: 1. Pu Van Ṭha Peng, le 2. Nu Ngun Za Ṭial an si. Atu cu an chungkhar in Hakha ah khua an sa}, 4. Nu Thla Sung {tleicia}, 5. Pu Mang Hei {tleicia}, le 6. Pu Chan Cin Lian hna an si.

Pu Kilh Ling cu Dauchim khua in Laica tangli a awng nain paam a rak tlun caah sianginn a rak peh kho ti lo. Cinkhua Private sianginn ah 1952-1953 ca a rak chim. Hi kum ahhin, Ceupa Chung Hrinphun chungmi Pu Bual Hmung le Pi Mang Pen hna i an fanu, Pi Ni Taang he an rak i ṭhi-um. Fapa pathum le fanu pathum an ngeih hna.  Siang cachim rian a ṭuan dih in Khrihfabu fialnak in Thau khua ah, Tonic Solfa thla khat a rak cawng. Solfa a cawn dih in Cinkhua Tipil Khrihfabu ah Solfa a chimh pah in hla zong a rak hruai. Cu hnu ah BYF chairman a hung si i kum li a ṭuan hnu ah, Khrihfa upa ah thim a si. Church Chairman zong kum riat chung a rak ṭuan. A.D. 1980 kum in Hakha khua ah a chungkhar he an i ṭhial. Hakha ah a ummi Cinkhua chiat ṭhat zohkhenhnak ah biatak chuah in aa pumpemi kan pa a si. Cinkhua hrinsor chungin Hakha khua ah inn ngei hmasa lei a si ve. Hakha an i ṭhial hnu in, kutzung thiamnak (leṭama) rian ṭuan in a chungkhar a cawmken hna. Kutzungthiam rian ṭuannak lei in khuapi chungah inntung bunh le pawcawmnak rian a ṭuan hmasami kan pa zong a si. Pu Kilh Ling cu A.D. 1995 kum ah Pawpi Cancer zawtnak in mual a liam.

Pu Kilh Ling fapa Rev. Khar Nawn: Rev. Khar Nawn nih Thantlang peng, Tihbual khuami Pi Za Zi a ṭhit i fanu pahnih le fapa pakhat a hrin hna: 1. Pi Gracy Sui Len Ṭial {Pi Gracy Sui Len Ṭial nih Tlangpi khuami Saya Harvey Van Bik a vat}, 2. Pi Slome Biak Chin Par {Pi Biak Chin Par nih Pu Ceu Lian Thang a vat i fapa pakhat, Pa Marcos Thang an hrin. Atu cu an chungkhar in USA ah khua an sa}, le 3. Pa Moses Cung Bawi Thang {Yangon} hna an si.

Rev. Khar Nawn {tleicia} cu Rangon khuapi chungah a ummi, Myanmar Instite of Theology {MIT} sianginn in A.D.1997 ah Bachelor of Divinity {B.D} a dih hnu ah, Mandalay khuapi ah a ummi, All Racial Baptist Church ah May 1997 in May 1998 tiang pastor rian a ṭuan. Cu hnu ahcun, Mandalay khuapi a ummi Lai Baptist Church {LBC} ah May 1998 in March 2004 tiang pastor a ṭuan ṭhan. Cu hnu ahcun, Hakha khuapi chungah a ummi, Paniel Baptist Church ah February 2007 in Novomber 2007 tiang pastor rian a ṭuan ṭhan. Rev. Khar Nawn cu Paniel Baptist Church i rian a ṭuan cuahmah liopi, November 11, 2017 ah vawlei harnak vialte kal taak in, kum 20 chung a rian a ṭuan piakmi Pathian sinah aa din. Rev. Khar Nawn cu Cinkhua hrinsor chung in, miphun dangdang le pengtlang dangdang i fonhnak hmunhma ah caan saupi pastor rian a ṭuanmi le ṭihzah upat ngaingai mi kan pa pakhat a si.

Pu Kilh Ling fapa Pu Mang Hei: Pu Mang Hei {tleicia} nih Hakha peng Hairawn khuami, Pi Chan Iang a ṭhit i a thih taak hna hlan ah, fapa pahnih le fanu pathum a hrin hna: 1. Pa Mang Bawi Thawng, 2. Nu Noami, 3. Pa Ceu Cin Thang, 4. Nu Esther, le 5. Nu Grace hna an si.

Pu Kilh Ling fapa Pu Chan Cin Lian: Pu Chan Cin Lian nih Chun Tei hrinphun chungmi Pu Biak Hmun fanu, Pi Biak Hlawn a ṭhit i fapa pakhat le fanu pathum a hrin hna: 1. Pa David Van Ceu Lian Ai Thang, 2. Nu Monica Van Sui Meng, 3. Nu Ruth Van Bor Hlawn, le 4. Nu Genevie Van Dawt Hnem hna an si. Annih hi an chungkhar in Australia ram ah khua an sa.

Pu Ui Hnin fapa Pu That Chum: Pu That Chum nih Fam Cun hrinphun chungmi, Pi Ṭha Chin a ṭhit i fanu pathum le fapa pathum a hrin hna: 1. Pi Biak Hnem {Pi Biak Hnem cu Senthang peng Dongva khuami, Pu Chan Zam he an i um. An fale hna cu: Pa Sang Hnin Lian, 2. Nu Sui Meng Par, 3. Pa Ngun Cung Thang, le 4. Pa Cung Lian Mang hna an si}, 2. Pi Ṭial Cin {Pi Ṭial Cin cu Karen pa he an i um atu cu America ram ah khua an sa}, 3. Pi Maw Li {Pi Maw Li nih Khup Zawn hrinphun chungmi Pu Than Herh fapa, Pu Mual Hu a vat i an chungkhar in Australia ram ah khua an sa}, 4. Nu Khin Shwe {tleicia}, 5. Pa Sang Hu {tleicia}, 6. Rev. Thawng Hlei Chum{Hakha}, 7. Pu Ceu Ling Chum {USA} a hrin hna. Cun, Pu That Chum nih Pi Iang Par he fapa pahnih a hrin hna: 1. Pu Kap Cung, le 2. Pu Zung Hu hna an si. Cu hnu ahcun, Pu That Chum nih Hmaikhah khuami Pi Ṭial Vang a ṭhit i fapa pakhat a hrin: 1. Salai Ngun San Aung a si.

Pu That Chum cu A.D 1980 in 1984 tiang a term khatnak, A.D. 2006-2007 tiang a term hnihnak Cinkhua khuabawi a rak kan ṭuan piaktu a si. Annih hi khuabawi rian a ṭuan chung ah a hmunmi dum, lo le lei sersiam fakpi in thazaang a rak petu a sic aah amah chan chung ahhin, Cinkhua nih lei hmun le dum tampi an rak sersiam. Pu That Chum cu A.D. 1940 kum ah Pu Ui Hnin le Pi Hliang Zing nih an hrin. Unau chuak pariat lakah ngakchia bik a si. Amah kum sarih a si ah a nu le a pa nih zarhkhat chungte ah an rak thih taak.  Pu That Chum hi a hmet lio tein tlengper le bawlung chuih hi a rak zuam bikmi a si. A kum khua a hung upat deuh in ramlak vah, meithal put le sakhaan hawt hi a zuam ngaingai mi a si. Mi marzaang a si i tlengper le Laipaih hna ahhin, bochanmi a rak si. Kum 20 a si ah, BYF chairman term khat, kum hnih a rak ṭuan. Kum 25 a si ah, Pu Hmun Mang le Pi Chia Ceng hna i an fanu Pi Ṭha Chin he an i um. Pu That Chum cu a no lio tein ramkhel rian a zuammi a si. Kum 26 a si in thlangpi rian a ṭuan cang. Tlangpi cu term khat kumli in term thum chung a rak ṭuan. Cu rian a ṭuan pah cun, Teihne Taungtuletama asii azung chairman kum li a ṭuan chih. Cu a dih cun, Tama-wa-zama chairman kum li a ṭuan ṭhan. Cu lawng si loin, Mahsahla Party chan lio ah, khuabawi term tling a rak ṭuan i nihin tiangin cu a ṭuan man pension cu cozah nih an pek peng ko rih.

Atu i Pangvun leihmun Pu Van Thawng, Pu Ni Hre, Pu Dar Awi, Pu Hrang Bik, Pi Thla Hnem, le Pu That Chum nih an ṭuanmi vialte khi Pu That Chum le a upa, Pu Kilh Ling nih A.D. 1964 kum ah Pu Chia Hlun sinin phaisa 300 in an cawkmi a si. Pu That Chum cu khua le miphun caah a hmunmi le san a tlaimi thil tuah a duh zungzalmi a si caah, A.D. 2013 kum ah JCB phaisa sing sawmli le singruk dih in a hlan i Cinkhua khua caah Bawlung Celhtual chunh piak hna. Cu Celhtual cu, Pu That Chum Aakasakun {That Chum Bual-rawn} tiah min pek a si i nihin tiang khuapi nih hman pengmi celhtual ṭha tuk a si.  Cu celh-tual hunnak cu April 16, 2013 ah thawhṭhan ni donnak puai he kemh in an rak tuah chih. Hi Celh-tual hunnak hi Laiphung bantuk in tuah a si i upat peknak roca panga le Cinkhua Hakha um {HCCF} nih Lai puanpi zunkhat an pek i Nurual nih Bawlung Celh-tual in inn tiang an rak puak. An puak lioah hitihin Vawrhla aa thawh:

“ka nawl ee riangmang tawn ee, lairawn chumtual a herh cu, Cungchin ee Zingnu thawngin, tu maw ee tlengbang ka phanh ve.”

“Velrawn ee tual rak thian law, Sang Thlur Bil Hmung ka tlung lio ee, Ca Nawn ee Ngun Kip le maw Sang Thlia ee Dar Pen ka chawng ulaw”.

Amah hi a no lio ah mi Sakap a rak si. Salu aa taarnak hla zong a tanglei bantuk hin a ngei:

“Bawi bang zei ṭih ngei lo Hei Nawn, thlataang tei ṭhan kawl tawn lang. Hreu-ngen le Rambuvel Hoceu he Cinrung khuachin tlerh tawn lang than lungriam in, Cungai zokai Hreu-ngen hlibawi cu, Mangfa zohzuun leng bangin, thlite mitsir ka ven khuadang hoi thiam loin, zei ka tahchun tencuang senri parhluan rua.”

A.D.1983 May 4 ah a nupi Pi Ṭha Chin {Biak Hnem nu} nih TB zawtnak in a thih tak. Cuticun kum 5 chung a fale he an hmeih hnu, A.D. 1988 kum ah Hmaikhah khuami Pi Ṭial Vang {Hrang Cung nu} he an i um ṭhan.

Pu That Chum fapa Rev. Thawng Hlei Chum: Rev. Thawng Hlei Chum nih Sum Zuan hrinphun chungmi Pu Tum Kio fanu, Pi Sui Zi a ṭhit fapa pathum le fanu pakhat a ngeih hna: 1. Pa Henry Mang Lian Thawng, 2. Nu Hninsi Par Ṭha Sui, 3. Pa Ronald Chan Lian Thawng, le 4. Pa Jonny Ram Ṭha Thawng hna an si.

Rev. Thawng Hlei Chum cu Bible cawnnak ah master of Divinity (M.Div) tiang a dih lengah, vawlei lei fimcawnnak zong Bachelor of Arts (B.A) tiang a dihmi cawnnak leiah zohchun awktlaak mino pakhat a si. Cinkhua Baptist Church (CBC) ah pastor rian a ṭuan cuahmah lio a si. Pathian rian a ṭuan hram thok in nihin tiang a rianṭuannak tuanbia tlamtling cu, Dal {8} Nak “Cinkhua Hrinsor Chung in Caantling Pathian Rianṭuantu Hna Tuanbia” timi tangah rel khawh a si lai.

Pu That Chum fapa Pu Ceu Ling Chum: Pu Ceu Ling Chum nih Rual Hleng hrinphun chungmi Pu Hrang Cem fanu, Pi Aye Myint a ṭhit i fa an ngei rih lo.

Pu That Chum fapa Pu Kap Cung: Pu Kap Cung nih Rual Hleng hrinphun chungmi Pu Chum Awi fanu, Pi Ni Hlei Ṭial a ṭhit i fapa pahnih le fanu pakhat a hrin hna: 1. Pa Peter Dawt Lian Sang, 2. Nu Linda Ngun Ci, le 3. Pa Cung Peng hna an si.

Pu That Chum fapa Pu Zung Hu: Pu Zung Hu nih Rual Hleng hrinphun chungmi Pu Lal Kung fanu, Pi Ṭial Hnem a ṭhit i fanu pahnih le fapa pakhat a hrin hna: 1. Nu Belly Van Iang Zi, 2. Pa Jafeth Khamh Cung Lian, le 3. Nu Silverna Sui Men Ṭial hna an si.

Hi Ai Thang hrinphun tuanbia hi anmah hrinphun chungmi, Pu That Chum nih an tuanbia a khomhsuatmi cherhchan in kan ṭialmi a si. Palh sualnak le tlamtlinlonak tampi a um kho zeicahtiah chan tampi a kal cangmi hrinphun a si caah le ca chan a rak si ve lo caah, felfai tein an hngalh khawh dih lomi tampi a um lai. Cucaah chambaunak le tlamtlinlonak a ummi tete kongah careltu kan dihlak nih theihthiamnak sangpi ngeih cio hna usih.

 

Sum Zuan Hrinphun Tuanbia

Cinkhua Sum Zuan hrinphun hi Zokhua khua in a rami kan si. Zokhua in Cinkhua khua kan phanhnak tuanbia cu, a tanglei bantuk hin an chim: “Zokhua Kheng Mual hrinphun pa pakhat le Zokhua Sum Zuan hrinphun pa pakhat {Cia Hmung pa ti lawng in theihmi} cu dongpi ah ngathlei ah an rak kalṭi. Chun nitlaakte, an kawidua cun, nga cu an rak thlei. Zanlei tlun lai ah ti an i kholh i Kheng Mual pa cu aa kholh kho hmaisa. Cun Kheng Mual pa nihcun, Sum Zuan hrinphun chungmi, Cia Hmung pa biar {biar cu bawngbi tawi tinak a si} a lak riangmang i inn lei ah aa tlunpi diam. Sum Zuan pa nihcun a hnulei in a dawi i, “ka kawi, ka biar ka pe” tiah a hal lengmang nain a pe duh lo. Cu ticun, inn phanh lai tiang a dawi i a hal len nain a pek duh hlei lo caah Sum Zuan pa nihcun, Kheng Mual pa cu meithal in thi lak a kah hnu ah, a biar cu aa lak i inn lei ah a tlung. Inn a phanh sin in a tuahmi thil cu a nupi, a fale le a unau pawl cu a chimh dih hna. Cucaah a unau pawl nihcun, “kan zaam dih a hau, an kan thah ve lai” tiah an ti i anmah duhnak hmun cio ah an rak kal hna. Cia Hmung pa te chungkhar hi Kawl lei panh in an rak kal. A unau cheukhat cu, an kal lengmang i Hranhring khua an va phan. Hranhring khua bawi cu “mi kan thah sual caah, na kan huppheng in na kan khamh kho hnga maw” tiah an va nawl. Annih nihcun “dai tein kan sinah um ko u” a rak ti hna. Cucaah Hranhring khua ahcun, khua an rak sa. Hranhring khua bawi nih an sining, an mit-au le an hna-chawn a zoh lengmang hna tikah a rak zum kho hna lo. Cucaah an dihlak in Hakha bawi sinah puan raang ah zuar a rak timh hna. Cu kong cu an theih tikah, an lung a fak tuk hringhran i Hranhring khua bawipa cu an rak thah. Cu hnu ahcun, Hranhring khua in Kawl lei ah an rak zaam ṭhan. Kawl lei panh in an kal pah ahcun, Cinkhua khua hi an rak tan pah. Cu lio ahcun, Cinkhua bawipa le Cinkhua nu a ṭhimi Zokhua pa, Pu Khar Luai nih “kan khua ah um ko u”, tiah an rak ti hna. Cu ticun, Cinkhua khua ahcun khuasak hram an rak i thok ve” ti a si.

Cinkhua khua an rak phanh hi Cinkhua khua ah Pu Tei Luai a bawi lio a si. Cinkhua khua hlun an rak tlaak hi Hau Zaw bawi, Pu Mang Vung chan ah a si. Pu Mang Vung chan in Pu Tei Luai cu a chan ruknak a si. Cucaah Sum Zuan hrinphun Cinkhua khua an rak luh hi A.D. 1850 hnulei ah a si lai, timi ruahdamh khawh a si. Kha lio caan i Cinkhua khua ah um ding in a rak sawmtu hna, Pu Khar Luai cu nihin tiangah a rak umnak hmunhma zong hngalh khawh a si ko rih. Cinkhua khua hlun Sangte tawka Pu Kaan To inn chak, Ca Ling nu a rak umnak hmun kha “Pu Khar Luai hmun”, tiah auh a si. Cucu Sum Zuan hrinphun Cinkhua khua ah umhmun khuar hram an thokning tuanbia cu a si.

Cinkhua Sum Zuan nih kan thawhkehnak hi Pu Duh Kheng le Pu Khen Khar tiang lawng an hngalh khawh. Cun Pu Duh Kheng le Pu Khen Khar hi chuak khat unau an rak si lai, tiah ruah a si. Cucaah Cinkhua Sum Zuam hrinphun hrinsor cu kan dihlak in Pu Duh Kheng le Pu Khen Khar cithlahmi kan si dih:

11#. Pupa Min A Dotdot:

1. Pu Duh Kheng le Pu Khen Khar

2. Pu Sang Zul le Pu Lai Ṭhio

3. Pu Lian Ruang, Pu Hreng Ci, le Pu Hniar Kam

4. Pu Kim Mang, Pu Chum Ling

Pu Duh Kheng nih Pu Sang Zul a hrin. Pu Sang Zul nih fapa pahnih a hrin hna: 1. Pu Hreng Ci, le 2. Pu Lian Ruang hna an si. Pu Duh Kheng nih fapa pakhat a hrin: 1. Pu Lai Ṭhio a si. Pu Sang Zul le Pu Khen Khar fale hna chan thok hin, Cinkhua khua ah Sum Zuan hrinphun karh hram aa thok. A tanglei ahhin, an cithlah cio a dotdot tete in langhter khawh kan i zuam lai:

#. Pu Duh Kheng fapa Pu Sang Zul: Pu Sang Zul nih fapa pahnih a hrin hna: 1. Pu Hreng Ci, le 2. Pu Lian Ruang hna an si.

##. Pu Sang Zul fapa Pu Lian Ruang: Pu Lian Ruang nih fapa pahnih a hrin hna: 1. Pu Kim Mang, le 2. Pu Chum Ling hna an si.

###. Pu Lian Ruang fapa Pu Kim Mang: Pu Kim Mang nih a nupi pakhatnak sin in fapa pali a hrin hna: 1. Pu Tei Tlem, 2. Pu Lei Dun, 3. Pu Chia Hlun, le 4. Pu Chan Hre hna an si. Pu Kim Mang nih nu dang sin in fapa pakhat, Pu Chan Duai a hrin ṭhan.

#. Pu Kim Mang fapa Pu Tei Tlem: Pu Tei Tlem nih fapa pathum le fanu pakhat a hrin hna: 1. Pu Do Zaam, 2. Pu Tum Bau, 3. Pu Siang Kung, le 4. Pi Tum Ṭhai {Pi Tum Ṭhai nih Khup Zawn hrinphun chungmi, Pu Hre Nawn a vat~Ngun Cia nu khi a si} an si. Pu Tei Tlem fapale hna hi, A.D 1981 December thla ah Kawlram, Gangaw peng, Hantawaddy khua ah an rak pem. Nihin tiang cukaa ahcun a tufa khua an sa beh.

Pu Tei Tlem fapa Pu Do Zam: Pu Do Zam nih Ceupa Chung Hrinphun chungmi Pu Bual Hmung fanu, Pi Hnem Ṭhai a ṭhit i fapa pahnih le fanu pali a hrin hna: 1. Pi Dar Nawn {Pu Bu San he an i um. Thawng Za Thang nu a si}, 2. Pi Sui Tang {Pi Sui Tang cu Pu Nawl Sang he an i um. Ngun Sui nu khi a si}, 3. Pi Hniar Vang {Pi Hniar Vang cu Pu Chan Hei he an i um. Dawt Khun nu kha a si}, 4. Pu Mang Awi, 5. Pi Ngun Hlei {Pi Ngun Hlei cu Rual Hleng hrinphun chungmi Pu Tawk Hlun fapa, Pu Thawng Lian he an i um}, 6. Pi Tin Ṭial {Pi Tin Ṭial cu Hantawaddy ah Pu Siang Ceu he an i an i um i fapa pahnih le fanu pakhat an ngeih hnu ah a pasal nih a thih taak}, le 7. Pu David Thawng hna an si.

Pu Do Zam fapa Pu Mang Awi: Pu Mang Awi nih Pi Tluang Iang a ṭhit i fanu pakhat, Pi Bawi Ṭial an hrin. {Pi Bawi Ṭial cu Za Hre hrinphun chungmi, Pu Za Nawl he an i um i atu hi an chungkhar in Malaysia ram ah khua an sa}. Nung ṭian in an ṭian hnu ah, Matu pengmi Pi Rohmingthangi a ṭhit ṭhan i fapa pahnih le fanu panga a hrin hna: 1. Nu Lalramluahpuii, 2. Pa Lalbiaksanga, 3. Pa Lalnunsanga, 4. Nu Ludy Lalvenkimi, le 5. Nu Lalhmangaihi hna an si. Atu cu an chungkhar in Mizoram ah khua an sa.

Pu Do Zam fapa Pu David Thawng: Pu David Thawng nih Phaizawng khuami, Pi Siang Zi a ṭhit i fapa pakhat le fanu pahnih a hrin hna: 1. Pa Elijah, 2. Nu Zung Hnem, le 3. Nu Par Len Iang hna an si. Annih hi an chungkhar in Hantawaddy khua ah khua an sa.

Pu Tei Tlem fapa Pu Siang Kung: Pu Siang Kung nih Pi Zing Hlawn a ṭhit i fapa pahnih le fanu pahnih a hrin hna: 1. Pu Cung Nawl, 2. Pi Sui Thlia {Pi Sui Thlia cu Ruth Biak Ṭha Par nu a si}, 3. Pi Hniang Ki {Pi Hniang Ki cu Dawt Hlei Sung nu a si}, le 4. Pu Sang Awi hna an si.

Pu Siang Kung fapa Pu Cung Nawl: Pu Cung Nawl nih Ṭial Hup hrinphun chungmi Pu Sa Awi fanu, Pi Sung Tang a ṭhit i fapa pahnih le fanu pakhat a hrin hna: 1. Pa Van Ni Peng, 2. Nu Ni Hlawn Sung, le 3. Pa Joel hna an si. Annih hi Kalaymyo khuapi ah khua an sa.

Pu Siang Kung fapa Pu Sang Awi: Pu Sang Awi nih Falam pengmi, Pi Emily Za Naih Ṭial a ṭhit i fapa pakhat le fanu pahnih a hrin hna: 1. Nu Bawi Lian Thawng, 2. Nu Ely Par, le 3. Pa Bawi Tha Hnem an si.

Pu Tei Tlem fapa Pu Tum Bau: Pu Tum Bau nih Ṭial Hup hrinphun chungmi Pu Bil Tiam fanu, Pi Sa Hnem a ṭhit i fapa pakhat le fanu pathum a hrin hna: 1. Pi Dar Sung {Pi Dar Sung nih Kawng Thun hrinphun chungmi Pu Thang Ci fapa, Pu Sang Zel a vat. Ni Meng nu khi a si}, 2. Pi Dei Ṭial {Pi Dei Ṭial nih Ruantlang khuami Pu Phai Kung a vat i fapa pathum a hrin hna: 1. Pu Bawi Mang, 2. Pa Thang Cung, 3. Pa Biak Sang, le 4. Pa Van Thawng Mang hna an si}, 3. Pu Kip Mang, le 4. Pi Ngun Ṭha Len {Pi Ngun Ṭha Len nih Matupi khuami, Pu Thang Lian a vat i fapa pahnih le fanu pali a hrin hna: 1. Pa Biak Mang, 2. Nu Ki Nu, 3. Nu Jumery, 4. Nu Ely, 5. Pa Ngun Thawng Lian, 6. Nu Dawt Len Sung hna an si} hna an si.
Pu Tum Bau fapa Pu Kip Mang: Pu Kip Mang nih Tahan khuami, Pi Tuan Hnem a ṭhit i fapa pakhat a hrin: 1. Pa Khamh Bawi Thawng a si.

#. Pu Kim Mang fapa Pu Chia Hlun: Pu Chia Hlun nih Al Hluan hrinphun chungmi Pu Hrang Mang fanu, Pi Dei Iang a ṭhit i fapa pathum le fanu pathum a hrin hna: 1. Pi Sui Nawn {Pi Sui Nawn cu Thantlang peng Sih Hmuh khuami, tleicia Pu Ṭha Bik a vat i fanu paruk a hrin hna: 1. Pi Thla Sung, 2. Pi Man Ṭhai, 3. Pi Tuan Pen, 4. Pastor Dawt Cia, 5. Pi Bawi Rem Par, 6. Pi Tiktik, 7. Nu Khamh Chin Par hna an si. Annih chungkhar hi Tahan khuapi ah khua an sa}, 2. Pu Khin Maung {USA}, 3. Pi Ngun Kil (Tin Tang nu), 4. Pu Ngun Awi {Cinkhua}, 5. Pu Hrang Hei {Hakha}, le 6. Pi Sa Nawn {Sui Hlawn nu} hna an si.

Pu Chia Hlun cu Cinkhua khua ah zumtu hmaisa lei a si ve. Annih hi solfa le hla a rak thiam ngaingai mi a si. A nun chung ah fek tein Pathian aa tlaihmi zohchun tlaak kan pa pakhat a si. Cinkhua Baptist Church nih nun chung khrihfa upa an rak pekmi kan pa a si.

Pu Chia Hlun fapa Pu Khin Maung: Pu Khin Maung nih Latpanchaung khuami, Pi Tlang Khum a ṭhit i fapa pakhat le fanu pahnih a hrin hna: 1. Pu Khrih Thawng, 2. Pi Lal Hlim Chung, le 3. Nu Julia Hniang Sung an si. Atu cu an chungkhar in America ram ah khua an sa.

Pu Chia Hlun fapa Pu Ngun Awi: Pu Ngun Awi nih Za Hre hrinphun chungmi Pi Tum Sung a ṭhit fapa pakhat a hrin: 1. Pu Van Bawi Thawng a si. Nung ṭian in an ṭian hnu ah, Pu Ngun Awi nih Ṭial Hup hrinphun chungmi Pi Par Thlia a ṭhit i fanu pali le fapa pahnih a hrin hna: 1. Pi Ngun Pen {Pi Ngun Pen nih Kheng Lawt hrinphun chungmi Pu Ram Hu fapa, Pu Biak Thang a vat}, 2. Nu Bawi Zi, 3. Nu Zung Len Ṭial, 4. Pa Van Uk Mang, 5. Nu Par Cin Ṭial, le 6. Pa Hniang Cung Awi hna an si.

Pu Ngun Awi fapa Pu Van Bawi Thawng: Pu Van Bawi Thawng nih Chungcung khuami, Pi Dawt Chin a ṭhit i fapa pahnih a hrin hna: 1. Pa Johan, le 2. Pa Van Dawt Cung hna an si.

Pu Chia Hlun fapa Pu Hrang Hei: Pu Hrang Hei nih Lian Tling hrinphun chungmi Pu Cia Thang fanu, Pi Dawt Hliang a ṭhit i fapa pakhat le fanu pahnih a hrin hna: 1. Pu Van Siang Awi, 2. Nu Ngun Ṭha Cer, le 3. Nu Van Ṭha Par hna an si. Annih hi an chungkhar in Hakha khuapi ah khua an sa.

Pu Hrang Hei fapa Pu Van Siang Awi: Pu Van Siang Awi nih Rinte khuami, Pi Dawt Len Par a ṭhit i fapa pakhat a hrin: 1. Pa Joshua Siang Lian Bawi a si. Annih hi an chungkhar in Hakha khuapi ah khua an sa.

#. Pu Kim Mang fapa Pu Chan Hre: Pu Chan Hre nih Pi Chia Nawn a ṭhit i fapa pakhat a hrin: 1. Pu Tum Kio a si.

Pu Chan Hre fapa Pu Tum Kio: Pu Tum Kio nih Zaa Thang hrinphun chungmi Pu Ceu Nawn fanu, Pi Rual Ken a ṭhit i fanu pathum le fapa pakhat a hrin hna: 1. Pi Za Hnem {Pi Za Hnem nih Khup Zawn hrinphun chungmi Pu Hre Nawn fapa, Pu mang Hlau a vat~Sui Hlei Sung nu a si}, 2. Pi Sui Zi {Pi Sui Zi nih Ai Thang hrinphun chungmi Pu That Chum fapa, Rev. Thawng Hlei Chum a vat~Henry nu a si}, 3. Pi Ni Hlawn Sung {Pi Ni Hlawn Sung nih Zokhua pa a vat i an chungkhar in Zokhua khua ah khua an sa}, le 4. Pu Benjamin {Hakha} hna an si.

Pu Tum Kio fapa Pu Benhamin: Pu Benjamin nih Phai khuami, Pi Duh Hnem a ṭhit i fanu pakhat, Nu Paris Dawt Hlawn Sung an hrin.

#. Pu Kim Mang fapa Pu Chan Duai: Pu Chan Duai nih Pi Nuam Cin a ṭhit i fapa pathum le fanu pakhat a hrin hna: 1. Pu Mawng Kio, 2. Pu Dar Thawng, 3. Pu Hmet Hnin, le 4. Pi Ca Cuai hna an si.  Pu Chan Duai chungkhar cu A.D 1957 Cinkhua in Aive khua ah an rak pem. Aive khua in A.D 1966 ah Hakha Farawn khua ah an rak pem ṭhan. Nihin tiang Hakha Farawn khua ah an tufa tam deuh cu khua an sa peng ko rih.

#. Pu Lian Ruang fapa Pu Chum Ling: Pu Chum Ling nih fapa pakhat le fanu pakhat: 1. Pu Nam Kung, le 2. Pi Ngun Iang {Pi Ngun Iang cu Hrang Cem nu a si. Pu Hrang Cem cu Ca Iang pa a si} a hrin hna.

Pu Chum Ling fapa Pu Nam Kung: Pu Nam Kung nih Pi Men Zing a ṭhit i fapa pathum le fanu pakhat a hrin hna: 1. Pu Kio Hnin, 2. Pa Za Ṭhio {tleicia}, 3. Pu Sem Ceu, 4.  Pi Duh Chin {tleicia. Pi Duh Chin nih Rual Hleng hrinphun chungmi Pu Lal Kung fapa, Pu Bual Tiam a vat~Bawi Peng nu kha a si} hna an si.

Cu hnu ahcun, Pu Nam Kung nih Kawng Thun hrinphun chungmi, Pi Hlawh Cin a ṭhit ṭhan i fapa pali le fanu pali a hrin hna: 1. Pi Hoi Vang {Pi Hoi Vang nih Rual Hleng hrinphun chungmi, Pu Ngun Kam {Pu Tawk Hlun nau pa} a vat. Bawi Cung nu khi a si}, 2. Pi Dong Bil {Pi Dong Bil nih Hmaikhah khuami, Pu Ṭial Tu a vat i fanu pakhat, Nu Bawi Hliang an hrin. Atu cu an chungkhar in Hakha khuapi ah khua an sa}, 3. Pa Thawng Zel {tleicia}, 4. Pi Sem Iang {Pi Sem Iang nih Ceupa Chung Hrinphun chungmi, Pu Kil Mang fapa, Pu Muai Kio-tleicia a vat~Dar Zi nu khi a si}, 5. Pu Lal Cung, 6. Pa No Hre, 7. Pu Siang Dun le 8. Nu Tum Dei {Nu Tum dei cu pasal a ngei rih lo} an hrin hna.

Pu Nam Kung fapa Pu Kio Hnin: Pu Kio Hnin nih Rual Hleng hrinphun chungmi Pu Ngeih Pheng fanu, Pi Ni Kem a ṭhit i fapa pakhat le fanu pali a hrin hna: 1. Pi Ni Nawn {Pi Ni Nawn nih Chuncung khuami Pu Tum Hnin a vat. An fale hna cu: 1. David Biak Lian Thang, 2. Nu Esther Van Sui Par, 3. Pa Tum Ṭha Ceu Mang, le 4. Pa Tawk Cung Hnin an si. Atu cu an chungkhar in Hakha khuapi ah khua an sa}, 2. Pi Iang Ki {Pi Iang Ki nih Mual Cin hrinphun chungmi, Pu Za Ling a vat i atu cu an chungkhar in Australia ram ah khua an sa}, 3. Pu Ngun Thawng {USA}, 4. Pi Ngun Hliang {Pi Ngun Hliang nih Ai Thang hrinphun chungmi Pu Hniar Hei fapa, Pu Zing Peng a vat i atu cu an chungkhar in Australia ram ah khua an sa}, 5. Pi Hram Len Ṭial {Pi Hram Len Ṭial nih Hrawngvun khuami, Pu Ngun Mang a vat. An fale hna cu: 1. Pa Ngun Ṭha Cung, 2. Pa Ngun Ṭha Lian an si. Atu cu an chungkhar in Hakha khuapi ah khua an sa}, 6. Pi Hniang Cin Sung {Pi Hniang Cin Sung nih Khuabe khuami, Pu Chan Kil a vat. An fale hna cu: 1. Pa Simon Dawt Bik Cung, le 2. Pa Thomas Chan Ceu Lian hna an si. Atu cu an chungkhar in Australia ram ah khua an sa} an si. Cun Pu Kio Hnin nih Vanha khuami, Pi Ngun Par sinah fapa pakhat, Pu Ṭial Hmun a hrin.

Pu Kio Hnin cu A.D 1994 in 1997 tiang Cinkhua khuabawi a rak ṭuanmi a si. Pu Kio Hnin nih khuabawi rian a ṭuan chung ah Cinkhua nih kan rak kalpi tawnmi: 1. Ṭhit-umnak phung, 2. Nifar sakhua kong, le 3. Tlangzam kong tete chan he aa tlaakning in tampi a rak remh hna. Khua milu nih a phanh cang caah ti in sianginn zong a ngan deuh in a rak sak i private sianginn tang 8 tiang a rak tuah; A.D 1994-1995 cacawn kum in sianginn kai rak thok colh a si. Cucaah Pu Kio Hnin cu Cinkhua khua caah nehnang a ngei ngaingai mi pakhat a si.

Pu Kio Hnin fapa Pu Ngun Thawng: Pu Ngun Thawng nih Tiphul khuami, Pi Dawt Ṭha a ṭhit i fapa pakhat le fanu pakhat a hrin hna: 1. Pa Jonah, le 2. Nu Ngun Tin Rem an si. Atu cu an chungkhar in America ram ah khua an sa.

Pu Kio Hnin fapa Pu Ṭial Hmun: Pu Ṭial Hmun nih fapa pahnih le fanu pakhat a hrin hna: 1. Pu Ni Peng, 2. Nu Ṭha Hlei Ṭial, le 3. Nu Belly, le 4. Nu Van Kil Mawi a hrin hna.

Pu Ṭial Hmun fapa Pu Ni Peng: Pu Ni Peng nih Ruadeu khuami, Pi Bawi Sung a ṭhit i fanu pakhat, Nu Sui Ṭha an hrin.

Pu Nam Kung fapa Pu Sem Ceu: Pu Sem Ceu nih Za Hre hrinphun chungmi Pu Tei Tiam fanu, Pi Tawk Zing a ṭhit i fapa pathum le fanu pahnih a hrin hna: 1. Pu Biak Ling {USA}, 2. Sayama Tan Tan {Sayama Tan Tan nih Loklung khuami, Pu Aung Aung a vat. An fale hna cu: 1. Pa Joseph Cung Hrin Thang, 2. Pa Stanley Bawi Ṭha Mang, le 3. Nu Zing Dawt Ṭha Sung hna an si. Atu cu an chungkhar in Hakha khuapi ah khua an sa}, 3. Pu Tawk Hu {Hakha}, 4. Pi Marry {Pi Marry nih Sagaing ram ṭhenmi, Pu Saw Saw a vat}, le 5. Pa Cung Dawt hna an si.

Pu Sem Ceu cu A.D. 1991 April thok in Hakha Siangsang run No.1 ah zanriak zungrian ṭuan hram aa thok.

Pu Sem Ceu fapa Pu Biak Ling: Pu Biak Ling nih Tiphul khuami, Pi Iang Thlia a ṭhit i fapa pahnih le fanu pakhat a hrin hna: 1. Pa Chan Chan, 2. Pa Van Bawi Thawng, le 3. Nu Biak Ṭha Sung hna an si. Atu cu an chungkhar in America ram ah khua an sa.

Pu Sem Ceu fapa Pu Tawk Hu: Pu Tawk nih Thantlang khuami, Pi Biak Hlei Zing a ṭhit i fapa pakhat, Pa Cung Bik Hu an hrin.

Pu Nam Kung fapa Pu Lal Cung: Pu Lal Cung nih Ṭial Hup hrinphun chungmi Pu Bual Ceu fanu, Pi Cer Zing a ṭhit i fapa pathum le fanu pathum a hrin hna: 1. Pi Ni Pen, 2. Nu Ṭha Zi, 3. Nu Zing Hlawn Sung, 4. Nu Biak Ṭha Par, 5. Pa Victor, le 6. Pa Joshua hna an si. May 2011 in Kawlram le India ramri ah a ummi Moreh khua pawng, Haulenphai khuate ah an chungkhar in khua an sa.

Pu Nam Kung fapa Pu No Hre: Pu No Hre cu nupi ngei lo, tlangval dirhmun in a um rih.

Pu Nam Kung fapa Pu Siang Dun: Pu Siang Dun nih Thantlang Farawn khuami Pi Lily a ṭhit i fapa pathum a hrin hna hnu ah nung ṭian in an ṭian. An fale hna cu: 1. Pa Lalvensang {Australia ram ah khua a sa}, 2. Pa Mang Nawl Hmun {Mizoram a nu sinah a um}, le Pa Joseph {Mizoram a nu sinah a um}, an hrin hna.

##. Pu Sang Zul fapa Pu Hreng Ci: Pu Hreng Ci nih fapa pathum a hrin hna: 1. Pu Ui Rawl, 2. Pu Khup Nawl, le 3. Pu Hram Dum an si.

Pu Hreng Ci fapa Pu Ui Rawl: Pu Ui Rawl nih Pi Ruat Ṭhai a ṭhit i fapa pakhat a hrin: 1. Pu Sang Kaan a si.

Pu Ui Rawl fapa Pu Sang Kaan: Pu Sang Kaannih Za Hre hrinphun chungmi Pu That Ve fanu, Pi Cia Men a ṭhit i fanu pakhat a hrin: 1. Pi Hnem Khun {Pi Hnem Khun nih Sum Zuan hrinphun chungmi, Pu Kap Lian a vat} a si.

Pu Hreng Ci fapa Pu Khup Nawl: Pu Khup Nawl nih Pi Thor Cuai a ṭhit i fapa pathum le fanu pakhat a hrin hna: 1. Pu Hleih Dun, 2. Pi Cer Nawn {Pi Cer Nawn cu Sa Thluai nu a si. Pi Sa Thluai cu Ni Cia nu a si.}, 3. Pa Sal Paam, le 4. Pu Hrang Ngam an si.

Pu Khup Nawl fapa Pu Hrang Ngam: Pu Hrang Ngam nih fapa pathum le fanu pakhat a hrin hna: 1. Pu Mang Hu {Cinkhua}, 2. Pu Biak Thawng {USA}, 3. Pu David {USA}, le 4. Pi Hlawn Hniang {Pi Hlawn Hniang nih Hrawngvun khuami, Pu Bawi Peng a vat i an chungkhar in Cinkhua khua ah khua an sa} hna an si.

Pu Hrang Ngam fapa Pu Mang Hu: Pu Mang Hu nih Khup Zawn hrinphun chungmi Pu Hre Nawn fanu, Pi Tuan Tang a ṭhit i fapa pahnih le fanu pathum a hrin hna: 1. Pu Van Hre Lian, 2. Nu Bawi Chin Sung, 3. Nu Bethsiba, 4. Nu Hlawn Bor, le 5. Pa Cung Za Lian hna an si.

Pu Mang Hu fapa Pu Van Hre Lian: Pu Van Hre Lian nih Ruantlang khuami, Pi Far Tin Ṭial a ṭhit i nihin tiang ahcun tefa an ngei rih lo.

Pu Hrang Ngam fapa Pu Biak Thawng: Pu Biak Thawng nih Khup Zawn hrinphun chungmi Pu Hre Nawn fanu, Pi Rosy a ṭhit i fapa pakhat a hrin: 1. Pa Van Dawt Lian a si. Atu cu an chungkhar in America ram ah khua an sa.

Pu Hrang Ngam fapa Pu David: Pu David nih Za Hre hrinphun chungmi Pu Thang Bik fanu, Pi Sui Hlawn a ṭhit i fapa pakhat a hrin: 1. Pa Siang Lian Thawng a si.

Pu Hreng Ci fapa Pu Hram Dum: Pu Hram Dun nih Ceupa Chung Hrinphun chungmi Pu Ngun Ceu fanu, Pi Dawt Tlem a ṭhit i fapa pakhat a hrin: 1. Pu Mual Er {Ceu Kam pa} a si. Cu hnu ahcun, Pu Hram Dum nih Khup Zawn hrinphun chungmi Pu Ui Khuk fanu, Pi Thlia Par a ṭhit ṭhan i fapa pali le fanu pakhat a hrin hna: 1. Pu Than Ci, 2. Pu Dar Dawl, 3. Pu Thir Hmung, 4. Pi Far Khen {Ṭha Bik nu}, 5. Pa Hmet Cem {nupi ngei lo}, le 6. Nu Man Iang {pasal ngei lo} hna an si.

Pu Hram Dum fapa Pu Mual Er: Pu Mual Er nih Ṭial Hup hrinphun chungmi Pu Bil Tiam fanu, Pi Thawr Ki a ṭhit i fapa pali le fanu pakhat a hrin hna: 1. Pu Ceu Kam {Cinkhua}, 2. Pu Sang Hlun {Hakha}, 3. Pu Thang Nawn {Cinkhua}, 4. Pi Dawt Meng {Pi Dawt Meng nih Kawng Thun hrinphun chungmi Pu Thang Ci fapa, Pu Dar Mang a vat}, le 5. Pu Kap Lian hna an si.

Pu Mual Er cu A.D 1984 in 1988 tiang Cinkhua khua bawi rian a rak tuanmi a si. Pu Mual Er hi a hmunmi lo le lei sersiam thazaang fakpi in a pemi a rak si ve. Amah khuabawi a ṭuan chung ahhin, Kawlram pumpi sandahpiah buainak a rak chuah kha a si.

Pu Mual Er fapa Pu Ceu Kam: Pu Ceu Kam nih Zaa Thang hrinphun chungmi Pu Ceu Nawn fanu, Pi Sui Hnem a ṭhit i fanu pahnih le fapa pahnih a hrin hna; 1. Pi Sung Cia {Pi Sung Cia nih Sum Zuan hrinphun chungmi Pu Than Ci fapa, Pu Van Thawng Lian a vat i  an chungkhar in America ram ah khua an sa}, 2. Pi Biak Zi {US}, 3. Pu Van Bawi Hu {Malaysia}, le 4. Pa Siang Hnin Thang {USA} hna an si. Pi Sui Hnem he an ṭian hnu ah, Za Hre hrinphun chungmi Pu Tei Tiam fanu, Pi Za Ṭial a ṭhit ṭhan i fanu pakhat le fapa pakhat a hrin hna: 1. Nu Bawi Cin Sung, le 2. Pa Judah hna an si.

Pu Ceu Kam fapa Pu Van Bawi Hu: Pu Van Bawi Hu nih Thlangtlang peng, Congthia khuami Pi Hanah Zing Chin Ṭial a ṭhit i fa an hring rih lo.

Pu Mual Er fapa Pu Sang Hlun: Pu Sang Hlun nih Hakha khua chungmi, Sayama Ngun Cuai a ṭhit i fapa pakhat le fanu pakhat a hrin hna: 1. Pa Thla Ceu Ling, le 2. Nu Ngun Tha Par an si.

Pu Mual Er fapa Pu Thang Nawn: Pu Thang Nawn nih Ceupa Chung Hrinphun chungmi Pi Hram Cin he fapa pakhat a hrin: 1. Pu Ngun Za Thawng a si.

Pu Thang Nawn fapa Pu Ngun Za Thawng: Pu Ngun Za Thawng nih Ṭial Hup hrinphun chungmi Pu Chiah Kung fanu, Pi Biak Dei a ṭhit fapa pahnih a hrin hna: 1. Pa Sang Lian Thawng, 2. Pa Biak Lian Sang an si.

Pu Mual Er fapa Pu Kap Lian: Pu Kap Lian nih Sum Zuan hrinphun chungmi Pu Sang Kaan fanu, Pi Hnem Khun a ṭhit i fapa pakhat le fanu pakhat a hrin hna: 1. Pa Sang Hram Thawng, le 2. Nu Van Cer Cin hna an si.

Pu Hram Dum fapa Pu Than Ci: Pu Than Ci nih Pi Dawt Khen a ṭhit i fanu pathum le fapa pahnih a hrin hna: 1. Pi Ṭial Cer {Canada}, 2. Pu Van Thawng Lian {USA}, 3. Pu Bawi Lian Hup {USA}, 4. Pi Tawk Hnem {Pi Tawk Hnem nih Thantlang khuami Pu Thang Cio a vat. Atu cu an chungkhar in Malaysia ah khua an sa}, le 5. Pi Hniang Ṭha Sui {Thantlang} hna an si.

Pu Than Ci fapa Pu Van Thawng Lian: Pu Van Thawng Lian nih Sum Zuan hrinphun chungmi Pu Ceu Kam fanu, Pi Sung Cia a ṭhit i fapa pahnih le fanu pakhat a hrin hna: 1. Pa Ram Ṭha Hmung, 2. Nu Rachel Van Sui Nuam, le 3. Pa Micheal hna an si.

Pu Than Ci fapa Pu Bawi Lian Hup: Pu Bawi Lian Hup nih Pi Ngun Ṭha Tin a ṭhit i fapa pathum le fanu pakhat a hrin hna: 1. Nu Dawt Ṭha Len, 2. Pa Joseph, 3. Pa Thomas, le 4. Pa Solomon hna an si.

Pu Than Ci cu A.D 1967 kum in vawlei tahnak zung (meitaing) ah cazi rian tuan hram a rak thok. Cinkhua hrinsor chungah Cozah zung rian ṭuan hmaisa pahnih nak a si. A.D 1974 ah Thantlang ah aa ṭhial i cukaa ahcun a chungkhar he an um beh.

Pu Hram Dum fapa Pu Dar Nawl: Pu Dar Nawl nih Al Hluan hrinphun chungmi Pu Than Tum fanu, Pi Cer Thlia a ṭhit i fanu pathum le fapa pahnih a hrin hna: 1. Sayama Cer Ki {Sayama Cer Ki nih Za Ṭhat khuami, Pu Biak Cin Thang a vat i fanu pakhat, Nu Dorcas Biak Tin Cer an hrin}, 2. Pi Dawt Tin Sung {Pi Dawt Tin Sung nih  Lian Tling hrinphun chungmi Pu Hniar Hu fapa, Pu Mawng Mawng a vat i atu cu an chungkhar in America ram ah khua an sa}, 3. Pa Van Peng Lian {nupi ṭhit hlan ah a thi}, 4. Pi Esther {Pi Esther nih Pu Cung Cin a vat i atu cu an chungkhar in America ram ah khua an sa}, le 5. Pu Tin Cung Uk {Hakha} hna an si. Pu Dar Nawl nih nupi dang, Kawng Thun hrinphun chungmi Pu Phun Duai fanu, Pi Ṭial Kil he fapa pakhat a hrin: 1. Pu Biak Lawm a si.

Pu Dar Nawl fapa Pu Biak Lawm: Pu Biak Lawm nih Rual Hleng hrinphun chungmi Pu Even fanu, Pi Phir Vang a ṭhit i fanu pathum a hrin hna: 1. Nu Biak Ṭha Sui, 2. Nu Bawi Rem Par, le 3. Nu Van Bawi Hnem hna an si.

Pu Dar Nawl fapa Pu Tin Cung Uk: Pu Cung Uk nih Ceupa Chung Hrinphun chungmi Pu Ram Peng fanu, Pi Ni Hnem Par a ṭhit i fapa pakhat le fanu pakhat a hrin: 1. Pa Cung Bawi Thawng, le. Nu Emma Za Len Par an si.

#. Pu Khen Khar fapa Pu Lai Ṭhio: Pu Lai Ṭhio nih fapa pakhat a hrin hna: 1. Pu Hniar Kam a hrin.

Pu Lai Ṭhio fapa Pu Hniar Kam: Pu Hniar Kam nih Za Hre hrinphun chungmi Pu Than Zing fanu, Pi Hram Men a ṭhit i fapa pakhat le fanu pakhat a hrin hna: 1. Pi Sui Ṭial {Pi Sui Ṭial nih Hau Zaw hrinphun chungmi, Pu Ceu Ṭhai a vat~Mang Tang nu khi a si} le Pu Kil Hlun an si.

Pu Hniar Kam fapa Pu Kil Hlun: Pu Kil Hlun nih Za Hre hrinphun chungmi Pu Tei Tiam fanu, Pi Ni Ca a ṭhit i fapa pahnih le fanu pathum a hrin hna: 1. Saya Ceu Tum, 2. Pu Kep Tu, 3. Pi Ṭial Hlawn {Pi Ṭial Hlawn nih Ṭial Hup hrinphun chungmi Pu Erh Ling fapa, Pu Tin Sang Ling a vat}, 4. Pi Hram Iang {Pi Hram Iang nih Zokhua khuami, Pu Ral Chum a vat i an chungkhar in Cinkhua khua ah khua an sa}, le 5. Pi Cer Hnem {Hau Zaw hrinphun chungmi Pu Ceu Ṭhai fapa, Pu Cung Ṭha Bawi a vat} hna an si.

Pu Kil Hlun fapa Saya Ceu Tum: Saya Ceu Tum nih Rual Hleng hrinphun chungmi Pu Even fanu, Pi Sung Can aa ṭhit i fapa pathum a hrin hna: 1. Pa Stanley Mang Peng Hu, 2. Pa Cung Lian Hmung, le 3. Pa Van Bawi Lian hna an si.

Saya Ceu Tum cu ZABC Missionary ah an thlah i Thlanglei Laitlang, Letha khua ah a um. Saya Ceu Tum hi Cinkhua hrinsor chungin rammui ah Mission a tuan hmasabik a si.

Pu Kil Hlun fapa Pu Kep Tu: Pu Kep Tu nih Hakha khuami Pu Pa Uk le Bawi Khar hrinphun chungmi, Pi Sai Iang nih an hrinmi, Pi Ngun Par a ṭhit i fapa pakhat a hrin: 1. Pa Van Bawi Lian a si.

Hi Sum Zuan hrinphun tuanbia hi anmah hrinphun chungmi, Pu Kio Hnin nih an tuanbia a khomhsuatmi cherhchan in kan ṭialmi a si. Palh sualnak le tlamtlinlonak tampi a um kho zeicahtiah chan tampi a kal cangmi hrinphun a si caah le ca chan a rak si ve lo caah, felfai tein an hngalh khawh dih lomi tampi a um lai. Cucaah chambaunak le tlamtlinlonak a ummi tete kongah careltu kan dihlak nih theihthiamnak sangpi ngeih cio hna usih.

 

Kheng Lawt Hrinphun Tuanbia

Cinkhua Kheng Lawt hringsortu kan pu bik a simi, Pu Hreng Tlung hi Naa Bual khua ah a rak chuakmi a si. Naa Bual khua in Hakha Khuahlun ah a rak pem. Hakha Khuahlun in Cinkhua khua ah a fapale panga hna he an rak pem. Cu hna cu, Cinkhua Kheng Lawt hringsortu cu an si. Cinkhua khua ah a ummi Kheng Lawt hi “Bawmpa Kheng Hlawt” kan si. A tanglei ahhin, kan pu Pu Hreng Tlung chan in atu chan tiang, Cinkhua Kheng Lawt hrinsor tuanbia cu, a dotdot in, langhter khawh kan i zuam lai:

12#. Pupa Min A Dotdot:

1. Pu Hreng Tlung

2. Pu Tluang Kio, Pu Hreng Cut, Pu Tei Nawl,

Pu Lian Hit, le Pu No Tiam

3. Pu Sang Kian, Pu Chia Bil, Pu Tei Ceu, le Pu Than Let

Pu Hreng Tlung nupi min cu Pi Fom Zing a si. Pi Fom Zing hi zei hrinphun chungmi a si hngalh khawh a si ti lo. Pu Hreng Tlung nih fapa panga a hrin hna: 1. Pu Tluang Kio, 2. Pu Hreng Cut, 3. Pu Tei Nawl, 4. Pu Lian Hit, le 5. Pu No Tiam hna an si.

Pu Hreng Tlung fapa Pu Tluang Kio: Pu Tluang Kio nih Pi Sal Can a ṭhit i fanu pakhat a hrin: 1. Nu Hrem a si. Pu Tluang Kio cu fapa a hrin lo caah cu ciruang ngei lo ah a cang.

Pu Hreng Tlung fapa Pu Hreng Cut: Pu Hreng Cut nih Pi Dawt Ki a ṭhit i fanu pahnih a hrin hna: 1. Pi Zun Sing {Pi Zun Sing cu Ceu Nawn nu a si. Pu Ceu Nawn cu Zing Dei pa a si}, le 2. Pi Thenh Cuai {Pi Thenh Cuai cu Lal Kung nu. Pu Lal Kung cu Bual Tiam pa kha a si} hna an si. Pu Hreng Cut zong hi fapa a hrin lo caah ciruang ngei lo ah a cang ve.

Pu Hreng Tlung fapa Pu Lian Hit: Pu Lian Hit nih Pi Thaw Cik a ṭhit i fanu pakhat a hrin: 1. Pi Thluai Nawn {Pi Thluai Nawn nih Rual Hleng hrinphun chungmi, Pu Hrang Cem a vat~Ca Iang nu kha a si}. Pu Lian Hit zong hi fapa a hrin lo caah ciruang ngei lo ah a cang ve.

Pu Hreng Tlung fapa Pu Tei Nawl: Pu Tei Nawl nih Pi Duh Fom a ṭhit i fapa pakhat le fanu pakhat a hrin hna: 1. Pu Sang Kian, le 2. Pi Sung Hliang hna an si.

Pu Tei Nawl fapa Pu Sang Kian: Pu Sang Kiannih Rual Hleng hrinphun chungmi Pu Hmung Er fanu, Pi Pen Keng a ṭhit i fapa paruk le fanu pathum a hrin hna: 1. Pu Hrang Tum, 2. Pu Kap Ling, 3. Nu Hniar Bau {pasal ngei loin a hmui}, 4. Pu Ram Hu, 5. Pu Kep Nawn, 6. Pi Far Hlem {Pi Far Hlem nih Kawng Thun hrinphun chungmi Pu That Luai fapa, Pu Hrang Hlei a vat}, 7. Pu Lian Hei, 8. Pi Far Zi {Pi Far Zi nih Ṭial Hup hrinphun chungmi Pu Sang tu fapa, Pu Zung Kam a vat}, le 9. Pu Than Hnin hna an si.

Pu Sang Kian fapa Pu Hrang Tum: Pu Hrang Tum nih Za Hre hrinphun chungmi Pu Tei Tiam fanu, Pi Rual Dei a ṭhit i fapa pali le fanu pali a hrin hna: 1. Pi Mang Cia {Pi Mang Cia nih Ai Thang hrinphun chungmi tleicia Pu Hrang Bik fapa, Pu Van Ceu a vat},  2. Pu Siang Hu, 3. Pi Mah Khin {Pi Mah Khin nih Hlawng Sang hrinphun chungmi Pu Thla Kam a vat}, 4. Pi Ngen Thluai, 5. Pu Dawt Chum Mang, 6. Nu Sai Pen, 7. Pa Cung Za Thawng, le 8. Pa Cung Nung Sang hna an si.

Pu Hrang Tum fapa Pu Siang Hu: Pu Siang Hu nih Thantlang peng Vomkua khuami, Pi Ni Za Sung a ṭhit i fapa pakhat a hrin: 1. Pa Bawi Nun Uk a si. Annih hi an chungkhar in Norway ram ah an um.

Pu Hrang Tum fapa Pu Dawt Chum Mang: Pu Dawt Chum Mang nih Ai Thang hrinphun chungmi Pu Hrang Bik fanu, Pi Len Thluai Cin a ṭhit i fapa pakhat a hrin: 1. Pa Siang Lian Mang a si.

Pu Sang Kian fapa Pu Kap Ling: Pu Kap Ling nih Hrawngvun khuami, Pi Za Kil a ṭhit i fapa pakhat le fanu pahnih a hrin hna: 1. Pa Zaw Min Oo, 2. Nu Van Iang, le 3. Nu Siang Men hna an si.

Pu Sang Kian fapa Pu Ram Hu: Pu Ram Hu nih  Lian Tling hrinphun chungmi Pu Cia Thang fanu, Pi Hlawn Ṭial a ṭhit i fapa pahnih le fanu pakhat a hrin hna: 1. Pi Bawi ha Chin {Pi Bawi ha Chin nih Khup Zawn hrinphun chungmi Pu Deng Ling fapa, Pu Joseph  a vat i an chungkhar in US ram ah khua an sa}, 2. Pu Biak Thang, le 3. Pu Peng Cin hna an si.

Pu Ram Hu fapa Pu Biak Thang: Pu Biak Thang nih Sum Zuan hrinphun chungmi Pu Ngun Awi fanu, Pi Ngun Pen a ṭhit i fapa pahnih a hrin hna: 1. Pa Van Tin Lian, le 2. Pa Cung Bawi Lian hna an si.

Pu Ram Hu fapa Pu Peng Cin: Pu Peng Cin nih Zokhua khuami, Pi Van Sui Hlawn a ṭhit i tefa an ngei rih lo.

Pu Sang Kian fapa Pu Kep Nawn: Pu Kep Nawn nih Pi Nawn Iang a ṭhit i fanu pahnih le fapa pali a hrin hna: 1. Nu Bawi Dawt Sung, 2. Pa Tin Hre, 3. Pa Biak Kam Sang, 4. Nu Lydia, 5. Pa Ni Ceu Mang, le 6. Pa Joseph hna an si.

Pu Sang Kian fapa Pu Lian Hei: Pu Lian Hei nih Hau Zaw hrinphun chungmi Pu Ceu Ṭhai fanu, Pi Mang Tang a ṭhit i fanu pahnih le fapa pahnih a hrin hna: 1. Pa Ṭial Hram mang, 2. Pa Ceu Thang, 3. Nu Farida, le 4. Nu Blessing hna an si.

Pu Sang Kian fapa Pu Than Hnin: Pu Than Hnin nih Zaa Thang hrinphun chungmi Pu Zaam To fanu, Pi Tuan Pen a ṭhit i fanu pahnih le fapa pakhat a hrin hna: 1. Nu Miriam, 2. Nu Dawt Chin Par, le 3. Pa Daniel Bawi Ṭha Bik hna an si.

Pu Hreng Tlung fapa Pu No Tiam: Pu No Tiam nih Pi Hniang Tum a ṭhit i fapa pathum a hrin hna: 1. Pu Chia Bik, 2. Pu Tei Ceu, le 3. Pu Than Let hna an si.

Pu No Tiam fapa Pu Chia Bik: Pu Chia Bik nih Kawng Thun hrinphun chungmi Pu Sa Thak fanu, Pi Chia Kil a ṭhit i fanu pali a hrin hna: 1. Nu Hram Thlia {pasal ngei loin a hmui}, 2. Nu Dawt Nawn {Pasal ngei loin a hmui}, 3. Pi Hniang ha {Hakha cawbuk khuami Pu Ram Ceu he an i um i fapa pakhat le fanu pahnih a hrin hna: 1. Pa Maa Pui, 2. Nu Biak Thluai Chin, le 3. Nu Van Sui Zing. An tafar rual tein atu cu Newzealand ram ah khua an sa}, 4. Pi Hoi Tang {Pi Hoi Tang nih Ai Thang hrinphun chungmi Pu Hniar Hei fapa, Pu Ni Hre a vat. Cung Bik nu khi a si}. Pu Chia Bik cu fapa a ngeih lo caah ciruang ngei lo ah a cang.

Pu No Tiam fapa Pu Tei Ceu: Pu Tei Ceu nih Kawng Thun hrinphun chungmi Pu Lian Uk fanu, Pi Ngun Nawn a ṭhit i fanu pahnih le fapa pakhat a hrin hna: 1. Pi Ci Nawn {Pi Ci Nawn nih Khup Zawn hrinphun chungmi Pu Than Herh a vat. Za Cung nu khi a si}, 2. Pu Hrang Hnuai, le 3. Pi Sung Ṭhai {Pi Sung Ṭhai nih Ṭial Hup hrinphun chungmi Pu Sang Tu fapa, Pu Tum Hre a vat}.

Pu Tei Ceu fapa Pu Hrang Hnuai: Pu Hrang Hnuai nih Za Hre hrinphun chungmi Pu Dar Dun fanu, Pi Ngun Len a ṭhit i fanu pathum le fapa pakhat a hrin hna: 1. Pi Ni Meng {Pi Ni Meng nih Mualkai khuami Pu Za Nawl Bik a vat i atu hi Australia ah khua an sa}, 2. Pi Ngun Bor {Pi Ngun Bor nih Mualkai khuami, Pu Bawi Hu a vat. An fale hna cu: 1. Pa Bassie Ngun Ṭha Par, 2. Nu Hanah Van Sui Cer, le 3. Nu Sienna Sui Ṭha Zing hna an si. Atu cu an chungkhar in Australia ah khua an sa}, 3. Pu Biak Peng, le 4. Pi Tluang Zi {Pi Tluang Zi nih Ṭial Hup hrinphun chungmi Pu Erh Ling fapa, Pastor Sang Hei Lian a vat i an chungkhar in Australia ah khua an sa} hna an si.

Pu Hrang Hnuai fapa Pu Biak Peng: Pu Biak Peng nih Tahan khuami, Pi Lal Thang Lian a ṭhit i fanu pakhat le fapa pakhat a hrin hna: 1. Nu Michal Biak Tin Siang, le 2. Pa Samuel Van Sal Mawlsawm Tluanga hna an si. Annih zong hi an chungkhar in Australia ram ah an um ve.

Pu No Tiam fapa Pu Than Let: Pu Than Let nih Hmaikhah khuami, Pi Hniar Tlem a ṭhit i fapa pahnih le fanu pakhat a hrin hna: 1. Pu Thang Nawl, 2. Pu Tum Awi, le 3. Pi Renh Thluai hna an si.

Pu Than Let fapa Pu Thang Nawl: Pu Thawng Nawl nih a nupi hmaisa, Ceupa Chung Hrinphun chungmi Pu Kilh Ling fanu, tleicia Pi Ngun Thlia he fanu pali le fapa pahnih a hrin hna: 1. Pi Sui Cin aka San San {Pi San San cu Kawl miphun he an i um. A fapa min chawng min ah, Pa Aung Phung Hing a si}, 2. Pu Ni Peng, 3. Pu Ngun Cung Ling, 4. Pi Mih Nge aka Par Chin Sung {Pi Mih Nge nih Hriang Khan khuami, Pu Ṭha Ceu a vat. An fale hna cu: Nu Sai Cer Hnem, 2. Pa Van Dawt Thang, 3. Pa Mang Cung Thang Ceu, 4. Pa Solomon Van Cung Ceu, le 5. Nu Angelina Ni Ṭha Par hna an si}, 5. Pi Mary Win {Kawl miphun, palik bawipa a vat. An fanu min chawng ah, Nu Sai Cer a si. An pa nih ruah lopi in a mual a liam taak}, 6. Pi Ṭha Nei Par {Pi Ṭha Nei Par nih Hakha khuami, Pu Kyaw Thu Khaing a vat. An fale hna cu: 1. Pa Benjamin Van Dawt Peng, 2. Pa Simon Van Siang Nawl, le 3. Nu Hanah Van Ṭha Par an si} hna an si. Thih ṭian in an ṭian hnu ah, Hran Hring khuami, Pi Dawt Khen a ṭhit ṭhan i fanu pahnih le fapa pahnih a hrin ṭhan hna: 1. Nu Sui Len Sung, 2. Nu Hniang Hlei Sung, 3. Pu Aung Nai Win, le 4. Pa Van Bawi Thawng a hrin hna.

Pu Thang Nawl fapa Pu Ni Peng: Pu Ni Peng nih Tihbual khuami, Pi Ngun Ṭha Bor a ṭhit i fapa pali a hrin hna: 1. Pa Joseph Biak Ṭha Peng, 2. Pa Daniel Cung Ṭha Peng, 3. Pa Robert Bawi Cung Thang le, 4. Pa Van Lian Bawi hna an si.

Pu Thang Nawl fapa Pu Ngun Cung Ling: Pu Ngun Cung Ling nih Pi Ngun Sung Iang a ṭhit i fapa pakhat a hrin: 1. Pa Victor Cung Bawi Thawng a si.

Pu Thang Nawl fapa Pu Aung Nai Win: Pu Aung Nai Win nih Hrawngvun khuami, Pi Iang Len Sung a ṭhit i tefa an ngei rih lo.

Pu Than Let fapa Pu Tum Awi: Pu Tum Awi nih Hmaihkhah khuami, Pi Hniar Dei a ṭhit i fapa pathum le fanu pahnih a hrin hna: 1. Pu Than Cung, 2. Pi Biak Khen {Pi Biak Khen nih Za Hre hrinphun chungmi Pu Tei Tiam fapa, Pu Tawk Kham a vat} 3. Pa Bawi Kam {Pa Bawi Kam cu nupi a ngeih hlan ah mual a liam caah a tuanbia ṭial awk a um lo}, 4. Pi Bawi Thlia {Pi Bawi Thlia nih Bawi Khar hrinphun chungmi Pu Ṭial Hmun fapa, Pu Khua Kam a vat}, le 5. Pu Ṭha Cung Lian hna an si.

Pu Tum Awi fapa Pu Than Cung: Pu Than Cung nih Zaa Thang hrinphun chungmi Pu Tawk Zam fanu, Pi Hoi Ki a ṭhit i fapa pahnih le fanu pahnih a hrin hna: 1. Pa Zam Khen Thawng, 2. Pa Lian Thawng Hmung, 3. Nu Zung Tin Rem, le 4. Pa Ram Tin Hmung hna an si.

Pu Tum Awi fapa Pu Ṭha Cung Lian: Pu Ṭha Cung Lian nih Kawng Thun hrinphun chungmi Pu Hrang Hre fanu, Pi Sui Tin Fom a ṭhit i fanu pakhat a hrin: 1. Nu Van Dawt Par a si.

Hi Cinkhua Kheng Lawt hrinphun tuanbia hi anmah hrinphun chungmi, Pu Hrang Hnuai {Australia} nih an tuanbia a khomhsuatmi cherhchan in ṭialmi a si. Palh sualnak le tlamtlinlonak tampi a um kho zeicahtiah chan tampi a kal cangmi hrinphun a si caah le ca chan a rak si ve lo caah, felfai tein an hngalh khawh dih lomi tampi a um lai. Cucaah chambaunak le tlamtlinlonak a ummi tete kongah careltu kan dihlak nih theihthiamnak sangpi ngeih cio hna usih.

 

Zaa Thang Hrinphun Tuanbia

Cinkhua Zaa Thang hrinphun hringsortu an pu bik cu, Pu Khua Lung a si. Pu Khua Lung cu Hakha sangpi Zaa Thang hrinphun chungmi, Pu That Cin fapa a si. Pu Khua Lung nih Aive khua Lungpi Chun Tei hrinphun chungmi, Pi Ṭial Khun a rak ṭhit. Pu Khua Lung cu a nupi Pi Ṭial Khun he Hakha khua ah khua an rak sa. Sihmanhsehlaw a nupi Pi Ṭial Khun nih Hakha khuasik a rak celh lo caah, an chungkhar in Aive khua ah an rak i ṭhial. Cu lio caan ahcun, Zokhua Khengmual bawi nih Hakha Zaa Thang bawi fanu a rak ṭhit i Hakha Zaa Thang bawi zong nih Zokhua Khengmual bawi fanu an rak ṭhit ve. Cucaah Zaa Thang hrnphun le Khengmual hrinphun karlak pehtlaihnak a rak ṭha ngaingai. Zokhua Khengmual bawi, Pu Lian Chawn nih Zaa Thang hrinphun chungmi, Pu Khua Lung le anmah Khengmual hrinphun chungmi Pu Khen Hrang cu, Zokhua ram chungah a ummi "Lailaam" timi hmun ah khua tlaak ding in a rak fial hna. Cucaah Pu Khua Lung le a nupi, Pi Ṭial Khun cu Lailaam khua cu an rak hngak. Cu khua an hngah lio ahcun, Pi Ṭial Khun nih mual a rak liam taak. Lailaam khua cu Siakhel bawi ram a rak si caah, khua zongah tlaak loin an rak ṭio taak ṭhan.

Pu Khua Lung le Pi Ṭial Khun nih fapa pathum an hrin hna: 1. Pu Ram Thawn, 2. Pu Khuk Pial, le 3. Pu Tei Hmung hna an si.

A nupi zong nih a thih taak i Lailaam khua zong cu an rak ṭio taak fawn caah, Pu Khua Lung cu a chuahkehnak Hakha khua lei kir ding in a fale pathum hna he cun, an rak i thawh. Sihmanhsehlaw Hakha tiang lan loin Cinkhua khua ah an rak taang beh. Cinkhua khua i an rak taan behnak a ruang cu hiti hin a si.

Cinkhua Hau Zaw bawi, Pu Rung Nawn nihhin Hakha Zaa Thang bawi Pu That Cin fanu, Pi Ṭial Dei a rak ṭhit. Cucaah a nupi man caah Pu Rung Nawn nih Pu That Cin cu, hmunram a rak pek. Pu That Cin nih a fapa Pu Khua Lung cu "Cinkhua ah khan rak taang ulaw, kan hmunram kha rak hngak u" tiah bia a rak cah hna caah Pu Khua Lung le fale cu, Cinkhua khua ah khua an rak sa beh. Cucu Zaa Thang hrinphun Cinkhua khua ah umhmun khuar hram an thoking cu a si. Cucaah Pu Khua Lung le Pi Ṭial Khun nih an hrinmi fapa pathum hna hi, nihin Cinkhua Zaa Thang hrinphun cithlahtu cu an si.

13#. Pupa Min A Dotdot:

1. Pu Khua Lung

2. Pu Ram Thawn, Pu Khuk Pial, le Pu Tei Hmung

3. Pu Ceu Nawn, Pu Zaam To le Pu Tawk Zaam

Pu Khua Lung fapa Pu Ram Thawn: Pu Ram Thawn nih Kheng Lawt hrinphun chungmi Pu Hreng Cut fanu, Pi Zun Sing a ṭhit i fapa pathum a hrin hna: 1. Pu Ceu Nawn, 2. Pu Zaam To, le 3. Pu Tawk Zaam hna an si.

Pu Ram Thawn cu Rev. Sang Ling nih Khrih thawngṭha bia a chimmi a rak zumh i khrihfa ah a rak lut. Cu ruang ahcun hringtu a pa, Pu Khua Lung cu a lung a rak fak tuk hringhran i chiat a rak serh. Pu Ram Thawn cu Cinkhua hrinsor lakah, khrihfa a lut hmaisa bik a rak si; Pu Tei Ling he Rev. Sang Fen nih December 15, 1932 ah tipilnak a rak pek hna. Cucaah Pu Ram Thawn cu Cinkhua hrinsor kan tuanbia ah philh awk a ṭha lomi le Khrihfa phung chungah khuapi a kan hruaitu hmaisa upatmi kan pa pakhat a si.

Pu Khua Lung fapa Pu Khuk Pial: Pu Khuk Pial nih Hmaikhah khua Zaa Thang hrinphun chungmi, Pi Dawt Kir a ṭhit i tefa an ngeih hna nain an cutzat hlan ah an dihlak in an thih dih caah ciruang ngei lo, cimit ah a cang.

Pu Khua Lung fapa Pu Tei Hmung: Pu Tei Hmung nih Hranhring khua Bawi Khar hrinphun chungmi, Pi Hlei Pam a ṭhit i fanu pakhat, Pi Dei Par a hrin. Pu Tei Hmung cu fapa a hrin lo caah, cimit ah a cang ve.

A unau an ci an mih dih caah, Cinkhua Zaa Thang cu Pathian sal ṭha, Pu Ram Thawn cithlah lawnglawng hin karh hram an thok. A tanglei ahhin, Pu Ram Thawn cithlah cu, a dot tete in, kan hun langhter hna lai:

Pu Ram Thawn fapa Pu Ceu Nawn: Pu Ceu Nawn nih Rual Hleng hrinphun chungmi Pu Sang Hlun fanu, Pi Ui Thlia a ṭhit i fapa pahnih le fanu paruk a hrin hna: 1. Pu Nawl Cung, 2. Pu Biak Hnin, 3. Pi Zing Dei {Pi Zing Dei nih Thantlang peng Tlangpi khuapi mi, Pu Cuai Thang a vat i fanu pakhat, Pi Ngun Ṭha Len an hrin hnu ah thih ṭian in an ṭian. Pi Ngun Ṭha Len nih Pu John Win Cinzah a vat. An fale hna cu: 1. Pa Joseph Thang, le 2. Nu Tracy Dawt Len Par hna an si}, 4. Pi Rual Ken {Pi Rual Ken nih Sum Zuan hrinphun chungmi, Pu Tum Kio a vat~Sui Zi nu khi a si}, 5. Pi Sa Zing {Pi Sa Zing nih Ṭial Hup hrinphun chungmi Pu Bual Ceu fapa,, Pu Erh Ling a vat~Sang Hei nu kha a si}, 6. Pi Hram Pen {tleicia Pi Hram Pen nih Chun Tei hrinphun chungmi, Pu Mual Hlun a vat~Biak Hlawn nu kha a si}, 7. Pi Sui Hnem {Pi Sui Hnem nih Sum Zuan hrinphun chungmi, Pu Ceu Kam a vat~Pi Sung Cia nu a si. An pa he nung ṭian in an ṭian hnu ah, Al Hluan hrinphun chungmi Pu Aung Lin he an i um i atu hi an chungkhar in US ram ah khua an sa}, le 8. Pi Siang Len Ṭial {Pi Siang Len Ṭial nih Kawng Thun hrinphun chungmi Pu Tum Herh fapa, Pu Van Biak a vat~Pu Cung Thang hringtu nu khi a si. Atu cu an chungkhar in Australia ram ah khua an sa}, hna an si.

Pu Ceu Nawn hi A.D. 1950 hrawng ah Khrihfa phung ah a rak lut ve. Annih hi Pu Sang Tu, Pu Kilh Ling le Pu Tum Herh hna he Cinkhua khua ah thing-ah thiam hmaisa bik an rak si. Cinkhua hringsortu thing-ah a rak kan thiamtertu kan pale hna lakah aa tel vemi a si. Cun, Pu Kilh Ling le Pu Ceu Nawn hi Cinkhua khrihfabu ah Solfa a rak thiam hmaisami le biatak tein biaknak lei ah khuapi dirkamhtu pakhat an rak si caah Pu Ceu Nawn cu Cinkhua caah philh awk a ṭha lomi upat tlaak kan pa pakhat a si. Cun, annihhi mi sakap rak si kaw, Cinkhua khua chungah Funglu a luhpi hmaisatu kan pa pakhat a si.

Pu Ceu Nawn fapa Pu Nawl Cung: Pu Nawl Cung nih Za Hre hrinphun chungmi Pu Tei Tiam fanu, Pi Hlawn Iang a ṭhit i fapa pakhat le fanu pali a hrin hna: 1. Pu Thla Peng, 2. Pi Ngun Iang Len {Pi Ngun Iang Len nih Rual Hleng hrinphun chungmi Pu Lawm Bik fapa, Pu Abel a vat~Esther Van Ṭha Sui hringtu nu a si}, 3. Pi Sung Dei {Pi Sung Dei nih Ṭial Hup hrinphun chungmi Pu Erh Ling fapa, Rev. Kep Nawl a vat~Pa Nun Uk Thawng hringtu nu a si}, 4. Nu Sai Cer Men, 5. Pa Habat Rual Cung Lian, le 6. Nu Silvia Iang Tin Mawi hna an si.

Pu Nawl Cung fapa Pu Thla Peng: Pu Thla Peng nih Ruantlang khuami, Pi Zing Bawi Ṭial a ṭhit i fapa pakhat le fanu pahnih a hrin hna: 1. Nu Esther Ṭha Len Mawi, 2. Nu Bawi Ṭha Hniang, le 3. Pa Joseph Biak Cung Lian hna an si.

Pu Ceu Nawn fapa Pu Biak Hnin: Pu Biak Hnin nih Ceupa Chung Hrinphun chungmi Pu Kil Mang fanu, Pi Ni Sung a ṭhit i fapa pathum le fanu pakhat a hrin hna: 1. Pu Hei Mang, 2. Pu Mang Bik Lian, 3. Pu Rual Peng, le. 4. Pi Sui Thluai {Pi Sui Thluai nih Hakha khuami, saya Thawng Cung Nung a vat. An fale hna cu: 1. Nu Angel Zing Dawt Len, le 2. Nu Gracy Ngun Sui Hliang an si. Atu cu an chungkhar in Hakha ah khua an sa} hna an si.

Pu Biak Hnin fapa Pu Hei Mang: Pu Hei Mang nih Belhar khuami, Pi Biak Chin Ṭial a ṭhit fanu pakhat le fapa pakhat a hrin hna: 1. Pa Moses Biak Hlei Sang, le 2. Nu Hannah Sui Chin Par an si. An chungkhar in US ram ah khua an sa.

Pu Biak Hnin fapa Pu Mang Bik Lian: Pu Mang Bik Lian nih Ai Thang hrinphun chungmi Pu Hniar Hei fanu, Pi Par Ki le Hakha khuami Sayakyi Chiah Cung nih an hrinmi, Pi Sung Chin Par a ṭhit i fapa pahnih a hrin hna: 1. Pa Ceu Bik Lian, le 2. Pa Isak Lai Tin Hmung an si.

Pu Biak Hnin fapa Pu Rual Peng: Pu Rual Peng nih Hau Zaw hrinphun chungmi Pu Ceu Ṭhai fanu, tleicia Pi Hniang Hlei Sung a ṭhit i fapa pahnih a hrin hna: 1. Pa Philip Biak Peng Mang, le 2. Pa Victor Cung Lian Hup hna an si. Atu cu a fale he Australia ram ah khua an sa.

Pu Ram Thawn fapa Pu Zaam To: Pu Zaam To nih Sai Hma hrinphun chungmi, Pi Dar Cia {Pi Dar Cia cu Pu Zing Mawng chuahpi far a si} a ṭhit i fapa paruk le fanu pathum a hrin hna: 1. Pi Par Ṭial {Pi Par Ṭial nih Rual Hleng hrinphun chungmi Pu Tawk Hlun fapa, tleicia Pu Biak Cin a vat}, 2. Pi Tuan Pen {Pi Tuan Pen nih Kheng Lawt hrinphun chungmi Pu Sang Kian fapa, Pu Than Hnin a vat}, 3. Pu Bawi Nawl, 4. Pu Dar Cung, 5. Pu Biak Ceu, 6. Pu Thang Hlei, 7. Pu Kyaw Myint, le 8. Pu Tum Khar hna an si. Cun, Pu Zaam To nih Pi Sui Vang he fanu pakhat a hrin ṭhan: 1. Pi Biak Sung {Pi Biak Sung nih Khuk Zawn hrinphun chungmi Pu Lal Hlun fapa Pu Hrang Khar a vat}.

Pu Zaam To cu Cinkhua hrinsor nih kan i ngaihmi cathiam pakhat a si. Annih hi A.D. 1969 in Cinkhua hrinsor vialte caah lung caṭial hram aa thok. Lung cung caṭial hi mi poh nih thiam khawhmi thil a si lo; thiamnak sang pakhat a si. A.D. 1969 in naite tiang, Cinkhua hrinsor chung in a thimi, lungdonhmi le lung cung caṭial poh cu amah kut an si dih, ti awk a si. A thiamnak le thil tikhawhnak hmang in, Cinkhua hrinsor caah aa hmang i aa peemi upat tlaak kan pa pakhat a si.

Pu Zaam To fapa Pu Bawi Nawl: Pu Bawi Nawl nih Ceupa Chung Hrinphun chungmi Pu Kil Mang fanu, Pi Par Iang a ṭhit i fapa pahnih a hrin hna: 1. Pa Uk Lian Thawng, le 2. Pa Ṭial Kung hna an si.

Pu Zaam To fapa Pu Dar Cung: Pu Dar Cung {tleicia} nih Senthang peng, Hausen khuami Pi Dawt Iang a ṭhit i fanu pahnih a hrin hna: 1. Nu Ṭha Tin Sung, le 2. Nu Grace Sui Pen Iang hna an si. Pu Dar Cung cu, ruah lopi in, Malaysia ram kuli rian a ṭuannak ah mual a liam.

Pu Zaam To fapa Pu Biak Ceu: Pu Biak Ceu nih Kheng Lawt hrinphun chungmi Pu Hrang Tum fanu, Pi Mang Cia a ṭhit i fapa pakhat le fanu pakhat a hrin hna: 1. Pa Bia Za Lian, le 2. Nu Zai Tin Rem hna an si. Nung ṭian in an ṭian hnu ah, Pu Biak Ceu nih nupi dang, Pi Siang Tin Par a ṭhit ṭhan i fapa pahnih le fanu pakhat a hrin ṭhan hna: 1. Pa David Bawi Lian Thawng, 2. Nu Esther Zing Ṭha Par, le 3. Pa Paul Van Nun Sang hna an si.

Pu Zaam To fapa Pu Thang Hlei: Pu Thang Hlei nih Falam peng Lumbang khuami, Pi Thawng Ngun Rem a ṭhit i fapa pakhat le fanu pahnih a hrin hna: 1. Pa Van Cung Thawng, 2. Nu Nancy Laldinpuii, le 3. Nu Malsawmzuali hna an si. Atu hi an chungkhar in Mizoram ah khua an sa.

Pu Zaam To fapa Pu Kyaw Myint: Pu Kyaw Myint nih Mizoram mi, Pi Ruatkimi a ṭhit i fapa pakhat a hrin: 1. Pa Kelipa a hrin. A nupi he nung ṭian in an ṭian hnu ah, India miphun ṭhiam a simi, Pi Raveena Zoramthangi a ṭhit ṭhan i fapa pakhat le fanu pakhat a hrin ṭhan hna: 1. Nu Sophia Hmangaihsangi, le. 2. Pa Simi Lallawmawma hna an si. Atu cu an chungkhar tein Mizoram ah khua an sa.

Pu Zaam To fapa Pu Tum Khar: Pu Tum Khar nih Hmaikhah khuami, Pi Dar Cia a ṭhit i fanu pahnih le fapa pahnih a hrin hna: 1. Nu Marry Ni Hnem Par, 2. Pa Mang Chum, 3. Nu Elly Sui, le 4. Pa Pilip Van Za Awi hna an si.

Pu Ram Thawn fapa Pu Tawk Zaam: Pu Tawk Zaam nih Khup Zawn hrinphun chungmi, Pi Dei Thluai a ṭhit i fapa pathum le fanu panga a hrin hna: 1. Pi Mah Hmen {Pi Mah hnem nih Hmaikhah khuami, Pu Mang Hei a vat. An fale hna cu: 1. Pa Kap Lian Hmung, 2. Nu Hoi Sung Zi, 3. Pa Than Kung, 4. Pa Bawi Bik, 5. Pa Za Hei Lian, 6. Nu Van Hnem Par, le 7. Pa Van Tin Uk an si}, 2. Pu Mual Awi, 3. Pu Tawk Thang, 4. Pu Hram Hlei, 5. Pi Biak Nawn {Pi Biak Nawn nih Thantlang khuami, Pu Van Biak Lawm a vat}, 6. Pi Hnem Iang {Pi Hnem Iang nih Thantlang peng, Vanzang khuami, Pu Bawi Naih Thawng a vat i fapa pakhat, Pa Bawi Uk Sang an hrin. Atu cu an chungkhar in Malaysia ah an um}, 7. Pi Hoi Ki {Pi Hoi Ki nih Kheng Lawt hrinphun chungmi Pu Than Cung a vat}, 8. Ni Khen Iang {tleicia} hna an si.

Pu Tawk Zaam hi fimthiamnak sang ngeimi sihlah hmanhsehlaw, amah chan lio dirhmun ah rian ṭuan a zuammi, mi teima le khuasak tintuknak zongah mah le tawk in aa todelh vemi pa a si.

Pu Tawk Zaam fapa Pu Mual Awi: Pu Mual Awi nih Rual Hleng hrinphun chungmi Pu Tawk Hlun fanu, Pi Iang Pen a ṭhit i fanu panga le fapa pali a hrin hna: 1. Nu Ngun Meng, 2. Nu Biak Len Sung, 3. Pi Thluai Zi {Pi Thluai Zi nih Ceupa Chung Hrinphun chungmi, Pu Tluang Cung Mang a vat~Pa Biak ha Lian nu a si}, 4. Pi Biak Mawi {Pi Biak Mawi nih Pu Zaw Mai a vat}, 5. Pu Sang Bik, 6. Pa Cung Hlei Mang, 7. Nu Ni Tin Sung, 8. Pa Tluang Hnin Thang, le 9. Pa David hna an si.

Pu Mual Awi fapa Pu Sang Bik: Pu Sang Bik nih Za Hre hrinphun chungmi Pu Tawk Kham fanu, Pi Van Ṭha Sui a ṭhit i fapa pakhat le fanu pakhat a hrin hna: 1. Nu Emma ha Len Par, le 2. Pa Elbelt Bawi ha Thawng hna an si.

Pu Tawk Zaam fapa Pu Tawk Thang: Pu Tawk Thang nih Ceupa Chung Hrinphun chungmi Pu Kil Mang fanu, Pi Tin Iang a ṭhit i fapa pahnih le fanu pahnih a hrin hna: 1. Pu Ni Cung, 2. Pi ha Vang {Pi ha Iang nih Pu Cung Zel a vat}, 3. Nu Zung Hnem Ṭial, le 4. Pu Kip Lian hna an si.

Pu Tawk Thang fapa Pu Ni Cung: Pu Ni Cung nih Dauchin khuami, Pi Sui Ṭha Iang a ṭhit i fapa pakhat a hrin: 1. Pa Steven Ram Ceu Hnin a si.

Pu Tawk Thang fapa Pu Kip Lian: Pu Kip Lian nih Zokhua khuami, Pi Hniang Chin Ṭial a ṭhit i fanu pakhat a hrin: 1. Nu Prisilla Ngun ha par a si.

Pu Tawk Zaam fapa Pu Hram Hlei: Pu Hram Hlei nih Rual Hleng hrinphun chungmi Pu Chum wi fanu, Pi Cia Sung a ṭhit i fanu pali a hrin hna: 1. Nu Par Hlei Sung, 2. Nu Noami Van Sui Din, 3. Nu Bawi ha Zing, le 4. Nu Biak Tin Cer hna an si.

Hi Cinkhua Zaa Thang hrinphun tuanbia hi anmah hrinphun chungmi, Pu Zaam To le Pu Tawk Zaam nih an tuanbia an khomhsuatmi cherhchan in kan ṭialmi a si. Palh sualnak le tlamtlinlonak tampi a um kho zeicahtiah chan tampi a kal cangmi hrinphun a si caah le ca chan a rak si ve lo caah, felfai tein an hngalh khawh dih lomi tampi a um lai. Cucaah chambaunak le tlamtlinlonak a ummi tete kongah careltu kan dihlak nih theihthiamnak sangpi ngeih cio hna usih.

 

Fam Cun Hrinphun Tuanbia

Cinkhua Fam Cun hrinphun cu Mie Peng, Lung Hman khua in a rami kan si. Lung Hnam khua Fam Cun hrinphun chungmi, Pu Lian Ṭih nih Cinkhua Ceupa Chung Hrinphun chungmi, Pi Sia Kawr a rak ṭhit i Pu Lian Ṭih cu a nupi khua a simi, Cinkhua khua ah a chungkhar he umhmun an rak khuar. Cucu Cinkhua khua ah Fam Cun hrinphun umhram kan thokning a si. Pu Lian Ṭih le Pi Sia Kawr nih fanu pakhat le fapa pakhat an hrin hna: 1. Pu Hmun Mang le a farnu, Pi Ngun Cing an si.

14#. Pupa Min A Dotdot:

1. Pu Lian Ṭih

2. Pu Hmun Mang

3. Pu Tawk Mang

Pu Lian Ṭih fapa Pu Hmun Mang: Pu Hmun Mang nih Aive khuami Pi Sia Ceng a ṭhit i fapa pakhat le fanu pahnih a hrin hna: 1. Pu Tawk Mang, 2. Pi Thor Iang {Pi Thor Iang nih Khup Zawn hrinphun chungmi Pu Bil Thang fapa, Pu Lal Hlun a vat. Atu Pu Ca Ling le Pu Hrang Khar nu khi a si}, le 3. Pi Ṭha Chin {tleicia Pi Ṭha Cin nih Ai Thang hrinphun chungmi, Pu That Chum a vat. Tleicia Biak Hnem kha a si} hna an si.

Pu Hmun Mang cu A.D. 1936 kum ah Lai phung in Khrihfa ah a lut i tipilnak a ing. A.D. 1938 kum in Cinkhua khrihfabu ah chairman ṭuan hram aa thok i A.D 1974 kum tiang, Church chairman rian cu kum 36 chung a ṭuan. Cu hnu ahcun cozah nih khuabawi rian an rak khinh i kum hnih chung {A.D. 1965 in A.D. 1967} khuabawi a rak ṭuan. Pu Hmun Mang hi a chan lio ah, mifim, paṭhawng le khua nih bochan ngaingai mi pa a rak si.

Pu Hmun Mang fapa Pu Tawk Mang: Pu Tawk Mang nih Hau Zaw hrinphun chungmi Pu Hre Mang fanu, Pi Ni Thluai a ṭhit i fanu paruk le fapa pahnih a hrin hna: 1. Pi Ngun Par {Pi Ngun Par nih Thlan Tlang peng Thau khuami, Pu Ṭial Bik a vat. An fale hna cu: 1. Pi Zai Tin Rem, le 2. Pa Ṭial Cung Mang an si. Atu cu an chungkhar in Hakha ah khua an sa}, 2. Pi Mang Hliang Sung {Pi Mang Hliang Sung nih Hmawngtlang khuami, Pu Mang Kip Lian a vat. An fale hna cu: 1. Pa Benny Mang Ṭha Bawi, 2. Pa Ngun Hlei Mang, le 3. Nu Mang Hlawn Sung an si. Atu cu an chungkar in Hakha ah khua an sa}, 3. Pi Sui Khen Mang {Pi Sui Khen Mang nih Vomkua khuami, Pu Cung Thang a vat}, 4. Pi Cer Zi Mang {Pi Cer Zi Mang nih Hakha khuami, Pu Sang Uk Lian a vat. An fale hna cu: 1. Pa Thawng Ṭha Ceu, 2. Nu Van Dawt Sung, le 3. Pa Cung Thawng Mang hna an si. Atu cu an chungkhar in Yangon ah an um}, 5. Pu Ni Khar Mang {tleicia}, 6. Pu Tluang Ceu Mang {tleicia}, 7. Pi Ni Iang Mang {Pi Ni Iang Mang nih Thlualam khuami, Pu David Cinzah a vat i USA ah khua an sa}, le 8. Pi Mang Cuai aka Tiboih {Pi Mang Cuai nih Hakha khuami, Pu Henry Tluang Peng Hnin a vat. An fale hna cu: 1. Pa Sang Chin Lian, le 2. Pa Ausgustine Bawi Hmun Sang an si. An chungkhar in Hakha ah khua an sa} hna an si.

Pu Tawk Mang cu Cinkhua hrinsor lak ah cathiam hmaisa le cozah rian ṭuan hmaisa bik a si. Sianginn a kainak he pehtlai in a thih lai tiangah, “Pu Chia Hlun nih sianginn a rak ka kaiter” tiah Pu Tawk Mang nihhin a rak chim tawn. Annih hi, hlasak le solfa lei thiamnak a ngeimi a si caah Cinkhua mino hla le solfa cawnpiaktu hmaisa lei zong a si fawn. Khuapi chung in a thangmi le mifim cathiam a si caah, khuapi chung mifimthiam le bawi tampi nih theih hngalh ngaingai mi a si i Cinkhua khua zong an herhnak zawn tete ah, bawmhnak tampi a pe khotu kan pa pakhat a si. Cozah rianṭuannak in pensen a lak hnu ah, a umnak hmun Hakha, Dawr Thar sang ah khuabawi term 2 tiang pehzulh in a ṭuan. Cinkhua caah bochan tlaak pasal tha a si.

Pu Tawk Mang fapa Pu Tluang Ceu Mang: Pu Tluang Ceu Mang {tleicia} nih Aibur khua Sathin hrinphun chungmi, Pi Pen Hnem a ṭhit i fanu pahnih a hrin hna: 1. Nu Van Hnem Par {Sarah}, le 2. Nu Sui Ṭha Chin Mang {Isla} hna an si.

Pu Tluang Ceu Mang cu tanghra a awn dih hnu ah, Cinkhua Sianginn ah cachimtu saupi a rak ṭuanmi, suingun chawva, ruahnak le lungthin in, a ti khawh tawk, khua le miphun dirkamhtu pakhat a si. May 2009 ah America ram a phan i A.D. 2016 ah ah US citizenship a ngah. Ruah lopi in, cancer zawtnak nih a tlaak i amah kum 44 a si, June 13, 2020 mual a kan liam tak.

Pu Tawk Mang fapa Pu Ni Khar Mang {tleicia}: Pu Ni Khar Mang nih Dauchim khuami, Pi Dar Sung a ṭhit i fanu pakhat te a rauh taak. A fanu cu a min ah Pi Zing Hlawn a si. Atu Hakha ah a nu sinah khua a sa ve.

Cinkhua Fam Cun hrinphun tuanbia hi anmah hrinphun chungmi, Saya Tluang Ceu Mang {USA} nih a nun chungte ah, an tuanbia a  a khomhsuat takmi cherhchan in ṭialmi a si. Pupa chan cu ca chan a rak si lo caah an min le an sining tete, an sining taktak in ṭial khawh lomi zong tampi a um kho men. Cucaah chambaunak le tlamtlinlonak a ummi tete kongah careltu kan dihlak nih theihthiamnak sangpi ngeih cio hna usih.

 


Chun Tei Hrinphun Tuanbia

Chun Tei hrinphun cu Laimi hrinphun lakah hrinphun hlun le Chinram khua zakip ah umhmun a khuarmi hrinphun ngan an si caah, Chun Tei Hrinphun dihlak huap si loin kanmah Cinkhua Chun Tei Hrinphun Tuanbia te lawng, langhter khawh kan rak i zuam lai.

Cinkhua Chun Tei Hrinphun cu “Lungpi Chun Tei” tiah auhmi an si i an thawhkehnak Aive khua in a si. Cinkhua khua ah umhmun khuar hram an thokning cu aa dang nain, Cinkhua Chun Tei cu an dihlak in, "Lungpi Chun Tei kan si" tiah an ti. Cucaah Cinkhua khua ah Chun Tei hrinphun nih umhmun khuar hram an thok in, nihin tiang an tuanbia hun langhter khawh kan i zuam lai. Cinkhua khua ah Chun Tei hrinphun cu hmun hnih in an rak lut. Pakhatnak ah, Aive khua in Cinkhua khua ah umhmun a rak khuarmi, Pu Hrang Tlem hrinsor an si. Cun a pahnihnak ah, Hmaikhah khua in Cinkhua khua ah umhmun a rak khuarmi, Pu Ṭhio Ling hrinsor an si:

15#. Pupa Min A Dotdot:

1. Pu Hrang Tlem le Pu Ṭhio Ling

2. Pu Hrang Kip le Pu Thawng Hlun

#. Pu Hrang Tlem Hrinsor: Aive khua Chun Tei hrinphun, Pu Hrang Tlem nih fanu pahnih le fapa pakhat a hrin hna: 1. Pi Hniar Cer {Pi Hniar Cer nih Za Hre hrinphun chungmi Pu Dar Dun a vat~Mawng Miah Nu kha a si}, 2. Pi Hmet Sung {Pi Hmet Sung nih Pu Hram Luai a vat~Thla Vang nu khi a si}, le 3. Pu Hrang Kip hna an si. Pu Hrang Tlem fale pathum hi Aive khua in Cinkhua khua ah umhmun an rak khuar i cu hna cu, nihin Cinkhua Chun Tei an hrinsor cithlahtu an si.

Pu Hrang Tlem fapa Pu Hrang Kip: Pu Hrang Kip nih Ceupa Chung Hrinphun chungmi Pu Bual Hmung fanu, Pi Sui Iang a ṭhit i fapa paruk le fanu pakhat a hrin hna: 1. Pu Zam Ling, 2. Pu Cung Awi, 3. Pu Hram Awi, 4. Pu Biak Hmun, 5. Pi De Ki {Pi De Ki nih Senthang peng Dinlaupa khuami, Pu That Hu a vat~Mawite nu khi a si}, 6. Pu Ngun Kung {tleicia}, 7. Pa Than Chum {Pa Than Chum cu nupi ṭhit hlan ah Zarva tilian ah a rak paam}, le 8. Pa Hrang Nawn {Pa Hrang Nawn cu nupi ṭhit hlan ah Zarva tilian ah a rak paam} hna an si.

Pu Hrang Kip fapa Pu Zam Ling: Pu Zam Ling nih Ruang Tlang khuami, Pi Hawi Ṭial a ṭhit i fanu panga le fapa pakhat a hrin hna: 1. Nu Ni Tin Sung, 2. Nu Ngun Tang, 3. Nu Dawt Hnem Sung, 4. Nu Zing ha Men, 5. Nu Bawi Hnem Ṭial, le 6. Pa Biak Tin Uk hna an si.

Pu Hrang Kip fapa Pu Cung Awi: Pu Cung Awi nih Dinlaupa khuami, Pi Mang Neng a ṭhit i fanu pali le fapa pathum a hrin hna: 1. Pi Sui Hlawn {Pi Sui Hlawn nih Vantlang khuami, Pu Thawng Lian Mang a vat i an chungkhar in US ram ah khua an sa}, 2. Pi Zing Khen Sung {Pi Zing Khen Sung nih Ngalang khuami Pu Bawi Mang Lian a vat i an chungkhar in America ram ah khua an sa}, 3. Pu Daniel, 4. Nu Biak ha, 5. Pa Cung Thawng Hup, 6. Nu Biak ha Par, le 7. Pa Khamh Cung Sang hna an si.

Pu Cung Awi fapa Pu Daniel: Pu Daniel nih Hakha Farawn khuami, Pi Ṭial Din a ṭhit i fapa pahnih a hrin hna: 1. Pa Bawi Bik Thawng, le 2. Pa Uk Cung Lian hna an si. An chungkhar in Hantawady khua ah khua an sa.

Pu Hrang Kip fapa Pu Hram Awi: Pu Hram Awi nih Bawi Khar hrinphun chungmi Pu Za Kam fanu, Pi Ni Baang a ṭhit i fapa pahnih le fanu pakhat a hrin hna: 1. Pu Sui Awi, 2. Pa Za Hre, le 3. Pi Iang Len Sung {Pi Iang Len Sung nih Lungding khuami, Pu Van Naih Sang a vat} hna an si. Pa Za Hre cu nihin tiang nupi ṭhi lo in a um ko rih.

Pu Hram Awi fapa Pu Sui Awi: Pu Sui Awi nih Thantlang peng Tlangkhua khuami, Pi Dawt Hlei Ṭhai a ṭhit i fapa pakhat le fanu pahnih a hrin hna: 1. Pa Za Dawt Thang, 2. Nu Noami, le 3. Pi Zing Tin Ṭial hna an si. An chungkhar in Hantawady khua ah khua an sa.

Pu Hrang Kip fapa Pu Biak Hmun: Pu Biak Hmun nih Zaa Thang hrinphun chungmi Pu Ceu Nawn fanu, Pi Hram Pen a ṭhit i fanu pakhat a hrin: 1. Pi Biak Hlawn a si. {Pi Biak Hlawn nih Ai Thang hrinphun chungmi Pu Kilh Ling fapa, Pu Chan Cin Lian a vat i an chungkhar in Australia ram ah khua an sa}. Cu hnu ahcun, Sum Zuan hrinphun chungmi Pu Hram Dum fanu, Pi Far Khen a ṭhit i fapa pakhat a hrin ṭhan: 1. Pu Ṭha Bik Chun Tei a si.

Pu Biak Hmun fapa Pu Ṭha Bik Chun Tei: Pu Ṭha Bik Chun Tei nih Rual Hleng hrinphun chungmi Pu Bawi Cung fanu, Pi Sung Ṭial a ṭhit i fapa pakhat a hrin: 1. Pa Ram Lian Thawng a si. Atu cu an chungkhar tein Hakhua khuapi ah khua an sa.

Pu Hrang Kip fapa Pu Ngun Kung: Pu Ngun Kung {tleicia} nih Sum Zuan hrinphun chungmi Pu Siang Kung fanu, Pi Hniang Ki a ṭhit i fanu pakhat, Nu Dawt Hlei Sung a hrin. Nung ṭian in an ṭian hnu ah, Pu Ngun Kung nih Pi Ngun Iang a ṭhit ṭhan i fanu pahnih a hrin hna: 1. Nu Rose Van Cer Chin, le 2. Nu Vasty Hnem Par hna an si. Cun, Pu Ngun Kung nih Hmaikhah khuami, Pi Man Hliang he fapa pakhat, Pa Solomon a hrin ṭhan.

                              >>>>>>>>>>>>>>>>

#. Pu Ṭhio Ling Hrinsor: Hmaikhah khua Chun Tei hrinphun chungmi, Pu Ṭhio Ling fapa Pu Thawng Hlun cu Cinkhua khua ah umhmun a rak khuar i amah cu, nihin Cinkhua Chun Tei an hrinsor cithlahtu cu a si.

Pu Ṭhio Ling fapa Pu Thawng Hlun: Pu Thawng Hlun nih Khawngthun hrinphun chungmi Pu Sa Thak fanu, Pi Siang Cawng a ṭhit i fapa panga a hrin hna: 1. Pu Za Biak, 2. Pu Phun Hmung, 3. Pu Hrang Kham, 4. Pu Sang Awi, le 5. Pu Hrang Vung hna an si.

Pu Thawng Hlun fapa Pu Za Biak: Pu Za Biak nih Ṭial Hup hrinphun chungmi Pu Bual Ceu fanu, Pi Kilh Dei a ṭhit i fapa pathum a hrin hna: 1. Pa Tin Hre, 2. Pa Bawi Uk, le 3. Pa Tluang Awi hna an si. Annih hi an chungkhar in Hakha khuapi ah khua an sa.

Pu Thawng Hlun fapa Pu Phun Hmung: Pu Phun Hmung nih Hausen khuami, Pi Phaw Men a ṭhit i fanu pali le fapa pakhat a hrin hna: 1. Pi Man Thluai Zing {Pi Man Thluai Zing nih Rual Hleng hrinphun chungmi Pu Chiah Ling fapa, Pu Ram Cung a vat i atu cu an chungkhar in America ram ah khua an sa}, 2. Pi Iang Hnem Sung {Pi Iang Hnem Sung nih Hriphi khuami, Pu Phun Ceu Lian a vat i fanu pakhat, Nu Rosy an hrin. Atu cu an chungkhar in Malaysia ah khua an sa}, 3. Pi Sung Len Par {Pi Sung Len Par nih Kawng Thun hrinphun chungmi tleicia Pu Hrang Hlei fapa, Pu Van Mang a vat}, 4. Pi Monica Ni Sui Men {Pi Monica Ni Sui Men, nih Khuapi khuami, Pu Ram Chum Mang a vat. An fale hna cu: 1. Nu Mary Dawt Ṭha Hnem, le 2. Nu Emily Ram Ṭha Par an si}, le 5. Pa Simon Biak Cin Sang a hrin hna.

Pu Thawng Hlun fapa Pu Hrang Kham: Pu Hrang Kham nih Tinam khuami, Pi Par Tang a ṭhit i fapa pahnih le fanu pakhat a hrin hna: 1. Pa Tluang Ceu Hmung, 2. Nu Sui ha Par, le 3. Pa Zung Ceu Thang hna an si.

Pu Thawng Hlun fapa Pu Sang Awi: Pu Sang Awi nih Kawng Thun hrinphun chungmi Pu Tum Herh fanu, Pi Sai Hnem a ṭhit i fanu pahnih le fapa pakhat a hrin hna: 1. Nu Ṭial Din Sung, 2. Pa Cung Cin, le 3. Nu ha Tin Par hna an si. Annih hi, an chungkhar in America ram ah khua an sa.

Pu Thawng Hlun fapa Pu Hrang Vung: Pu Hrang Vung nih Vuangtu khuami, Pi Hlawn Tin Thluai a ṭhit fapa pathum a hrin hna: 1. Pa Thawng Cung Lian, 2. Pa Cung Ceu Sang, le 3. Pa Ram Tin Sang hna an si.

Hi Cinkhua Chun Tei hrinphun tuanbia hi a nung rihmi Cinkhua Chun Tei hringsortu Pu Hrang Tlem fanu, Pi Hmet Sung le Cinkhua tuanbia hlathlaitu kan pale hna chimmi cherhchan in ṭialmi a si. Palh sualnak le tlamtlinlonak tampi a um kho zeicahtiah ca chan a rak si ve lo caah, felfai tein an hngalh khawh dih lomi, zong an um kho sual ko. Cucaah chambaunak le tlamtlinlonak a ummi tete kongah careltu kan dihlak nih theihthiamnak sangpi ngeih cio hna usih.

 

Sai Hma Hrinphun Tuanbia

Cinkhua Sai Hma hringsortu kan pu bik cu Zokhua khuami, Pu Zung Er a si. Annih hi paṭhawng, le sakap a si caah Kawl inn-pilsimnak ah hmaisuang ah an rak chiah tawn, ti a si. Voikhat cu, innpil an simmi Kawl pawl cu an tei khawh hna lo caah an rak zaam i cu lio ahcun Kawl nih an rak thah, ti a si. A thih ahhin fapa pakhat te a rak rauh tak i amah cu a min ah Pu Zung Ceu a si. Pu Zung Ceu hi Zokhua in Cinkhua khua ah a rak pem. Cucu Cinkhua khua ah Sai Hma hrinphun khuasak hram kan thokning cu a si.

Pupa chan cu ca chan a rak si lo caah, Cinkhua Sai Hma hrinphun tuanbia kan ṭial tikah, kan hrinphun chung in atu a nung rihmi kan pale hna nih kan pupa hna sin in kan rak theih chinmi le khomhsuat khawh tawk cherhchan in kan ṭialmi a si:

16#. Pupa Min A Dotdot:

1. Pu Zung Er

2. Pu Zung Ceu

3. Pu Kil Dum

4. Pu Zing Mawng

Pu Zung Ceu nih fapa pakhat te a ngeih i a min ah, Pu Kil Dum a si. Pu Kil Dum nih fapa pakhat le fanu pathum a hrin hna: 1. Pi Dar Cia {Pi Dar Cia nih Zaa Thang hrinphun chungmi, Pu Zaam To a vat; tleicia Par Ṭial nu kha a si}, 2. Pu Zing Mawng {Zam Mang pa}, 3. Pi Fom Taang {Pi Fom Tang nih Ṭial Hup hrinphun chungmi, Pu Tawk Hmung a vat; Ṭial Khen nu khi a si}, le 4. Pi Sang Ṭial {Pi Sang Ṭial nih Za Hre hrinphun chungmi, Pu Sai Man a vat; Ṭial Dei nu khi a si} hna an si. Pu Zing Mawng fale hin, nihin Cinkhua Sai Hma cithlahtu karh hram an hun thok.

Pu Kil Dum fapa Pu Zing Mawng: Pu Zing Mawng nih Ceupa Chung Hrinphun chungmi Pu Lal Dun fanu, Pi Bual Vang a ṭhit i fapa 4 le fanu pahnih a ngeih hna. Cu hna cu: 1. Pu Zam Mang (USA), 2. Pi. Hlawn Kip Tlem {Mual Cin hrinphun chungmi, Pu Sang Kung a vat i USA ah khua an sa}, 3. Pi Mang Zi {Ṭihbual khuami, Pu David Nawl Tling a vat. An fale hna cu: 1. Pa Jeim Van Bawi Lian, 2. Pa Philip Bawi Ṭha Cung, le 3. Pa Daniel Van Nun Tling hna an si. Annih hi an chungkhar in America ram ah khua an sa}, 4. Pu Cung Lawm, 5. Pu Ṭha Peng, 6. Pu Uk Cung hna an si.

[Pi Bual Vang chuahpi unau hna cu: 1. Pi Par Thluai {Sai Ṭial nu}, 2. Pi Hram Ki {Iang Hlei nu}, 3. Pu Mual Hlun {Sui Cin pa}, 4. Pi Hniang Pawng {Za Tlem nu} hna khi an si].

Pu Zing Mawng cu A.D. 2016-2017 Cinkhua khua bawi a kan ṭuan piaktu a si. Annih hi a ti khawh tawk in khua le ram dirkamhtu kan pakhat a si.

Pu Zing Mawng fapa Pu Zam Mang: Pu Zam Mang nih Ṭial Hup hrinphun chungmi Pu Tum Hre fanu, Pi Hoi Ṭial a ṭhit i fapa pakhat, Pa Joseph Cung Mang Lian a hrin. Nung ṭian in an ṭian hnu ah, Pu Zam Mang nih Sum Zuan hrinphun chungmi Pu Kio Hnin fanu, Pi Iang Ki he fapa pakhat, Pa Andrew Ni Mang Lian a hrin ṭhan. Cu hnu ahcun, Pu Zam Mang nih Loklung khuami, Pi Iang Tin Thluai a ṭhit i fapa pakhat, Pa Jefery Van Ṭha Cung Mang a hrin ṭhan. Nung ṭian in an ṭian hnu ah, Vantlang khuami, Pi Ṭial Ṭha Par Mang a ṭhit ṭhan i fapa pathum a hrin hna: 1. Pa Steven Van Bawi Mang, 2. Pa Simon Phun Lian Mang, le 3. Pa Chastin Van Ro Mang hna an si. Atu cu an chungkhar in America ram ah khua an sa. Pu Zam Mang nihhin a dihlak ah fapa paruk a hrin hna.

Pu Zing Mawng fapa Pu John Cung Lawm: Pu John Cung Lawm nih Vantlang khuami, Pi Sui Par a ṭhit i fanu pakhat, Nu Irene Van Len Par a hrin. Atu cu an chungkhar in Malaysia ram ah an um.

Pu Zing Mawng fapa Pu Ṭha Peng: Pu Ṭha Peng nih Tidim pengmi, Sayama Cing Cing a ṭhit i fapa pahnih a hrin hna: 1. Pa Thawn Cin Sang, le 2. Pa Van Biak Lian an si.

Pu Zing Mawng fapa Pu Uk Cung: Pu Uk Cung nih Ceupa Chung Hrinphun chungmi Pu Hniar Mang fanu, Pi Ṭha Sung a ṭhit i fanu pakhat, Nu Tinnar a hrin.

Hi Sai Hma hrinphun tuanbia hi anmah hrinphun chungmi, Pu Zing Mawng nih an tuanbia a khomhsuatmi cherhchan in ṭialmi a si. Palh sualnak le tlamtlinlonak tampi a um kho zeicahtiah pupa chan cu, ca chan a rak si ve lo caah, felfai tein an hngalh khawh dih lomi le hrelh sualmi tete zong a um kho ko. Cucaah chambaunak le tlamtlinlonak a ummi tete kongah, careltu kan dihlak nih theihthiamnak sangpi ngeih cio hna usih.

 

Za Hre Hrinphun Tuanbia

Cinkhua Za Hre hrinphun tuanbia cu atu ah a nung rihmi Za Hre hrinphun kan pale hna nih, an pupa hna sin in an rak theih chinning le an an khomhsuat khawhmi cherhchan in ṭial a si. Hakha le Mang khua {kawl} an rak i tuk lio ahhin, Mang khua lei in an ralbawi ngan bik cu a min ah, Pu Bo Myat San a rak si. Ralbawi Bo Myat San le a ralkap pawl cu, Hakha he an i tuk chung vialte Cinkhua khua in an rak um, ti a si. Cu Mang ralkap pawl Cinkhua khua an rak um lio i ralvennak caah rong an rak lehmi zong nihin tiang ah Cinkhua nih "Miak Can Rong Leh" tiah kan ngeih peng ko rih khih. "Miak Can Rong Leh" timi cu Lung Tung varek chak in Lim chuahva dong karlak vialte khi a si.

Ralbawi Bo Myat San le a ralkap pawl cu Cinkhua khua ah kum thum hrawng an rak um, ti a si. Cu bantuk in Cinkhua khua i an rak um chung ahcun, Cinkhua Hau Zaw bawi Pu Hmung Lal farnu, Pi Hram Par he ṭhitumhnak tuah loin nau an rak pawi. Mang khua cu Hakha nih an rak tei hna caah, an khua lei ah an rak kir ṭhan. Cu an kir lio zong ahcun, ralbawi Bo Myat Sannih Cinkhua bawi cu "run ka thlah" tiah a rak ti caah Cinkhua nih an vun thlah hna i laksawng ah Dar Raang khap kua zong an rak pek hna, ti a si. Hi kong hi, Pu Hre Mang nih Cinkhua tuanbia a ṭialmi zongah a langhter ve. Sihmanhsehlaw Pu Hre Mang nihcun kha lio caan i Cinkhua Hau Zaw bawi cu, “Pu Ni Mang a rak si” tiah a ṭial. Za Hre hrinphun nih “Pu Hmung Lal” an timi le Pu Hre Mang nih a ṭialmi “Pu Ni Mang” ahhin zei min tu dah a hman deuh, timi cu hohmanh nih hngalh khawhmi a si ti lo.

Cinkhua in an kir hnu ah, Pu Bo Myat San cu "Cinkhua ah fapa na ngei" tiah thawng an hun thanh. Cucaah Pu Bo Myat San nihcun "ram lak ka vahveih lio caan i ka hrinmi a si caah ‘Ṭaw Lee’ {kawl holh a si caah a sullam cu ram lak vakmi tinak khi a si} tiah min a rak sak. Sihmanhsehlaw Cinkhua bawi, Pu Hmung Lal nih "Kawl min cukaa ziak lo, Cinkhua bawi ka si ve lo maw" tiah a rak ti i a tupa cu Za Hre, tiah min a rak sak. Cucu Za Hre hrinphun chungmi an thawhkehnak cu a si:

17#. Pupa Min A Dotdot:

1. Pu Za Hre

2. Pu Ui Zul le Pu Khen Thang

3. Pu Than Zing le Pu That Ve

4. Pu Dar Dun le Pu Tei Tiam

Pu Bo Myat San fapa Pu Za Hre: Pu Za Hre nih fapa pahnih a hrin hna: 1. Pu Ui Zul, le 2. Pu Khen Thang an si. Pu Za Hre cu Cinkhua Za Hre hrinphun vialte hringsortu an pu a si. Amah min cherhchan in nihin Za Hre hrinphun cu auhmi an si.

Pu Za Hre fapa Pu Ui Zul: Pu Ui Zul nih Pi Ṭial Pawng a ṭhit i fapa pakhat a hrin: 1. Pu Than Zing a si.

Pu Ui Zul fapa Pu Than Zing: Pu Than Zing nih Ai Thang hrinphun chungmi Pu Hniar Zik fanu, Pi Sung To a ṭhit i fapa pakhat le fanu pakhat a hrin hna: 1. Pu Dar Dun, le 2. Pi Hram Men hna an si. {Pi Hram Men cu Sum Zuan hrinphun chungmi, Pu Hniar Kam he an i um. Atu Pu Kil Hlun le Pi Sui Ṭial hna hringtu nu kha a si}.

Pu Than Zing fapa Pu Dar Dun: Pu Dar Dun nih Chun Tei hrinphun chungmi Pu Hrang Tlem fanu, Pi Hniar Cer a ṭhit i fapa pali le fanu pathum a hrin hna: 1. Pu Mawng Miah, 2. Pi Far Pen {Pi Far Pen nih Ceupa Chung Hrinphun chungmi Pu Bual Hmung fapa, Pu Ram Peng a vat. Ngun Zi nu khi a si}, 3. Pu Ceu Hu, 4. Pi Ngun Len {Pi Ngun Len nih Kheng Lawt hrinphun chungmi, Pu Hrang Hnuai a vat; Ni Meng nu khi a si}, 5. Pu Sai Man, 6. Pu Ral Uk {tleicia}, 7. Pu Thang Bik, le 8. Pi Tum Vang {Pi Tum Vang nih Rual Hleng hrinphun chungmi, Rev. Ngun Mang a vat} hna an si.

Pu Dar Dun cu A.D 1960 in A.D. 1964 tiang Cinkhua khuabawi a rak ṭuanmi a si. Pu Dar Dun hi Cinkhua mizapi thimnak tuah tein khuabawi a ṭuan hmaisa bik a si. A ṭuan chung ah, Cinkhua khua hlun Nanawn ah khin thing-ah in Primary Sianginn a rak sak i caanphio zong a rak cih. Annih hi fimcawnnak biapi ah a chia ngaingai mi Cinkhua hruaitu pakhat a rak si. Cachimtu saya/ma umnak bawda inn zong a rak sak piak hna. Cun, dum le hau tuah le fakpi in pawcawmnak rian ṭuan cio ding in khuami fakpi in thazaang a rak pek hna; coffee le theithu kung cinthlak zong biatak tein a rak forh hna. Cucaah Pu Dar Dun chan hnu in Cinkhua khua ah rawl vui le khuasak tintuk a ṭhangcho i rawl sawm te zong a tlung ee, tiah an ti tawn.

Pu Dar Dun fapa Pu Mawng Miah: Pu Mawng Miah nih Zokhua khuami, Pi Ngun Ci a ṭhit i fapa pahnih le fanu panga a hrin hna: 1. Pi Zing Len Sung {Pu Kip Lian a vat i  Malaysia ah an um}, 2. Pi Dawt Hlei Ṭial { Pi Dawt Hlei Ṭial nih Kalay khuami Pu Aung Soe Moe a vat i fapa pakhat, Pa Bawi Cung Nung an hrin}, 3. Pi Ni Din Sung {Pu Van Kung a vat. An fale hna cu: 1. Nu Marina Ngun Cer Chin, 2. Pa Tony Sang Bawi Lian, le 3. Nu Rachel Iang Khun Ṭial hna an si. Atu cu an chungkhar in US ram ah khua an sa}, 4. Pi Thla Tin Sung {Pi Thal Tin Sung nih Hakha khuami Pu Htay Win a vat. An fale hna cu: 1. Pa Biak Lian Thawng, 2. Pa Ro Han, 3. Pa Ro Nic, le 4. Pa Ra Jia hna an si}, 5. Pu Mang Suan Thang, 6. Pu Lian Cung Thawng, 7. Pi Biak Tin Mawi {Pi Biak Tin Mawi nih Buanlung khuami, Pastor Lian Tin Sang a vat. An fale hna cu: 1. Pa Solomon, le 2. Nu Van Biak Hnem an si} hna an si.

Pu Mawng Miah fapa Pu Mang Suan Thang: Pu Mang Suan Thang nih Pi Biak Rem Sung a ṭhit i tefa an ngei rih lo.

Pu Mawng Miah fapa Pu Lian Cung Thawng: Pu Lian Cung Thawng nih Pi Ṭial Zi a ṭhit i fanu pahnih le fapa pakhat a hrin hna: 1. Nu Kelly Ngun Ṭha Dim, 2. Pa Heaven Bawi Bik Thawng, le 4. Nu Dawt Ṭha Par hna an si. Annih hi an chungkhar in America ram ah khua an sa.

Pu Dar Dun fapa Pu Ceu Hu: Pu Ceu Hu nih Pi Ni Kip Ṭial a ṭhit i fapa pahnih le fanu pakhat a hrin hna: 1. Pa Bawi Hlei, 2. Pa Cung Biak Ceu, le 3. Nu Zing Ṭha Par hna an si.

Pu Dar Dun fapa Pu Sai Man: Pu Sai Man nih Sai Hma hrinphun chungmi, Pi Sang Ṭial {Pu Zing Mawng chuahpi farnu} a ṭhit i fanu pakhat le fapa pakhat a hrin hna: 1. Pi Ṭial Dei {Pi Ṭial Dei nih Ngaphaipi khuami, Pu Van Bawi Thawng a vat. An fale hna cu: 1. Pa Bawi Hlei Sang, le 2. Nu Van Nun Ṭha Sui an si. Atu cu an chungkhar in Hakha ah khua an sa}, 2. Pu Van Cung Hu hna an si.

Pu Sai Man fapa Pu Van Cung Hu: Pu Van Cung Hu nih Kheng Lawt hrinphun chungmi Pu Hrang Tum fanu, Pi Ngen Thluai a ṭhit fapa pahnih le fanu pakhat a hrin hna: 1. Pa Samuel Van Hrin Thang, 2. Pa Ṭha Lian Bawi, le 3. Nu Angle Sui Tin Sung a hrin hna. Pi Ngen Thluai he nung ṭian in an ṭian hnu ah, Pu Van Cung Hu nih Hakha khuami, Pi Ṭial Ṭha Fam a ṭhit ṭhan i fapa pakhat, Pa Chris Bawi Lian Ceu a hrin.

Pu Dar Dun fapa Pu Thang Bik: Pu Thang Bik nih Sum Zuan hrinphun chungmi Pu Chia Hlun fanu, Pi Sa Nawn a ṭhit i fanu pathum le fapa pahnih a hrin hna: 1. Pi Sui Hlawn {Pi Sui Hlawn nih Sum Zuan hrinphun chungmi Pu Hrang Ngam fapa, Pu David a vat i atu cu an chungkhar in America ram ah khua an sa}, 2. Pi Tin Cer Zi {Pi Tin Cer Zi nih Pu Jasham Yawhtung a vat}, 3. Nu Flavia Ngun Tha Par, 4. Pa Sang Bik Thawng, le 5. Pa Tluang Hre Lian hna an si.

Pu Za Hre fapa Pu Khen Thang: Pu Khen Thang nih Ṭial Hup hrinphun chungmi Pu No Al fanu, Pi Bil Thluai a ṭhit i fapa pakhat a hrin: 1. Pu That Ve a si.

Pu Khen Thang fapa Pu That Ve: Pu That Ve nih Rual Hleng hrinphun chungmi Pu Thau Thul fanu, Pi Far Har a ṭhit i fapa pakhat le fanu pakhat a hrin hna: 1. Pu Tei Tiam, le 2. Pi Cia Men {Pi Cia Men nih Sum Zuan hrinphun chungmi, Pu Ui Rawl fapa Pu Sang Kaan a vat. Pi Cia Men cu Hnem Khun nu a si} hna an si.

Pu That Ve fapa Pu Tei Tiam: Pu Tei Tiam nih Kawng Thun hrinphun chungmi Pu Hrang Zal fanu, Pi Dawt Hnem ṭhit i fanu pahnih a hrin hna: 1. Pi Tawk Zing {Pi Tawk Zing nih Sum Zuan hrinphun chungmi, Pu Sem Ceu a vat. Bawi Iang nu khi a si}, 2. Pi Rual Dei {Pi Rual Dei nih Kheng Lawt hrinphun chungmi, Pu Hrang Tum a vat. Mang Cia nu khi a si}. Nung ṭian in an ṭian hnu ah, Rual Hleng hrinphun chungmi, Pi Sui Vang a ṭhit ṭhan i fanu pakhat, Pi Tum Sung a hrin. {Pi Tum Sung nih Bawi Khar hrinphun chungmi, Pu Kap Hlau a vat. Bawi Thawng nu khi a si}. Nung ṭian in an ṭian hnu ah, Ceupa Chung Hrinphun chungmi Pi Khuang Caan a ṭhit ṭhan i fanu pakhat, Pi Hlawn Iang a hrin. {Pi Hlawn Iang nih Kawlpa, Pu San Aung he, Pi Dawt Cia Sung a hrin. Pi Dawt Cia Sung nih Zokhua khuami, Pu Van Hu a a vat. An fale hna cu: 1. Nu Bawi Ṭha Khen, 2. Nu Hrin Sung, le 3. Pa Van Lawm Sang hna an si. An chungkhar in Zokhua khua ah an um. Cun, Pi Hlawn Iang nih Zaathang hrinphun chungmi Pu Nawl Cung a vat. Thla Peng nu khi a si}. Nung ṭian in an ṭian hnu ah, Pu Tei Tiam nih Rual Hleng hrinphun chungmi, Pi Hniar Thlia a ṭhit i fapa paruk le fanu pathum a hrin hna: 1. Pi Thla Pen {Pi Thla Pen nih Ceupa Chung Hrinphun chungmi Pu Hniar Mang a vat. Peng Luai nu khi a si}, 2. Pi Ni Ca {Pi Ni Ca nih Sum Zuan hrinphun chungmi Pu Kil Hlun a vat. Ceu Tum nu khi a si}, 3. Pu Ceu Luai, 4. Pu Tawk Kham, 5. Pu Ṭuan Chum, 6. Pi Za Ṭial {Pi Za Ṭial nih Sum Zuan hrinphun chungmi Pu Ceu Kam a vat}, 7. Pu Duh Bik, 8. Pu Za Nawl, le 9. Pu Duh Lian hna an si.

Pu Tei Tiam fapa Pu Ceu Luai: Pu Ceu Luai nih Ai Thang hrinphun chungmi, Pi Hniang Ki a ṭhit i fanu panga le fapa pakhat a hrin hna: 1. Pi Ṭha Hlei Sung {Pi Ṭha Hlei Sung nih Khup Zawn hrinphun chungmi, Pu Biak Mang a vat}, 2. Pi Dei Vang {Pi Dei Vang nih Ṭial Hup hrinphun chungmi Pu Tum Hre fapa, Pu Ngun Mawng a vat}, 3. Pa Sang Bik Ceu, 4. Nu Ni Zi, 5. Nu Aliza, le 6. Nu Abigal hna an si.

Pu Tei Tiam fapa Pu Tawk Kham: Pu Tawk Kham nih Kheng Lawt hrinphun chungmi Pu Tum Awi fanu, Pi Biak Khen a ṭhit i fanu pakhat le fapa pali a hrin hna: 1. Pi Van Ṭha Sui {Pi Van Ṭha Sui nih Zaa Thang hrinphun chungmi Pu Mual Awi fapa, Pu Sang Bik a vat}, 2. Pa Ni Hmung, 3. Pa Duh Cung Mang, 4. Pa Van Dawt Mang, le 5. Pa Harvy hna an si.

Pu Tei Tiam fapa Pu Ṭuan Chum: Pu Ṭuan Chum nih Lung Hnam khuami, Khuk Lai hrinphun Pi Dar Chin a ṭhit i fanu pahnih a hrin hna: 1. Nu Zing Dawt Sung, 2. Nu Van Ṭha Cer hna an si.

Pu Tei Tiam fapa Pu Duh Bik: Pu Duh Bik nih Mizo nu, Pi Hriat Pui a ṭhit i fanu pahnih {phir} a hrin hna: 1. Pa Lal Chan Dam, le 2. Nu Lal Khaw Ngaih Sang an si.

Pu Tei Tiam fapa Pu Za Nawl: Pu Za Nawl nih Sum Zuan hrinphun chungmi Pu Mang Awi fanu, Pi Bawi Ṭial a ṭhit i tefa an ngei rih lo. Atu cu an chungkhar in Malaysia ah khua an sa.

Pu Tei Tiam fapa Pu Duh Lian: Pu Duh Lian nih Hmaikhah khua Ai Thang hrinphun chungmi, Pi Mang Len a ṭhit i fapa pakhat, Pa Biak Hu Lian a hrin.

Hi Cinkhua Za Hre hrinphun tuanbia hi anmah hrinphun chungmi, Pu Mawng Miah le Pu Thang Bik nih an tuanbia an khomhsuatmi cherhchan in ṭialmi a si. Palh sualnak le tlamtlinlonak tampi a um kho zeicahtiah chan tampi a kal cangmi hrinphun a si caah le ca chan a rak si ve lo caah, felfai tein an hngalh khawh dih lomi, tampi a um kho. Cucaah chambaunak le tlamtlinlonak a ummi tete kongah careltu kan dihlak nih theihthiamnak sangpi ngeih cio hna usih.

 

Bawi Khar Hrinphun Tuanbia

Cinkhua Bawi Khar hirnphun kan thawhkehnak tuanbia cu a tanglei bantuk hin a si. Hranhring khuami, Pu Than Hai nih fapa pahnih, 1. Pu Dap Er le Pu Hniang Reng a hrin hna. Pu Dap Er nih fapa pakhat, Pu Za Kam a hrin. Cun, Pu Hniang Reng nih fapa pakhat, Pu Ṭial Hmun a hrin ve. Pu Ṭial Hmun cu a ngakchiat liote ah a pa nih a rak thih tak i a nu, Pi Hlei Pam cu Cinkhua khua Zaa Thang hrinphun chungmi, Pu Tei Hmung he an rak i umh caah, Pu Ṭial Hmun cu a nu sinah Cinkhua khua ah a rak um ve. Pi Hlei Pam cu Dei Par nu a si. Pi Dei Par cu Hre Bik nu a si}. Phun dang in chim ahcun, Pi Dei Par le Pu Ṭial Hmun cu Pi Hlei Pam fale veve an si; nu khat pa dang. Cun Cinkhua khua ah Pu That Luai khuabawi a rak ṭuan lio, A.D 1970 kum ah khan, Pu Za Kam cu a chungkhat naihniam umnak Cinkhua khua ahcun a rak i ṭhial ve. Cucu Cinkhua khua ah Bawi Khar hrinphun umhmun khuar hram kan thokning cu a si. Cucaah Cinkhua Bawi Khar hrinphun cithlahtu cu Pu Za Kam le Pu Ṭial Hmun hna hi an si. A tanglei ahhin, Pu Za Kam tefa le Pu Ṭial Hmun tefa cu a changchang tein kan hun langhter hna lai:

Pu Dap Er fapa Pu Za Kam: Pu Za Kam nih Ruadeu khuami, Pi Sa Kawi a ṭhit i fanu pali le fapa pathum a hrin hna: 1. Pi Khuang Zing {Pi Khuang Zing nih Tinam khuami, Pu Lawng Lian a vat i fapa pathum le fanu pakhat a hrin hna: 1. Pu Van Bawi Cung, 2. Pu Tluang Cin, 3. Pu Than Za Kap, le 4. Pi Biak Ṭha Hnem hna an si. Atu cu an chungkhar in Tinam khua ah khua an sa}, 2. Pi Hlawn Tlem {Pi Hlawn Tlem nih Van Tlang khuami, Pu That Or a vat i fanu pali le fapa pakhat a hrin hna: 1. Pi Tluang Iang, 2. Pi Far Zi, 3. Pi Ṭial Cer, 4. Pi Ṭha Hlei Par, le Pa Ṭha Cung Thang hna an si. An chungkhar in Hantawady khua ah khua an sa}, 3. Pa Biak Kham {Pa Biak Kham cu nihin tiang nupi ngei lo in a um ko rih}, 4. Pi Dawt Hlem {Pi Dawt Thlem nih fanu pahnih a hrin hna: 1. Pi Run Tin Sung, le Nu Iang Hlei Par a hrin hna. An chungkhar in Hantawady khua ah khua an sa}, 5. Pi Ni Baang {Pi Ni Baang nih Ruan Tlang khuami, Pu Kap Hnin a vat i an chungkhar in Hantawady khua ah khua an sa}, 6. Pu Kap Hlau, le 7. Pu Thang Bik hna an si. Pu Za Kam nih a nupi hmaisa a thih hnu ah, Pi Khuang Caan a ṭhit ṭhan fanu pakhat, Pi Man Ki an hrin. {Pi Man Ki nih Hriphi khuami, Pu Thawng Ṭha Ceu a vat i fanu pakhat, Nu Iang Hlei Sung an hrin. Atu cu an chungkhar in USA ah khua an sa}.

Pu Za Kam fapa Pu Kap Hlau: Pu Kap Hlau nih Za Hre hrinphun chungmi Pu Tei Tiam fanu, Pi Tum Sung a ṭhit i fapa pahnih le fanu pakhat a hrin hna: 1. Pu Dar Peng, 2. Nu Ni Men, le 3. Pa Biak Hlei Thawng hna an si.

Pu Kap Hlau fapa Pu Dar Peng: Pu Dar Peng nih Thantlang peng Fungkah khua Khual Chawn hrinphun chungmi, Pi Sem Ci a ṭhit i fanu pahnih a hrin hna: 1. Nu Noami Biak Ṭha Sung, le 2. Nu Gracy Biak Mawi hna an si. Atu cu an chungkhar in Malaysai ram ah khua an sa.

Pu Hniang Reng fapa Pu Ṭial Hmun: Pu Ṭial Hmun nih Rual Hleng hrinphun chungmi Pu Ral Ling fanu, Pi Sa Thluai a ṭhit i fanu panga le fapa pathum a hrin hna: 1. Pi Ni Cia {Pi Ni Cia nih Ṭial Hup hrinphun chungmi Pu Sang Tu fapa, Pu Chiah Kung a vat~Van Lian nu khi a si}, 2. Pu Ceu Hlei, 3. Pi Sai Dei {Pi Sai Dei nih Rual Hleng hrinphun chungmi, Pu Thawng Awi a vat i tefa an ngeih hnu ah nung ṭian in an ṭian}, 4. Pu Khua Kam, 5. Pi Ni Ṭial {Pi Ni Ṭial nih Khup Zawn hrinphun chungmi, Pu Ṭuan Hei a vat~Za Thawng nu khi a si}, 6. Pu Ceu Awi, 7. Pi Mang Hnem {Pi Mang Hnem nih Hmawng Tlang khuami, Pu Cung Uk a vat. An fale hna cu: 1. Nu Siang Hnem Sung, 2. Pa Bawi Ṭha Thawng, le 3. Pa Thawng Ceu Lian an si. Atu cu an chungkhar in Hakha khua ah an um}, le 8. Pi Tawk Sung {Pi Tawk Sung nih Hakha khuami, Pu Ceu Ling Chum a vat i an chungkhar in Hakha khuapi ah khua an sa} hna an si.

Pu Ṭial Hmun fapa Pu Ceu Hlei: Pu Ceu Hlei nih Kawng Thun hrinphun chungmi Pu That Luai fanu, Pi Duh Thlia a ṭhit i fanu pahnih le fapa pahnih a hrin hna: 1. Pastor Cer Chin, 2. Nu Sung Khen Iang {Nu Sung Khen Iang nih Al Hluan hrinphun chungmi Pu Hre Kung fapa, Pu Hrang Kap Hnin a vat}, 3. Pa Van Ni Peng, le 4. Pa Khrih Lian hna an si.

Pu Ṭial Hmun fapa Pu Khua Kam: Pu Khua Kam nih Kheng Lawt hrinphun chungmi Pu Tum Awi fanu, Pi Bawi Thlia a ṭhit i fanu pali le fapa pahnih a hrin hna: 1. Nu Rosely, 2. Nu Dawt Khen, 3. Nu Desy, 4. Nu Sarah, 5. Pa Moses Thla Cung Lian, le 6. Pa Van Ṭha Bik hna an si.

Pu Ṭial Hmun fapa Pu Ceu Awi: Pu Ceu Awi nih Ai Thang hrinphun chungmi Pu Ni Hre fanu, Pi Zing Tin Ṭial a ṭhit i fanu pathum le fapa pakhat a hrin hna: 1. Nu Juely, 2. Pa Van Bawi Mang, 3. Nu Jenist, le 4. Nu Selina Nun Ṭha Sui hna an si.

Cinkhua Bawi Khar hrinphun tuanbia cu anmah hrinphun chungmi, Pastor Cer Chin le Pu Dar Peng nih an tuanbia an khomhsuatmi cherhchan in ṭialmi a si. Palh sualnak le tlamtlinlonak tampi a um kho zeicahtiah pupa chan cu, ca chan a rak si ve lo caah, felfai tein an hngalh khawh dih lomi tampi a um kho. Cucaah chambaunak le tlamtlinlonak a ummi tete kongah careltu kan dihlak nih theihthiamnak sangpi ngeih cio hna usih.

 

Hlawng Sang Hrinphun Tuanbia

Thlan Tlang peng Surngen khua in Hlawng Sang hrinphun chungmi Pu Vai Mang cu A.D 1981 kum ah Hantawady khua ah a rak pem. Pu Vai Mang fapa, Pu Thla Kam cu Handawady khua in Cinkhua khua ah A.D 1998 kum ah a rak phan i March 24, 2015 Cinkhua khua Kheng Lawt hrinphun chungmi Pu Hrang Tum fanu, Pi Mah Khin a ṭhit. Pu Thla Kam le Pi Mah Khin nih fanu pakhat, Nu Siang Hnem Sung an hrin. Atu cu an chungkhar tein Cinkhua khua ah khua an sa.

Cinkhua Hlawng Sang hrinphun tuanbia hi anmah hrinphun chungmi, Pu Pu Thla Kam nih an tuanbia a chimmi cherhchan in ṭialmi a si. Cucaah chambaunak le tlamtlinlonak a ummi tete kongah careltu kan dihlak nih theihthiamnak sangpi ngeih cio hna usih.

 

Sial Ling Hrinphun Tuanbia

Cinkhua khua ah Sial Ling hrinphun um hram aa thoknak hi naite in a si. Zokhua khua Sial Ling hrinphun chungmi, Pu Ral Chum nih Cinkhua Sum Zuan hrinphun chungmi, Pu Kil Hlun fanu Pi Hram Iang a ṭhit i an chungkhar in Cinkhua khua ah August 15, 2014 in umhmun khuar hram an i thok, Pu Ral Chum le Pi Hram Iang nih fanu pakhat le fapa pakhat an hrin hna: 1. Pa Ceu Za Lian, le 2. Nu Van Sui Men hna an si.

Cinkhua Sial Ling hrinphun tuanbia hi anmah hrinphun chungmi, Pu Ral Chum nih an tuanbia a chimmi cherhchan in ṭialmi a si. Cucaah chambaunak le tlamtlinlonak a ummi tete kongah careltu kan dihlak nih theihthiamnak sangpi ngeih cio hna usih.

 

 

Dal (6) Nak

Cinkhua Khua Uknak Tuanbia

Hika ahhin ramuk bawi chan lio Cinkhua khua uknak tuanbia thok in khuabawi chan hnu khuapi uknak le hruainak tuanbia banhphanh tawk in ṭial khawh kan i zuam lai. Kum caan saupi a kal cangmi thil an si caah an sining taktak in hngalh khawh ti lomi thil tampi an um lai. 

A. Ramuk bawi Chan

Ramsa an rak um lio in Taizaang chan a dongh tiang Cinkhua hrinsor chung in ramuk bawi a ṭuanmi Hau Zaw hrinphun an rak si. Hlan chan thil a si caah aho hmanh nih kha lio chan uknak a kalning le a sining taktak kan hngal kho dih lo. Hau Zaw hrinphun hi zeitindah Cinkhua ramuk bawi an chuahning a si, ti zong hi fiang tein hngalh khawhnak lam kan ngei lo. Sihmanhsehlaw a tlangpi in kan pupa chan ah, Chin miphun pengtlang le ramuk bawi hna cu khuaram tlaaktu sinak le fa upa sinak zulh deuh in a kalmi a si caah, Cinkhua Hau Zaw zong hi Kawl rawn in Chin ram an hung tlaak lio caan hrawng i kan pupa hna a rak uktu le hruaitu hna lak i pakhat khat cithlah an rak si ruang ah a si lai, tihi zumh a si. Zeibantuk ruang a si kan hngalh khawh lo zongah, Hau Zaw cu Cinkhua ramuk bawi an rak si, timi cu fiang tein kan hngalh dihmi a si.  Hau Zaw bawi hmanung bik a simi kan pa, Pu Hre Mang nih a ṭialmi cauk cherhchan in Taizaang um lio in kan Chin ram ah ramuk bawi chan a dongh kum, A.D. 1948 tiang Cinkhua khua ah ramuk bawi a ṭuanmi hna an min kan hun langhter lai:

1. Pu Hau Zaw

2. Pu Tin Thang

3. Pu Ṭial Kham

4. Pu He Khar

5. Pu Tluang Cin

6. Pu Hmui Lang  

7. Pu Ral Luai

8. Pu Mang Hniang

9. Pu Mang Vung

10. Pu Khen Tling

11. Pu Hniar Tling

12. Pu Ṭial Kung

13. Pu Pa Ṭhai

14. Pu Ṭial Cung

15. Pu Tei Luai

16. Pu Mang Hlun

17. Pu Ṭial Al

18. Pu Ni Mang

19. Pu Ung Kar

20. Pu Rung Nawn

21. Pu Hre Mang


B. Khua Bawi Chan

Hika ahhin ramuk bawi chan a dih i khuabawi chan aa thok sin in nihin ni tiang, Cinkhua khua ah khuabawi a ṭuanmi hna min le ṭuan kum kan hun langhter lai. Kan hngalh chih a herhmi pakhat cu, Pu Hre Mang hi ramuk bawi chan le khuabawi chan karlak a ummi a si. Ramuk bawi dirhmun in kum zeizat khua a rak uk manh tihi fiangfai in hngalh a si lo. Sihmanhsehlaw Pu Hre Mang nih “Cinkhua khua cu kum 23 chung ka hruai” a ti caah, a khuabawi ṭuan dongh kum A.D.1960 in hun tuak tikah ramuk bawi hi A.D. 1937 hrawng in ṭuan hram rak thok cang sehlaw a dawh. Ramuk bawi chan a dongh hnu ah, Pu Hre Mang nih Cinkhua khua cu khuabawi dirhmun in a hun hruai ṭhan. Cucaah Pu Hre Mang cu Cinkhua hrinsor caah, kan ramuk bawi hnu bik zong a si i kan khuabawi hmaisa bik zong a si fawn. A.D.1948 kum hi ramuk bawi dongh kum a si caah, khuabawi dirhmun in khuapi hruai hram aa thok cu A.D. 1948 kum in a rak si. A tanglei ah amah, Pu Hre Mang chan thok in, nihin tiang Cinkhua khuabawi a ṭuanmi hna min le ṭuan kum cio hun langhter khawh kan i zuam lai:

1. Pu Hre Mang: {A.D. 1948 – 1960}.

2. Pu Dar Dun: {A.D 1960 – 1967}. 

3. Pu Hmun Mang: {A.D 1967 – 198}. 

4. Pu That Luai: {A.D. 1968 - A.D. 1973}.

5. Pu Bual Ci: {A.D 1973 – 1975}.

6. Pu Chia Uk: {A.D 1975 – 1975}.

7. Pu Ui Phen: {A.D 1976 – 1980}.

8. Pu That Chum: {A.D 1980 – 1984}. 

9. Pu Mual Er: {A.D 1984 – 1988}. 

10. Pu Hniar Dun: {A.D 1988 – 1994}.

11. Pu Kio Hnin: {A.D 1994 – 1997}.

12. Pu That Cung: {A.D. 1997 – 2001}.

13. Pu Erh Ling: {A.D. 2001 – 2004}.

14. Pu That Cung (avoi hnihnak): {A.D. 2004 – 2006}.

15. Pu That Chum (avoi hnihnak): {A.D. 2006-2007)

16. Pu Hniar Hu: {A.D. 2008 - 2009}

17. Pu Hniar Mang: {A.D. 2009 - 2012}

18. Pu Biak Awi: {A.D. 2012 - 2016}

19. Pu Zing Mawng: {A.D. 2016 - 2017}.

20. Pu Bawi Cung: {A.D. 2017 -2020}



 

Dal (7) Nak

Cinkhua Fimcawnnak Kong

Hika ahhin Cinkhua hrinsor nih sianginn kan ngeih hlan in fimcawnnak lam kan rak khawih verhning le Cinkhua khua ah sianginn ngeih hram kan rak thoknak in nihin tiang Cinkhua fimcawnnak tuanbia langhter khawh kan i zuam lai. Cozah sianginn hmuh hlan le Cozah sianginn hmuh hnu, tiah ṭhen hnih in kan ṭhen lai.

A. Cozah Sianginn Hmuh Hlan

Cinkhua Private Sianginn cu A.D. 1951 kum ah rak thok le hman a rak si cang. Cozah bawmhnak tel bak loin khuami nih anmah thazaang tein an dirh i cu ticun, kum 3 chung an rak kalpi. Pu Hre Mang nih 2008 ah a rak ṭialmi "Cinkhua Tuanbia" chungah Cinkhua Sianginn a dirhnak kong fiang tein a ṭial. Annih hi Zokhua sianginn ah harsa tuk in sianginn a rak kaimi a si caah, Cinkhua khuami nih khua dang kal hau loin kanmah khuate ah sianginn kan kai khawh ve nakhnga, saduhthah nganpi le harsatnak tampi he a rak dirhmi a si. Zokhua sianginn in Laica tangli a dih hnu ah, Cinkhua bawi a rak sinak in kha lio cozah lei nawlngeitu vuanthok le zipeng sinah sianginn a rak hal hna. Sihmanhsehlaw kha lio kha parliament chan a rak si caah, inn 200 a tling lomi khua cu sianginn pek khawh a rak si lo. Cu lio ahcun, Cinkhua cu inn 50 lawng an si caah “sianginn pek awk nan ṭha lo” tiah an rak leh.

Cucaah Pu Za Hre Lian nih ruahnak a rak cheuhmi cu “nan kiangkap khua va sawm hna u law, khua hnih komh in sianginn kan in pek khawh hna lai” tiah a rak ti. Cuccah Pu Hre Mang nihcun, Pu Hmun Mang aa sawm i Hmaikhah khua cu “hmun khat ah i bawm usihlaw, kan karlak sakhi-bu tlaang ahhin sianginn sa hna u sih” tiah an rak sawm hna. Sihmanhselaw Hmaikhah khuabawi nih “Cinkhua ah sak si ko seh” tiah a rak leh hna i Hmaikhah khua innchungkhar pakhat nih inntung pakhat cio le ngaidi phor khat cio an rak bawmh hna i Cinkhua khua ah sianginn cu an rak sak. Cucu a voikhatnak Cinkhua Private Sianginn cu a si. Hmaikhah le Cinkhua i bawm in an rak sakmi sianginn te cu khuami thazaang tein kum 3 chung an rak kalpi hnu, A.D. 1954 ah cozah nih tangli sianginn an rak pek hna. Cucaah, Pu Hre Mang cu Cinkhua Private Sianginn kongah, philh awk a ṭha hrimhrim lomi kan pa pakhat a si. Kha lio caan ah, Cinkhua sianginn kilhkamhtu le ṭhihruaitu hna lakah, an min kan char khawhmi hna cu, Pu Lei Dun, Pu Hniar Cung, le Pu Kilh Ling hna an rak si.

Cinkhua nih private sianginn kan rak ngeih hlan chung vialte cu, Cinkhua hrinsor nih sianginn kai an duh ve ahcun, harsatnak tampi tuar in khua tluang ah rak kai a si. Pu Hre Mang hi Zokhua sianginn ah A.D. 1937 kum in sianginn kai hram aa thok i A.D. 1940 ah tangli a rak dih. Cun, Pu Do Zam cu Kawlram ah sianginn a rak kai i Kyawzua sianginn in A.D. 1960 kum hrawng ah tang sarih a rak dih cang. Cun, Pu Tawk Mang hi A.D. 1961 kum ah high school final a rak awng cang. Hi hna leng ahhin, Cinkhua nih sianginn kan ngeih hrimhrim hlan in, harsatnak tampi he, sianginn kai a rak i thok cangmi kan nule le pale zong an um rih kho men. Hi hna hi Cinkhua hrinsor caah fimcawnnak lam sial piaktu le lam hmuhsaktu kan pale an si; Cinkhua fimcawnnak tuanbia chim poh ah, philh awk a ṭha lomi an si.

May 5, 1951 zan ah kha lio khua bawi a rak simi, Pu Hre Mang nih aa bochanmi khua upa, Pu Hmun Mang {Ca Ling pu}, Pu Nam Kung {Siang Dun pa} le Pu Bual Hmung {Mual Kio pu} hna he avoi khatnak Cinkhua Private sianginn saknak ding kongah ṭuanvo phawtnak le rian suaisamnak meeting an rak tuah. Cu zan an biachahnak zulh cun, rian domhnak caah Pu Than Ceu {Dawt Zi pu} sinah khuapi nih phaisa Ks.259 an rak cawi i khuapi chungkhar pakhat nih cite cuai 15 cio an rak thawh hnu ah sianginn saknak rian cu an rak thok. An rak saknak hmun cu atu Cuantang Bualrawn chak deuh Pu Tum Herh {Ngun Nawl pa} inn hmun zawn ah khin a rak si. Khua hlun um lio a rak si ko nain khua thar ah kan i ṭhial kho zau rua lai tiah rak ruah a si caah i ṭhial ding ruahchannak he tlangkaa ah a tung pee 40 le a vang pee 20 in sianginn an rak sak hi a si. Avoi khatnak Cinkhua private sianginn saknak ca ahhin nihlawh 568 an rak chuak i a kam ah a ummi Celhtual chunhnak ah nihlawh 371 an rak chuak, ti a si. Hi lio ahhin Hmaikhah khuami nih a cungkhuh ngaidi in siseh, nihlawh in siseh, fakpi in an rak bawmh hna cu a si. Cu ticun lungrual tein tei an maak nak cu Pathian nih hlawhtlinnak a pek i A.D.1954 June thla in cozah tangli sianginn kai an rak thok khawh. Cukaa ahcun kum zeimazat sianginn cu rak kai a si. Sihmanhsehlaw ruahning bantuk in khua thar ah i ṭhial khawh a rak si lo caah A.D.1959 kum ah khua hlun Naanawn ah khin ṭhial ṭhan a rak si. Cucu Cinkhua private sianginn aa thoknak tuanbia cu a si.

B. Cozah Sianginn Hmuh Hnu

Cinkhua khuami nih teimaknak le zaanghlei cawinak nganpi he, anmah thazaang tein private sianginn kum thum tiang an kalpi mi cu, cozah nih a hun hmuh tikah, June 1, 1954 ah Cinkhua cu cozah tangli sianginn an rak pek hna. Cinkhua Sianginn nih aa thokkaa in nihin tiang, Sayakyi rian a ṭuanmi vialte an ṭuan kum record a tuahmi ah Cinkhua nih a hmaisa bik Sayakyi kan ngeihmi, “Sayakyi Hniar Chum cu June 1, 1954 in rian aa thok” tiah fiang tein a ṭial. Cucaah Cinkhua sianginn nih phungning tein, cozah pekmi Sayakyi ngeih hram kan rak thok cu June 1, 1954 ah a si, tihi felfai tein hngalh khawh a si. Atu A.D. 2022 in cun, cozah sianginn kan ngeihnak kum 68 a tling cang, tinak a si.

Cinkhua cozah tangli sianginn ah Hmaikhah khua in hmaisa bik a rak kaimi hna cu: Pu Dar Luai, Pu Kam Lo, Pu Lian Sang, Pu Chan Kam le Pu Cia Ung hna an rak si. Sihmanhsehlaw khuathar tlak cu saduhthah bantuk in a tlam a tlin khawh lo caah, Tlangka Sianginn cu A.D. 1959 kum ah khuahlun ah ṭhial ṭhan a rak si. Cu khuahlun, Naa Nawn sianginn ah sianguk rian a rak ṭuanmi hna cu:  1. Sayaci Lal Tu {1959-1965}, 2. Sayaci Ca Hmung {1965-1968}, le 3.  Sayaci Kawng Luai {1968-1970} hna an rak si. A.D. 1973 kum ah khuahlun in atu cuantang sianginn hmun ah khin kan sianginn cu ṭhial ṭhan a rak si.  Cun A.D. 1995 kum khua tungvang umtuning zoh chih in, atu kan sianginn umnak hmun ah khin ṭhial a rak si.

Laica tangli sianginn in kum saupi kan kal hnu ah, A.D. 1996-1997 cacawn kum ah, tang sarih sianginn {ciang-khuai} tiang Cozah nih an hun kan pek. Ciang-khuai dirhmun in tang sarih tiang cu kum saupi kar hlanpi a si hnu ah, khua nu khua pa thlacamnak le chunmang cu Bawipa nih a tlinter i Chin State cozah nih May, 2018 ah Middle School tling an kan pek.

Cu kan sianginn te cu Pathian nih thluachuahnak a pek i kanmah Cinkhua hrinsor lawng lo, kiangkap khua tete zong nih an rak kan fuh i Cinkhua ah sianginn an rak kai hna. Nihin tiangah, Cinkhua Sianginn nih bochan tlaak, cathiam le hruaitu tampi a hrin cang hna. Cinkhua hrinsor a kan sersiam lengah, Cinkhua sianginn nih kiangkap khua ca zongah ṭhatnak tampi a chuahpi ve. Tahchunhnak ah, atu ah Chin Christian University {CCU} ah cachim rian a ṭuanmi Sayama Biak Hlem nihkhin, “Cinkhua khua sianginn rak um hlah sehlaw hi dirhmun ka phan hnga lo” tiah interview an tuahnak tiangah a chim.

Cun Cinkhua fimcawnnak tuanbia ah philh awk a ṭha lomi thil phun dang deuh pakhat cu, Pi Ṭial Vang le Pu Erh Ling hna hi an si. Annih hi, khua caan a rak har lio ah pumpak zaanghlei cawinak le khawihverhnak in khua tluang ah khua caah a herh tukmi fimthiamnak a rak cawng i khuapi caah hmuh khawh awk tein an thiamnak a hmang khomi an si. Pu Erh Ling nih A.D. 1976 kum ah, ngandamnak lei cawnnak {Indigenous medical} cu Yangon in a rak dih. Cu hnu ah, A.D. 1983 kum ah LAB Science cu Mandalay in a rak dih ṭhan. Pi Ṭial Vang nih A.D. 1982 ah nauhrinnak le ngandamnak caah a herhmi cawnnak {Public Health Education on Midwifery Certificate} cu Mandalay in a rak dih ve ṭhan. Hi hna pahnih hi Cinkhua khua nih doctor thiamnak sang a ngeimi bantuk in kan i bochanmi hna le kan hmanmi hna an si. Pu Erh Ling hna hi cu, kiangkap khua vialte nih an zawt caan kip ah an fuhmi le an hmar ngeih ciomi, khuate sibawi dirhmun taktak tiang a phan.

Cinkhua Private Sianginn dirhnak kongah, Pu Hre Mang nih 2008 ah a rak ṭialmi "Cinkhua Tuanbia" cauk chungah a ṭialning tein a tang ah ka hun langhter lai: "Cinkhua i sianginn a rak um lo caah Zokhua ah sianginn ka rak kai. Kan riah caw a dih caah voikhat cu Zokhua in Cinkhua ah riah caw lak ding in kan rak tlung. Dongpi kan phanh tikah dongpi ti cu a rak lian tuk hringhran. Mui tiang kan hngah i ti a zawr hlei lo caah zei ti awk ṭha tiah Zokhua lei ah kan rak kir ṭhan. Cu lio Zokhua sianginn kan saya cu, Saya Zo Mawng a rak si. A thaizing cu chun hnu in Hmaikhah khuami Pu Vak Lai he Mangnu khua lei in Cinkhua ahcun kan rak kal ṭhan. Lawng riahnak hmun an timi kan phanh ah khin, khua kan rak mui. Ruahpi nih le fak tuk in a sur fawn caah kalnak kan rak hngal ti lo; zan khua dei ruahsur lak ahcun dir buin kan rak um. Zanmang khuapit ton taktak te khi kan rak si ko. A thaizing dei ma, dei loin Cinkhua lei ahcun kan rak kal ṭhan. Cu lio ahcun, zeitluk in dah sianginn ngeih kan herh, timi ka thinlung ah fakpi in a rak chuak; sianginn ka dih sin in a hmaisa bik ah Cinkhua ah sianginn kan dirh lai, tiah chunmang manh hram kaa rak thok. Sianginn cu ka hun dih i vuanthok le zipeng ka len hna nain cu lio cu parliament chan a rak si caah inn 200 a tling lomi cu sainginn pek khawh a rak si lo caah nannih Cinkhua cu inn 50 lawng nan si caah sianginn pek awk nan ṭha lo tiah an rak ka ti. Pu Za Hre Lian ka rak ton i “nan kiangkap khua va sawm hna u law khua hnih komh in sianginn kan in pek hna lai” tiah an rak kan ti. Cucaah Tawk Mang pa kaa sawm i Hmaikhah cu “kan karlak sakhi-bu tlang ah sianginn kan sak lai” tiah kan rak sawm hna. An khuabawi nih “Cinkhua ah sak si ko seh” tiah a rak kan ti i innchungkhar pakhat nih tung pakhat cio le ngaidi phor khat cio an rak kan bawmh i Cinkhua ah sianginn cu kan rak sak. Kanmah tein kum 3 kan kal hnu ah cozah nih June 01, 1954 ah tangli sianginn an kan pek” tiah a ṭial.

C. Middle School Hmuhnak

A.D.1995 kum in Cinkhua khrihfabu hruainak in Private Middle School cu rak thok a si. Cu lio caan ah khuabawi a ṭuanmi cu Pu Kio Hnin a si. Cinkhua Baptist Church ah chairman a ṭuanmi cu Pu Hrang Cem a si i Church pastor cu, Rev. Bual Sang a rak si. Cinkhua nih private middle sianginn cachimtu ah an rak hlan hmaisa bikmi cu, Malsawm khuami Pu Tluang Pum fapa, Saya Than Hre {Chin Brothers, USA} a rak si. Kum zeimazat chung cu siangcachim thla hlawh zong Khrihfabu nih a rak pek. Khrihfabu ah pekchanhmi Satil, le rawl hlu tiang hmang in Cinkhua Private Middle School cu khrihfabu nih a rak dirkamhmi a si. Caan zeimazat a hung kal hnu ah, khuabawi hruainak in khuapi nih thawhbur in siangcachim thlahlawh cu pek a hung si. 

Private Middle School an rak thok kum ahhin, Cinkhua sianginn in tangli a awngmi hna pehzulh in tangnga hun kainak tiang lawng siloin Hakha ah tangruk a kai cangmi minung paruk hna zong Cinkhua sianginn thar ahcun kai ding in nawl an rak si. Cu ticun, middle sianginn thok kum ah tangnga siangngakchia minung 22 le tangruk siangngakchia minung 6, an dihlak ah siangngakchia 28 an rak si.

Cu ticun cozah tangli sianginn le private middle school in kum sau nawnpi kan kal hnu, A.D. 2006-2007 cacawn kum ah cozah nih Mu-lun Sianginn an kan pek. Sihmanhsehlaw siangcachim cu cozah nih an kan pek chih khawh lo caah, khuami nih mah thazaang tein siangcachim cu hlan a rak si rih. Mu-lun sianginn in kum caan saupi kan kal hnu, A.D. 2015 kum ah cozah Middle School {ciang-khuai} in a hun kan pek. Middle School {ciang-khuai} hmuh hnu zongah, cozah siangcachim tlamtling in an kan pek khawh hlei lo caah khuami thazaang ṭhiamṭhiam in caan zeimazat chung cu siangcachim hlan an si rih. Khuanu khuapa thlacamnak Bawipa nih a theih i May 2018 ah Chin State cozah nih Middle School tling cu a hun kan pek.

A hnu bik Cinkhua Sianginn building cu UNDP bawmhnak in a tlanglei tlaakrawh, a chunglei thingah in A.D 2003 ah dot hnih in rak sakmi a si. Cu sianginn hmantlak cu kan tuanbia cauk a phaw hnulei i cuantermi khi a si. Kum 17 tluk hman a si hnu A.D 2020 kum ahcun, thlen lo awk ṭha loin a rak rawkral. Cucaah Cinkhua khuabawi, Pu Bawi Cung hruainak in NLD cozah sin ah bawmhnak hal a si i 100ft x 30ft ṭeih inn dot hnih saknak ding caah, Ks. 280000000/- budget thlak piak kan rak si. Lungtling a si khun nak cu, kanmah Cinkhua fanau Pi Za Ki nih ngeihmi, Chin Family Company Limited nih contract an tlaih i lungtling tein kanmah Cinkhua fanau nih an kan sak piak. Ralkap nih rampi uknak an lak le rampi buaibai he aa tong nain contract tlaitu hna nih khuaram dawtnak lungthin he aa lim tiangte pehzulh tein a dih tiang an kan ṭuan piak. An cungah Cinkhua khua nih lunglomhnak roca kan ṭial.Tlamtling tein kan sianginn sak lim a si caah March 12, 2022 ah khuapi nih sunglawi taktak in lunglomh thlacamnak puai zong an tuah.

D. Cinkhua Sianginn Sianguk Rianṭuantu Hna

Cinkhua ah tangli sianginn private in an rak dirh hi A.D. 1951 ah a si i cu caan thok cun, Cinkhua sianginn ah sianginn sianguk le siangcachim phunphun an i thleng hna. Atu ahcun, siangcachim a ṭuan balmi cu an dihlak in, langhter khawh dih an si ti lo; sihmanhsehlaw Cinkhua sianginn ah phungning tein sianguk {sayakyi} rian a ṭuan balmi vialte min cazin le ṭuan kum cu, Cinkhua sianginn nih a ngeihmi record ning in kan hun langhter lai:

1. Sayaci Hniar Chum: Sayaci Hniar Chum hi a voi 1st nak Cinkhua sianguk a si. Annih hi, June 01, 1954 in Cinkhua sianginn sianguk rian ṭuan hram aa thok i March 31, 1959 tiang a ṭuan.

2. Sayaci Lal Tu: Sayaci Lal Tu hi a voi 2nd nak Cinkhua sianginn sianguk ṭuanmi a si. Annih hi, June 01, 1959 in sianguk rian ṭuan hram aa thok i March 31, 1965 tiang a ṭuan.

3. Sayaci Ca Hmung: Sayaci Ca Hmung hi a voi 3rd nak Cinkhua sianginn sianguk ṭuanmi a si. Annih hi, June 01, 1965 in sianguk rian ṭuan aa hram aa thok i March 31, 1968 tiang a ṭuan.

4. Sayaci Kawng Luai: Sayaci Kawng Luai hi a voi 4th nak Cinkhua sianginn sianguk ṭuanmi a si. Annih hi, June 10, 1968 in sianguk rian ṭuan hram aa thok i March 31, 1970 tiang a ṭuan.

5. Sayaci Ṭial Awi: Sayaci Ṭial Awi hi avoi 5th nak Cinkhua sianginn sianguk rian ṭuanmi a si. Annih hi, June 01, 1970 in sianguk rian ṭuan hram aa thok i March 31, 1973 tiang a ṭuan.

6. Sayaci Uk Luai: Sayaci Uk Luai hi avoi 6th nak Cinkhua sianginn sianguk ṭuanmi a si. Annih hi, May 26, 1973 in sianguk rian ṭuan hram aa thok i March 31, 1975 tiang a ṭuan.

7. Sayaci Lal Tu: Sayaci Lal Tu hi avoi hnihnak Cinkhua sianguk rian ṭuan aa nolhmi a si. May 22, 1975 in sianguk rian ṭuan hram aa thok ṭhan i March 31, 1984 tiang a ṭuan.

8. Sayaci Van Peng: Sayaci Van Peng hi a voi 7th nak Cinkhua sianginn sianguk ṭuanmi a si. Annih hi, July 05, 1984 in sianguk rian ṭuan hram aa thok i March 31, 1986 tiang a ṭuan.

9. Sayaci Thla Peng: Sayaci Thla Peng hi avoi 8th nak Cinkhua sianginn sianguk ṭuanmi a si. Annih hi, June 15, 1986 in sianguk rian ṭuan hram aa thok i June 10, 1989 tiang a ṭuan.

10. Sayaci Tei Mawng: Sayaci Tin Mawng hi avoi 9th nak Cinkhua sianginn sianguk ṭuanmi a si. Annih hi, June 17, 1989 in sianguk rian ṭuan hram aa thok i May 05, 1991 tiang a ṭuan.

11. Sayaci Chiah Cung: Sayaci Chiah Cung hi avoi 10th nak Cinkhua sianginn sianguk ṭuanmi a si. Annih hi, June 01, 1991 sianguk rian ṭuan hram aa thok i October 10, 1994 tiang a ṭuan.

12. Sayaci Hrang Hre: Sayaci Hrang Hre hi avoi 11th nak Cinkhua sianginn sianguk ṭuanmi a si. Annih hi, January 24, 1994 in sianguk rian ṭuan hram aa thok i June 01, 2015 tiang a ṭuan.

13. Sayaci Zing Hu: Sayaci Zing Hu hi avoi 12th nak Cinkhua sianginn sianguk ṭuanmi a si. Annih hi, August, 2016 in sianguk rian ṭuan hram aa thok i August 2018 tiang a ṭuan.

14. Sayamakyi Christina Par Sung: Sayamakyi Christina Par Sung hi avoi 13th nak Cinkhua sianginn sianguk rian a ṭuanmi a si. Annih hi, September 2018 in sianguk rian ṭuan hram aa thok i nihin tiang a kan ṭuan piak cuahmi rihmi a si.

E. Cinkhua Chungin Tanghra Awngmi Hna Le Awn Kum

Cinkhua hrinsor chung in tanghra a awng hmaisa bik cu, Pu Thawng Nawn a si. Annih hi, A.D. 1970 kum ah tanghra a rak awng cang. Pathian nih Cinkhua hrinsor thluachuah a kan pek i A.D. 1970 in atu A.D. 2020 karlak, kum 50 chungah minung tampi nih tanghra an kan awn piak cang. Cu hna cu, an min le an awn kum hna a tanglei ah Pu Ram Peng dairy cherhchan in kan hun langhter lai:

1. A.D 1970 in 1994 cacawn kum tanghra awngmi

1. Pu Thawng Nawn (1969-1970)

2. Pu Khar Nawn (1983-1984)

3. Pu Lawm Bik (1989-19900)

4. Pi Biak Hnem (1991-1992)

5. Pi Par Ki (1994-1995)

2. A.D 1996-1997 cacawn kum tanghra awngmi

1. Pastor Ngun Mang

3. A.D 1997-1998 cacawn kum tanghra awngmi

1. Pi Ngun Hlei Sung

2. Nu Ngun Sung

4. A.D 1999-2000 cacawn kum tanghra awngmi

1. Sayama Cer Ki

2. Sayama Sai Iang

3. Rev. Thawng Hlei Chum

4. Pi Cer Zi

5. A.D 2000-2001 cacawn kum tanghra awngmi

1. Pastor Cung Lian Thawng

2. Pu Thawng Cin

3. Pu Maung Maung

4. Pi Hlawn Sung

5. Pi Dawt Tin Sung

6. A.D 2001-2002 cacawn kum tanghra awngmi

1. Pi Dawt Cin Sung

2. Nu Ni Iang

3. Pi Taan Taan

4. Pi Aye Aye Myint

7. A.D 2002-2003 cacawn kum tanghra awngmi

1. Pa Van Peng Lian (tleicia)

2. Pu Hram Cung

3. Pu Salai Ṭha Bik

4. Pu Mang Bawi Uk

5. Nu Biak Zi

6. Pastor Biak Tin Sung

7. Nu Ni Iang (tleicia)

8. Pi Hlawn Par

8. A.D 2003-2004 cacawn kum tanghra awngmi

1. Pu Tum Cung Mang

2. Pu Peng Luai

3. Pi Ngun Bor

4. Nu Siang Tin Thluai

9. A.D 2004-2005 cacawn kum tanghra awngmi

1. Nu Ni HLei Iang

2. Nu Lal Than Mawi

3. Nu Hei Vang

4. Pa Sang Hnin Lian

5. Nu Mery

6. Pa Tin Za Uk

7. Pa Ngun Cung Ling

8. Pa Cung Nawl

9. Pa Van Ro Cung

10. Pu Thawng Ceu

11. Nu Esther Ṭha Tin Par

12. Pi Mang Hlawn Sung

13. Pi Thla Bor

14. Pi Sui Len Ṭial

15. Saya Ceu Tum

16. Pu Cung Hu

17. Sayaci Zing Hu

18. Pa Siang Cung (tleicia)

19. Pu Biak Peng

20. Pi Sui Khen

21. Pi Ni Len Thluai

22. Pu Cung Ling

10. A.D 2005-2006 cacawn kum tanghra awngmi

1. Nu Ni Hnem Par

2. Nu Biak Tin Mawi

3. Nu Dawt Chin Par

4. Pa Lian Peng Hu

5. Pa Thawng Ṭha Lian

11. A.D 2006-2007 cacawn kum tanghra awngmi

1. Nu Sung Zi

2. Nu Man Thluai Zing

3. Nu Ngun Tang

4. Pa Mang Za Chawn

5. Pa Ngun Cung Thang

6. Pa Able Van Cung Nung

12. A.D 2007-2008 cacawn kum tanghra awngmi

1. Nu Tluang Zi

2. Nu Ni Len Par

3. Pa Tawk Hu

4. Pa Tin Cung Uk

5. Pa Ṭha Tin Kung

6. Pa Za Peng Lian

13. A.D 2008-2009 cacawn kum tanghra awngmi

1. Nu Sung Ṭial

2. Nu Cer Chin Sung

3. Nu Essther Lyly

4. Nu Sui Meng Par

14. A.D 2009-2010 cacawn kum tanghra awngmi

1. Nu Sung Hnem

2. Nu Sung Cin Ṭial

3. Nu Tawk Zi

4. Nu Tin Cer Zi

5. Nu Mang Bawi Hluan

15. A.D 2010-2011 cacawn kum tanghra awngmi

1. Nu Sweeter Grace

2. Pa Tin Hre

3. Pa Sang Bik Bawi

4. Pa Van Sui Uk

16. A.D 2011-2012 cacawn kum tanghra awngmi

1. Nu Flavia Ngun Ṭha Par

2. Pa John Micheal

17. A.D 2012-2013 cacawn kum tanghra awngmi

1. Nu Ngun chin Ṭial (Distinction: Physic, Chemistry, Biology)

2. Nu Ṭial Ṭha (Distinction: Chemistry, Maths)

3. Nu Mornica

4. Pa Ngun San Aung

5. Pa Mang Bawi Thawng

 

18. A.D 2013-2014 cacawn kum tanghra awngmi

1. Nu Zung Ṭial

2. Nu Noami

3. Nu Dawt Chin

4. Pa Nawl Bik Sang

19. A.D 2014-2015 cacawn kum tanghra awngmi

1. Nu Ngun Thar Par

2. Pa Sang Bik Thawng

3. Pa Van Dawt hu

4. Pa Moses

5. Pa Van Lian Thawng

20. A.D 2015-2016 cacawn kum tanghra awngmi

1. Nu Lydia

2. Nu Dawt Hlei Sung

3. Nu Dawt Chin

4. Pa Cung Cin Thawng

5. Pa Biak Lian Thawng

6. Pa Solomon

21. A.D 2016-2017 cacawn kum tanghra awngmi

1. Nu Ngun Tang

2. Nu Ṭha Cer

3. Nu Ṭha Hlawn

4. Nu Bawi Chin Sung

5. Pa Ceu Cin Thang

6. Nu Anita Renh Cin Sung

22. A.D 2017-2018 cacawn kum tanghra awngmi

1. Pa Lian Hre

2. Nu Monica

3. Nu Sung Cin

4. Nu Par Cin Ṭial

5. Nu Ca Meng Par

6. Nu Sai Cer Men

7. Pa Ni Ceu Mang

8. Nu Par Hlei Sung

9. Nu Iang Chin (Dist: Baw-kah)

10. Nu Sui Tin Par

11. Nu Lydia Van Zi Sung (Dist: Maths)

12. Nu Van Nuam Sung

13. Nu Dawt Cin

14. Pa Biak Ṭha Hlei Cung {Dist: Biology, Chemistry, Myanmar, Math}.

23. A.D 2019-2020 cacawn kum tanghra awngmi

1. Nu Ram Len Par

2. Nu Zung Tin Rem

3. Nu Noami

4. Nu Zing Ṭha Men

5. Nu Irene

6. Nu Sui Cer

7. Nu Meriam

8. Pa Bawi Uk Cin

9. Nu Zing Ṭha Cin {4D}

10. Pa Biak Cin Sang

11. Nu Biak ha Hlawn {1D}

12. Pa Rhohan

 

F. Cinkhua Hrinsor Chung In Degree Laa Cangmi Hna

Pathian nih Cinkhua hrinsor thluachuah a pek i nihin ahcun, Bible lei he vawlei lei he degree laami fanau tampi kan ngeih ve cang hna. Kum fate degree laami minung i chap lengmang a si caah a tanglei i kan ṭialmi min cazin ahhin, degree a laa cang nain kan hngalh banh rih lo ruangah a min aa tel lomi zong kan um kho men. Hrelh sualmi kan um ahcun, theihthiamnak sangpi ngeih khawh cio ding in kan in nawl hna:

1. Vawlei Lei {Secular} Degree Laa Cangmi

Cinkhua hrinsor chung inmi tampi nih vawlei le {secular} degree kan lak cang. Bachelor degree in Doctor {MBBS} tiang kan lak cang. Cinkhua hrinsor ah B.Sc degree a la hmaisa bik hi, Pu Thawng Nawn {Australia} a si. Annih hi A.D. 1974 kum ah a rak dih. A tanglei hi Cinkhua hrinsor chung in secular degree a la cangmi hna an si:


1. Pu Thawng Nawn (B.Sc)

2. Pu Lawm Bik (B.A)

3. Rev. Khar Nawn {B.A}

4. Dr. Mi Mi Moses (MBBS)

5. Dr. Tracy Moses (B.Com.; CPA)

6. April Moses (ADB.; Dip. Acc.; Macc.; CPA.; B.Ph. Acc.; Master of Research; Ph.D on progress)

7. Pa Thawng ha Lian (B.A.; M.A)

8. Nu Sung Hnem (B.Sc.; M.Sc)

9. Pastor Hrambik Lian (MBA)

10. Pastor Ngun Mang (B.A)

11. Pastor Cung Lian Thawng (B.A)

12. Rev. Thawng Hlei Chum (B.A)

13. Pastor Ngun Hlei Sung (B.A)

14. Pu Thawng Ceu (BA)

15. Pa Van Peng Lian (Tleicia) (BA)

16. Pu Siang Cung (Tleicia) (BA)

17. Pa ha Tin Kung (BA)

18. Sayama Ni Len Par (BA)

19. Nu Dawt Cin Sung (BA)

20. Pu Hram Cung (B.Sc)

21. Pu Mang Bawi Uk (B.Sc)

22. Pu Biak Peng (B.Sc)

23. Sayagyi Zing Hu (B.Sc)

24. Pi Mang Bawi Hluan (B.A)

25. Sayama Esther Lyly (B.A)

26. Nu Flavia Ngun ha Par (B.Sc)

27. Pa Mang Za Chawn (B.A)

28. Pi Sung Zi (B.A)

29. Pastor Biak Tin Sung (B.A)

30. Pi Biak Tin Mawi (B.A)

31. Sayama Cer Ki (B.A)

32. Sayama Dawt Tin Sung (B.A)

33. Nu Sung Cin Ṭial (B.A)

34. Pa Tin Hre (B.Th.; B.E)

35. Pi Tin Cer Zi (B.A)

36. Nu Ni Hnem Par (B.Tech.; BE)

37. Pi Sui Len Ṭial (B.A Japanese; Dip. Acc; ACCA)

38. Nu Sweeter Grace (Nursing)

39. Pu Peng Luai (BA)

40. Pi Aye Myint (BA)                                   

41. Sayama Cer Ki (B.A)

42. Sayama Dawt Tin Sung (BA)

43. Pi Tan Tan (BA-education)

44. Sayama Ni Iang (tlei cia)-(BA)

45. Nu Biak Zi (B.Tech)

46. Pa Robert Van Ni (Diploma/Music)

47. Salai Ngun San Aung (B.A)

48. Pa Biak ha Cung (Diploma/Music)

49. Pu Tin Cung {Diploma of Interpreting and Translating}

50.  Pi Sung Ṭial {B.A.E}.


2. Bible Lei {Theology} Degree Laa Cangmi

Cinkhua hrinsor chung in mi tampi nih Bible lei degree zong an kan lak piak cang. Cinkhua hrinsor chung in Bible degree a laa hmaisa bik tu hi, Rev. Phun Zam a si. Nihin tiangah, Cinkhua hrinsor chung in Bible degree in Doctor a kan lak piak khotu pakhat hmanh kan um rih lo. A tanglei hi Cinkhua hrinsor chung in Theology degree a kan lak piaktu hna an si:


1. Rev. Phun Zam (Dip. Th.)

2. Rev. Khar Nawn (B.D)

3. Rev. Bual Sang (Dip.Th)

4. Pastor Ngun Mang (M.Div)

5. Pastor Cung Lian Thawng (M.Div)

6. Rev. Thawng Hlei Chum (M.Div)

7. Pastor Ngun Hlei Sung (B.Th)

8. Pastor Hram Bik Lian (M.Th)

9. Pastor Cer Chin (B.Th)

10. Pastor Kep Nawl (B.Th)

11. Pastor Sang Hei Lian (B.Th)

12. Pi Mang Hlawn Sung (B.Th)

13. Pastor Dawt Chum Ling (B.Th)

14. Pu Ṭhaceu Lian (M.Div)

15. Pa Ngun San Aung (B.Th)                           

16. Pa Khamh Cung Bawi (M.Div)

17. Pa Sang Ceu (B.Th)

18. Pastor Za Peng Lian (M.Div)

19. Pastor Lian Cin (Dip.Th)

20. Pu Tin Cung Uk (B.Th)

21. Pastor Biak Tin Sung (M.Div)

22. Pa Van Sui Uk (B.Th)

23. Saya Ceu Tum (B.Th)

24. Sayaci Zing Hu (M.Div)

25. Pi Za Tlem (B.Th)

26. Pi Mang Hliang (B.Th.; M.Div)

27. Saya Van Lian Thawng (B.Th)

28. Pa Zung Awi Thawng (M.Div)

29. Pu Ngun Hre Ling (Dip.Th)

30. Pastor Bawi Hup {B.Th}.

31. Pi Ni Ṭha Cin {Dip.Th}.

32. Pa Sang Bik Ceu {B.Th}

33.  Nu Zung Hnem Ṭial {B.T


G. Cinkhua Hrinsor Cozah rianṭuanmi hna

Hika ahhin Cinkhua hrinsor chungah cozah rian a rak ṭuan balmi hna le atu ah a ṭuan cuahmahmi hna langhter khawh kan i zuam lai. Kawlram cozah ralkap a ṭuanmi hna zong hi cozah nih thlahlawh pekmi an si ve caah cozah rianṭuanmi hna lakah kan langhter chih hna lai. {Ming Aung Hlaing nih uknak a lak hlan ta}.

A. Cozah rian a rak ṭuan balmi hna

1. Pu Tawk Mang {ta-mah}

2. Pu Thawng Nawn {sipin bawi}.

3. Pu Mawng Miah {sethmuh}

4. Pu Hrang Hre {siang sayaci}

5. Pu Hniar Hu {seihpuizi}

6. Pu Sem Ceu {pingngiazi}

7. Pu Hniar Luai {tit ṭaw}

8. Pu Dar Nawl {pingngiazi}

9. Pu Than Ci {meṭaing}

10. Pu Hrang Cut {ralkap}

11. Pu Tum Bau {ralkap}

12. Pu Hrang Ngam {ralkap}

13. Pu Thawng Hlun {ralkap}

14. Pu Tawk Kam {ralkap}

15. Pu Ngun Kam {ralkap}

16. Pu Vai Dun {ralkap}

17. Pu Chan Peng {ralkap}

18. Pu Chan Hre {ralkap}

19. Pu Lal Hlun {ralkap}

20. Pu Mang Hlun {ralkap}

21. Pu Mual Hlun {palek}

22. Pu Chan Nawl {palek}

23. Pu Thawng Zel {ralkap}

24. Pu Thla Kam {ralkap}

25. Pu Thang Nawl {ralkap}

26. Pu Zam Cung {ralkap}

27. Pu Kap Ling {ralkap}

28. Pu Za Ṭhio {ralkap}

29. Pu Bual Ci {ralkap}

30. Pu Hram Khar {ralkap}

31. Pa Biak Hlei Bawi {ṭhuai auh}

 

B. Cozah rian a ṭuan cuahmah liomi hna

1. Pu Lawm Bik {saṭaih}

2. Pu Mang Uk {ṭhuai-auh}

3. Sayama Cer Ki {siang lai run cachim}

4. Sayama Tan Tan {siang lai run cachim}

5. Sayama Ni Len Par {siang lai run cachim}

6. Sayama Ngun Tang {siang cachim}

7. Sayama Sui Tin Fom {pinngiazi}

8. Sayama Esther Ly Ly {siang cachim}

9. Saya Zing Hu {siang cachim}

10. Pi Dawt Cin Sung {saṭaih}

11. Pi ṬIal Dei {ṭhuai-auh}

12. Pi Ni Hnem Par {ṭhuai-auh}

13. Pu Peng Luai {ṭhuai-auh}

14. Pu Cung Hu {{ṭhuai-auh}

15. Lg. Sui Tin Par {ṭhuai-auh}

16. Pu Tawk Hu {keesezi}

17. Lg. Sweeter Grace {cianmazi}

18. Lg. Ṭial Ṭha {cianmazi}

19. Pu Ṭha Tin Kung {seihpuizi}

20. Pu John Micheal {hlawtdaw}

21. Pu Za Hre Hmung {mei that zung}

22. Pu Biak Ṭha Kung {mei that zung}

23. Pu Thawng Ling {ralkap}

24. Pu Zaw Bah {ralkap}

25. Pu Thla Hu {CNA}

26. Pu Hrang Kap Hnin {CAN}

27. Pu Za Mang Bik {CAN}

28. Pa Peng Awi {CNA} 


Dal (8) Nak

Cinkhua Khua Biaknak Kong

Hika ahhin, Cinkhua hrinsor nih Jesuh Khrih kan rak hngalh hlan i khuachia le khuahrum kip kan rak biaknak kong tete le Cinkhua khua ah khrih thawngṭha a luhning kong in nihin tiang, kan Pathian biaknak tuanbia tlamtling tein ṭial khawh kan i zuam lai.

A. Khrihfa Phung Hlan

Khrihfa phung a rak luh hlan ah Cinkhua hrinsor nih an zulhmi biaknak cu, khuahrum biaknak a rak si. Hihi a fawinak in Khuahrum biaknak tiah auh a si nain an rak biakmi taktak cu, lung le thing le hmunhma an rak si. Cucu Mirang nih animism an timi he hin aa naih ngaingai mi biaknak a si. Hi lio caan hi khuachia rianṭuannak mithmuh kuṭongh bak in, khuavang hmang i rak hmuh khawh chan a si caah, an biaknak kong hi tampi ṭial awk a um lai sihmanhsehlaw hi cauk ahhin cun, a tlangpi lawng in kan rak langhter lai. Cu bantuk khuahrum biak lio caan ahcun, Cinkhua hrinsor kan pupa hna nih a bik in biakmi le dohdanghmi khuahrum pali an rak ngeih. Khuahrum timi cu khuachia sin ah rai an rak thawinak hmun tinak a si ko.

1. Tisum Khuahrum: Hihi Taizaang um lio ah rak biakmi khuahrum a si. A hmun cu atu i Tisum tiah kan auhmi hmun ah khin a si. Kan pupa hna nih cu hmun ahcun Sia-pi in an rak biak.

2. Cerh Ceu khuahrum: Hihi Cinkhua tlaak hnu ah khuachia an rak biaknak hmunhma a si. Cerh Ceu cu Cinkhua khua hlun Cerh Ceu haipi hram hrawng khi a si. Hi hmun ahhin kan pupa hna nih Siapi in an rak biak ve.

3. Lungkhim khuahrum: Hihi hmun hi at Lim chuah va kan timi kam ah khin a si cu hmun ahcun kan pupa hna nih vokpi mei per in an rak biak ve.

4. Cintu khuahrum: Hihi Cinkhua kan pupa nih zuu an rak hunh i vanruah an rak hal tawnnak hmun cu a si. Thlabawm cintu cerh ahkhin rak biakmi khuahrum a si.

Khuachia sin biaknak raithawinak tuah, timi hi mah le hrinphun cio huap in kaa dangdang, hmun dangdang ah rak ngeih cio a si. Sihmanhsehlaw lenglang deuh in, hngalh khawhmi cu a cunglei ah kan langhtermi khuahrum pali hna hi an si.

Cinkhua nih khuapi huap in raithawinak tuah caan, a dang tein an rak ngei. Cu bantuk caan i raithawinak ah an pekmi Vok le Sia man cu, Cinkhua khuapite i bawmh in an rak liam cio tawn, ti a si.

Cu bantuk khuapi huap raithawinak tuah caan ahcun, khuapi ai-awh in Cinkhua hrinsor caah raithawitu le khuachia tlangbawi rian a rak ṭuantu cu, Ceupa Chung Hrinphun hi an rak si. Kan hngalh khawh tawk ah, Ceu Pa chungmi, Pu Lawng Lian fapa Pu Ui Hmung hi an tlangbawi a rak si. Pu Ui Hmung a thih hnu zongah a fapa, Pu Lian Buuk nih a hun chan. Pu Lin Buuk a thih hnu ah a naupa, Pu Lian Cham nih a hun chan. Pu Lian Cham a thih hnu in Pu Lian Buuk i fapa, Pu Than Luai nih a hun chan. Pu Than Luai cu Jesuh Khrih thawngṭha a zumh caah khrihfa ah a rak lut. Cucaah Pu Than Luai hi cinkhua khuachia tlangbawi donghnak a si.

Amah hnu in, Cinkhua hrinsor nih Khuahrum biakchonh piaktu {khuachia tlangbawi} kan ngei ti lo. Cinkhua tuanbia hlathlaitu hna nih an chimmi cu, hi khuahrum biak chan chung ahhin, kan pupa hna nih khuahrum biaknak le raithawinak caah minung an rak hman ve ko hna, tiah an chim. Cu an chimmi fehternak caah an hmanmi pakhat cu, atu i “Lai Keuh Cerh” tiah kan auhmi khi a si. Khi kaa cerhpi ahkhin, kan pupa hna nih Kawl miphun thisen in an biakmi khuachia sinah rai an rak thawi. Sihmansehlaw an raithawinak cu khuachia nih a rak cohlan piak duh hna lo. “Kawl thisen ka duh lo, Lai keuh thisen lawng ka duh” tiah a rak ti hna caah Lai thisen cun an rak thawi ṭhan” ti a si. Lai thisen in an thawi khawh chung poh cu Cite a rak chuak ti a si. Lai keuh thisen in an biak khawh ti lo hnu in Cite cu a chuak ti lo ti a si. Lai keuh cerh zawn cu A.D. 2004 ah UNDP bawmhnak in mini Hydro tuahnak tikhor ah kan hman. Hi Lai keuh thisen in raithawinak kong hi ahohmanh nih a hman le hman lo kan hngal kho lo nain thildik si he zong aa tlaak ngaingai vemi thil pakhat a si. Kan pupa chan ahhin, minung thisen in khuahrum biak le raithawi an rak hmang lo, tiah ralṭha tein chim dih awk a ṭha lo; a hman zong an rak hmang kho ve tak men ko.

B. Khrihfa Phung Hnu

Khrihfa phung hnu timi tang ahhin, Cinkhua hrinsor sinah Jesuh Khrih thawngṭha luh hram aa thok caan in nihin tiang, Cinkhua khua khrihfa tuanbia langhter khawh kan i zuam lai. Cinkhua kan pupa hna sinah, Khrih thawngha a luh caan thok in nihin tiang Cinkhua Khrihfa tuanbia kan ṭialmi hi, Cinkhua tuanbia hlathlaitu kan pale dangdang nih an chuahpimi, Diamond Jubilee Magazine cherhchan le Cinkhua biaknak tuanbia felfai tein record a kan tuah piaktu kan pu, Pu That Luai dairy cherhchan ṭialmi a si. A hlei in kan biaknak tuanbia felfai tein a kan fim piaktu kan pu That Luai cungah lomhnak roca kan ṭial.

1. Cinkhua Ah Khrihfa Phung A Luhning

A.D. 1932 January thla chungah, Cinkhua hrinsor nih a voikhatnak Khrih thawngṭha bia kan rak theih hi a si. Cinkhua khua ah Khrih thawngṭha bia a luhning cu hiti hin a si: Cinkhua Sum Zuan hrinphun a simi, Pu Ui Rawl le Pi Ruat Ṭhai nih khuang cawi, le bawipi bawinak puai an rak tuah. Cu tan khuang an cawi lio ahcun, Cinkhua khua hlun khua taw bik sang, atu i Sai Thang cerh timi kam ahkhin, Pu Khup Nawl le Pi Thor Cuai inn a rak um i cu inn ahcun, Zokhua khuami Rev. Sang Fen, Hniar Lawn khuami Rev. Nawl Tling le Hakha Farawn khuami, Saya Thawng Kian hna cu Pathian thawngṭha biachim ding in an rak phan. Cu bantuk in Rev. Sang Fen le a hawile hna Pathian bia chim ding in, Cinkhua khua an rak phanh Ni cu Pu Ui Rawl {Pi Hnem Khun pu} le a nupi, Pi Ruat Ṭhai nih khuang cawi an thok Ni bakte a rak si, ti a si.

Rev. Sang Fen hi Sumzuam hrinphun a si i kha tan i an tlunnak inn ngeitu, Pu Khup Nawl {Pu Khup Nawl cu, Mang Hu pu khi a si} zong cu Sum Zuam hrinphun a si ve. Sum Zuan hrinphun veve, phun khat unau kan si an ti caah an inn i an rak tlun hna cu a si. Cu ticun, Pu Khup Nawl te inn ahcun Cinkhuapi cu an rak pumh dih hna i Pathian thawngṭha an rak chimh hna.

Cu lio caan i Pu Khup Nawl inn ah thawngṭha bia an chimmi cu, Pathian nih thluachuah a pek caah, Pu Tei Ling le Pu Ram Thawn nih Jesuh Khrih an zumh i khrihfa ah an rak lut. Cu bantuk in, Khrih an zumh i Lai phung in khrihfa phung ah luh ding in biachahnak felfai an tuah hnu ah, Rev. Sang Fen nih tipil a rak pek hna. Cu an tipilinnak hmun cu, Cerh Ceu hai kungpi tang ahkhin, Pu Tei Nem inn a rak um i cu inn car ahcun, Cerh Ceu va rek tii a luangmi cu an rak dil i cu tivarek dil chommi bungkorte ahcun, tipilnak cu a rak pek hna. Cucu Cinkhua hrinsor nih a voik khatnak tipilnak kan in a si. Cu tipil an rak in Ni cu, December 15, 1932 ah a rak si. Hi hna pahnih, {Pu Tei Ling le Pu Ram Thawn} cu Cinkhua hrinsor chung in Khrihfa a lut hmaisa bik le tipilnak a ing hmaisa bik an si. Pu Tei Ling cu, Al Hluan hrinphun chungmi Pu Kip Tlung le Pi Sun Ngen fapa a si. Pu Ram Thawn cu, Zaa Thang hrinphun chungmi Pu Khua Lung fapa a si.

Hi hnu ahhin Rev. Sang Fen, Rev. Nawl Tling le Saya Thawng Kian cu Cinkhua ah an rak ra ṭhan i Pu Khup Nawl inn ahcun voinga, voiruk an rak tlung i Cinkhua khuami cu, biatak tein, Khrih thawngṭha bia an rak chimh hna. Cucu Cinkhua khua ah Khrih thawngṭha luh hram aa thokning a si.

2. Cinkhua Ah Khrihfa An Karh

Cinkhua hrinsor lakah Laica tangli a awng hmaisa bik, Sum Zuan hrinphun chungmi, Pu Lei Dun zong nih A.D.1935 kum ah Khrih thawngṭha a zumh i khrihfa ah a hung lut ve. Cun, A.D. 1940 kum ah Pu Hreng Thluai {Hrang Hnin pa} le, Kawng Thun hrinphun chungmi, Pu Sa Thak {Thang Ci pa} le Kawng Thun hrinphun chungmi, Pu Hrang Zal {Tum Herh pa}, le Hau Zaw hrinphun chungmi, Pu Hre Mang hna zong Khrihfa phung ahcun an hung lut ve. A.D.1940 kum ṭhiam ahcun, Sum Zuan hrinphun chungmi, Pu Chia Hlun {Sui Nawn pa}, Al Hluan hrinphun chungmi, Pu Hrang Mang {Than Tum pa}, Sum Zuan hrinphun chungmi, Pu Chan Duai {Maung Kio pa}, Fam Cun hrinphun chungmi, Pu Hmun Mang {Tawk Mang pa}, le Lian Tling hrinphun chungmi, Pu Tei Nawl {Hniar Hu pa} hna zong Jesuh Khrih thawngṭha an zumh caah khuachia phung kal taak in, khrihfa ah an hung lut ve. A.D. 1940 kum ahhin, Cinkhua ah khrihfa chungkhar inn 12 an rak phan. Cu chungkhar 12 hna cu:

1. Pu Ram Thawn chungkhar

2. Pu Tei Ling chungkhar

3. Pu Lei Dun chungkhar

4. Pu Hreng Thluai chungkhar

5. Pu Sa Thak chungkhar

6. Pu Hrang Zal chungkhar

7. Pu Chia Hlun chungkhar

8. Pu Hrang Mang chungkhar

9. Pu Chan Duai chungkhar

10. Pu Hmun Mang chungkhar

11. Pu Tei Nawl chungkhar

12. Pu Hre Mang

Hi hna lak ahhin, chungkhar siloin pumpak in Khrih thawngṭha a zum i khrihfa ah a rak lutmi cu Pu Hre Mang hi a si. Annih hi, April 15, 1940 ah tipilnak a rak ing. Amah hi Zokhua khua ah sianginn a kaimi a rak si caah, tipilnak hi Zokhua ah maw a rak iin Cinkhua ah dah, timi bel fiang in hngalh a si ti lo.

Cinkhua khua zumtu hmaisa hna hi, khrihfa phung an luh ruangah fakpi in harnak le buainak an rak tong hna. Tahchunhnak ah, Pu Hre Mang cu Khrihfa a luh ruangah, Cinkhua upa pawl nih "nangmah khrihfa phung na luh ahcun, kan khua le kan biaknak phung a rawk lai; khua zong kan ṭio lai" tiah an rak thlauh i taza tiang an rak cuai, ti a si. Kha lio Cinkhua Hau Zaw cu khua ukbawi an rak si caah, “nangmah khrihfa ah na luh ahcun..” an rak tinak cu a si. Cinkhua upa nih a zumhnak ruangah taza an rak cuai nain Zokhua bawi, Pu Khen Ṭhai nih bia a rak ceih hna i "Pu Hre Mang cu amah duhmi biaknak poh bia ko seh, a biaknak kong ah nannih nih nawl nan ngeih awk a si lo" tiah bia a rak chah piak hna, ti a si. Cun, Pu Ram Thawn cu khrihfa a luh ruangah hringtu a pa nih chiat a rak serh. A dang dang kan hngalh khawh lomi le chim cawk lomi harnak an tonmi a tampi rih lai. Sihmanhsehlaw ca chan a rak si lo caah, an rak tonmi harnak le buainak cu tuanbia cauk ah ṭial awk in hngalh khawh an si ti hna lo. Minung nihcun kan hgnalh piak kho ti hna lo nain, harsatnak tampi he an ṭanhmi Bawipa nihcun a caah an tonmi harnak cu a philh piak hna lo; a cinken piak peng ko hna.

Hi chungkhar 12 hna nihhin, Cinkhua khua ah Khrihfa phung cu lungthin khat, ruahnak khat le dawtnak he, fek tein, an rak dirpi. Cucu Pathian nih thluachuah a pek i duhsah tein Cinkhua khua ah, khrihfa cu an hung karh cuahmah. Nihin ahcun Cinkhua cu a dihlak in khrihfa khua ah a cang cang. Cucu Cinkhua khua ah Khrih Thawngṭha luh le karh hram aa thokning tuanbia cu a si.

3. A.D. 1932 - 1940 Karlak Cinkhua Khrihfabu Hruaitu Hna

A.D.1932 ah Cinkhua khua ah Khrihfa phung a lut i A.D.1940 tiangah, Khrihfa innchungkhar 12 an rak phan. Cucu Cinkhua khrihfabu muisam a sersiam hmaisa biktu mibuu cu an si. Cu khrihfabu note a rak hruaitu hna cu:

1. Pu Hreng Thluai hi an Church chairman a rak si.

2. Pu Lei Dun hi cathiam a rak si bantuk in khrihfabu caṭialtu (secretary) a rak si.

3. Pu Hrang Mang hi khrihfa upa (deacon) a rak si.

Hi hna pathum nihhin, kha lio caan Cinkhua khrihfabu kha an rak hruai hna. Khrihfabu taktak muisam an keng, khrihfabu hruaining taktak in an hun i hruai kho i, khrihfabu puitling dirhmun in an rak kal kho cang. Cucu Cinkhua khua zumtu hna khrihfabu muisam keng in dir hram an i thokning cu a si.

4. Cinkhua Khrihfabu Nih Sakmi Biakinn Hna

Cinkhua hrinsor sinah Khrih thawngṭha a luh thok in nihin tiang ah, Cinkhua khua nih biakinn pasarih kan sak cang. Phun dang in chim ahcun, Cinkhua vawlei ah biakinn voisarih sak a si cang. Cu biakinn hna rak sak lio caan, khrihfabu hruaitu hngalh khawh tawk le biakinn sak kum tete, a tanglei ah kan langhter lai:

1. Avoi khatnak biakinn: A.D. 1942 kum ah an Church chairman, Pu Hreng Thluai hruainak in Cinkhua khua hlun inn lu bik, Kaam Kaak timi hmunpi ahkhin, vawlei inn pee 12x10 in biakinn an rak sak. Cu biakinn cu a cung khuh ah, ngaidi le a vampang ah Faikhak pang in an rak sak. Cucu Cinkhua hrinsor nih, a pakhatnak biakinn kan ngeihmi a si.

2. Avoi hnihnak biakinn: A.D. 1945 kum ah Church chairman, Pu Hmun Mang hruinak in Cinkhua Khua hlun, Naa Nawn bo ahkhin pee 20x14 kau in vawlei inn tein biakinn cu an rak sak ṭhan. Cucu Cinkhua nih biakinn kan ngeihmi a pahnihnak a si.

3. Avoi thumnak biakinn: Church chairman, Pu Hmun Mang hrauinak ṭhiamṭhiam in an ngeih ciami vawlei biakinn te kha, pee 30x25 kau in an rak remh ṭhan. Hi biakinn hi cu Lai hreitlung in seihmi zeel pipi an rak donh i vampang zongah, thing an rak benh khawh cang. Sihmanhsehlaw a cung khuh tu cu, ngaidi ṭhiam an rak khuh rih. Lai hreitlung in seihmi Far thing le thirkhenh hmang in pulpit cabuai le ṭhutdan zong an rak ser khawh hna.

4. Avoi linak biakinn: A.D.1966 kum ah Church chairman, Pu Kilh Ling hruainak in, thingah le Canphio in pee 30x25 kau in biakinn cu an rak sak ṭhan. Hi lio ahhin cun, pulpit cabuai le ṭhutdan vialte zong thingah, ziipaw ziah dakmak in an rak sak khawh cang. Biakinn ṭhutdan caah hin Ṭial Hup hrinphun chungmi, Pu Sang Tu {Chiah Kung pa} nih thingkung kung 20, pee 8x10 in a rak aah hna i ṭhutdan kee ngei in a ser dih hnu ah, biakinn caah, man lo tein, a rak hlut hna, ti a si. Pu Sang Tu nih a hlutmi thutdan cu a dihlak ah 20 a rak si. Pu Sang Tu nih biakinn ṭhutdan a rak hlut hlan ahhin, biakinn ah thingpum ṭhutdan an rak hmang hmaisa, ti a si. Thingpum an hmanmi kha thing per khaan in an rak thlen. Cu hnu ahcun, Pu Sang Tu nih a hlutmi thingah, zipaw ziah, ṭhutdan dakmak an hun hman khawh hi a si.

5. Avoi nganak biakinn: Church pastor Rev. Phun Zam le Church chairman Pu Hrang Cem hna hruainak in, atu Cinkhua khua thar “Cinkhua Baptist Church” biakinnpi umnak hmun ahkhin, khua hlun biakinn kha an ṭheh i ṭhial le sak hram an rak thok. Ṭheh hram an thok hi, December 02, 1972 kum ah a si. Khuapi nih teimak tein an sak caah December 23, 1972 ah pumh pah chan awk ṭha in an rak lim, ti a si. Cucu Cinkhua nih kan ngeihmi biakinn avoi nganak a si. Hi biakinn hi thingah le canphio in sak a si i pee 60x30 a rak kau.

6. Avoi ruknak biakinn: June 16, 2005 in CBC church pastor Rev. Bual Sang le church chairman Pu Zing Mawng hna hrauinak in, biakinn hlunte umnak zawn ah tlaakrawh dakmak in sak hram an thok. Tlaakrawh inn sak cu a rau ding a si caah, a um ciami thing biakinn zong cu hrawh loin a leng in an rak sak chih. Khuapi nih teimak chuah in, thazaang le suingun chawva tampi dih in an rak sak.

Hi tlaakrawh biakinn sak hramthok le thingah vialte lim dih tiang ahhin, Cinkhua khua cu a dihlak in khrihfabu pakhat ah rak um dih a si rih. Cinkhua khuami vialte nih, hmun khat teah, lungrual tein, hi tlaakrawh biakinnpi saknak rian cu an rak domh. Sihmanhsehlaw cu caan hrawngte ahcun, Pathian bia cohlaning le hmuhning i khah lo ruangah khrihfabu ṭhencheunak a rak chuak. Cucaah biakinn sak aa lim ahcun, Cinkhua khua cu baptist khrihfabu veve pahnih ah aa rak i ṭhen cang.

Cinkhua Baptist Church tlaakrawh biakinnpi cu Febuary 28, 2009 ah lim a rak si. Cucaah biakinn thar luh pah in, Cinkhua Tipil Khrihfabu Kum (75) Tlinak Diamond Jubilee puaipi zong, hi tlaakrawh biakinnpi ahhin, sunglawi taktak in March 1, 2009 ah tuah a rak si. Nihin tiang ah, cu Jubilee Rolung Phunpi cu Cinkhua Baptist Church {CBC} biakinn hmai ah khin hmuh awk in a um peng ko rih. Cucu Cinkhua nih a voi ruknak biakinn kan sakmi a si. Hi caan hi, Cinkhua khua nih kan hmuh bal rih lomi khrihfabu pahnih le biakinn pahnih ngeih hram kan thok caan zong a si fawn.

7. Bethany Baptist Church {BBC} biakinn: Bethany Baptist Church biakinn cu church chairman Pu That Luai le a bawmtu khrihfa upa vialte hruaitnak in, January 2006 ah sak hram an thok i teimak tein, an sak caah Febuary 2006 ah an lim.

5. Cinkhua Hrinsor Chung In Caan-tling Pathian Rianṭuanmi

A tanglei ah kan langhtermi hna hi, Cinkhua hrinsor chung in caantling in kum khat nak tam Pathian rian a rak ṭuan balmi an si. Mual liam cia le nihin ah caantling in Pathian rian a ṭuan ti lomi zong telh chih dih an si.

1. Rev. Phun Zam {Church pastor}: Rev. Phun Zam cu Cinkhua hrinsor lakah caantling pastor rian a ṭuan hmaisa bikmi a si. Rev. Phun Zam cu Falam khuapi ah a ummi, ZTC Bible sianginn in Dip.Th a dih hnu ah, Hakha khuapi ah a ummi cachuah rianuannak Dairel Press ah kum thum chung manager dirhmun in rian a rak ṭuan. Dairel Press ah rian ṭuan hram aa thok hi A.D. 1964 hrawngah rak si dawh a si. Kum thum chung a ṭuan hnu ah, Zokhua Area Baptist Churches {ZABC} ṭuanvo peknak in Hmaikhah Baptist Church {HBC} ah, A.D. 1967-1973 tiang kum ruk chung pastor rian a rak ṭuan. Cu hnu ah, Cinkhua khua ah an hun ṭhial i Cinkhua Baptist Church {CBC} ah, A.D. 1973-1984 tiang kum hleikhat chung pastor rian a rak ṭuan. Pastor a ṭuan chungah, a tanglei bantuk in Zokhua Area Baptist Churches {ZABC} zongah hman a rak si: ZABC Secrectary {A.D. 1970-1971}, ZABC president {A.D. 1972}, ZABC secectary {A.D. 1973}, ZABC president {A.D. 1974}, le ZABC secectary {A.D. 1975}.  Cucaah Rev. Phun Zam cu Cinkhua hrinsor Thlarau tirawl a kan pe hmaisatu le upatmi, kan pa a si. Amah upatpeknak le philhlonak caah, Cinkhua Baptist Church {CBC} biakinn kam te ah amah min bunh in “Rev. Phun Zam Hall” zong sakpiak a si.

2. Rev. Bual Sang {Church pastor}: Rev. Bual Sang hi Cinkhua hrinsor lakah caan sau bik, caantling Pathian rian ṭuanmi le Cinkhua Baptist Church {CBC} khrihfabu ah caan sau bik pastor a ṭuantu kan pa a si. Amah hi ngaihchiatnak tuarpinak lei ah, Cinkhua hrinsor kan ruak tam bik vuitu zong a si i lunglamwhnak hrawmpinak lei ah, Cinkhua hrinsor tam bik kutsih lehthahnak tuahpiaktu zong a si. Cinkhua khua lawng siloin Zokhua Area Baptist Churches tiangah nehnang fakpi in a ngeimi, kan pa a si. Rev. Bual Sang pakhat lawnglawng hi, Cinkhua hrinsor nih Pension lak tiang Pathian rian ṭuantu kan ngeihmi a si rih. A tanglei ahhin, a rianṭuannak tuanbia tawi kan hun langhter lai:

Annih hi June 1, 1989 in Pathian rian ah a rak lut. A.D.1990 in A.D.1996 tiang, Zokhua Area Baptist Churches {ZABC} ah Youth Secretary a rak ṭuan. Cun A.D.1996 in A.D.1999 tiang, ZABC ah Evanglism and Mission {E&M} lutlai rian a rak ṭuan. Cun A.D.1997 in A.D.1999 tiang hi, E&M lutlai a ṭuan pah in caan-karlak ZABC AGS dirhmun a rak tlaih chih. Cun, A.D. 1998-2003 tiang ZABC General Secretary {GS} rian a rak ṭuan. ZABC General Secretary {GS} a ṭuan chung, A.D.2002-2003 kum ahhin Hakha Baptist Association {HBA} Ministers Council {MC} chairman a rak ṭuan. Ministers Council {MC} chairman rian cu part-time in tlaih chihmi rian a si caah, ZABC GS a ṭuan pah in a tlaih chihmi hi a si. A.D.2004-2008 tiang, ZABC ah vice chairman a rak ṭuan. A.D.2007 in A.D.2012 tiang, ZABC Ministers Council {MC} chairman a rak ṭuan. A.D.2014 in A.D. 2017 tiang ZABC ah General Secretary {GS} rian a rak ṭuan. A.D.2017 in A.D.2020 tiang, Ministers Council {MC} Chairman rian a ṭuan ṭhan. Cucaah Rev. Bual Sang cu A.D.1989 in A.D.2020 tiang, kum 31 chung caantling Pathian rian a ṭuan cangmi a si.

Amah kum kum 60 a tlin tiang, hmualphonak zeihmanh ngei lo tein Pathian rian a ṭuan hnu ah, Hakha Baptist Association {HBA} nih March 1, 2020 ah Zokhua khua i an tuahmi avoi 52nd nak BM Meeting ah Pension an pek. Cinkhua hrinsor tuanbia ah Pension lak tiang Pathian rian a kan ṭuan piak hmaisa biktu a si; Cinkhua caah tuanbia thar a ṭial.

Pension a lak lio caan zongah sunglawi tein, khuami minung 30 hrawng nih kan va telpi lengah GCF nih upatnak le lunglomhnak langhternak caah Conlo Puan, Lai luchin le Roca, HCCF nih Lai puanpi le Roca, NACF nih Roca le phaisa, Dallas Cinkhua Family nih Roca le phaisa, Australia Cinkhua Fellowship nih Roca le phaisa, Bethany Baptist Church {BBC} nih Roca le phaisa, le Cinkhua Baptist Church {CBC} nih Naa Tum in khuapi huap thlacam an fial piak i roca an rak pek. Hi hna leng ahhin, Cinkhua uknak lei in roca an pek, CBC department dihlak nih laksawng phunphun an pek i pumpak chungkhar zong nih Lai puan, phaisa le laksawng phunphun in an rak lawmhpi cio.

Pension a lak hnu ah, America ram ah a ummi Chin Evangelical Baptist Church {CEBC} nih Magway ṭaing, Ngaphe peng, Padan khuapi {Asho chin} ah Missionary ah an thlah ṭhan. ZABC E&M secretary Rev. Thawng Hlei nih July 14, 2020 ah a rianṭuannak ding hmun ah a va thlah.

3. Rev. Khar Nawn {Church pastor}: Rev. Khar Nawn {tleicia} cu Rangon khuapi chungah a ummi, Myanmar Instite of Theology {MIT} sianginn in A.D. 1997 ah Bachelor of Divinity {B.D} a dih hnu ah, Mandalay khuapi ah a ummi, All Racial Baptist Church ah May 1997 in May 1998 tiang pastor rian a ṭuan. Cu hnu ahcun, Mandalay khuapi a ummi Lai Baptist Church {LBC} ah May 1998 in March 2004 tiang pastor a ṭuan ṭhan. Rev. Khar Nawn cu LBC ah a voikhatnak pastor rian ṭuanmi a si. Cu hnu ahcun, Hakha khuapi chungah a ummi, Paniel Baptist Church ah February 2007 in Novomber 2007 tiang pastor rian a ṭuan ṭhan. Rev. Khar Nawn cu Paniel Baptist Church i rian a ṭuan cuahmah liopi, November 11, 2007 ah vawlei harnak vialte kal taak in, kum 10 chung a rian a ṭuan piakmi Pathian sinah aa din. Rev. Khar Nawn cu Paniel Baptist Church ah a voikhatnak pastor rian ṭuanmi a si. Rev. Khar Nawn cu Cinkhua hrinsor chung in, miphun dangdang le pengtlang dangdang i fonhnak hmunhma ah caan saupi pastor rian a ṭuanmi le ṭihzah upat ngaingai mi kan pa pakhat a si.

4. Rev. Ngun Mang {Church pastor}: Rev. Ngun Mang cu A.D. 2005 ah Kalay khuapi ah a ummi Bethel Theological Seminary in Bachelor of Theology {B.Th} a dih i A.D. 2007 in Cinkhua Baptist Church ah pastor rian a ṭuan. A.D. 2008 in A.D. 2010 tiang hi Hmaikhah Baptist Church ah pehzulh in pastor rian a ṭuan ṭhan. Cu hnu ahcun, A.D. 2011-2012 kum ah Cinkhua Baptist Church ah pastor rian a rak ṭuan nolh ṭhan. A.D. 2011-2012 kum hnih chung hi Zokhua Area Baptist Churches {ZABC} ah E&M secrectary a ṭuan chih. Cu hnu ahcun, A.D. 2013 kum in Chin Christian College {CCC} ah Master of Divinity {M.Div} pehzulh in a kai i A.D. 2015 kum ah degree a laak. A.D. 2016 kum ah Cinkhua Baptist Church ah pastor rian a ṭuan ṭhan. Cu hnu ah, A.D. 2017 in atu tiang ZABC ah AGS dirhmum in a um. A.D. 2019 kum ahhin Hakha Baptist Association nih Ordination an rak pek. ZABC ah AGS dirhmun in a um chung ahhin, Zokhua Area nih Hakha khuapi ah a dirhmi Sangfen Memorial Baptist Church ah pastor rian a ṭtuan chih. Rev. Ngun Mang cu Cinkhua mino hna lakah Zokhua Area tiang ah pa dirhmun in a um khomi bochan awktlaak pakhat a si.

5. Pastor Cung Lian Thawng Sang {Church pastor}: Pastor Cung Lian Thawng cu A.D. 2007 kum ah Chin Christian College {atu CCU} in Bachelor of Theology {B.Th} a dih. A.D. 2009 March 1 in Cinkhua Baptist Church ah pastor rian ṭuan hram a thok sihmanhsehlaw thla khat tluk a ṭuan ah, Hakha khuapi ah a ummi Peniel Baptist Church nih an hal caah April 1, 2009 in Paneil Baptist Church ah caantling Pastor rian a ṭuan. Cun, A.D. 2010 in 2013 tiang CCU ah Master of Divinity {M.Div} a peh i tluang tein a lim. Cu hnu ah, Paniel Baptist Church ah caantling in Youth Pastor le E&M director a ṭuan chung March 6, 2015 in April 1, 2018 tiang HBA ah Youth secrectary caan tling rian a ṭuan. Cun pastor rian a ṭuannak Peniel Baptist Church nih missionary an thlahmi saya kongah laklawhnak an ngeih caah August 2020 in Magway ṭaing, Ngaphe township, Innpu khua {Asho chin} ah missionary rian ṭuan ding in a kal i nihin tiang a ṭuan cuahmah.

6. Rev. Thawng Hlei Chum {Church Pastor}: Rev. Thawng Hlei Chum cu Chin Christian College {CCC a rak si lio} in Bachelor of Theology {B.Th} a dih hnu ah, A.D.2008 in A.D. 2010 tiang, Cinkhua Baptist Church {CBC} ah pastor rian a rak ṭuan. Cu hnu ahcun, A.D.2010 in A.D.2013 tiang Chin Christian University {CCU} ah Master of Divinity {M.Div} pehzulh in a kai ṭhan. Hi sianginn a peh chung vialte zong hi ngol loin, Cinkhua Baptist Church {CBC} ah pastor rian cu pehzulh in a ṭuan pah chih ṭhiam ṭhiam. M.Div degree tlamtling tein a lak hnu ah, A.D.2013 in A.D.2018 tiang, Hmaikhah Baptist Church {HBC} ah pastor rian a rak ṭuan. Cu hnu ah, A.D.2018 in A.D.2020 kum thok tiang, Hakha ZACF ah Secretary/Pastor kemhchih in rian a rak ṭuan. Cun, March 2020 in atu tiang, ZABC E&M secretary le Cinkhua Baptist Church {CBC} ah pastor kemhchih in rian a ṭuan cuahmah lio a si. A cunglei kan langhtermi hna lengah ahhin, Global ZACF ah A.D.2018 in atu 2022 tiang, Director rian a ṭuan rih. Cu lengah, Global Cinkhua Fellowship {GCF} zongah atu hi president dirhmun a tlaih cuahmah liopi a si. Hakha Baptist Association {HBA} nih a saupi zohfel hnu ah, a tlak cang an ti caah March 26, 2022 ah Ordination an pek. Cucaah Rev. Thawng Hlei Chum cu miphun le ram caah rian tampi aa khinh i imanh lo ngaingai in a cawlcang i Cinkhua lawng hmanh siloin kan Pengtlang tiang nih upatmi le bochanmi mino pakhat a si.

7. Rev. Lian Cin {Church pastor}: Pastor Lian Cin cu Chin Bible School {atu CCU} in A.D. 1994 ah Dip.Th a rak dih. Cun, A.D.1999 ah Zomi Theological College, Falam ah Bachelor of Ministry (B. Min) a dih ṭhan. A.D. 1994 March thla thok in Gangaw Baptist Association {GBA} tangah a ummi Hantawaddy Baptist Church ah pastor rian ṭuan hram aa thok. Cun A.D. 2002 kum in Chin Baptist Association {CBA} tang ah a ummi Centernary Baptist Church ah pehzulh in A.D. 2007 tiang pastor rian ṭuan. Pastor Lian Cin cu ram leng a chuah hlan ah kum 13 chung caantling in Pathian rian a ṭuan manh. Cinkhua hrinsor nih Pathian rianṭuannak mihmaisa kan ngeihmi kan pa pakhat a si.

8. Pastor Ngun Hlei Sung {Church Pastor}: Pastor Ngun Hlei Sung cu Chin Christian College {atu CCU} in A.D. 2003 kum ah Bachelor of Theology {B.Th} a dih. A.D. 2003 in A.D. 2005 tiang Cinkhua Baptist Church ah pastor rian a ṭuan. Cu hnu ah, Langpho Baptist Church ah kum khat tluk pehzulh in pastor rian a ṭuan ṭhan. Atu cu a chungkhar he Australia ram ah khua an sa. Pastor Ngun Hlei Sung hi Cinkhua hrinsor lakah caantling in pastor rian a ṭuan hmaisatu nu a si.

9. Pastor Sang Hei Lian {Church Pastor}: Pastor Sang Hei Lian cu A.D. 2007 ah Yangon khuapi ah a ummi, Missionary Training School {MTS} in Bachelor of Theology {B.Th} a rak dih. Cu hnu ah, A.D. 2008 in 2009 tiang, kum hnih chung Cinkhua khua ah a ummi Bethany Baptist Church {BBC} khrihfabu ah pastor rian a rak ṭuan. Bathany Baptist Church ah caantling church pastor a ṭuan hmaisa bikmi upat tlaak mino pakhat a si. Cu hnu ahcun, Australia ram ah a kal i atu cu caantling pastor rian a ṭuan ti lo.

10. Rev. Kep Nawl {Church Pastor}: Rev. Kep Nawl cu Rangon khuapi ah a ummi, Biblical School of Theology {BST} in A.D. 2014 kum ah Bachelor of Theology {B.Th} a dih. Cu hnu ahcun, Cinkhua khua ah a ummi Bethany Baptist Church {BBC} ah A.D. 2014 in nihin tiang church pastor rian a ṭuan cuahmah liomi a si.

11. Pastor Dawt Chum Ling {Church Pastor}: Pastor Dawt Chum Ling cu Kalay khuapi ah a ummi Myanmar for Christ Bible College in A.D. 2015 kum ah Bachelor of Theology {B.Th} a dih. Cu hnu ah, Cinkhua khua ah a ummi Bethany Baptist Church {BBC} ah A.D. 2015 in nihin tiang pastor rian a ṭuan cuahmah liomi a si.

12. Pastor Hram Bik Lian {Chruch pastor}: Pastor Hram Bik Lian cu Rangon khuapi ah a ummi, Biblical School of Theology {BST} in A.D. 2009 kum ah Bachelor of Theology {B.Th} a dih. Cu hnu ah, India ram Bangalore khuapi ah a ummi Baptist Seminary of South India {BSSI} in A.D. 2013 kum ah Master of Theology in Bible exposition {M.Th} a dih ṭhan. B.Th a dih kum ah Mie Peng, Fiarti khua ah kum khat chung, pastor rian a rak ṭuan. M.Th a dih hnu ah, A.D. 2018 in nihin tiang India ram khualipi New Delhi khuapi ah a ummi Lai Christian Church {LCC} ah church pastor rian a ṭuan cuahmah liomi a si. Pastor Hram Bik Lian hi caṭial lei ah Pathian nih pahrang a pek i atu tiang ah, cauk pathum a ṭial cang. An nih hi, Cinkhua hrinsor chung in ramleng ah caantling pastor rian ṭuanmi kan ngaihchun a si. Atu tan Cinkhua Tuanbia ṭialnak kong zongah tlamtlintertu bik le rethei biktu a si. Khua le miphun kongah bochanmi mino pakhat a si.

13. Pastor Biak Tin Sung {church pastor}: Pastor Biak Tin Sung cu Chin Christian College {atu CCU} in A.D. 2015 kum ah Master of Divinity {M.Div} a dih. Cu hnu ahcun, A.D. 2015 April thla in Kalay khuapi ah a ummi, Kalay Lai Baptist Church {LBC, Kalay} ah CE&Youth pastor rian ṭuan hram aa thok i nihin tiang cukaa ahcun a ṭuan cuahmah liomi a si.

14. Pastor Cer Chin {Church pastor}: Pastor Cer Chin cu Chin Chritian College {atu CCU} in A.D. 2014 kum ah Bachelor of Theology {B.Th} a dih. Cu hnu ahcun, Cinkhua Baptist Church {CBC} ah A.D. 2016 March thla thok in pastor rian ṭuan hram aa thok i in nihin tiang cukaa ahcun pastor dirhmun in rian a ṭuan cuahmah liomi a si. Pastor Cer Chin cu A.D. 017 in atu tiang ZABC CE secrectary rian a ṭuan. Pastor Cer Chin cu Cinkhua mino hna lakah zohchun awktlaak nusal pakhat a si.

15. Saya Van Lian Thawng {Missionary}: Saya Van Lian Thawng cu Hakha khuapi chungah a ummi Grace Baptist Church nih Magway region, Min Hlah peng, Milawngkung Ohsuh ah a ummi, Dinbung khua ah A.D. 2018 in nihin tiang missionary rian ṭuan in a um cuahmah liomi a si. Saya Van Lian cu mission rian i a kal hlan ah, Cinkhua Youth Fellowship {CYF} chairman term hnih tiang a ṭuan i khua mino hruainak tampi ṭhancho pitu mino hruaitu ṭha pakhat a si.

16. Saya Ceu Tum {Missionary}: Saya Ceu Tum cu A.D. 2015 kum ah, Bachelor of Theology {B.Th} a dih hnu ah Zokhua Area Baptist Churches {ZABC} nih missionary in an thlah i Magway ṭaing Myiang peng Lehyehmah khua ah, A.D.2015 in 2017 tiang a chungkhar he mission rian a ṭuan. Cu hnu ah, A.D. 2018 in atu A.D.2020 tiang Leta khua ah mission rian a ṭuan cuahmah liomi a si. Saya Ceu Tum cu Cinkhua hrinsor lakah caan tling mission rian ṭuan hmaisa bik le sau bik ṭuanmi a si.

17. Pastor Bawi Hup {Church Pastor}: Pastor Bawi Hup cu Hakhua khuapi ah a ummi Calvary Bible College in A.D. 2018 ah Bachelor of Theology {B.Th} a dih. Cu hnu ahcun, Mie Peng, Tiphul khua AG khrihfabu ah pastor rian ah a lut i nihin tiang a ṭuan cuahmah liomi a si.


Dal (9) Nak

Cinkhua Hrinsor Hmun Dang Ah A Ummi Kong

Hika ahhin, Myanmar ram chung hmun dangdang ah a buu deuh in umhmun a khuarmi Cinkhua hrinsor vialte le vawleicung khuaza ram kipah khua a sa cangmi Cinkhua hrinsor vialte kan tuanbia le dirhmun tete, a tawinak tein, langhter khawh kan i zuam lai. Nihin ah Cinkhua hrinsor kan umnak khua le ram kipah, zeitik in dah umhmun khuar hram kan rak thok hna i nihin tiangah ho vialte dah, khuazei khua le khuazei ram vialte ah khua a sa cang, timi pawl tlamtling tein langhter khawh chih kan i zuam lai.

A. Kawlram Chung

1. Hakha

Hakha khua ah Cinkhua hrinsor nih umhmun kan khuarnak cu A.D.1965 in a si. Umhmun a rak kan khuar piak hmaisa biktu cu, tleicia Pu Tawk Mang le chungkhar an si. Annih hi, A.D.1965 in Hakha khua ah umhmun an rak khuar cang. Cu hnu cun duhsah tein, hun i chap lengmang a si i atu ahcun, Cinkhua Hakha khuasa mi chungkhar 85 kan si cang. Hi chung ahhin, mah inn te aa ngeihmi chungkhar 65 an si.

2. Hantawady

December 28, 1980 ah, Cinkhua hrinsor chung in upa cheukhat cu Sagaing ramṭhen, Gangaw pengah a ummi Hantawaddy khua ah umhmun khuar ding in an rak phan. Avoi khatnak ah Hantawaddy khua ah umhmun khuar ding in aa rak i thawhmi hna cu, a tanglei chungkhar 7 hi an rak si:

1. Pu Tum Bau (Dar Sung pa)

2. Pu Do Zam (Dar Nawn pa)

3. Pu Tum Kio (Ngun Cer pa)

4. Pu Hre Kam (Ngun Hu pa)

5. Pu Kil Mang (Mual Kio pa)

6. Pu Bual Kim (Deng Ling pa)

7. Pu Dar Hlun (Dawt Zi pa)

Hi hna lak ahhin remrel lonak phunphun ruang ah, Pu Kil Mang, Pu Tum Kio le Pu Hre Kam hna cu Laitlang, Cinkhua khua ah an rak kir ṭhan. Pu Ram Peng {Ngun Zi pa} zong chikhat cu hringtu pa zohkhenh in a rak kal nain caan sau um loin Lai lei ah a rak kir colh ṭhan.

Kum zeimazat hnu ah, Cinkhua hrinsor chung in a dang chungkhar pathum cu Hantawady khua i umhmun khuar ding in an rak phan ve. Cu hna cu: 1. Pu Thang Ci {Sia Neng pa}: Pu Thang Ci cu December 27, 1982 ah Hantawady an rak phan, 2. Pu Hrang Kip {Zam Ling pa}: Pu Hrang Kip cu A.D. 1984 kum ah Hantawady an rak phan, le 3. Pu Siang Kung {Sang Hre pa} hna an rak si.

Cucu Hantawddy khua ah Cinkhua hrinsor umhmun khuar hram kan thokning cu a si. Pathian nih Hantawady khua ahhin, khuaruahhar in Cinkhua hrinsor thluachuah a kan pek i atu ahcun, tufa chungkhar telh in Cinkhua hrinsor a chungkhar in 23, a milu in 117 an um cang. Hi chung ahhin, tufa chungkhar pathum {milu in 10} an i tel. Hantawady khua ah a ummi Cinkhua hrinsor innchungkhar min cazin cu, hi tuanbia cauk a donghnak i Appendix 03 ah tlamtling tein zoh khawh dih a si. 

 

B. Kawlram Leng

Kawlram lengah khua a sami Cinkhua hrinsor banh khawh tawk in langhter khawh kan i zuam lai. Ram thumnak ah a lan cangmi Cinkhua hrinsor hi cu atu an umnak hi zungzal an lu phumnak hmun bantuk an si cang hna caah, an chungkhar min cazin zong felfai tein Appendix ah kan langhter chih lai. Sihmanhsehlaw ram hnihnak India, le Malaysia ti bantuk ah khua a sami hna hi cu zungzal an umnak siloin chikhat caan khat karlak umṭhumi an si hna caah, hi Tuanbia Cauk kan ṭial lio caan ah a ummi chungkhar le milu zat lawng kan langhter lai.

1. America

America ram ah Cinkhua hrinsor nih umhmun kan khuarnak cu A.D.2004 in a si. Umhmun a kan khuar piak hmaisa biktu hi, Pu Dawt Mang le chungkhar an si. Annih hi June, 2004 ah America ram an rak phan. Hi hnu hin, duhsah tein an hun i chap lengmang i atu ahcun, tufa chungkhar dihlak telh in innchungkhar 76 an si cang. Hi chung ahhin, tufa chungkhar tiah auhmi {Cinkhua nu khua dangpa a vami} chungkhar 28 an si. Atu tiang ah, America ram ah amah tein inn a ngei cangmi hi {tufa chungkhar telh in} 48 an si cang. America ram ah Cinkhua hrinsor, a milu in 300 leng kai, kan um ve cang. America ram ahhin Pathian nih, khuaruahhar in, Cinkhua hrinsor thluachuahnak a kan pek. America ram ah a ummi Cinkhua innchungkhar min cazin cu, hi tuanbia cauk a donghnak i Appendix 01 ah tlamtling tein zoh khawh dih a si.

2. Australia

Cinkhua hrinsor nih Austrialia ram ah umhmun khuar hram kan thoknak hi, kum 16 tluk a si cang. Australia ram ah Cinkhua hrinsor chung in, umhmun a rak kan khuar piak hmaisa biktu cu Pu Thawng Nawn a si. Annih hi, January 4, 2000 zinglei suimilam 11:00 ah Australia ram a rak phan. Cu hnu cun, Pathian nih Cinkhua hrinsor thluachuah a kan pek i, duhsah tein, hun i chap lengmang a si. Nihin ahcun, Australia ram ah tufa chungkhar telh in, Cinkhua hrinsor a ummi an dihlak ah chungkhar in 28, milu in 122 an si cang. Hi chung ahhin, Cinkhua nu khua dang pa a vami {tufa} chungkhar 9, milu in 39 an si. Thla khat voikhat in tonpumhnak an ngei i thawhlawm peknak zong an ngei kho. An hmuhmi phaisa te cu Lai hlum Cinkhua hrinsor mi harsa bawmhnak caah an kuat tawn. Australia ram ahhin Pathian nih, khuaruahhar in, Cinkhua hrinsor thluachuahnak a kan pek. Australia ram ah a ummi Cinkhua innchungkhar min cazin cu hi tuanbia cauk a donghnak i Appendix 02 ah tlamtling tein zoh khawh a si.

3. Norway

Norway ram ah Cinkhua hrinsor nih umhmun khuar hram kan thok hi A.D.2006 ah a si. Sihmanhsehlaw nihin tiang ah, chungkhar an karh kho rih lo. Norway ram ah Cinkhua hrinsor chung in, umhmun a kan khuar piak hmaisa biktu cu, Pu Robert Siang Hu a si. Annih hi, Febuary 16, 2006 ah Norway ram a rak phan cang. Nihin tiang, Norway ah Cinkhua hrinsor a ummi cu Pu Robert Siang Hu chungkhar lawng hi an si rih.

4. New Zealand

New Zealand ram ah Cinkhua hrinsor nih umhmun khuar hram kan thok hi A.D. 2006 ah a si. Cinkhua hrinsor chung in, New Zealand ram ah umhmun a kan khuar piak hmaisa biktu cu, Tv. Ṭuan Cung a si. Annih hi, October 20, 2006 ah a rak phan cang. Cu kum chung ṭhiam ahcun, Cinkhua tufa a simi Tv. Tluang Uk Thang, Lg. Siang Tin Thluai, le Tv. Tin Za Uk te ṭafarual pathum an rak phan ve. Annih hi an nu cu Cinkhua Pu Ui Phen fanu, Pi Dei Sung a si i an pa tu hi, Chuncung khuami, Pu Tluang Peng a si caah Cinkhua kan tufale an si. Tv. Tin Za Uk le a far Pi Siang Tin Thluai nih Australia ram ah a ṭhial taak hna caah, atu cu New Zealand ram ah a ummi Cinkhua {tufa telh in} minung pahnih te lawng an si cang.

5. Malaysia

A.D.1994 kum ah, Cinkhua hrinsor nusal, Nu Ṭial Cin cu Singapore ram a rak phan cang. Cinkhua hrinsor lakah, ramleng chuak hmaisa bik a si lai, tiah ruah a si. Singapore hi A.D.1963 in A.D.1965 tiang Malaysai ram chungah a ummi state 14 lakah, pakhat a rak si. Sihmanhsehlaw A.D.1965 in Singapore cu anmah ram tein an hung dir. Cucaah atu Cinkhua hrinsor tampi an umnak ram Malaysia hi a dang tein hun chiah ve a hau.

Malaysia hi, Kawlram leng ahcun, kan miphun umnak hmunlipi bik pathumnak ah a cang. Cinkhua hrinsor nih Malaysia ram cu A.D.1996 ah kan rak pal cang. Cinkhua hrinsor chung in Malaysia ram a rak phan hmaisa bik cu, Pu Chan Cin Lian a si. Annih hi, August 21, 1996 ah Malaysia khualipi Kualalumpur a rak phan. Caan tlawmpal hnu ah, Pu Za Ceu, Pu Ngun Hre Ling le Pu Zing Peng hna nih an hun zulh ve. Cun, hi hna hnuzul hin Cinkhua hrinsor cu Malaysia ram ah hung luh cio a si. Simanhsehlaw Malaysia cu chikhat i dornak hmun bantuk a si caah, ram thumnak a phan cangmi hna bantuk in chungkhar zeizat an um, tiah chim awk a ṭha dih lo; kum fatin aa thleng pengmi a si. Hi cauk kan ṭial lio ah a ummi cu, Cinkhua hrinsor chungkhar in 22, le single in a ummi minung 14 an si; an dihlak ah a milu in 79 an si. Hi chung ahhin, Khua dang pa a vami Cinkhua nu {tufa} chungkhar 10; a milu in 33 an um. Cucaah tufa chungkhar telh in Malaysia ah Cinkhua hrinsor minung 79 tluk kan um tinak a si. Thla khat voi hnih in tonpumhnak an ngei i tonpumhnak an ngei tawn. Malaysia ram ah khua sami Cinkhua hrinsor chungkhar min cazin tling cu hi cauk a donghnak Appendix 04 ah zoh khawh a si lai.

6. India

India ram ahhin kuli rian ṭuannak in a rak um thaimi Cinkhua hrinsor tete zong an um hna. Cun, ram thumnak kal duh ruangah Delhi ah refugee dirhmun in khua a sami zong an um ve hna. Cu bantuk cun sianginn kai ruah le rian dangdang ruangah India ram ah caan karlak umhmun a khuarmi zong an um cio hna. A ruang phunphun ruangah um umṭhut cionak ram a si caah, a ummi chungkhar le milu hi tu le tu aa thleng zungzal. Sihmanhsehlaw hi Tuanbia Cauk kan ṭial lio caan a ummi chungkhar le milu zat langhter khawh kan i zuam lai. Atu lio ah India ah khua a sami Cinkhua tefa Chungkhar in 13, milu in 54 an si. Hi chung ahhin tufa chungkhar pahnih; milu in 5 an i tel. India ram ah khua sami Cinkhua hrinsor chungkhar min cazin tling cu hi cauk a donghnak Appendix 05 ah zoh khawh a si lai.

 


Dal (10) Nak

Cinkhua Kan Pupa Nunphung Tenek

Hika ahhin, Cinkhua nih kan ngeihmi nunphung kong banhphanh khawh tawk in langhter khawh kan i zuam lai. Nunphung timi nih mibuu cawlcanghnak dihlak in a huap dih ko; sihmanhsehlaw Cinkhua hrinsor nih kan ngeihmi nunphung dang vialte cu, tlamtling tein kan langhter dih cang caah, langhter rih lomi, kan holh/ca, kan Nithla Relning, kan Hla, kan Laam, kan Ral le khat le khat karlak ah pupa hna nih an rak ngeihmi lungput tete kan langhter lai.

1. Kan Ca le Kan Holh

Cinkhua khua cu Hakha awcawi a hmangmi Mie Peng khua hna le Zokhua awcawi a hmangmi Zokhua peng khua hna nih kulhmi khua a si nain Zokhua awcawi zong a hmang lo i Hakha awcawi zong a hmang fawn lomi khua kan si. Cinkhua khua holh hi a phun a dang ngaingai. Kan pupa hna nih Kawl rawn in an hun i kai pimi holh maw a si, Taizaang an phanh hnu in duhsah te i a hung peimi dah a si, ti cu hohmanh nih hngalh khawh a si ti lo. Kan holh le kan ca kong hi biatak tein kherhlai timh ahcun saupi in ṭial khawh a si hnga sihmanhsehlaw atu ahcun, Cinkhua holh le ca muisam langhtertu taktak biafang tete lawng fianternak kan tuah lai.

@. Ting: “ting” timi hi Cinkhua holh a phundannak langhtertu bik biafang pakhat a si. Hakha holh in “nih” {Eg. Nangmah nih} an timi khi Cinkhua nihcun “ting” {Eg. Namah ting} tiah kan ti.

@. Naa: “naa” hi Cinkhua holh ahcun phundang ngaingai in kan hmanmi biafang a si. Hakha holh in “a ka pek” an timi khi Cinkhua nihcun “naa pek” tiah kan ti. Hakha holh in “nangmah” an timi zong hi Cinkhua nihcun “naamah” tiah kan ti. A tawinak in fianter ahcun, “Naa” hi cawlcanghnak {verb} he kan hman chihmi a si. Tahchunhnak ah, “naa pek, naa dawt, naa velh, naa hlen” ti bantuk in kan hman.

@. Tang: “tang” timi hi Cinkhua nih phundang tein kan hman ve. Hakha holh in “pei” {E.g. nangmah nih pei..} an timi khi Cinkhua nihcun “tang” {Eg. naamah ting tang} tiah kan ti.

@. Hi: “hi” timi hi biahalnak ah kan hmanmi biafang pakhat a si. Hakha holh in “nangmah ma na si?’ an timi khi Cinkhua nihcun “namah ma na hi?” tiah kan ti. Biahalnak ahcun hi bantuk hin “hi” kan hman nain bialehnak ahcun “ha” kan hman ṭhan. Tahchunhnak ah, Hakha holh in “keimah ka si” an timi khi Cinkhua nihcun “kamah ka ha” tiah kan ti.

@. Ei~thla: “ei~thla” timi hi Cinkhua lawng nih kan ngeihmi biafang a si lai, ruah a si. Hakha holh in “keimah nih pei kan pek ko cu” an timi khi Cinkhua nihcun “kamah ting ai~thla kan pek ko ca” kan ti.

@. Na ka: Hakha holh in “kan pek” an timi khi Cinkhua nihcun “na ka pek” tiah kan ti.

@. Vung: Hakha holh in “ka rung” an timi khi Cinkhua nihcun “ka vung” tiah kan ti.

@. Khung: Hakha holh in “ka hung” a timi khi Cinkhua nihcun “ka khung” tiah kan ti.

@. Ahi tacung: Hakha holh in “asi ahcun” timi khi Cinkhua nihcun “asi ahcun” tiah kan ti.

@. Hngai: Hakha holh in “hna” timi khi Cinkhua nihcun “hngai” tiah kan ti. Tahcunhnak ah, Hakha nih “nan hung tlung hna ma?” an timi khi Cinkhua nihcun “nan khung tlung hngai ma?” tiah kan ti.

@. Kei: Hakha holh in “kaa” {Eg. Kaa laak} timi khi Cinkhua nihcun “kei {Eg. Kei laak} tiah kan ti.

@. Hmuiper khi Tanpawng kan ti; Kawngthun khi Cemkawng kan ti.


2. Kan Ni Thla Relning

Hi Ni le Thla relning hi Lai miphunpi nih an rak hman ciomi Ni le Thla relning he aa khat deuh lo; kanmah Cinkhua hrinsor hrimhrim nih pupa chan ah an rak hmanmi Ni le Thla relning si dawh a si. Hi Cinkhua Ni le Thla relning hi, Pu Erh Ling nih a khomhsuatmi cherhchan in ṭialmi a si.

A. Cinkhua Ni Relning

1. Thiangter Ni            = Nikhat Ni {Monday}

2. Hau Hun Ni             = Nihnih Ni {Tuesday}

3. Bangtin Ni               = Nithum Ni {Wednesday}

4. Ṭuan Ni                    = Nili Ni {Thursday}

5. Khauzelh Ni             = Ninga Ni {Friday}

6. Ti-an Tlunh Ni         = Niruk Ni {Saturday}

7. Cawl Ni                    = Zarhpi Ni {Sunday}

B. Cinkhua Thla Relning

1. Hau Thla                 = Janauary

2. Hau Thlapi              = Febuary

3. Kuut Thla                = March

4. Dite Thla                 = April

5. Dipi Thla                 = May

6. Vull Thla                 = June

7. Hniang Thlate         = July

8. Hniang Thalpi         = August

9. Ṭuan Thla                = September

10. Siam Thla              = October

11. Tho Thla                = November

12. Bawi Thla              = December

Note: May le June hi a phnih komh in "Tau thla" ti zong in an auh. Cun June le July zong hi a pahnih komh in "Vull thla" tiah an auh fawn. Cucaah Cinkhua thla relning taktak ahcun, Thla 12 caah auhnak thla min 13 kan ngei tinak a si.

3. Kan Hla le Laam

“Kan hla” timi ahhin, Cinkhua pupa chan ah an rak sakmi hla le phuahmi cu tampi a rak um ko lai nain hngalh khawh tawk pupa hla hna lak ahcun, Cinkhua mihlun kan sinak le kan dirhmun langhtertu hla an si rua, tiah ruahmi tlawmpal in hun langhter khawh kan i zuam lai. Cinkhua tuanbia caah a biapimi hla an sinak a ruang tete zong langhter chih khawh kan i zuam lai.

a. Kan Hla

Cinkhua kan pupa hna nihhin hlapi hi tampi an rak ngeih ko lai. Sihmanhsehlaw kan pupa hna nih an rak ngeihmi hla vialte ṭial dih kha kan timhmi siloin pupa hna hla umkalning nihin mino hna nih a ruahdamh zia kan hun thiam khawh ve nakhnga, tlawmpal in hun langhter khawh kan i zuam lai.

@ "Ni Kawi na pa vung au law Duh chin sang par in nitin ṭuan zai rel lo lai rel zuu pawng ah cia khar kan run inn zil leng ee"..

Hi hla hi, Taizaang an um lio ah an rak phuahmi hla si dawh a si. Taizaang i an rak um lio caan hi, sal tlaih chan a rak si. Kawl pawl hi sal ah an tak tlaih hna i an rian an rak ṭuanter hna. Anmah khuami tu cu, sunhthahnak, khuangcawinak, khuanglu thluknak, Bawite bawinak, pasawm relnak le fanu ahnak ti bantuk hmun ah a Ni pehpeh in caan an rak hmang, timi langhtertu hlapi a si, tiah ruah a si. Hi kan hlapi zohnak hin, Taizaang an rak um lio ahhin kan pupa hna hi an rak i nuam, timi fiang tein, hngalh khawh a si.

@ "Zing nih thum cang tilim sia le rul thau he, tluang tei kan ing tuk; chanhra khuasa, tuu thing ṭio lo khuai hlun hawi ee.."

Hi hla hi, Cinkhua khua hlun ngaingai pakhat kan sinak langhtertu hla pakhat a si ve. Tuupi thing kua ah a ummi khuai he tahchunhmi khua a sinak le hi hla phuah a rak si ahhin, chanhra tluk a um cangmi khua kan rak sinak, fiang tein, a langhtertu hla a si. Hi Hla hi, Cinkhua tuanbia a hngaltu bikah ruahmi tleicia kan pu, Pu Hre Mang nih "Tiphul ral nih Cinkhua an rak tuknak kong he pehtlai in phuahmi hla a si" tiah a ti. Tiphul Ral hi Hau Zaw bawi, Pu Ṭial Al chan ah a chuakmi a rak si caah hi hla cherhchan hin, kan pale cheukhat nih, Pu Ṭial Al chan ahkhan Cinkhua khua hlun ah chanhra kan rak um cang tinak a si kho, tiah an zumh. Hi hla hi, Cinkhua khua hlun tlaak hnu ah phuahmi hla a si.

@ “Ram ṭuan i daw hlah u, val rual hna. Lei tang a um, ṭial ṭhi lang kheng, ṭhifa ṭha a um; tilim sia le maihum”..

Hi hla hi Cinkhua khua hlun tlaak hnu ah phuahmi a si lai, tiah ruah a si. Hi hla hi, rian ṭuan le teimak a herh zia, khat le khat aa cawnpiakmi miphun kan rak sinak langhtertu hla a si. Hi hla hi “Pa Kawi pa hla” ti zong in hngalh a si. Pu Hmung Nawl kha “Pa Kawi” tiah auhmi cu a rak si. Pu Hmung Nawl cu Pu Tawk Hmung pu khi a si.

b. Kan Laam

Cinkhua hrinsor nih sunhthahnak, puai pipa caan le pumh khomhnak an ngeih caan tete ah an rak laam tawnmi laam phun tampi a um lai nain hngalh khawh tawk ah, an rak hman bikmi laam hna cu: 1. Pawlaw Tlawh, 2. Hniar Laam, le 3. Sar Laam hna hi an si. Hi laam hna hi saki, cawm, le dar hna in sermi ringawn phunphun tum pah in an rak laam tawnmi an si.

@. Pawlaw Tlawh: “Pawlaw tlawh” timi cu kut i sih dih i aa kulhpi in hmun khat ah laam mi a si. Hi laam hi nungak tlangval tonpumhnak caan ah siseh, sunhthah le sahrang luhnar caan ah siseh, an lunglomhnak langhternak caah an rak laam tawnmi a si. Hi laam hi, ni sunglawi puai sunglawi caan theng ah siloin a tlangpi in an lunglomhnak langhter an duh caan poh an rak hmanmi laam a si. Cucaah hi laam hi, kan pupa chan ahcun duh caan poh ah laam mi, zatlang laam a rak si, ti khawh a si.

@. Hniar Laam: “Hniar Laam” hi cu, an ni sunglawi caan ah an rak hman tawnmi laam a si. Kan pupa hna nih ni sunglawi an rak timi cu sunhthah, khuangcawi, khuangluthluk le bawite bawi te hna an rak si. Cu bantuk caan sunglawi caan ahcun, Hniar Laam hi an rak laam tawn.

@. Sar Laam: “Sar Laam” hi ‘Ral Teinak Laam’ ti a si i pa-sawm-rel caan, sawm tuk caan, vomkhuai le ngalhriang kah i saluhnar caan, an ral khua le miphun an rak thah hna le an rak tei khawh hna ruangah tuahmi milu-hnar puai, ti bantuk caan ah an rak hmanmi laam a si. Pu Chawn Kio nih a ṭialning ahcun, "Sarlaam cu Zokhua khua in aa thokmi laam a si. An pasal le vialte um lo karlak ah, Zokhua khua cu ral nih an rak tuk hna. Sihmanhsehlaw a dam lo ruangah inn a rak hlummi, Pu Dar Al hruainak in nu le ngakchia rual nih an rak doh i an rak tei hna. Zanlei sang an pasal le pawl an hung tlun tikah, an thin a hung tuk hringhran i an ral pawl luu cu an tan dih hna hnu ah, ralsawm an tuk i an thahmi ral luu cu an rak i laampi hna. Sar thih in a thimi luu an laampi caah, an laam cu "sarlaam" tiah an rak auh" tiah a ti.

4. Nu-phung Pa-phung Kan Ngeihmi

Lai miphun hawi dang nih an ngeih cio bantuk in kannih Cinkhua hrinsor zong nih nupi ṭhit, pasal ngeih kongah zulhphung kan ngeih ve. Sihmanhsehlaw hi bantuk zulhphung hi khua khat chungah a ummi hrinphun kip nih, phun dang tete in ngeih dih cio a si caah, a dihlak in langhter khawh a si lai lo. Sihmanhsehlaw Cinkhua hrinsor dihlak nih kan i hrawm khawh cio bikmi zulhphung a tlangpi lawng in kan langhter lai. Hi kan pupa nunphung kong hi kan pale dangdang nih a chuahpi mi zong aa tel ve nain a tam bik cu, Pu Dar Hlun nih Cinkhua Pupa Nunphung kong a ṭialmi cherhchan in ṭialmi a si.

a. Phun Thawh: Fanu ngeitu nih an fanu a ṭhitu hna sin in an lakmi man a si. Hi man hi, phun dang in chim ahcun, phun man a si. Nu phun kha a pasal chungkhar nih an cawknak man khi a si, ti khawh a si. Cucaah hi man hi hrinphun zulh in a kal; bawi phun man a sang deuh, sal phun man a niam deuh. Hi phun thawh man he pehtlai in, kan pupa chan ah a tlangpi in phun thum in rak ṭhen an si: 1. Bawi Phun man cu Siapi fa asiloah Siapi a rak si. 2. Phun Lai pawl man cu Cawpi a rak si. Phun lai timi cu sal zong a si lo i bawi zong a si lomi phun khi an si. 3. Nauta phun pawl man cu Vokpi hna a rak si.  Hi phun thawh hi nupi ṭhitu pa i a pa nih a man khawh lo ahcun, nupi nupi ṭhitu pa a nu i a pa/ṭale nih pu man he an kemh chih khawh. Cu ti a si ahcun, nupi ṭhitu pa i a pa cu zeihmanh a co lai lo. Ṭhitmi nu kha bawi phun a si ahcun, Phun Thawh hi thuat hnih, thuat thum in a rak um. An man lengah, merlei um, Dar um, hmaihum ti bantuk khin a thuat ning in an rak chap hna. Cucu Phun Thawh timi cu a si.

b. Ṭa Man: “Ṭa Man” timi cu pasal ngeimi nu i a chuahpi ṭa nih a co dingmi a si. Sihmanhsehlaw hihi dawtnak in midang coter khawh a si; cucu “ṭa i tlaih” tiah auh a si. Ṭa Man cu a tlangpi in Phun Thawh man he aa zat lo; Phun Thawh man a cheu a si lai.

c. Pu Man: “Pu Man” cu pasal ngeitu nu i a nu ṭale or phun thawh cotu nih an comi man a si. Midang zong hawih khawh a si lo.

d. Ni Man: “Ni Man” cu pasal ngeitu a pa i a chuahpi farle nih an comi man a si. An manh tawnmi thil hna cu ṭhutnak pher, puaknak puan ti bantuk pawl khi an si.

e. Hmai Tlam: “Hmai Tlam” timi cu khat le khat i sik, zo i langh le hmual i phoh caan ah khat le khat i rem khawh ṭhannak caah pekmi man a si. A hlei in an ṭhit dingmi nu a phun le dirhmun soiselnak le zawmh teih deuhnak biakaa a um sual ruangah, buainak a chuah ahcun hi hmai tlam hi rak hmanmi a si.

f. Chiah Inn Man: Khua tluang ah an fanu pasal a ngeih tikah, an fanu puai tuahnak i an pasal le chungkhar inn le lo an va hman ruangah pekmi man a si.

g. Arsa Thah: Pasal a ngeimi chungkhar nih an hrinphun khat chungkhar vialte he eiṭi awk ah nupi ṭhitu pa an halmi man a si. Thah tawnmi cu, vok a si lai i a hme bik ah sumh 5 tal a si lai. Pasal ngeimi nu hrinphun vialte nih an i cheuh lai i ni/far ngei an si ahcun ni/far an pek ve hna lai.

h. Inn Kai Man: “Inn Kai Man” timi hi nupi an hal, inn an i kai i nu lei le palei kaphnih hnatlaak lungtlinnak an ngeih hnu le hnatlaaknak sa (vok/ar) thah hnu ah, ham chung nak ca i pekmi man a si. Hamtu pa he an i umh hlan ah halmi nu cu pasal dang a ngeih sual ahcun hi man hi khirh phung a si.

Note: Cinkhua cu Laam le nu-phung pa-phung ahcun Laimi zapi hmanmi kan i hrawm.

5. Kan Ral

"Kan Ral" kan ti tikah atu chan dirhmun in ruah ahcun, chim ṭihnung ngai khi a lo. Sihmanhsehlaw kan pupa hna chan cu, khua khat le khua khat, miphun pakhat le pakhat i tuk le i doh chan a rak si caah, kan nih Cinkhua kan pupa hna he aa rak i domi an ral pawl; kan pupa hna nih an rak dohmi ral, tinak khi a si. Cinkhua miphhun nih kan ton balmi ral hi phun thum in ṭhen khawh an si: 1. Dong Thlang Ral {Taizaang um lio}, 2. Tiphul Ral {Cinkhua um hnu}, le 3. Zokhua Ral {Cinkhua um hnu} hna an si. Hi kan ral kong hi Cinkhua tuanbia hlathlaitu kan pale tampi nih an chimmi le ṭialmi tete cherhchan in ṭialmi a si.

a. Dong Thlang Ral

Dong Thlang Ral hi Cinkhua hrinsor kan pupa hna nih, Taizaang khua an ṭio taaknak a ruang tampi lakah, aa tel vemi pakhat a si. Taizaang an rak um lio ahhin, rian ṭuan piaktu sal tampi an rak ngei i an ram zong a rak ṭhat fawn caah, khua an rak sa kho ngai hna, ti a si. Hlan kan pupa hna chan ahcun, duhdim deuh in khua a sa khomi minung le miphun hi porhlawt ruamkai phun le ahohmanh an kan tei khotu ding an um lo, hei tiphun deuh khin um an rak hmang. Cu bantuk in Cinkhua kan pupa hna zong cu an rak si ve. Anmah lak i tlangval pakhat, Pa Hniang timi pa nih atu Sakhibu tlang zawn ahkhin Darnam a rak khaan, ti a si. “Darnam khaan” timi a sullam cu “a kan ngamhmi le kanmah he raltuk a duhmi poh nih hi nam hi la u law, kan i tawng hna lai” tinak khi a si. Phun dang in kan chim ahcun, raltuk sawmnak cakuat bantuk khi a si.

Cu Nam cu Dong Thlang Sia kawl, tlangval pawl nih an hmuh i an rak lak. Cu ticun, Run Ral le Dong Thlang hrawng ummi khua vialte an rak sawm hna i, Taizaang cu an rak kulh, ti a si. Atu, Ralriah timi hmun hrawng khi cu ral pawl an rak riahnak hmun cu si dawh a si. Cu ticun, an rak tuk hna i khuaza kengkip lo ah kan pupa hna cu, an rak zaam. Nihin tiang ah kan ngeih pengmi “Khuk Zawn Dar Thuhnak, le Khuang Cawi Hmun” timi pawl zong khi hi Dong Thlang ral sin in an rak zaam lio ah, a cangmi thil si dawh in kan pale nih an chim. Hi ral nihhin, khuasak tintuknak kong ruat thiam loin, caan saupi, hna an rak hnawh hna i an pasal ṭha tampi nunnak a rak liam cang caah, beidongh in, Taizaang khua zong an rak ṭionak hi a si, tiah Cinkhua tuanbia hlathlaitu kan pale nih an chim.

b. TiphuL Ral

Tiphul Ral hi Cinkhua hrinsor nih kan ton balmi ral vialte lakah, a fak bikmi ral a si, tiah kan pupa hna nih an chim tawn. Hi ral hi zeitik kum ah dah a rak chuakmi a si, tihi felfai in hngalh khawh a si lo. Pu That Luai nihcun “Tiphul ral cu A.D. 1825 in aa thok”, tiah a chim. Cinkhua khua hlun tlaak hi A.D. 1750 hrawngah rak si dawh a si, ti a si caah “Tiphul ral cu A.D. 1825 in aa thok” timi hi a dik khomi a si zeicatiah Tiphul ral cu Cinkhua khua hlun tlaak hnupi ah tukmi a si. Tiphul ral aa thokning cu hi ti hin a si:

Cinkhua cu hi lio caan ahhin, an rak ṭhawng ṭha ngaingai. Lai miphun nih a ngeihmi sunparnak le thang i chuahnak thil vialte an rak tuah khawh dih. Khuang an cawi, Bawite an bawi, pa sawm an rel i nuam taktak in puai tuah le laam lawngte in an caan an rak hmang.

Cu lio hrawng ahcun, Cinkhua mipa pakhat cu khuang a rak cawi i khuangcawi donghnak tlanghau Ni ah, “Hniar Laam dah nan duh deuh, Sarlaam” tiah mipi a rak hal hna, ti a si. Cu ahcun, “Sarlaam kan duh deuh. Tiphul khuami va that ta hna u sih”, tiah an leh i tlangval pakul cu Tiphul khua lei ah an rak kal, ti a si.

Hi bantuk sunparnak caah tuahmi puai ahhin, kan pupa hna nih “Hniar Laam” hi an rak hman tawnmi a si. Sihmanhsehlaw “Sarlaam” cu raltei lomhnak puai caan ah hmanmi laam a si. Cucaah “Hniar Laam nak in Sarlaam kan duh deuh”, timi a sullam cu sunhthah puai tuahnak i laam sawhsawh nakcun, mithah ralteinak puai tuahnak i laam kan duh deuh, tinak khi a si.

Cucaah, cu tlangval hna cu Darnam he an kal; an kal lengmang i Tiphul khua an phan. Cu lio ahcun, Tiphul khua cu sunhthahnak puai an rak tuah i an rak laam len liopi a si, ti a si. Cinkhua tlangval hna nihcun, “Tiphul khua hna, nan haukaa kan hung u" tiah an rak au hnawh hna, ti a si. Sihmanhsehlaw Tiphul pawl nihcun, "Cinkhua le Tiphul cu zeihmanh kan i ti bal ṭung lo; va kir ko u" tiah an leh hna. Sihmanhsehlaw Cinkhua tlangval pawl nihcun, an tihram in tidawng an rak phelh piak hna. Tiphul pawl cu, ti loin an um khawh lo caah, an khuami pakhat cu tidawng sertu dingah an hun thlah. Cu pa cu, Cinkhua hna nihcun an rak thah; a lu an tan i Tiphul khuami hna cu “nan tihram ah Naa tum kan thah; a sa hung can u” tiah an rak au hnawh hna.

Cucaah Tiphul nihcun, “rak kan hngak u, nanmah he a sa cu kan canṭi hna lai” tiah an leh hna. Tiphul pawl cu an i timhtuah i Lam hleng in, Cinkhua cu an rak karkanh hna i an rak bawmh hna, ti a si.

Cinkhua tlangval pawl cu, a rak phan chom in an rak thah lengmang hna i tlangval 19 an thah khawh hna. Tlangval pakhat cu, "Vanhram cat hlah" tiah a rak tli lengmang i Leilaw khua a rak phan. Leilaw khua cu atu Farawn khua le Fiarti khua ram ahkhin a rak um. Pu Hre Mang nih a ṭialning ahcun, “Leilaw khua ahhin Cinkhua nu pasal a ngeimi a rak um i cu hna inn ahcun Tiphul nih an dawimi Cinkhua pa cu a rak lut”, tiah a ti. Cinkhua nu nihcun, cu tlangval pa cu, ka khua hawite tiah, rawl buuk chungah a khumh i an innkaa cu a hni chia in a rak kham piak, ti a si.

Cu tlawnpal ahcun, a dawitu Tiphul pawl cu an hung phan i "nan inn chungah Cinkhua pa a lut, rak chuahter" tiah an ti nain Cinkhua nu nihcun "ka inn chungah hohmanh an lut lo; innkaa zong kan hung kho fawn hna lo" tiah a rak leh hna. Cu ticun, hni chia tang i kun cu an i thlachiat ve caah an rak kir taak, ti a si. Cu hnu ahcun, Tiphul nih Chun Cung, Mangkheng, Thlan Rawn le Falam tiang an sawm hna i Cinkhua khua cu ṭhio dih hrimhrim ding in an rak doh, ti a si. Kha lio caan ah Cinkhua khua dohpi ding in an rak sawm hna ruang ahhin, Zahau bawi le Hakha bawi nih Tiphul khua cu ramuk bawi pennak a dih kum A.D. 1948 tiang kha khuachiah le farel an rak lak hna, ti a si. Khuachiah le farel timi cu atu chan ah ngunkhuai {tax} kan timi bantuk hi a si.

Hi ral lio ahhin, Cinkhua khua hi inntung 85 hrawng rak si dawh an si. Cu chung ahcun, ral ruangah pa vialte an thih dih caah, chungkhar pa bik a thi lomi innchungkhar 25 hrawngte lawng an rak tang cang, ti a si. Ral nih an rak kulh dih hna caah, lo rian ṭuan zongah a buupi pi lawng in an rak kal ngam cang. An satil le Arva tete zong ahohmanh nih an rak zohkhenh ngam ti hna lo caah, an Sia zong khua dang Sia sinah an rak i fawn dih ti a si. Khua chung ah satil le arva awnh le khuan thawng hmanh theih awk um lo tiang in, hi ral nihhin Cinkhua khua cu zuun ngaihnak le mithli tlaaknak khua ah a rak ser.

Cucaah Cinkhua kan pupa hna cu, an bei a dongh tuk cang caah an rak biakmi khuahrum, Bawi Sai le Cerh Ceu hna sinah ngaithiam halnak an rak tuah, ti a si. Cu ahcun, an khua zing nih Hau Zaw hrinphun chungmi Pu Ṭial Al a rak pek hna. Pu Ṭial Al cu miṭhawng a rak si. “Khuami hna, nan bei dong hlah u, keimah ka za lai, ka sam aa kuaih tiang ka hngak ko rih u” tiah Pu Ṭial Al nih khuami cu thazaang a rak pek tawn hna, ti a si.

Pu Ṭial Al cu a hung za i raltuknak feinam, lithal le centiang aa ken, i fungvawi reu riahcaw caah aa rawnh hnu ah, Tiphul khua doh ahcun a rak kal. Tiphul khua cu kahcham thukpi in cawhmi le thingtum nganpi pi in kulh dihmi khua a si caah, khua kulhnak cu fawite in a rak kai kho lo. Cu lio ahcun, hruang chunglei in thli nih rua kung a hun chawih i cu rua kung parte cun a kai i khua kulhnak hruang chung ahcun a rak lut, ti a si.

Tiphul khua cu chun ah siseh, zaan ah siseh, pa a simi poh a rak thah lengmang hna i a donghnak ahcun, Tiphul khua ah pa an rak dih dengmang ve. An khua hmanh hlum ngam loin khua dangah an rak zam dih, ti a si. Zan khat ah inn hmai chun pakua tiang a rak thah hna, ti a si. Cucaah Tiphul khua cu an thin a phang, an bei a dong i an ṭih tuk cang caah Hakha sangpi bawi an hung chimh i Sangpi bawi nihcun “Cinkhua cu nan tei hna lai lo, Hau Zaw hrinphun chung in pa ralṭha, pa ṭhawng, le aho celh lomi pa a chuak; a nawl tu in, vung nawl hna uh” tiah a rak ti hna ti a si. Cu ticun, Tiphul le Cinkhua karlak raltuknak cu a rak dih, tiah Pu Hre Mang telh in Cinkhua tuanbia ṭialtu kan pale cheukhat nih an chim. Sihmanhsehlaw Pu That Luai telh in Cinkhua kan pale cheukhat nihcun, Tiphul ral hi Cinkhua nih amah tein a rak tei khawh lo caah, Zokhua a rak i sawm i Zokhua bawmhnak thawng in an rak tei, tiah an chim ve. Chimh chin le chimh fawn nak lawng in hngalhmi a si caah, zeitiset in aa rak i thok le a dongh cu fiang tein hngalh khawh a si ti lo; sihmanhsehlaw fiang tein kan hngalh khawhmi cu, “Cinkhua le Tiphul an rak i do”, tihi a si.

Pupa chan ah a rak cangmi Tiphul le Cinkhua karlak raltuknak he pehtlai in nihin Tiphul khuami hna lungput le ruahnak hi hngalh a herh ko, tiah ruah a si caah Cinkhua Tuanbia Zohfeltu Committee nih Tiphul thinlungput le ruahnak haltu dingah Pu Ram Peng cu November 25, 2020 ah ṭuanvo an rak pek. Pu Ram Peng nih Hakha Tiphul Fellowship lutlai a simi, Pu Za Kio le Rev. Hram Zel a ton hna hnu ah, kaphnih khua in bochanmi upa veve sawm in ton biaruahnak ngeih ding in biakchonhnak an ngei. Cu hnu ahcun, Cinkhua lei in Pu Ram Peng le Rev. Bual Sang nih Pu Za Kio le Rev. Hram Zel cu Febuary 27, 2021 ah avoi hnihnak biaruahnak an ngeih ṭhan hna i kap hnih upa hna tonbiaruahnak caan fehternak an tuah. Cu zulh cun March 1, 2021 ah Tiphul lei in upa 13 le Cinkhua lei in upa 9 hna cu tonbiaruahnak le thlacamṭinak  tlamtling tein an rak ngei kho. Kan pupa chan ah a rak cangmi tuanbia dawhlo ruangah, kan karlak ah huatnak zeihmanh um loin lungthin khat le ruahnak khat in dawtnak he ṭuanza relṭi hna u sih, tiah dawtnak zanriah dumṭinak zong rak ngeih a si.

c. Zokhua Ral

Hi ral hi khua khat le khat i tuknak taktak a si lo nain, Cinkhua khuapi hrawktu ral pakhat a si ve caah langhter lo awk a ṭha lo. Aa thokning cu hiti hin a si: Zokhua Ramuk bawi, Pu Ceu Phua nih Cinkhua Ramuk bawi Pu Ung Khar a rak tlawn; Zokhua bawi cu Cinkhua bawi inn ahcun a rak riak. {Pu Ung Khar cu Pu Hre Mang i a pu khi a si}. An biaruahmi zeiset a si cu fiang in hngalh a silo sihmanhsehlaw lo thlawh man, ram hman man le khua tlaak man ti bantuk ngunkhuai pek kong rak i ceih hna sehlaw a dawh, tiah kan pale nih an chim. A thaizing cu zingka tein Zokhua ramuk bawi pa cu a thilphortu salle hna he, Zokhua lei kir an i thawh. An kal tlawmpal ah, Cinkhua ramuk bawi Pu Ung Khar salpa nih a dawi hna i Zokhua bawi thil phortu pa cu, a khuk ah fei in a rak khawh ai. Cucaah Zokhua ramuk bawi cu thil phorh piaktu a ngeih ti lo caah, a rak kal kho ti lo i Cinkhua Ceupa Chung Hrinphun chungmi nih a thil cu an phorh piak i Zokhua tiang an rak thlah hna, ti a si.

Cu ruang ahcun, Zokhua khuami hna cu an thin a hung tuk hrinhran i an khuapi in an rak ra i Cinkhua khua inn vialte, Ceu Pa chung inn a si lomi poh, mei in an rak khangh dih cikcek. Hihi Cinkhua khua hlun cungah a rak ummi Cintu tuuhmawng a rawhralnak hrampi zong a si, tiah khua tuanbia hngaltu cheukat nih an chim. Hi tan khuapi inn a kangmi sak ṭhan nak ding caah hin, atu Cinkhua khua thar tawkaa hrawng ah a ummi Farkung pawl an rak hman hna, ti a si.

Pu Hre Mang nih Cinkhua Tuanbia a ṭialmi ah, Zokhua nih Cinkhua inn an rak khanghnak kong hi a ṭial chih lo. Sihmanhsehlaw Pu Ung Khar chan lio ah, Zokhua le Cinkhua karlak ah i ralnak le i theihthiam lonak tete a rak um, ti cu fiang tein a langhter. Zokhua ral he pehtlai deuh in thil pakhat a chimmi cu, Zokhua le Cinkhua karlak ah buainak le theihthiamlonak a rak um lio caan chungah, voikhat cu "Bungtuah khuami Sawmhal hrinphun chung pa nih Pu Ung Khar fanu cu a rak ṭhit" a ti. A fanu puai zawh ahcun, Pu Ung Khar cu Bungtuah khua ahcun a vung kal. Cu a kal kar ahcun, Cinkhua Ceupa Chung Hrinphun chungmi, Pu Dar Mang nih Zokhua bawi Khengmual pa cu "Pu Ung Khar nih na salle aa lak hna hih" tiah Pu Ung Khar nih aa lakmi sal pawl min cu a rak chimh dih, ti a si. Cucaah Zokhua bawi cu a thinhung i Bungtuah lam in Pu Ung Khar cu an rak bawh, ti a si. Pu Ung Khar cu Zokhua nihcun an tlaih i "na pumṭek ṭhirual kha kan pe law, nangmah cu fahnak kan in pe lai lo" tiah an rak ti. Sihmanhsehlaw Pu Ung Khar nih a ṭhirual cu a sian lo caah, Cinkhua ah a salle a hei thlah hna i "Sia pakhat le darkhuang 10 in Pu Ung Khar cu an rak tlenh" ti a si. Pu Ung Khar khua a rak phanh hnu ah, a thin a rak hung tuk hringhran i Ceupa Chung Hrinphun chungmi, Pu Dar Mang cu fak taktak in a rak velh, tiah a ṭial ve.

Hi tuanbia pahnih hi Pu Ung Khar chan chungah a cang vevemi si dawh an si. Hi lio caan hi Zokhua le Cinkhua karlak dohkalhnak a rak um lio caan a si, tihi kan pu, Pu Hre Mang zong nih a fehter vemi a si. Hihi Zokhua le Cinkhua karlak buainak le ralnak kongah hngalh khawhmi a si.

6. Bawi Phun le Sal Phun

“Bawi phun le Sal phun” timi hi hlan lio kan pupa hna nih biapi ngaingai ah an rak ruahmi, an nunphung pakhat a rak si. Atu chan ahcun, “bawi le sal” ti cu a um ti lo. Sihmanhsehlaw ṭhangthar mino hna nih, pupa chan thilsining mithlam in kan cuanh khawh i an nunphung kan hngalh khawh nakhnga Hlan chan bawi le sal dirhmun kong cu a tawinak in langhter kan hun i zuam lai:

a. Bawi Phun

Pupa chan ah bawi phun rak timi pawl hi chuahkehnak le cikor in siangpahrang phun le cithlah an rak si ruangah siloin Lai miphun pupa hna nih Lairam rak luh kaa ah khuatlaaktu, mifim, bochanmi le hruaitu lutlai a rak ṭuanmi hna cikor hi chan tampi a hung kal hnu ah, “bawi phun” tiah auhmi hna hi an rak si lai, tiah ruah a si. Zeicatiah hlan lio chan ahcun, bawi phun hi “ram ngeitu” an rak si hna. Kan pupa chan ah, bawi phun a si nain ram ukmi a ngei lomi an rak um lo. Cu nih a langhtermi cu, kan pupa chan ah bawi phun sinak hi khua le ram tlaak lio caan thilsining he pehtlaihnak a ngei, tinak khi a si. Lo thlawh bak in aa cawmmi Lai miphun caah a herhmi vawlei hmun le ram ngeitu le uktu a simi bawi phun hna ṭihzah lo le upat lo cu khua chungah ei awk ngeih lonak a si cang. Cucu chan tampi a hung kal tik ahcun, “bawi phun” tiah auhmi ram ngeitu hna cu “minung nunnak ngeitu” bantuk ah an hung cang. Cucu Lai miphun lakah bawi phun timi nawl ngeihnak a thawhkehning a si. Cun, kan pupa hna chan ahhin, bawi phun nih sal phun cu ei lo sa le ṭhit/vat lo phun ah an rak ruah hna. Zei ruangah dah cucu a rak si, timi ruah awktlaak ngaingai a si. A ruang tampi a um kho nain a fiang bakmi pakhat cu, “hlan lio bawi phun nih sal phun nu an ṭhit ahcun, an bawi phun sinak an thurhhnawmh tiah rak ruah a si. Mipi nih an zawmhtaih, an zohchuk hna i nu le pa rocotu sinak tiang in a rak sunghter khawh hna” ti a si. Cucaah bawi phun chungmi hna nih sal phun chungmi hna ṭhit le vat hi a ṭih in an rak ṭihmi a si.

b. Sal Phun

Hlan chan ahcun, Sal hi phun hnih in an rak um. A pakhatnak cu “Tluang Chuak Sal” ti an si. Tluang Chuak Sal timi cu khua dang le miphun dang sin in ral tuknak in maw, inpilsimnak in maw, tlaihmi sal khi an si. Tahchunhnak ah, kan pupa chan ahcun hramhram in Kawl miphun hna khi an khua ah va luh hnawh hna i an tlaih khawhmi poh an rak tlaih dih hna. Cu tlaih khawhmi minung cu an khua ah an tlunpi hna i an rian ṭuan piaktu sal ah an rak zuat hna. Cucu tluang chuak sal, timi cu a si. A pahnihnak cu “Leiba Sal” ti a si. Leiba Sal timi cu leiba i cham khawh ti lo ruang ah tlaihmi sal khi an si. Hihi khua khat le khua khat minung hna lak zongah a chuak khomi a si. Nain leiba i cham khawh ti lomi ruangah rian ṭuan piaktu sal caah tlaihmi khi Leiba sal, timi cu a si. Hi bantuk in tluang chuak sal hrin zong a si lo i leiba sal tlaihmi hna hrin zong a si lomi, hrinphun pohpoh cu kan pupa chan ahcun “miphun thiang” tiah rak auh a si. A sullam cu, sal zong an si lo, bawi zong an si lo; thurhnawmnak le micung cuanghlei sinak zong zeihmanh a ngei lomi miphun thiang kan si, tinak khi a si.

Kan pupa chan ahcun, bawi phun nih bawi phun chungmi kha nupi ah a ṭhit ve tikah, nu lei chungkhar nih an fanu cawngkhaltu dingah sal an pek chih tawn hna. Cucu “Sal Kalh” tiah rak auh a si. Nu lei chungkhar nih an fanu zohkhenhtu dingah, an pekmi sal rian chawngtu dingah pa lei chungkhar nih sal dang an pek ve tawn hna. Cucu “ṭhut hmun rawl” tiah rak auh a si.

Sal dirhmun a harnak le a chiatnak kong siseh, bawi phun an rak bawining kong ah siseh, tampi ṭial awk a um lai nain atu chan minung hna nih kan hngalh dih khawh ti lomi le kan hngalh zongah santlaihnak zeihmanh a ngei lo dingmi thil tampi a um caah, hi vial tiang lawng hi kan hun langhter lai.

7. Kawh Auhning

Miphun kip nih kawh auhning hi kan ngeih dih ciomi a si. Chin miphun lak zongah, khua khat le khua khat, peng khat le peng khat, kan i kawh auhning aa khat cio lo. A tanglei ahhin, kan nih Cinkhua hrinsor nih khat le khat zeitindah kan i kawh auhning a si, timi banh phanh tawk in kan hun langhter lai.

a. Naih-niam Thap Khatnak Kawh Auhning

Hika ahhin, kanmah he aa naih bikmi chungkhat lakah khat le khat kan i auhning kan langhter lai. Kanmah he aa naih niam bikmi minung phu lakah auhnak a si caah, “naihniam a thap khatnak” tiah kan ti.

@. Ka Nu: a kan hringtu Nu cu “ka Nu” tiah kan auh.

@. Ka Pa: a kan hringtu Pa cu “ka Pa” tiah kan auh.

@. Ka Pi: a kan hringtu Nu le Pa hna i an Nule hna cu “ka Pi” tiah kan auh hna.

@. Ka Pu: a kan hringtu Nu le Pa hna i an Pale hna cu “ka Pu” tiah kan auh hna.

@. Ka Unau: aa khatmi Nu le Pa nih hrinmi cu “Unau” tiah kan auh hna.

@. Ka Far: aa khatmi Nu le Pa nih hrinmi unau lakah “Nu pawl” khi “Pa pawl” nih “ka far” tiah kan auh hna.

@. Ka Ṭa: aa khatmi Nu le Pa nih hrinmi unau lakah “Pa pawl” khi “Nu pawl” nih “ka Ṭa” tiah kan auh hna.

@. Ka Nii: hringtu kan Pa i a chuahpi Farle khi “ka Nii” tiah kan auh hna.

@. Ka Ṭang: hringtu kan pa a Farle hna i an Pasal le khi “ka Ṭang” tiah kan auh hna.

@. Ka Nute: hringtu kan Nu i a naule khi Nu an si ahcun “ka Nute” tiah kan auh hna.

@. Ka Nupi: hringtu kan Nu i a ule khi Nu an si ahcun “ka Nupi” tiah kan auh hna.

@. Ka Pate: hringtu kan Pa i a naule khi pa an si ahcun “ka Pate” tiah kan auh hna.

@. Ka Papi: hringtu kan Pa i a ule khi pa an si ahcun “ka Papi” tiah kan auh hna.

@. Ka Tuu: kan hrinmi fale nih an hun hrin chinmi khi “ka Tuu” tiah kan auh.

@. Ka Tuchin: kan hrinmi fale nih an hrinmi fale i an hun hrin chinmi khi “ka Tuchin” tiah kan auh hna.

@. Ka Fapar: kan hrinmi fale nih an hrinmi fale i an hun hrin chinmi hna nih an hun hrin ṭhanmi khi “Fapar” tiah kan auh hna.

b. Naihniam Thap Hnihnak Kawh Auhning

Hika ahhin, kanmah he aa naih ngaingai ve nain tlawmpal te a hun hlat deuh vakmi chungkhat lakah khat le khat kan i auhning kan langhter lai. Kanmah he aa naih niam bik changtu minung phu lakah auhnak a si caah, “naihniam a thap hnihnak” tiah kan ti.

@. Ka Pu: hringtu kan Nu i a chuahpi ṭa khi “ka Pu” tiah kan auh ve hna. Cun, kan Nu le kan Pa hringtu kan Pule i an unau zong khi Pa a simi poh cu “ka Pu” tiah kan auh ṭhiam hna.

@. Ka Pi: hringtu kan Nu chuahpi ṭa i an Nupile khi “ka Pi” tiah kan auh ve hna. Cun, kan Nu le kan Pa hringtu kan Pile i an unau zong khi Nu a simi poh cu “ka Pi” tiah kan auh ṭhiam hna.

@. Ka Pute: hringtu kan Nu chuahpi ṭa i an fapale khi “ka Pute” tiah kan auh hna.

c. Hrinphun Zulh in Kawh Auhning

@. Hringtu ka Pa lei hrinphun khat a simi poh cu, ka Pa nak in upa deuh a simi Pa poh cu “ka Papi” tiah auh dih khawh an si. Cu bantuk in, ka Pa nak in ngakchia deuh an si ahcun “ka Pate” tiah auh dih khawh an si. Cun, ka pa he hrinphun khat a simi Nu poh cu “ka Nii” tiah auh dih khawh an si.

@. Hringtu ka Nu lei hrinphun khat a simi Nu poh cu, ka Nu nak upa deuh an si ahcun “ka Nupi” tiah auh dih khawh an si. Cu bantuk in, ka Nu nak in ngakchia deuh a simi Nu poh cu “ka Nute” tiah auh dih khawh an si. Cun, ka Nu lei hrinphun khat a simi Pa poh cu “ka Pu” tiah auh dih khawh an si.

d. A Tlangpi In Zatlaang Kawh Auhning

Hringtu kan Pa lei in siseh, kan Nu lei in siseh, hrinphun khat zong kan si lo i pehtlaihnak chim awk zeihmanh kan ngeih lo ahcun:

@. Pu tar an si ahcun “ka Pu” tiah auh khawh an si.

@. Pi tar an si ahcun “ka Pi” tiah auh khawh an si.

@. Ka pa nak kumkhua upa deuh an si ahcun “ka Papi” tiah auh khawh an si.

@. Ka pa nak kumkhua ngakchia deuh an si ahcun “ka Pate” tiah auh khawh an si.

@. Ka nu nak kumkhua upa deuh an si ahcun “ka Nupi” tiah auh khawh an si.

@. Ka nu nak kumkhua ngakchia deuh an si ahcun “ka Nute” tiah auh khawh an si.

@. Keimah nak kumkhua upa deuh a si ahcun “ka U” tiah auh khawh dih an si.


Dal (11) Nak

 Cinkhua Nih A Tonmi Ngaihchiatnak Kong

Hika ahhin, Cinkhua khua nih kan rak tonmi cingchiah awktlaak ngaihchiatnak le khuapi mithli tlaaknak kan tonmi tete, banhphanh khawh tawk in, kan langhter lai. Innchungkhar le pumpak kip nih tonmi ngaihchiatnak dihlak kan langhter khawh chih dih lai lo caah, khuapi huap in tonmi ngaihchiatnak tete lawng in kan hun langhter lai.

1. Cinkhua Khua A Kaang

April 15, 1970 chun laipi ah Cinkhua {khua hlun} inn 19 a rak kang. Hi tan Cinkhua inn kangh hi a rak fak ngaingai. Hi lio Cinkhua inn kanghnak hi, khua hlun in khua thar ah, Cinkhua khua ṭhial a rak sinak a ruang ngan bik pakhat zong a si. Kan pupa chan ahhin, "inn kangh cianak hmun ah inntung dirh ṭhan phung a si lo" timi phungthluk bia an rak ngei. Cucaah an inn a kangh cianak hmun i inn le lo ṭha dirh ṭhan ngamh lonak le duhlonak lungthin mi tampi nih an rak ngei. Cucaah, a hmai kum A.D. 1971 ah Cinkhua khua hlun in khua thar an rak tlaak colh zong cu a rak si. Nikhat chungah, Cinkhua khua chung inn 19 a rak kangh hup ko caah cu Ni cu Cinkhua khuapi caah philh awk a ṭha lomi ṭah-aihram caan a rak si.

2. Cinkhua Ah Puul A Tlung

Cinkhua khua hlun um lio, A.D.1950s hrawng ahhin “Ngal-eu zawtnak” tiah an rak auhmi chungtlik zawtnak nih Cinkhua khua cu a rak den i minung 18 an rak thi. Cu caan cu Cinkhua tuanbia ah kan pale hna nih, ‘Puul tlun lio caan’ tiah an chim lengmangmi caan a si. Caan tawite chungah, Cinkhua khua chung in minung 18 tiang an rak thih caah, hihi Cinkhua khuapi caah philh awk a ṭha lomi ṭah-aihram caan a rak si.

Hi hna leng ahhin, Cinkhua nih kan tonmi sarthih le a dangdang sunghrelhnak, le zawtlaaknak tampi a um ko rih lai. Sihmanhsehlaw khuapi huap in tonmi ngaihchiatnak lakah, hi hna pahnih hi langhter lo awk a ṭha lomi khuapi ai-hram caan ah ruahmi a si caah, hi pahnih hi kan hun langhter.

3. Zaar Va Ti Sian

October, 1980 ah Cinkhua in siangngakchia minung 20, sayate le khuami thilportu zeimazat cu Ohsuh Primary Bawlungchuih zuamnak ngei ding in Dauchim khua ah an rak kal. Bawlung chuih a dih i an hung kir lei, October 4, 1980 ah Aive le Cinkhua karlak ah a ummi, Zaar va an tan cuahmah lio ah ruah lopi in tilian nih a rak phanh hna. Cu tisian nihcun hmakhatte ah siangkchia minung panga nunnak a rak liampi hna. Cucu nikhat te ah Cinkhua nih kan tonmi ngaihchiatnak ah philh awk a ṭha lomi ngaihchiatnak pakhat a si. Cu ni ah a nunnak a rak liammi hna cu: 1. Pa Biak Nawl, 2. Pa Than Chum, 3. Pa Biak Cung, 4. Pa Hrang Nawl, le 5. Nu Fam Thluai hna an si.

4. Kokek Rawhralnak Nih Cinkhua A Den

A.D. 2015 July thla donghlei ah Chin ramkulh a dihlak ti awk in, kokek rawhralnak nih fakpi in a rak den. Ruahpi fak tuk in a sur caah vawlei an min an cim dih i Chin ramkulh chungah inn le lo tam tuk a rak rawk. Kanmah Hakha peng lawngah a rawkmi le hnawrsuanmi inn hi 1300 leng an rak si.

Hi lio ahhin, kan nih Cinkhua khua zongah rawhralnak fakpi a rak chuak ve. Cinkhua nih facang tam bik kan laknak hmun, Pangvun nelrawn le dongpi nel leikuang tampi zong cu lio tilian nihcun a hrawh dih hna. Hrawngvun le Cinkhua karlak lampi ah donhmi kan donghlei pi le Laiva hlei zong, a zeihmanh tang loin a kalpi dih hna. Cu bantuk in, kan lei hmun le lo hmun a hrawh dih lengah khua chungah inn tampi zong a rak hrawh chih hna. Hi rawhralnak ton hlan ahhin, Cinkhua khua in a chuakmi facang hi a dihlak tang 2500 hrawng a rak si sihmanhsehlaw rawhralnak ton hnu ahcun a dihlak ah tang 500 hrawng lawng a chuak kho cang. Khualu le khuataw ah thinphang le beidong in khuami an rak zam dih hna. Khuami vialte mithli he rak i ciah dih a si. Hakha ah a ummi kanmah Cinkhua hrinsor inn tampi zong an rak rawkral hna. Khuami vialte khuaci mui le vansangau taktak in kan rak um hna. Zeitindah pehzulh in pawcawmnak kan kawl lai? Zeitindah inntung kan dirh ṭhan lai? tiah vansangau in rak um a si.

Cu lio ahcun, NGO le cozah lei nih a phunphun in bawmhnak an rak kan phawtzamh. Hakha khua chungah a inn le lo a rawkmi cu, cozah nih innhmun thar, atu Hakha thar ahkhin, a pek hna i inn sakpiak a duhmi cu anmah cozah nih inn an rak sak piak hna. Cozah sak piak a duh lomi le kanmah tein kan i sak ko lai, a timi cu inn saknak ding caah Kawlram phaisa in sing tampi a rak bawmh hna. Cu ticun, inn thar le lo thar tete an rak i sersiam cio ṭhan hna.

Cu lio ahcun, Cinkhua minung nih khua ah siseh, Hakha ah siseh, kokek rawhralnak ruangah kan tonmi ngaihchiatnak le beidonghnak vialte hrawmpi in, ramleng a phan cangmi Cinkhua hrinsor vialte zong fakpi in ṭan an rak la ve. An umnak hmun le ram cio in bawmhnak phaisa an kholh i Lai hlum khua hawi sin ah an rak kuat cio. A cheu nihcun, an umnak ram miphun, Mirang hna sin tiang in harnak fak tuk a tongmi an unau vialte kan caah tlawm an suk, bawmhnak an rak kan hal piak. Cucaah, ramleng ummi Cinkhua hrinsor nih kha lio caan hartongmi khua hawi bawmhnak caah an kuatmi phaisa cu, a dihlak ah Ks. 19,554,144/- a rak si. A tanglei ahhin, phaisa kuatu le kuatmi zat cazin zong kan hun langhter. Khua hawi nih hi bantuk in, harnak kan ton lio caan ah zawnruahnak nganpi he chawva petu dihlak sinah, Cinkhua khuapi nih hi kan tuanbia cauk hin upatnak le lomhnak roca kan ṭial.

 

2015 Kokek Rawhralnak Caah Ramleng Bawmhnak Lutmi

No.

Phaisa Kuatu

A zat

 

 

Kyats

1.

Dallas Cinkhua Family

66,18,844

2.

Missouri state Cinkhua Family

9,58,600

3.

Malaysia Cinkhua Family

20,00,000

4.

Australia Cinkhua Family

26,00,000

5.

Pu Mawng Mawng te state

9,69,300

6.

Pi Sai Iang & family (Malay)

2,00,000

7.

Pu Mual Hu & family

5,00,000

8.

Pu Zing Peng & family

2,00,000

9.

Pu Tinkhar Mang (Hakha)

1,30,000

10.

Nu Ngun Sung (Malay)

1,00,000

11.

Pa Ṭuan Cung (Newzaland)

2,00,000

12.

Pi Cer Thlia

30,000

13.

Midland State Cinkhua Family

6,00,000

14.

Pu Lai Hup (Australia, Farawn)

2,00,000

15.

Pu Tin Cung family

2,00,000

17.

Hakha Cinkhua Fellowship

4,69,000

18.

Hantawady Cinkhua

3,50,000

19.

Delhi Cinkhua

1,36,500

20.

Iowa state Cinkhua Famiy

5,10,000

21.

Pu Mang Cung family

2,00,000

22

Toe Toe le Sy Tluang Ceu Mang

23,81,900

23

Hmuhmi Dihlak

19,554,144

 

 

Dal (12) Nak

Cinkhua Hrinsor Lakah A Ummi Rianṭuannak Buu Tete

Hika ahhin, Cinkhua hrinsor nih kan umnak umkip ah khua khat huap, ram khat huap le miphun dihlak huap in kan sermi rian ṭuan ṭinak buu tete kong, a tawinak in, langhter khawh kan i zuam lai. Cu bantuk rianṭuannak buu cu hlan liopi ah an rak ser nain nihin ah a um ti lomi cu telh loin, nai cikua deuh ah dirhmi rianṭuannak buu tete lawng in kan hun langhter lai.


1. Global Cinkhua Fellowhsip (GCF)

Cinkhua mi hi a liamcia kum 50 hlan ahcun Cinkhua khua te ah rak um cio a si. Biakinn bo in tlangau tu nih thawng a thanh mi cu hmakhat te ah kan rak theih khawh cio dih. Khuabawi pakhat tangah le Biakinn pakhat chungah hnangam diriam tein kan rak um hu. Cu lio caan ahcun Cinkhua mi nih kan thlawh kan uan mi vawlei zong Cinkhua ram chung lawng a rak si. Hmun dang le ramdang in pawcawmnak hmuh khawhnak lam kan rak ngei lo. Kan ram kan vawlei kan pawcawmnak kawlnak lam a rak bi ngaingai.

Pathian nih kanmah khua ram vawlei chung lawng siloin hmun dang khuadang zongah pawcawmnak kawl khawh a si zia a kan chimh ruangah le chantiluan nih a kan hnuhdawh ve ruangah kan Chin Ram khualipi Hakha ah siseh, pawcawmnak a fawi deuh nak rawn Ram Hantawady ah siseh, hialkaam hram hun thok cio a si. Pawcawmnak kan kawlning huap a hung ngan deuh i, kan umnak hmunhma a hung kau deuh thluahmah. Atu ahcun Cinkhua khua nak hmanh in Hakha khua ah Cinkhua mi tam deuh kan um cang.

Ram leng chuahnak innkaa a hun awn hnu in, Malaysia le India ram ah~cun America, Australia, Norway, Newzealand le Denmark ah tiah vawlei ramkip ah umhmun hun khuar a si.

Cu bantuk in vawlei ram kip ah a ummi Cinkhua Hrinsor vialte nih funtomnak le pehtlaihnak kan hun herh tuk cang caah, Salai Ṭha Bik Chuntei nih gmail group biaruahnak a kan ser piak. Cu gmail group tec un, ramchung ramleng khuami cu biaruahnak rak ngeih a si. Vawleicung khua zakip ummi Cinkhua hrinsor vialte funtomnak he pehtlai in Lai hlum khua upa hna he avoi khatnak meeting an rak ngeih cu June 04, 2009 Pi ial Cin inn (Hakha) ah a rak si. Cu meeting ahcun,  Cinkhua Christian Fellowship (CKCF) timi an rak dirh. Caan tlawmpal an kal hnu ah, CKCF cu  Cinkhua Hrinsor Kilvennak Bu (CHKB) tiah a min hun thlen a si. Caan sau nawn kal hnu, A.D. 2014 ah Cinkhua Hrinsor Kilvennak Bu (CHKB) cu atu kan min, Global Cinkhua Fellowship (GCF) ahhin hun thlen a si.

GCF nihhin, rian tampi a ṭuan. Cinkhua hrinsor chung in thihlonak, inn kanghnak ti bantuk vanchiatnak tongmi an um tikah, phaisa in bulnak le hnemhnak a pek hna. Cun, Cinkhua hrinsor chung in tanghra kungṭhu in a awngmi an um tikah lawmhpinak laksawng tete a pek hna. Cu lengah, Cinkhua hrinsor chung in miharsa le zohkhenh hau ah a ruahmi poh zohkhenhnak le bawmhchanhnak phunphun a tuah tawn. Pathian nih GCF thluahcuah a pek i Hakha thar ah, innhmun pee 100x60 zong a ngei cang. GCF nihhin Cinkhua hrinsor vialte chung in kum fatin thawhvo kholhnak a ngeih i cu ticun, kar a hlang cuahmahmi a si. GCF thokkaa in nihin tiang, hruaitu hna a tanglei ah ka hun langhter lai:

@ A.D. 2009-2012 Hruaitu hna:

·         Charman: Pu Ram Peng

·         Vice Chairman: Pastor Sang Hei Lian

·         Secretary:  Rev. Thawng Hlei

·         Asst. Sec.: Pu Zung Nawl

·         Treasurer: Pu Maung Miah

·         Asst Treasurer: Pu Ngun Dun

·         Member: Pu Chiah Ling

·         Member: Pu Dar Hlun

·         Member: Pu Cung Awi    

 @ Advisors:

1.       Rev Bual Sang

2.       Pastor Ngun Mang

3.       Pu Zing Mawng

4.       Pu Tum Tling

5.       Pu Za Ceu

6.       Pu Chan Cin Lian

7.       Saya Lian Cin

8.       Pu Ui Phen

 Pathian nih CKCF saduhthah le chunmang cu tlamtlinnak a pek i chuahsemnak Cinkhua ah avoi khatnak Cinkhua Hrinsor tonnak le 2009 Christmas cu December 25-27 karlak ah sunglawi tein tuah a rak a si. Cu an tonpumhnak tlaangtar cu “Dawtnak He Thangṭi Usih” (Efesa 4:15-16, Paslm 133) ti a rak si.

Hi tonpumhnak ahhin, Cinkhua Christian Fellowship {CKCF} cu Cinkhua Hrinsor Kilvennak Bu (CHKB) tiah thlen a rak si. Cu leng ah, CHKB ah foundation thawhvo ngeih ding le kum hnih ah voikhat lengmang in Cinkhua Hrinsor vialte tonpumhnak ngeih ding in biachahnak rak tuah a si. Cun, CHKB Phunghram a kan suai piaktu ding minung thimnak le ṭuanvo khinhnak zong rak tuah a si. Phunghram suai piaktu ding in ṭuanvo pekmi hna cu:

·         Pu Dar Hlun

·         Pu Chiah Ling

·          Pu Ram Peng

·          Rev Bual Sang

·          Rev. Thawng Hlei

@ A.D. 2012 – 2014 rianṭuantu hna:

Chairman:  Pastor Ngun Mang

Vice chairman:  Pu Bawi Cung

Secretary:  Pu Zung Nawl

Asst. Secretary:  Pastor Cung Lian Thawng

Treasurer:  Pu Mang Uk

Asst.Treasurer:  Sayama Cer Ki

Member: CBC chairman

Member: BBC Chairman

Member: HCCF Chairman

Member: Hantawady Chairman


Finance committee:

Rev. Thawng Hlei (Chairman)

Pu Hram Hlei (Treasurer)

Pu Hleih Nawn

Pu Van Thawng

Salai Ngun San Aung

Pu David

Pu Than Bik

 

Auditors Board:

Pu Ram Peng

Pu Chiah Ling

Sayaci Hrang Hre

 

Advisory Board

Rev Bual Sang

Pu Za Ceu

Saya Lian Cin

Pu Hrang Hnuai

Pu Ram Peng

Pu Maung Miah

Pu That Luai

Pu Hrang Cem

Pu Chan Cin Lian

Pu Tin Cung

Salai Ṭha Bik

Pu Dar Hlun

Pu Chiah Ling

Pu Ui Phen

 

@ A.D. 2014 – 2018 rianṭuantu hna:

Chairman: Pastor Cung Lian Thawng

Vice chairman: Pu Chan Cin Lian

Secretary: Salai Ngun San Aung

Asst.  secrectary: Pu Mang Uk

Treasurer: Pu Hleih Nawn

Asst. Treasurer: Nu Ngun Tha Hlawn

 

Auditors Board:

Pu Ram Peng

Pu Chiah Ling

Sayaci Hrang Hre

 

Financial Committee:

Chairman: Mai Sui Len Ṭial

Secretary: Salai Sang Hnin Lian

Chungtel:  -Salai Thawng Ṭha Lian

                    -Mai Dawt Cin Sung

                     -Pu Van Thawng

                      -Pu David

                      -Pu Than Bik

Advisory Board:

Rev. Bual Sang

Pu Erh Ling

Pu Rual Cung

Pu Maung Miah

Pu Hniar Hu

Pu Thawng Nawn

Pu Za Ceu

Pu Ngun Hre Ling

Pastor Hram Bik Lian


Avoi nganak GCF general meeting cu Cinkhua Baptist Church ah April 25, 2015 ah tuah a rak si. Cu meeting ahcun, Cinkhua Tuanbia ṭial pehzulh ding in biachahnak tuah a si i Tuanbia Ṭialtu Committee zong a tanglei bantuk in rak ser a si:

·         Cinkhua Pastor dihlak,

·         Cinkhua Church Chairman (2)

·         HCCF Chairman,

·         Pu That Luai,

·         Pu That Chum,

·         Cinkhua khuabawi,

·         Pu Chiah Ling le

·         Pu Dar Hlun

Tuanbia Ṭialtu Committee rak ser a si ko nain a phihma chuah khawhmi zei a rak um kho lo. Hi kum chung ahhin, Chin ram ah kokek rawhralnak fak tuk in rak ton a si ruangah, GCF hruainak in kokek harnak a tongmi bawmhnak caah Cinkhua Rescue Committee zong a tanglei bantuk in ser a rak si:

·         Chairman: Pastor Cung Lian Thawng

·         Vice chairman: Pu Ram Peng

·         Secrectary: Salai Ngun Sang

·         Asst. secrectary: Rev. Ngun Mang

·         Treasurer: Rev. Thawng Hlei

·         Chungtel:-Pu Hniar Hu, Sayaci Hrang Hre le

              Cinkhua GCF EC le Hantawady GCF EC.

Hi Cinkhua Rescue Committee nihhin fakpi in Cinkhua hrinsor chung in kokek rawhralnak a tongmi hna caah bawmhnak an kawl i a cunglei ah kan rak langhter cang bantuk in bawmhnak phaisa Ks. 19,554,144/- tluk a rak lut i harsatnak a tongmi sin ah bawmhnak phunphun tampi an rak phawtzamh. 

@. A.D. 2018 – 2020 rianṭuantu hna:

·         Chairman:  Rev. Thawng Hlei

·         Vice chairman: Saya Lian Cin

·         Secretary: Saya Zing Hu

·         Asst. Secretary: Pu Tin Cung

·         Treasurer: Salai Ṭha Bik

·         Asst. Treasurer:  Pu Ram Peng

Rev. Thawng Hlei hruaimi GCF OC nih rianṭuantu hlun nih an rak awt ciami, Cinkhua Tuanbia ṭialnak rian cu pehzulh in a kalpi i tuanbia cauk a tlamtlin tiang kutrittu Editor caah, Pastor Hram Bik Lian an khinh i Cinkhua Tuanbia Ṭialnak rian cu pehzulh in an kalpi.

@. A.D. 2020 – 2022 rianṭuantu hna:

·         Chairman: Rev. Thawng Hlei

·         Vce chairman: Rev. Kep Nawl

·         Secrectary: Saya Za Peng Lian

·         Asst. Secrectary: Saya Zing Hu

·         Treasurer: Pu Za Khar

·         Asst. Treasurer: Pu Tin Khar Mang

 

Note: EC chungtel cu khuakip le ramkip ah a ummi Cinkhua chungkhar lutlai an si lai. 

 

2. Hakha Cinkhua Christian Fellowship (HCCF)

Hi HCCF tuanbia hi HCCF dirhtu lak zongah aa tel i chairman dirhmun zong voi thum tiang a ṭuan cangmi, Pu Ram Peng nih a ṭialmi cherhchan in ṭialmi a si. HCCF cu June 11, 1989 kum ah rak thok a si. Hihi Cinkhua khua lengah Cinkhua hrinsor kan ngeihmi rianṭuannak buu lakah upa bik a si. An rak thok lio ahhin, Cinkhua Chungkhar Fellowship {CCF} tiah min an rak sak. Cu ticun, caan tlawmpal an kal hnu ah Cinkhua Hakha Baptist Fellowship {CHBF} tiah a min an rak thlen. Cu min cun caan tlawmpal an kal ṭhan hnu ah, Hakha Cinkhua Baptist Fellowship {HCBF} tiah a min an rak thlen ṭhan. Cu min cun caan sau nawn an kal hnu ah, atu Hakha Cinkhua Christian Fellowship (HCCF) tiah an hun thlen hi a si.

A.D. 1989 kum ah khaan, Hakha khuapi ah khua a sami Cinkhua hrinsor innchungkhar in 20, a milu in minung 97 an rak si. Bawipa nih kum 30 fai chungah khuaruahhar in thluachuah a kan pek i nihin ahcun HCCF cu innchungkhar in 84, milu in minung 349 kan si cang. Cu chungkhar ahcun, mah tein inn a ngeimi hi chungkhar 65 an si. Hi hna leng ahhin, Cinkhua tufa {Cinkhua nu khua dang a vami} hi chungkhar in 36 an si, milu in 150 an si ve cang. Hi tufa hna chung ahhin, mah tein inn ngeimi hi chungkhar 24 an si cang. A.D. 1989 June thla ah HCC timi min in hi hawikomhnak buu an rak dirh lio ah ahhin, rialtinhmi thil pathum an rak ngei:

1.      Chiat/ṭhat fawi/har i hrawm khawh nakhnga caah.

2.      Holh le nunphung a tlau sual nakhnga lo caah.

3.      Laihlum khuakhat laihawi he pehtlaihnak caah.

Upa lungfim lawngte nih felfai tein dirhmi buu a si caah, Hakha khuapi ah khua a sami Cinkhua khuami nih hi hawikomhnak chungah an ummi hi mahle church le area cawlcanghnak dawnkhaantu siter hrimhrim lo ding tiang in ralrinnak an rak i pe. Cu ticun, HCCF cu Hakha ummi Cinkhua khuami caah khrihfabu le area nih theihpi awk a ṭha lem lomi lunglomhnak le ngaihchiatnak tete i hrawm khawh nak hmun ah a hung cang. Cinkhua Chungkhar Fellowship {CCF} timi min in an rak dirh kum ah, an hruaitu hmaisa bik hna cu a tanglei hna hi an si:

1.      Pu Kilh Ling {Ngun Thlia pa}

2.      Pu Ui Phen {Hniar Luai pa}

3.      Pu Bual Ci {Aung Lin pa}

4.      Pu Tawk Mang {Ngun Par pa}

5.      Pu Ram Peng {Ngun Zi pa}

Hi hawikomhnak buu an rak thok kum, A.D.1989 in atu A.D. 2020 tiang hruaitu lutlai {chairman} dirhmun a tlaimi min a tanglei ah kan hun langhter lai:

1.      Pu Ram Peng {A.D.1989-2005}.

2.      Pu Ngun Dun {A.D.2006-2009}

3.      Pu Chiah Ling {A.D.2010-2011}

4.      Pu Hleih Nawn {A.D.2012-2013}

5.      Pu Ram Peng {A.D.2014-2015}

6.      Pu Ngun Dun {A.D.2016-2017}

7.      Pu Ram Peng {A.D.2018-2019}

8.      Pu Hram Hlei {A.D.2020-2021}

HCCF nih ṭuan ding in timhtuahnak a ngeihmi, aa hmaithlakmi le atu ah tuah cuahmahmi rian tete a tawinak in kan hun langhter lai:

1.      Thla khat ah voikhat pumhnak ngeih ding.

2.      Kum khat ah voikhat innkip nih ruah khawh tawk cio phaisa thawh ding.

3.      Khua dang in Hakha khuapi ah a rak i ṭhialmi len le thlacam piak ding.

4.      Kum fatin Hakha ummi Cinkhua hrinsor chung in tanghra awngmi roca pek ding.

5.      Thihlonak a tongmi chungkhar ruak bul le bawmhchanh ding.

6.      Cinkhua khuahlum he chiatnak le ṭhatnak i hrawm ding.

7.      Hakha ummi Cinkhua hrinsor min cazin, inn ngei cazin khomhsuat.

8.      HCCF member chungah inn kanghnak ton sual ahcun Ks. 10000 in hramh.

9.      Cinkhua le Hantawaddy ah inn kanghnak a tongmi um sual ahcun Ks. 50000 in hramh ding.

10.  Anmah chung pehtlaihnak caah Phone Directory le Viber group an ngei.

11.  Kum hnih voikhat in Christmas donnak tuahṭi ding.

12.  Ram thumnak khuasa khuami an tlun caan si khawh tawk in laksawng peknak le biakchonhnak ngeih ding.

13.  Thongtla an um ahcun Ks. 50000/- in chonhbiaknak ngeih ding.

 

3. Chinkhua Youth Fellowhsip (CYF)

Cinkhua Youth Fellowship {CYF} tuanbia tawi cu, CYF dirhtu upa chungtel le CYF avoi khatnak lutlai a rak ṭuanmi, Saya Van Lian khomhsuatmi cherhchan in ṭial a si. Cinkhua Youth Fellowship {CYF} cu Cinkhua Mino Hawikomhnak Buu {CMHB} timi min in Rev. Bual Sang te inn ah Janauary 29, 2016 ah rak dirhmi a si. Hruaitu thimnak le cawlcanghnak caah a herhmi phungphai tete cu January 31, 2016 ah Pu Biak Awi {Khuabawi} te inn ah khuanu khuapa le kaphnih Khrihfabu hruaitu hna he rak ser a si. CMHB cu auhnak ah a har deuh ti a si ca ah, "Cinkhua Youth Fellowship {CYF} tiin kan thlen piak uh" tiah a titu tete an rak um ruang ah, CMHB cu CYF tiah hun thlen a si. Hi CYF nihhin, Cinkhua khua chung thianhlimhnak le Cinkhua ram tiva le thingram hna runvennak rian biatak tein a ṭuan. Zeitik hmanh a si kho te lai tiah ruah bal lomi, kan dongpi lam Thlahnem Liansun tiangah ah a tlung kalmi vialte din khawh awk in tipep an thlak. Cucaah CYF cu Cinkhua khua ah caah biatak tein rian a ṭuanmi, upat tlaak mino rianṭuanṭinak buu a si. CYF Dirh kum 2016 in 2019 tiang hruaitu hna cu a tanglei ah kan hun langhter hna lai:

#. 2016 Kum Hruaitu Hna

1. Hotu – Tv. Van Lian

2. Bawmtu – Tv. Kep Tu

3. Chungṭuan - Sayaci Zing Hu

4. Bawmtu - Lg. Ṭha Sung

5. Nungkeng – Lg. Sui Hlei Sung

6. Thilri Keng – Tv. Dawt Cung

7. Editor - Ngun San Awng

Advisors

1. Rev. Bual Sang

2. Pu Zing Mawng

3. Pu Erh   Ling.

 

#. 2017 May Thla Tiang Hruaitu Hna

1. Hotu - Kep Tu

2. Bawmtu - Robert

3. Chungṭuan - Cung Za Thawng

4. Bawmtu - Pastor Cer Chin

5. Ngunkeng - Van Uk Mang

6. Bawmtu - Sui Hlei Sung

7. Thilri keng - Dawt Cung

 

#. June 2017 In Kum Dih Tiang Hruaitu Hna

1. Hotu – Tv. Dawt Cung

2. Bawmtu – Lg. Ngun Tang

3. Chungṭuan - Pastor Cer Chin

4. Bawmtu – Lg. Bawi Chin

5. Ngunkeng – Tv. Van Uk Mang

6. Bawmtu – Lg. Sui Hlei Sung

7. Thilri keng – Tv. Van Hre Ling

 

#. 2018 Kum Hruaitu Hna

1. Hotu – Tv. Ni Hmung

2. Bawmtu - Sayaci Zing Hu

3. Chungṭuan – Lg. Za Len Mawi

4. Bawmtu – Tv. Zung Awi Thawng

5. Ngunkeng – Tv. Van Uk Mang

6. Bawmtu – Lg. Cer Hnem

7. Thilri Keng – Tv. Van Hre Ling

 

#. 2019 Kum Hruaitu Hna

1. Hotu – Tv. Dawt Cung

2. Bawmtu – Tv. Khamh Bawi

3. Chungṭuan – Lg. Par Chin Ṭial

4. Bawmtu – Tv. Cung Hlei Mang

5. Ngunkeng – Tv. Van Ni Peng

6. Bawmtu – Lg. Za Len Mawi

7. Thilri Keng – Tv. Van Hre Ling. 

 

4. North America Cinkhua Fellowship {NACF}

North America Cinkhua Fellowship (NACF) tuanbia tawi cu, A.D.2018-2020 term chung president dirhmun a tlai cuahmah liomi, Pu Ngun Hre Ling nih a khomhsuatmi cherhchan in ṭial a si. North America Cinkhua Fellowship (NACF) cu November 26, 2016 ah thok a si. NACF cu North America ah a ummi Cinkhua hrinsor vialte hawikomh in rianṭuantinak buu a si. Hi buu nihhin, miphun dang lakah khua a sa cangmi khuami lakah Cinkhua hrinsor kan sinak philhlonak le mah khua le mah miphun tlaihchannak lungthin fanau hna lungthin ah a chuahter lawng siloin hi NACF hika dang hmun dangah harsatnak a tongmi khuami le Cinkhua khua ṭhanchonak ca hrimhrim ah haup kau ngai in rian ṭuan le cawlcangh aa timmi bochan awktlaak buu pakhat a si. NACF cu a tanglei saduhthah le tinhmi hna he kar a hlang cuahmahmi rianuannak phu pakhat a si:

1. North America ah khua a sa mi Cinkhua mi vialte funtom nak rianuan ding.

2. Kum 2 dan ah civui (conference) tuah ding.

3. USA ramchung cinkhua mi chiat ni hat ni ah i zohkhenh, i bawmhchanh ding.

4. Khua le ram hanchonak rian a lam kip in uan ding.

5. Cinkhua hrinsor a si mi paoh thih-loh a tonah cun bulhnak tuah ding (Vawlei hmun kip huap).

6. Vawlei khua zakip Cinkhua hrinsor bu he rian uan ṭi ding.

7. Miharsa (a hlei in kawlram chungah) bawmhnak rian uan ding.

Thok a rak si kum A.D.2016 in 2020 tiang, NACF hruaitu a ṭuanmi cu, a tanglei hna hi an si:

 

#. Nov 2016–July 2018 Kumhnih Chung Rianṭuantu Upa Hna

01. President - Pu Ngun Hre Ling @ Cung Lian Tling (Syracuse, NY)

02.  Vice president - Pa Lian Peng Hu (Dallas, Texas)

03. Secretary - Salai Thawng Ceu (Lowa)

04. Asst. Secretary-Pu Biak Ling @ Tun Tun (Indianapolis, IN)

05. Treasure - Leng Ni Iang (Michigan)

06. Asst. Treasure - Pu Van Ro Cung (Arizona)

07.  Member - Pi Sai Hnem (Iowa)

08. Auditor - Pu Za Ceu (Dallas, TX)

09. Asst. Auditor - Pu Van Uk (Indianapolis, IN)

10. Advisor - Pu Dawtmang Khukzawn (Dallas, TX)

11. Advisor - Pu Cung Kam (Dallas, TX)

12.  Advisor - Pu Tlung Ceu Mang (Michigan, MI)

13.  Advisor- Pu Chum Khar (Midland, TX)

 

#. July 2018 - July 2020 Kum Hnih Chung Rianṭuantu Upa Hna

01. President - Pu Ngun Hre Ling@Cung Lian Tling (New York)

02. Vice President - Pu Kil Hu Mang (Texas)

03. Secretary - Pu Thawng Ceu (Missouri)

04. Assistant Secretary - Pu Za Cung Ling (Wisconsin)

05. Treasurer - Nu Ni Iang Mang (Michigan)

06.  Assistant Treasurer - Pu Zam Mang (Taxas)

07. Auditor - Pu Van Uk Lian (Indiana)

08. Auditor - Pu Ngun Hu (Iowa, Auditor)

09. Advisor - Saya Lian Cin (Texas)

10. Advisor - Pu Bawi Lian Hup (Indiana)

11. Advisor - Pi Shwe Mya (Texas)

12. Member - Pu Chum Khar (Texas)

13. Member- Pi Sai Ṭial (Arizona)



Dal (13) Nak

Cinkhua Ṭhanchonak Rian Kong

Cinkhua khua ṭhanchonak timi ahhin, ṭial ahcun tampi ṭial awk a um lai. Sihmanhsehlaw ṭhanchonak rian ah biapi bikmi kan sianginn kong cu a cunglei ah tlamtling tein langhter dih a si cang. Hakha le Cinkhua karlak motor lam cawhning, Cinkhua khua caah dinti lakning, le Cinkhua khua nih mini hydro electric turbine hmang in khuapi mei kan rak pekning hna hi a biapi bik in langhter awk a tangmi an si. Cu hna lengah, ṭhanchonak neknawi deuh a simi dang tete zong langhter chih khawh kan i zuam lai.


1.      Hakha Lam

Cinkhua le Hakha karlak lam hi Pu Kio Hnin khuabawi ṭuan lio, A.D. 1995 kum in ṭuan hram rak thok a si. Cu lio ah, biatak tein Lam lineman zohtu cu, Pu Kil Mang {Hniar Mang pa} a rak si. Mirang chan ah rak pemhmi Cinkhua-Hakha lam cu fing le tlang zulh in rak pemhmi a si caah thilrit he a tlunkal a rak har hringhran. Cu kan Hakha tlawn lam hlun cu atu ṭulzam fing, Ṭial Vang nu le pa lungdonh khin cunglei ramri tlang Ni Mang lundonh in ramri phei hei hrawl i atu Pialrul fiang khin tlanglei ah a hung kai ṭhan i Litti ah ah khin a va chuak. Litti in Dauchim lam pial ah khin a hung chuak. Cu vialte chuk le cho cu a phei deuh nakhnga, Ṭial Vang nu le pa lungdonh khin Dauchim lam pial tiang khi minung kal nak ṭha in chunh hmaisa bik a rak si. Cucu Pu Kio Hnin khuabawi ṭuan chung, A.D. 1995 in thok a rak si i amah ṭuan chung lila ah minung kalnak ṭha in pemh a rak si. Pu That Cung nih khuabawi rian cu a hun chawn i khuami hna he pehzulh in Hakha lam chunh rian cu an rak ṭuan ṭhan. Pu That Cung ṭuan chung ahhin, Dauchim lampial in Cinkhua tiang Motor Cycle lam in rak pemh a si i khuapi nih sunglawi tein lam hunnak puai zong rak tuah a si.

Motor Cycle lam a pem hnu cun, mizaw zual le nau ṭhen kho lomi zong zanṭim ah awlzaang tein Hakha ah tlikpi khawh an hung si cang i Ke in Hakha tlun le thilrit phorh zong a hung zor ngaingai cang. Kan mortor cycle lam ngeih le UNDP chan aa tong i UNDP upa te zong fawizaang tein Cinkhua ah an lut an chuak kho. Bawmhnak pekmi thilri tete phorh tlunhnak zongah zaang a rak dam tuk hringhran.  Hi Cinkhua Hakha lam cu nihlawh thazaag leng ah, mah riahcaw funh cio in ṭuan ahcun meng 6 chung motor lam in chunh cu zei ti hmanh in tuah khawh ding a rak si lo. Sihmanhsehlaw a tanglei ah kan langhtermi hna bawmhchanhnak thawng in rak pemh khawhmi a si caah, a kan bawmtu hna cu philh awk an ṭha hrimhrim lo:

1#. UNDP nih Pu Steven Van Bik Myone lutlai ṭuan lio ah hriamhar le eidin riahcaw tampi a rak kan bawmh.

2#. Zokhua Area Baptist Churches {ZABC} Sangfen Foundation zong nih riahcaw caah Ks. 400000/- a rak kan bawmh.

3#. Hakha ummi Cinkhua hrinsor, HCCF nih a buu in siseh, pumpak in siseh sacuai, mehhang, ngapih, cite, thlanthling, le lakphak ti bantuk tampi a rak kan bawmh.

4#. Kiangkap khua zong sawmh fial an rak si i Hmaikhah le Hrawngvun nih zarh veve an rak kan bawmh.

5#. Lam lim lawmhnak puai tuahnak ding le bawi laksawng pek awk caah ram chung ram leng in Cinkhua hrinsor fanau nih an rak kan bawmh.

6#. Hakha ummi Cinkhua pumpak cheukhat le HCCF hruaitu upa nih thazaang pek pah, zan pumhpi pah in zan hnih riak/zan khat riak, ti bantuk tete in an kan zuan hnawh tawn.

7#. Rev. Bual Sang nih Hmaikhah khuami Pu Biak Kam cu cu cunglei sawknak caṭial a hal ilungtho tein a rak bawmh hna. Kha lio khuabawi Pu Biak Awi hruainak n bawmhnak cu hal a rak si i cozah sin in bawmhnak ting 960 kan rak hmuh. Cu bawmhnak phaisa hmang cun, Cinkhua Hakha lampi cu pee 18 lampi in pemh a hung si.

8#. Pu Bawi Cung khuabawi ṭuan lio ah tiluannak (zipun} pariat kan hun hmuh chap.

A donghnak ah, kan lampi he pehtlai in philh awk a ṭha lomi pakhat cu, Laam Tuk khuami Pu Zing To hi a si. Lam bawi rian in pension a lak deuh hlan te ah, Cinkhua le Hakha karlak lampi cu “Cozah nih zohkhenhmi lampi” ah a rak kan chiah piak taak. Cu nihcun, kan lampi kongah hnangamnak nganpi a chuahter. Atu ah Cinkhua khuabawi a ṭuan cuahmahmi, Pu Bawi Cung tlangtlaaknak le tawlrelnak in A.D.2021 kum chungah, Cinkhua le Hakha karlak lampi cu pee 25 lam ah kauhchap ding in bawmhnak a tla ṭhan cang.

 

2.      Cinkhua Dinti

Cinkhua khua thar tlaak kum, A.D. 1971 hnu in, caan saupi chung cu cerh tikhor tete rak toh a si. Cu lio caan i an rak tohmi tikhor hna cu: Cuantang lei nih Hrukkual khenh timi Cerh tikhor khi an rak toh. Cun, Cuancung lei nih Zung Hnin cerh tikhor le Cuttihauh tikhor khi an rak tohmi an si. Hi lio ahhin, ṭhalpi hna ahcun zingka in zaan tlai tiang hi tikhor ah ti thanmi an rak ṭhing kho bal lo; tikholh hmanh hi duh caan poh ah kholh awk a ṭhat lo caan a rak tampi. A hlei in, sunhthah le puai tuah caan ko ahhin harsatnak rak ton khun a si. Kum zeimazat hnu ah, farkung tidawng in Zaarva tii khi an rak donh i cucu a dothnihnak ah hun hmanmi tii a rak a si.

Pu That Mang Myone bawi a rak ṭuan lio A.D. 1981 ahkhan, zung khat pep zeimazat a rak kan bawmh caah Zaarva in Minsung timi hmun hrawng tiang khi, pep cu rak bunh a si. Minsung in khua tiang cu Farkung tidawng ṭhiam hman a rak si. Cu ticun, lam cheu tiang pep, lam cheu farkung tidawng cun an rak donhmi cu kum sau nawnpi rak hman ṭhan a si. January, 1990 ah Pu Ṭial Cung nih khua a tlawn pah in Cinkhua khua cu a rak pal pah. Cu lio ahcun, Pu That Luai nih Cinkhua nih dinti caah pep kan herhnak kong cu a rak chimh i Pu Ṭial Cung nihcun sokning cang a rak chimh dih hnu ah, Rev. Bual Sang nih Cinkhua dinti soknak ca cu a rak ṭial. Cu ca cu kha lio Cinkhua khuabawi, Pu Hniar Dun nih zung ahcun a rak pek hna. Cu ticun pep thluan saupi zeimazet a rak kan bawmh. Cu tan bawmhmi pep cu Pu That Mang penguk bawi ṭuan lio i an rak kan bawmhmi pep he pehton in khua lu tiang khi a rak phan.

 

Cu hnu ahcun khuapi hnatlaknak in Rev. Bual Sang nih Yangon khuapi a ummi UNICEF lutlai, Mr. Tewaly a va ton. Hi lio ahhin UNICEF lutlai tlunzoh phorh awk ah khuapi nih Zukneng sapherh, Sakhi sa, khuai hliti le lai facang an rak rawnh. Cun amah Rev. Bual Sang chawhvahnak a herhmi taxi man phaisa te an rak funh i Hakha le Yangon karlak tlunkalnak tu cu amah phaisa tein a rak tlungkal. Cu bantuk Yangon ah UNICEF lutlai a vung ton hnu tlawmpal ahcun, Chin state UNICEF lutlai a simi Pu Steven Ṭha Bik nih "Cinkhua dinti nan hmu cang. A rauh hlan ah nan thilri a phan colh lai", tiah Cinkhua cu thawng a rak kan thanh. Sihmanhsehlaw Hakha a phan cang, ti thawng theih a rak um bel ti lo caah kan pale hna nih lungrethei in an rak dothlat i UNICEF zung lei nih nan nih Cinkhua min aa tel rua lo ee, tiah an rak ti hna. Cu ticun a rak lo dai sawhsawh ko.

 

Cu bantuk in nan hmuh cang an kan timi kan kut a rak phanh lo cu Kawl ralkap bawi Ṭet Ṭoe Sein nih Hakha celhtual tii peknak caah ralkap nawlngaihnak hmang in a tlaih ruang ah a si, timi biathli rak theih a si.

 

Caan sau nawn a hun rau hnu ah, Hakha khuapi ah UNICEF ai ah UNDP tu hun dirh a si. UNDP lutlai cu Hakha an zung ah khuapi min in kan pale hna nih Ngalhriang phei i put in an rak len hna i rau lo te ah UNDP nih dinti bawmhnak cu a rak kan pek. Tihram in Inn tiang zung 1 le cheu pep an rak kan pek i zihlawngkaan pakhat a rak kan sak piak chih. Cu lio i Chin State UNDP lutlai cu Pu Pau Khen Mang a rak si.

 

Cu hnu ahcun A.D. 2004-2005 kum, Pu Din Lian UNDP Myone bawi a rak ṭuan lio ahkhan, Cinkhua khua chung Pep tung vialte hi a rak kan tuah piakmi a si. Khua chung pep tung bunh dih a si hnu cun, inn kip nih kanmah le inn cio ah pep in ti lak hram kan thok. Kan inn cio i ti laaknak caah kan rak hmanmi pep zong hi Pu Steven Van Bik UNDP myone bawi a ṭuan lio ah hangti toihnak caah a rak bawmhmi pek a rak si. Cun, A.D. 2014 Pu Biak Awi khuabawi ṭuan lio ahkhan, Myone sipin lutlai Pu Tam Aung sinah bawmhnak an rak hal ṭhan i Zaarva tihram in Cinkhua khua chung tiang, zung khat le cheu pep in a rak kan tuah piak dih lengah tii inn zong a hlun hna bomtu dingah a thar pakhat a rak kan sak piak. Cu hnu ahcun UN-Habitet bawmhnak in tilu i bunh in duhdim tein kan inn cio ah tilu thlak a hung si.

Atu ahcun, Cinkhua khuapi nih kan mah le kan inn cio ah tii kan i lak cio hna i nuam le duhdim tein khua kan sa kho cang hna; tii kongah harnak zeihmanh kan ngei ti lo. Cinkhua dinti laknak kongah rethei thabami kan pale vialte sinah khuapi nih kan lunglomhnak roca kan ṭial.

 

3.      Cinkhua Electric Mei

Cinkhua ah Pu Erh Ling khuabawi a rak ṭuan lio, A.D. 2001 kum thok ahkhan, UNDP Myone lutlai a simi, Pu Steven Van Bik le rianṭuanti hawile hna cu Cinkhua khua an rak phan. Cu lio ahcun, Cinkhua Baptist Church (CBC) biakinn chungah, khuanu khuapa vialte cu hmun khat ah an rak pumh dih hna i Cinkhua khua caah vision an rak suaiter hna. Cu lio ahcun, Cinkhua khua caah electric mei ser ding, timi vision cu a rak chuak. Kum zeimazat a kal hnu, A.D. 2003-2004 kum ahhin, Cinkhua khua caah Electric Mei sernak caah zei tiva dah kan hman lai, timi hmunhma zoh hram an rak thok. Avoi khatnak ah Hlukva khi an rak zoh sihmanhsehlaw phaisa tam tuk a dih ding a si caah, an rak kir taak i Siak Sang va tu khi an rak thim ṭhan. Lai keuh cerh rawnpi ahkhin, pee 30x30 tii innpi rak sak a si. Hi tii innpi sak tiang hi khuabawi Pu Erh Ling hruainak in kalpi a rak si. Cu hnu ahcun, Cinkhua khuabawi Pu That Cung hruainak in hun pehzulh a si i A.D. 2005 ah lim a si. Cucu Cinkhua nih avoikhatnak mini hydro electric mei kan ngeihmi a si. Cucu sau nawnpi kan hman hnu ah kan i zaa deuh ti lo ti a si caah, khuabawi Pu Biak Awi hruainak in, A.D. 2014-2015 kum ah, atu kan hmanmi Zaarva le Siak Sangva kemh chih in hun tuah ṭhan a si. Hihi mi dang fial hau lo tein, kanmah Cinkhuami Rev. Ngun Mang nih a kan ser piak dihmi a si caah, Cinkhua Electric Mei kongah Rev. Ngun Mang hi philh awk a ṭha hrimhrim lo. Dawtnak le zawnruahnak nganpi he khuami caah a thiamnak a kan hman piaktu Rev. Ngun Mang sinah hi cauk hin, Cinkhua khuapi nih lunglomhnak roca kan ṭial.

4.      Midwife Subcenter

Cinkhua helicopter a rak ṭum lio ah, ralbawi Kyaw Min sin ah an rak hal cang bantuk in ralbawi Kyaw Min nih Hakha sizung uktu Dr. Hoi Sang sinah Cinkhua khua cu sii sayama na pek hna lai, tiah nawl a rak pek. Cu hnu ahcun, Pu Hniar Hu nih Dr. Hoi Sang cu a rak ton i ralbawi Kyaw Min nawlpeknak bantuk in October 22, 1993 ah sii Sayama cu an rak kan pek. Cu caan thok cun nihin tiang Cinkhua khua dongcat lo tein sii Sayama cu ngeih zungzal a si a thai. Hi lio i siipekhaan kan rak hmuhmi cu Pathian nih Cinkhua khuami a kan pekmi a si hrimhrim ti lo awk a ṭha lo. Zeicatiah kha lio ahkhan Chin ramkulh dihlak ah siipeekhaan pekmi dingmi covo pathumte lawng a um i cu chung ahcun telh kan rak si ve. A hnu deuhpi ah, UNDP bawmhnak in siipekhaan {midwife subcenter} zong tlaakrawh in hun sak a si. Cu tlakrawh inn in sakmi siipekhaan cu Helicopter a rak ṭumnak hmun thengte ahcun sak si seh, ti a rak si caah cu ka ahcun sak a rak si i atu tiang zong a um peng ko rih. A.D.1993 in atu A.D. 2020 tiang Cinkhua khua sii sayama a ṭuanmi hna cu:

·         Sayama Khin Thein A.D. 1993-1995

·         Sayama Dar Sui A.D. 1995-1998

·         Sayama Wine Suh A.D. 1998-2000

·         Sayama Khuang Par A.D. 2000-2003

·         Sayama Min Yong A.D. 2003-2009

·         Sayama Cing Cing A.D. 2009-2020

 

5.      Dongpi Motor Lam

Cinkhua khuabawi le Dauchim Ohsuh khuakomh bawi zong a simi, Pu Bawi Cung nih khuate ṭhanchonak rian fakpi in a ṭuanmi buu, CELET zung sinah bawmhnak a hal i phaisa Kyat sing 100 bawmhnak a hmuh.


CELET zung lei nih “kan bawmhnak policy nih inn/hall sak a onh lo” an ti caah, Cinkhua khuanu khuapa an policy zong nih a awnh i Cinkhua khua ca zongah thil ṭha tuk a simi, Dongpi Motor lam chunh ding in biachahnak an hun tuah hi a si.

 

Hi Dongpi Motor lam chunh rian hi April 02, 2019 in an thok i May 02, 2019 ah an lim. Khua upa nih palhnak a um sual nakhnga lo, Lam lineman voi tampi an thlen, an remh dih hnu ah, a ṭha bik in an chunhmi lam a si. A lam hi a kauh pee 12 a si, luti luannak zong ṭha tein cawh chih dih a si. Lam ṭuantu (contractor) sin ah pekmi phaisa cu a dihlak Kyat sing 92 a si. 

Cinkhua khua hlum chungkhar kip thawhvo tuk in phaisa an kholh hnu ah, khua leng le ram dangah a um cangmi le bochanmi khuami cheukhat zong nih phaisa thazaang in an bawmh cio hna caah, May 11, 2019 ah sunglawi taktak in Lam Awnnak Phuai cu Cinkhua khua ah an rak tuah khawh.

Cu lawng siloin A.D. 2019 kum ah Kung-Myit-Le-Ya bawmhnak in, Cinkhua khua chung in Camdin/Vasum tiang Mawtaw lam chunh a si ṭhan.

 

6.      Cinkhua Tualleng Sianginn

Cinkhua nih Tualleng sianginn cu A.D. 2010 June thla in rak thok a si. Hi Tualleng sianginn hi Khrihfabu leikap hrihhawhnak in thokmi a si caah hmalak hramthoknak ah tlangtla biktu le rethei biktu cu kha lio Cinkhua Baptist Church {CBC} church chairman a rak ṭuanmi, Pu Bawi Cung le Rev. Bual Sang hi an si. Tualleng sianginn caah a dang tein ngeihmi hmunhma a um hlei lo caah midwife center {siipekhaan} khi rak hman a si. A voikhatnak tualleng kan fale zohkhenhtu sayama caah rak lakmi cu, Pi Mang Zi {USA} a si. Amah nihhin kum 2 chung tualleng kan fale cu a rak zohkhenh hna. Pi Mang Zi cu thla khat Ks. 30000/- te in thla hlawh pek a rak a si. Cu a lahkhah cu khrihfabu nih rak pekmi a rak a si. Pi Mang Zi hnu ah, Pi Biak Dei hun fial ṭhan a si. Pi Biak Dei hi thla khat ah Ks. 50000/- in hlawh pek a rak si. Cu hnu ahcun, Pi Bawi Hniang fial ṭhan a hung si. Hi lio ahhin, khrihfabu nih kalpi tawnmi kha vawlei lei uktu kut ah rak pek a si. A.D.2015-2016 hi vaivuanh deuh phun in rak uma si caah Pi Bawi Hniang hi thla hlawh zong pee kho huaha loin rak um a si. Cu ticun Cinkhua Tualleng sianginn cu a thazaang a hung der i A.D. 2017 kum kha pehzulh in kan rak kalpi kho ti lo. Cu hnu ah, Bawipa nih khua ṭha a kan piak ṭhan i Mihkhinwai timi NGO bomhnak thawng in A.D. 2018-2020 tiang cu pehzulh in kalpi ṭhan a hung si. A.D. 2018 in atu tiang Cinkhua Tualleng sianginn zohkhenhtu cu Sayamah Tum Dei a si. Cuccah Cinkhua Tualleng sianginn cu kum 10 tluk kalpi a si cang, ti khawh a si. Hi kum 10 chung ahhin Cinkhua Tualleng sianginn nih Cinkhua hrinsor caah thil ṭha tampi a chuahter bantuk in hi hnu pinlei zong ah ṭhawng chin lengmang in kalpi a si khawh nakhnga Cinkhua hrinsor dihlak nih dirkamh le thazaang pek a herh ngaingaimi a si. Cinkhua Tualleng Sianginn kongah a hleice in Rev. Bual Sang te chungkhar hi philh awk an ṭha hrimhrim lo. Lungthin le ruahnak in an dirkamh lawng siloin an chawva hrimhrim in fakpi in an dirkamh i kan tualleng sianginn zohkhenhtu thla hlawh tiang a kum in an rak kan pek piaktu an si. Cinkhua Tualleng sianginn kongah zaanghlei an cawinak vialte ruangah Cinkhua Tuanbia in lunglawmhnak roca kan ṭial.

7.  CYF Thlan Hmun

A.D. 2010 tiang ahcun Cinkhua hi kan Thlan Hmun a rak tam ngai. Tawk Kam lung, Dei Pen thlan, Za Dei thlan le Hluangsang lam tiah hmunli hrawng Thlan Hmun rak ngeih si. Cu hmun hna ahcun mah le siaremnak cio in rak i vui a si tawn. Khua khat kan si nain kan Thlan Hmun aa rak i dang cio. Kan thlan tuahning zong aa rak i khat kho hna lo. Mi ṭhawng ṭha deuh nih mirang vawlei in thlan an i nalh lio ah mizaran caah cun lungper le tlak tein nalh a rak si tawn. Cu tihcun kan thihNni ah miharsa le khuasa kho deuh a rak kan thleidan ngaingai tawn.

A.D. 2008-2009 kum, Pu Bawi Cung CYF chairman a rak si lio ah mizei kan thih poah ah mirang vawlei in kan thlan hi nalh cio sisehlaw a ṭha hnga tiah saduhthah biaruahnak cu kha lio caan CYF upa a ṭuanmi: Pu Bawi Cung, Pu Mang Uk, Pastor Cung Lian Thawng le Rev. Thawng Hlei Chum hna nih hna an rak ngeih. Mithi um tik ah zankhua dei pi lengah khuadei sin in pa vialte lungper put le thlan cawh ah i ṭhen dih a rak si tawn caah thih a fah lengah, kan thihnak cu khuapi caah rethei le khingrit ngai zong a rak si.

Hi vialte hi chantiluan he zong zohchih in kaltak khawh kan i zuam a herh. Mithi kan um tik ah mirang vawlei tunkhat nih a zatnak in nalh khawh kan i zuam lai i Chungkhar lei nih mirang vawlei tunkhat an i harh tuk a si le mino min zong in bawmh khawh kan i zuam hna lai. Cun kan Thlan Hmun zong hi hmunkhat te ah siseh, tiah biachahnak felfai an rak tuah. Cun, khuapi te nih kan i hrawm dih dingmi Thlan Hmun cu Ralkap hmun tiah auh a simi Ralrinnakbo cung rawn, kan pa Pu Hniar Kam (Sui Ṭial pa) ruak vuinak caah A.D.1997 kum i rak hman cangmi hmun kha siseh tiah fehternak zong an rak tuah chih. Hi hmun hi Pu Hniar Kam nih a no lio ah ral a rak rin tawnnak hmun a si caah a nun lio tein “kei cu ka thih tik ah hi hmun te ahhin nan ka vui te lai” tiah aa rak i thimmi hmunte a si. Cu hmun cu, Cinkhua kan dihlak nih i hrawmmi Thlan Hmun ah ser a si i a min ah CYF Thlan Hmun ti a si.

Cu ticun A.D. 2011 in nihin tiang Cinkhua ah vuimi mithi poh cu CYF Thlan Hmun ah vui dih an si cang. Kum linga chung cu mirang vawlei tunkhat nih a zatnak in thlan ser dih a rak si. Miharsa le misikho deuh zong kan Thlan a hun i khat kho dih cang. A hmunhma zong a hun i khat dih cang.

Caan a hung kal i Hakha ah Rual U nih Thlankua ser cia in chiah hram an hun thokmi zohchun in, Thlankua ser cia in kan kal kho hnga maw tiah saduhthah hun ngeih a si ṭhan. Sihmanhsehlaw cucu zapi caah a har rih lai ti a rak si. Cu lio ahcun, pumpak in Rev. Thawng Hlei nih a nu le pa caah Thlankua ser ding in timhtuahnak a hun ngei. Cucu an theih tikah, Pu Bawi Cung, Pu Erh Ling le Pi Iang Par hna nih kan nih zong tar ngei kan si i ser piak cia kan duh ve hna caah hmun khat ah ser ṭi hna usih tiah an hun ti.

Cu ticun Hakha Rual U Thlan tuahtu Pu Buan Thang fial in A.D. 2015 ah pumpak caah Thlankua panga cu CYF Thlan Hmun ahcun ser a rak si. Cun, Rev. Bual Sang cu A.D.2016-2017 USA a tlawng. Cu lio ahcun, USA ummi Cinkhua, North America Cinkhua Fellowship {NACF} nih tlunzoh an rawnh. Cu tlunzoh an rawnhmi cu khuami caah thil hmunṭhu zeidah kan tuahnak lai tiah ceih a si. Mizapi ca Thlankua sernak caah hman ding in lungtlin cio a rak si caah, CYF Thlan Hmun ah ser ciami Thlankua vialte zong hi “thihmasa puanzual hlawh” tiah a herh hmasa mi poh nih hman sisehlaw a hmangtu poh nih a dihmi man te hi liam lengmang siseh tiah zapi biachahnak ngeih a rak si. Cu ticun atu A.D. 2020 tiang cu CYF Thlan Hmun pakhat te ahcun aa khat dihmi Thlankua tuah ciami te ah Cinkhua khua i vuimi poh cu i vui dih a si.

A hramthok ahcun Thlankua pakhat ah Ks. 200000 (singhnih) a rak dih nain thilman a kaining le khuacaan zohchun in a herhning in a man kaih lengmang a si ve. Cun, CYF Thlan Hmun ah ruahsur le nilin dawrnak inn le ti cu Rev Ngun Mang GCF president a ṭuan lio ah khan, Hakha ummi Cinkhua bochan mi nu le pa sin ah bawmh a rak kan halpimi hmang in sak a si. Thlan ah a herhmi hriamnam tiang zong cawk zalh dih a si. Cu Thlankua kongkau tlangtlatu dingah kaphnih Khrihfabu Chairman, Khuabawi le pastor te ṭuanvo pek an si.

Kan Thlankua man a fak i zapi caah cun a fawi lai lo tiah mipi lungrethei in um a sinain vawlei kili khuasa Cinkhua hrinsor vialte nih ruak bulnak kan i peknak thawng le Hakha um Cinkhua chungkhar kip nih dirkamhnak thawng in tlamtling tein kan i fimhlawm kho tawn. Cinkhua mi kan thih tikah, a buu min in ruak bulnak petu hi: Global Cinkhua Fellowship, North America Cinkhua Fellowship, Australia Cinkhua Family, Hakha Cinkhua Christian Fellowship, Cinkhua Baptist Church le Bethany Baptist Church an si.

Thlan Hmun pakhat ah tlukruang tein kan i fimhlawm khawh nakhnga chunmang le saduhthah a ngei i a that tak in a tlam a tling tiang a ṭuantu CYF upa hna cungah lunglomhnak roca kan ṭial. Mizapi nih hman khawh si te sehlaw a ṭha hnga timi duhnak nganpi he pumpak in Thlankua a rak kan tuah piak chungtu an dihlak upatnak kan pek hna. Aa khatmi Thlankua ah tluk ruang tein Cinkhua khua ah ruak kan i vui khawh nakhnga Thlankua tuahnak hramthok piaktu USA ummi Cinkhua hrinsor hna le tlunzoh phortu Rev. Bual Sang hna cungah Lunglawmhnak Roca kan ṭial. CYF Thlan Hmun ah nilin le ruahsur dawrnak inn saknak le a herhmi hriamnam vialte cawknak caah bawmchantu bochanmi HCCF nu le pa hna nan kutneh philh khawh a si ti lai lo. Tangka tampi a dihmi Thlankua mizei poh nih kan hman khawh cio nakhnga, a bu min in siseh pumpak in siseh ruak bulnak petu le dirkamhtu nan dihlak cungah Pathian thluachuah tlung zungzal ko seh.

 


Dal (14) Nak

Cinkhua Tuanbia Theihtlei

Hika ahhin, Cinkhua tuanbia ah theihtlei tete le cingchiah awk a tlaakmi thil tete langhter khawh kan i zuam lai. Cinkhua Hrinsor lakah “hmaisa bik” timi le a dangdang pupa chan tuanbia tete telh chih khawh kan i zuam lai.

A. Cinkhua Hrinsor Lakah "Hmaisa Bik"

#1. Pu Tawk Mang cu Cinkhua hrinsor lakah cozah rian ṭuan hmaisa bik a si.

#2. Pu Thawng Nawn cu Cinkhua hrinsor lakah tanghra {class 10th} awng hmaisa bik a si. Annih hi, A.D. 1970 kum ah tanghra a rak awng. Cun, Pu Thawng Nawn hi Cinkhua hrinsor lakah Bachelor of Science (B.Sc) degree la hmaisa bik zong a si fawn. A.D. 1974 kum ah a rak lak.

#3. Pu Thawng Nawn cu Cinkhua hrinsor lakah Australia ram a phan hmaisa bik a si. January 04, 2000 zinglei suimilam 11:00 ah Australia a phan.

#4. Dr. Mi Mi Moses cu Cinkhua hrinsor lakah M.B.B.S a la hmaisa bik a si.

#5. Pu Tawk Mang cu Cinkhua hrinsor lakah Hakha khua ah umhmun khuar hmaisa bik a si. Annih hi, A.D. 1965 in Hakha khuapi ah um hram a rak thok cang.

#6. Pu Dawt Mang cu Cinkhua hrinsor lakah America ram a phan hmaisa bik a si. Annih hi, June, 2004 ah US a rak phan cang.

#7. Pu Robert Siang Hu cu Cinkhua hrinsor lakah Norway ram a phan hmaisa bik a si. Annih hi, Febuary 16, 2006 ah Norway ram a rak phan cang.

#8. Pu Ṭuan Cung cu Cinkhua hrinsor lakah New Zealand ram a phan hmaisa bik a si. Annih hi, October 20, 2006 ah New Zealand ram a rak phan.

#9. Pi Ṭial Cin cu Cinkhua hrinsor lakah ramleng a chuak hmaisa bik a si. A.D. 1994 ah Singapore a rak phan.

#10. Pu Chan Cin Lian cu Cinkhua hrinsor lakah Malaysia ram a phan hmaisa bik a si. Annih hi, August 21, 1996 ah Malaysia a rak phan.

#11. Pu Tei Ling le Pu Ram Thawn cu Cinkhua hrinsor lakah khrihfa a lut hmaisa bik an si. Rev. Sang Fen nih December 15, 1932 ah tipilnak a rak pek hna.

#12. Sayaci Hniar Chum cu Cinkhua sianginn ah sianguk rian a ṭuan hmaisa bik a si. Annih hi, June 01, 1954 in Cinkhua sianginn sianguk rian ṭuan hram aa thok.

#13. Pastor Hram Bik Lian cu Cinkhua hrinsor lakah, Bible cawnnak lei ah Master of Theology {M.Th} degree la hmaisa bik a si. March, 2013 ah a rak lak.

 #14. Pu Lei Dun cu Cinkhua hrinsor lakah Laica tangli awng hmaisa bik a si. Annih hi, A.D. 1935 kum ah tangli a rak awng.

#15. Rev. Phun Zam cu Cinkhua hrinsor lakah caantling pastor rian a ṭuan hmaisa bik a si. Annih hi, A.D. 1967 kum in pastor rian ṭuan hram aa thok.

#16. Sayakyi Hrang Hre cu Cinkhua hrinsor chung in sianguk (sayakyi) a ṭuan hmaisa bik a si. Annih hi, January 24, 1994 in sianguk rian ṭuan hram aa thok.

#17. Rev. Phun Zam cu Cinkhua hrinsor ah Reverend hmu hmaisa bik a si.

#18. Rev. Bual Sang cu Cinkhua hrinsor lakah Pathian rian Pension lak tiang a ṭuan hmaisa bikmi a si. March 1, 2020 ah Hakha Baptist Association (HBA) nih Pension a pek.

#19. Pastor Ngun Hlei Sung cu Cinkhua hrinsor nu lakah caantling pastor rian a ṭuan hmaisa bikmi a si. A.D. 2003 in Cinkhua Baptist Church ah caantling pastor rian ṭuan hram aa rak i thok.

#20. Pu Than Tum cu Cinkhua hrinsor lakah Bible sianginn kai hmaisa bik a si. Annih hi Rev. Dr. G. Johnson nih Zarh Sarih Bible School ah kum khat ah zarh sarih lengmang in kum thum chung course tling tein a rak kai i Diploma a rak lak.

 #21. Pi Biak Hnem cu Cinkhua hrinsor nu vialte lakah tanghra awng hmaisa bik a si. An nih A.D. 1992 kum tanghra a rak awng.


B. Khuavang Pakung Tuanbia

Cinkhua khuahlun ah a rak ummi Khuavang pakung hi mino deuh tampi zong nih kan hun hngalh cangmi a si. Hi khuavang pakung hi, Cinkhua ram ah a um lomi thingkung phun a si. Upa cheukhat nihcun, Mizoram lei ah a ummi Ngio thingkung he aa lo ngaingai, tiah an ti tawn. Hi thingkung hi pupa chan ah, khuavang nih an rak cinmi a si, an ti caah “Khuavang pakung” tiah auh a sinak cu a si. A sullam cu “Khuavang nih ngeihmi thingkung” tinak khi a si ko.

Hi khuavang pakung Cinkhua vawlei ah a um hram aa thokning hi, thil khuaruahhar ngaingai a si. Hihi, Khuachia le khuavang biak chan thilsining a langhtertu thil pakhat a si caah, Cinkhua tuanbia theihtlei pakhat ah kan langhter ve lai. Khuavang pakung a thawhkehnak hi khuavang le minung biakchonhnak lawng in theihmi le hngalhmi a si caah, khuavang le minung karlak biaruahnak cherhchan in a thawhkehnak tuanbia, Pu That Luai nih a chimmi zulh in kan rak ṭial lai:

Cinkhua khua nih thihlonak fak tuk an ton ruangah, khua zong ṭio taak an rak timh, ti a si. Cu lio ahcun, hlan lio chan i Pathian bantuk ah an rak ruahmi Khuavang cu "Cinkhua khua hi kan ṭio lai maw?" tiah bia an rak hal hna, ti a si.  Cu ahcun, Khuavang nih "Nan ṭio lai lo" tiah bia an rak leh hna. Cinkhua khuami hna nihcun, "a si ahcun, Cinkhua khua kan ṭio lai lo, timi hmelchunhnak caah zeidah nan kan hmuh sak kun lai?" tiah Khuavang cu an rak hal hna, ti a si. Cucaah Khuavang nihcun, nan ṭio lai lo, timi hmelchunhnak caah Rih tidil kam ah a ummi thingkung kan lak lai i nan khua lakah kan cin lai. Cu thingkung cu nan thah ahcun, nanmah kan in thah ve hna lai. Sihmanhsehlaw nan thah lo ahcun, cu thingkung cu "nan ṭio lonak hmelchunh a si lai" tiah an rak ti hna, ti a si.

Cucaah Khuavang nihcun, Rih tidil kam ah a ummi thingkung pahnih an lak i Cinkhua khua laifang, Cerh Ceu haipi kam ah khan an rak cin hna. Cucu, khuavang pakung tiah, Cinkhua hrinsor nih kan auhmi a si. Cu khuavang pakung cu an hmet liote ah, Pu Kulh Hu nih pakhat a rak thah caah Khuavang nihcun, an bia bantuk tein, Pu Kulh Hu cu thingkung a thah zan bakah an rak thah ve, ti a si. A dang kung khat cu, Pu Hniar Hei nih a hawng a rak hleuh ve caah khuavang nih Pu Hniar Hei cu thah an rak timh ve. Sihmanhsehlaw a nu le pa nih, Khuavang sin ahcun "Siapi maw nan duh, Kikawng dah nan duh. Kan fapa hi a lu kan namh, kan thah piak hlah u" tiah an rak nawl piak caah an rak that ṭhan lo, ti a si. Cu a tangmi Khuavang pakung pakhat cu, saupi a hung nung i Cinkhua khua thar tlaak hnupi tiang ṭhangthar mino tampi nih, kan hun hngalh khawh awk tiang in a hung um. Sihmanhsehlaw Pu That Chum nih a inn thing caah a rak hau i a ah hnu ah atu a innpi saknak ca ahkhin a rak hman. Cucu Cinkhua nih theihthlei tuanbia pakhat kan ngeihmi, Khuavang pakung kong cu a si.


C. Sai Dong Tuanbia

Sai Dong tuanbia hi Cinkhua hrinsor nih philh awk a ṭha lomi, tuanbia roling pakhat kan ngeihmi a si. Pi Sai Dong hi Pu Hre Mang nih a tuanbia a chimning ahcun, Hau Zaw hrinphun hringsortu Pu Hau Zaw upa, Pu Tin Thang farnu a si, tiah a ti. Pi Sai Dong cu Hmaikhah bawi fapa, Pu Lian Kual nih a rak ṭhit i Hmaikhah khua ah a rak um, ti a si. Pi Sai Dong cu mi pumrua ṭha le mi muidawh a si caah Hmaikhah khuami nih an rak miṭhlirh ngaingai, ti a si. Voikhat cu, Hmaikhah khuami pawl zuupu an dinnak ah Pi Sai Dong pasal, Pu Lian Kual zong cu a rak ding ve. Zuupu dawp pah ahkhin, Hmaikhah pa pawl nihcun "atu zan ṭim ruahsur lak ahhin, inn ah ṭin duak zau in a nupi a va maa ngamtu ho tal an um hnga maw?" tiah an rak ti. Cucu milung tlawn deuh a simi an hngalh caah, Pu Lian Kual hlen duh ah an timi a rak si, ti a si. A taktak ah, Pu Lian Kual nihcun, "keimah nih ka ngamh" tiah a ti i zanṭim ahcun a nupi, Pi Sai Dong cu a rak maak, ti a si. Cucaah, Pi Sai Dong cu zaan ṭim ahcun meifar tom he an khua, Taizaang lei ahcun a rak kal i atu Lahriah va timi tivate khi a lianh tuk caah a rak tan kho lo, ti a si. Cucaah chak le thlang a zoh i tiva chung in tiva ral tiang, limpi aa khaan ko khi a hmuh caah, "Maw limpi, ka chungkhar sin ka phanh khawh nakhnga, ṭha tein i khaang law na cung in ka kal lai" tiah a ti i limpi cung cun tiva cu a rak tan, ti a si.

Cu ticun, Pi Sai Dong cu a Taizaang a chungkhar sinah him tein a va phan. Cu hnu ahcun, a pasal Pu Lian Kual nihcun a maak cu aa ngaichih tuk hrinhran caah a rak auh ṭhan len. Sihmanhsehlaw Pi Sai Dong nih "ka ṭa le pale nih an ka hnek tuk ruangah pei ka rak vat ko cu, ka va ti lai lo" tiah a rak ti i an rak i ṭhen beh, ti a si. Sihmanhsehlaw Pu Lian Kual cu a lung a thih khawh lo caah, a salpa aa sawm i vainam iput in Taizaang khua nih an tohmi tihram cu an va phelh piak hna, ti a si. Taizaang khuami nih tihram ser an hung timh tikah, Pu Lian Kual nihcun "Pi Sai Dong a hun lo ahcun, ahohmanh nih tihram nan ser kho lo" tiah a rak ti hna. A donghnak ah, Pi Sai Dong cu thilpuan chiahru te he tihram ser ahcun a hung kal i a phanh sin in, Pu Lian Kual nihcun a rak tlaih colh. "Na kir ti lai lo" tiah a rak ti. Pi Sai Dong nihcun, "aw a si ko, sihmanhsehlaw thilpuan chiahru te he ka si caah ka thilpuan kaa va thleng ta kun lai" tiah a rak ti. Inn ahcun a hung kir i a thilpuan cu aa thleng, dawh taktak in aa ṭamh hnu ah an ṭhinṭhang cung in aa dir i "Lian Kual, Lian Kual, na sin ahcun ka hung ti lai lo" tiah a rak lam hnawh, ti a si.

Cucaah Pu Lian Kual cu a thin a hung tuk hrinhran i a salpa, Pu Ral Chawng cu a rak thah, ti a si. Cu hnu ahcun, "Sai Dong ka maak le Ral Chawng ka thah hi i khat seh" tiah hla a rak phuah, ti a si. Cucu Sai Dong tuanbia cu a si. Nihin tiangah, Taizaang lukaa ahkhin "Sai Dong Cerh" timi a um peng ko rih. Kan pale cheukhat nih an chimnak ahcun, Pi Sai Dong cu aa dawh tuk nain, muidawh soikhat phor tiah, a zun a rak puam tuk, ti a si. Cucaah a tichuah a puan i a ṭhami Taizaang lukaa cerh cu "Sai Dong Cerh" tiah min an rak sak, tiah an ti.

D. Cinkhua ah Helicopter a ṭum

Khuaruah lopi in Cinkhua ah Helicopter a rak a ṭum; cucu Cinkhua tuanbia ah philh awk a ṭha lomi theihtlei pakhat a si. Ralkap nih Kawlram an rak uk lio ah, Yangon ah a ummi Kawl ralkap bawi ngan, Pu Kyaw Min cu Chin State khualipi Hakha khua tlawn ding in a rak tlung. Cu Ni cu nikhua a rak chiat tuk hringhran caah, minmei chah tuk in a rak zam. Cucaah Helicopter kalnak lam fiang in an hmuh khawh lo caah fingtlaang zong kan pah sual lai, tiah lam ṭim ah dinhnak hmun an rak kawl. Zokhua khua ah i dinh ding in ṭum an rak i tim sihmanhselaw minmei a chah tuk caah ṭumnak khua an rak hmu kho lo. Cucaah Cinkhua lei ah an rak ra i Cinkhua khua zawn cu minmei a rak pan deuh ruangah a si ṭheo lai, October 8, 1991 ah khuaruah lopi khin Cinkhua khua, atu Sepekhaan umnak hmun bo ahkhin Helicopter cu a rak ṭum.

Hi lio ahhin, Cinkhua sianginn hi cuantang ah a rak um lio a si. Helicopter cu sianginn cung zawnpi khin, a rak zuang i vanlawng le helicopter muisam zong cu hmuh bal cio a rak si lo caah, siangngakchia le sayate cheukhat cu i thupnak kawl in an rak zam len hna. Ralpi pei a thawh ko cang hi, tiah Cinkhua khua hlun nupa tampi zong ṭihphannak in an rak khat; a tli zaammi zong tampi an rak um hna. Kha lio kan dirhmun kha philh awk ṭha loin mithlam ah a cuang peng ko rih. Helicopter a ṭum hnu tu ahcun, khuapi nih kan fuh i an Helicopter cu khat ṭhup in kan rak kulh dih. Tongh-tham le a rim hnimh aa timmi zong rak um len a si caah, thinphan in ralkap nih meithal he zong an rak ven luklak. “Naih tuk hlah u, tong hlah u, a zoh lawng in zoh u” tiah ṭuanvo ngeitu nih au hnawh len hau in khuami kan rak um hna.

Hi lio caan ah biatak tein Ralbawi Kyaw Min bia a rak tong hmaisa biktu le biaruahnak a rak ngeih hmaisa biktu cu Pu Hniar Hu a si.

Hihi Pu Hniar Dun khuabawi ṭuan lio a rak si. Khua tlungtlang ah ruahmi kan pale hna: 1. Pu Hniar Dun, 2. Pu Hniar Hu, 3. Pu That Luai, 4. Rev. Bual Sang, le 5. Pu That Chum hna nih ralbawi sang, Pu Kyaw Min cu atu Pu Biak Awi te inn ahkhin an rak ṭhutpi i bia an rak ruah. Cu lio ahcun, Cinkhua khua ṭhanchonak caah a herhmi thil, 1. Dinti, 2. Seepeekhaan, le 3. Siang cachimtu telh in tampi kan pale nih an rak hal. Kha lio an rak halmi chung in, hmahngal bik le nihin tiang ah a um peng rihmi cu, Sepekhaan khi a si. Cinkhua Sepekhaan a kan petu cu hmaisa hi amah, Pu Kyaw Min hi a si.

Cinkhua khua nih khuaruah lopi in kan tonmi thil theihtlei le philh awk a ṭha lomi a si, an ti caah Helicopter ṭumnak bo cung te ahkhin philhlonak rolung zong an rak phun. Cu rolung tu cu nihin ahcun hmuh awk in a um ti lo. Hihi Cinkhua caah philh awk a ṭha lomi tuanbia theihtlei pakhat a si.


Appendix 01

America ram Cinkhua Hrinsor Chungkhar Cazin

1. Pu Ngun Hre Ling Chungkhar (New York)

2. Pu Bawi Peng Chungkhar (New York)

3. Pu Cung Ling Chungkhar (Wisconsin State)

4. Val. Tan Myint (Wisconsin State)

5. Pu Van Thawng Lian Chungkhar (Migchigan State)

6. Pu Tluang Ceu Mang fale (Migchigan State)

7. Pi Ni Iang Mang chungkhar (Migchigan State)

8. Pu Ram Cung chungkhar (Indiana state)

9. Pu Van Uk chungkhar (Indiana state)

10. Tun Tun chungkhar (Indiana state)

11. Pu Bawi Lian Hup chungkhar (Indiana state)

12. Pu Maung Maung chungkhar (Indiana state)

13. Lg. Biak Zi (Indiana state)

14. Pu Peng Su chungkhar (Arizona state)

15. Pu Van Ro Cung chungkhar (Arizona state)

16. Pi Sai Ṭial chungkhar (Arizona state)

17. Pi Biak Chin Par chungkhar (Arizona state)

18. Pu Ngun Cung Ling (Arizona state)

19. Pu David chungkhar (Missouri state)

20. Pu Biak Thawng chungkhar (Missouri state)

21. Pu Ngun Chum Ling (Missouri state)

22. Pu Khin Maung (Missouri state)

23. Pi Ester chungkhar (Missouri state)

24. Pu Thawng Ceu chungkhar (Missouri state)

25. Pu Ngun Hu chungkhar (Iowa state)

26. Pu Sang Awi chungkhar (Iowa state)

27. Pu Aung Lin chungkhar (Midland,Texas)

28. Pu Cung Nawl (Iowa state)

28. Pi Hlei Vang chungkhar (Iowa state)

29. Pi Lal Than Mawi chungkhar (Iowa state)

30. Pu Robin Lian Bik Thawng chungkhar (Midland, Texas)

31. Pu Joshep Lian Bik Thawng chungkhar (midland, Texas)

32. Pi Zing Vang chungkhar (Midland,Texas)

33. Pi Dawt Hlei Zing chungkhar (Midland,Texas)

34. Pi Thla Tin Thluai (midland, Texas)

35. Pu Mang Suan Thang chungkhar (Waco,Texas)

36. Pi Sui Miah chungkhar (Houston, Texas)

37. Val. Lian Mang (Houston, Texas)

38. Val. Bawi Lian (Houston, Texas)

39. Pastor Lian Cin chungkhar (DFW, Texas)

40. Pu Lian Cung Thawng chungkhar (DFW, Texas)

41. Pi Ni Din chungkhar (DFW, Texas)

42. Pi Za Sung chungkhar (DFW, Texas)

43. Ṭuan Bang chungkhar (DFW, Texas)

44. Val. Than Hre (DFW, Texas)

45. Val. Tin Thang (DFW, Texas)

46. Pu Ceu Ling Chum Chum chungkhar (DFW, Texas)

47. Pi Ṭial Cin cungkhar (DFW, Texas)

48. Pu Lian Peng Hu chungkhar (DFW, Texas)

49. Lg. Sui Hlawn Par (DFW, Texas)

50. Lg. Zing Khen Sung (DFW, Texas)

51. Val. Ngun Cung Thang (DFW, Texas)

52. Pu Kil Hu Mang chungkhar (DFW, Texas)

53. Pu Thawng Awi (DFW, Texas)

54. Pu Hram Cung chungkhar (DFW, Texas)

55. Pu Ngun Cung chungkhar (DFW, Texas)

56. Pu Dawt Mang chungkhar (DFW, Texas)

57. Pu Zam Mang chungkhar (DFW, Texas)

58. Pu Sang Kung chungkhar (DFW, Texas)

59. Pi Dar Zi chungkhar (DFW, Texas)

60. Val. Peng Lian Thang (DFW, Texas)

61. Val. Tun Tun (DFW, Texas)

61. Pi Cer Vang chungkhar (DFW, Texas)

62. Pu Za Ceu chungkhar (DFW, Texas)

63. Pu Zaw Suah chungkhar (DFW, Texas)

64. Val. Cung Thawng (DFW, Texas)

65. Pi Ṭial Hlei Sung chungkhar (DFW, Texas)

66. Lg. Ni Hlei Iang (DFW, Texas)

67. Pu Ngun Hre Ling chungkhar (DFW, Texas)

68. Pu Ngun Thawng chungkhar (Indiana state)

69. Pu Ngun Bik chungkhar (DFW, Texas)

70. Pi Sung Meng chungkhar (DFW, Texas)

71. Pi Ngun Bor (DFW, Texas)

72. Pu Joshua Lian chungkhar (DFW, Texas)

73. Pu Biak Lian Thawng (DFW, Texas)

74. Pu Ram Za Awi (DFW, Texas)

75. Pi Sai Iang chungkhar (DFW, Texas)

76. Pi Sui Hlawn Par chungkhar (DFW, Texas)

77. Pi Ni Din Sung chungkhar (DFW, Texas)

78. Pi Ngun Ṭha Len chungkhar (Migchigan State)

79. Pu Biak Ling Thang chungkhar (Indiana state)

80. Pu Zaw Min Oo (Indiana state)

81. Pi Zung Hlawn Sung (Indiana state)

82. Lg. Biak Zi Sung (Indiana state)

83. Pi Man Ki chungkhar (Iowa state) 


 

Appendix 02

Australia Ram Cinkhua Hrinsor Chungkhar Cazin

1. Pu Moses Thawng Nawn chungkhar {Melbourne}

2. Pu Tin Cung chungkhar {Melbourne}

3. Pu Chan Cin Lian chungkhar {Adelaide}

4. Pu Mual Hu chungkhar {Melbourne}

5. Pu Hrang Hnuai chungkhar {Melbourne}

6. Pu Zing Peng chungkhar {Melbourne}

7. Pu Sang Hei Lian chungkhar {Melbourne}

8. Pu Biak Peng chungkhar {Melbourne}

9. Pu Mang Cung chungkhar {Melbourne}

10. Pu Biak Ceu chungkhar {Coffs Harbour}

11. Pu Lai Uk Nawl chungkhar {Melbourne}

12. Pu Rual Peng chungkhar {Melbourne}

13. Pi Cer Hliang chungkhar {Melbourne}

14. Pi Zing Hliang chungkhar {Adelaide}

15. Pi Ngun Bor chungkhar {Melbourne}

16. Dr. Mi Mi Moses chungkhar {Melbourne}

17. Pi Mih Nge chungkhar {Perth}

18. Pi Can Kip Sung chungkhar {Melbourne}

19. Pi Dawt Thluai chungkhar {Melbourne}

20. Pu Za Ling chungkhar {Melbourne}

21. Pu That Mang chungkhar {Adelaide}

22. Pu Ṭha Thawng chungkhar {Adelaide}

23. Pu Van Biak chungkhar {Adelaide}

24. Pu Khrih Thawng chungkhar {Adelaide}

25. Pi Man Kip Sung chungkhar {Melbourne}

26. Pi Hniang Cin Sung chungkhar {Melbourne}

27. Pu Ṭial Peng chungkhar {Melbourne}

28. Nu Ngun Sung Tum {Melbourne}

 

Appendix 03

Hantawady Khua Cinkhua Hrinsor Chungkhar Cazin

1. Pu Dar Hlun chungkhar 

2. Pu Cung Awi chungkhar

3. Pu Daniel chungkhar

4. Pu Sui Awi chungkhar

5. Pi Iang Len chungkhar

6. Pi De Ki chungkhar

7. Pu Rual Cung chungkhar

8. Pu Cung Hnin chungkhar

9. Pu Zam Awi chungkhar

10. Pi Dar Sung chungkhar

11. Pu Than Bik chungkhar

12. Pi Dei Ṭial chungkhar

13. Pu Zam Ling chungkhar

14. Pu Za Dun chungkhar

15. Pi Ngun Ṭha Len chungkhar

16. Pi Thla Iang chungkhar

17. Pu David chungkhar

18. Pi Sui Thlia chungkhar

19. Pi Ca Hnem chungkhar

20. Pi Dar Nawn chungkhar

21. Pu Lai Lian Thang chungkhar {tufa}

22. Pi Tluang Len Sung chungkhar {tufa}

23. Pu ha Cung chungkhar {tufa}  

 Appendix 04

India Ram Cinkhu Hrinsor Cazin

1. Pu Thawng Kung chungkhar

 2. Pu Thang Hlei chungkhar 

3. Pu Kyaw Myint chungkhar

4. Pu Hre Bik chungkhar

5. Pu Hre Bik chungkhar

6. Pu Mang Awi chungkhar

7. Pu Duh Bik chungkhar

8. Pi Dei Sung chungkhar {tufa}

9. Pastor Hram Bik Lian chungkhar

10. Pi Hoi Tial chungkhar

12. Pi uan Iang chungkhar {tufa}

13. Pu Ṭha Ceu Lian chungkhar 


Appendix 05

Malaysia Ram Cinkhua Hrinsor Chungkhar Cazin

1.Pu Van Bik Lian chungkhar

2. Pu Lian Cung chungkhar

3.Pu Dar Peng chungkhar

4.Pu Cung Thang chungkhar

5.Pu Biak Mang chungkhar

6. Pu Za Nawl chungkhar

7. Pu Ngun Za Thawng chungkhar

8.Pu Van Bawi Hu chungkhar

9.Pu Cung Lawm chungkhar

10. Pu Bawi Mang chungkhar

11. Pu Steven chungkhar

12. Pu Lian Hmung chungkhar

13. Pi Zing Len Sung chungkhar {tufa}

14. Pi Tawk Hnem chungkhar {tufa}

15. Pi Iang Hnem Ṭial chungkhar {tufa}

16. Pi Hnem Iang chungkhar {tufa}

17. Pi Thla Meng chungkhar {tufa}

18. Pi Tawk Zi chungkhar {tufa}

19. Pi Sai Meng chungkhar {tufa}

20. Pi Sai Iang chungkhar {tufa}

21. Pi Iang Hlei chungkhar {tufa}

22. Pi Biak Len Iang chungkhar {tufa}

23. Pa Khamh Bawi Thawng

24. Pa Van Dawt Chum

25. Pa Amos Thawng

26. Pa Van Bawi Lian

27. Pa Tial Hram Mang

28. Pa Ni Hmung

29. Pa Sui Thang

30. Pa Biak Sang

31. Pu Kip Mang

31. Nu Tin Tial

32. Nu Biak Chin Sung

32. Nu Bawi Chin Par

33. Pa Biak Mang

34. Pa Bawi Tei {tufa}


 Appendix 06

Kale Ummi Cinkhua Hrinsor Chungkhar Cazin

1. Pu Zam Hei chungkhar

2. Pu Thawng Ling chungkhar

3. Pu Thawng Lian chungkhar

4. Pu Cung Nawl chungkhar

5. Pu Siang Awi chungkhar

6. Pu Sang Awi chungkhar

7. Pi Ni Awr chungkhar

8. Pi Sui Nawn chungkhar {tufa}

9. Pi Ngun Zi chungkhar {tufa}


Zoh Chihmi Cheukhat

1.      Pu Chawn Kio, “Chin Miphun Thawhkehnak Tuanbia”.

2.   Pu Lian Cin,"Laimi Kan Thawhkehnak Le Nihin Kan Dirhmun".

3.   Pu Chan Khar: “Chin Miphun Thawhkehnak Tuanbia”.

4.   Pastor Ngun Peng: "Mual Heih Tuanbia".

5.  Harvey, G.E: "History of Burma".

6.  Pu Be Hmai: “Lai history in Lai”.

7.  “Zogam History”, by Zomi Re-Unification Organisation

8.  “Diamond Jubilee Magazine”, Cinkhua 2009

9.   Pu Hre Mang, “Cinkhua Tuanbia” {2003}.

10.  Pu Hre Mang, “Cinkhua Tuanbia” {2008}.

11.  Pu Lal Cung, “Notes on Cinkhua khua tuanbia”.

12.  Pu Erh Ling, “Notes on Cinkhua khua tuanbia”.

13.  Pu Dar Hlun, “Notes on Cinkhua khua tuanbia”.

14.  Pu That Luai, “Notes on Cinkhua tuanbia”.  

16.   Pu Hniar Hu, “Notes on Cinkhua tuanbia”.

17.   Rev. Ngun Mang, “Note on Cinkhua tuanbia”.

18.   Pi Par Thluai, “Diary on Cinkhua tuanbia”.

19.   Pu Hniar Mang interview tuahmi

20.   Pu Biak Awi interview tuahmi

21.   Pu Bawi Cung interview tuahmi

22.   Pu Thawng Nawn interview tuahmi

23.   Pu Lawm Bik BRE lio Thesis

24.   Pu Mual Er interview tuahmi

25.   Pu Hrang Cem interview tuahmi

26.   Pu That Chum interview tuahmi

27.   Rev. Bual Sang,” Note on Cinkhua tuanbia”.

28.   Pu Tawk Hmung interview tuahmi

29.   Rev. Thawng Hlei, “Diary on Cinkhua tuanbia”.

30.  Pu Ram Peng, “Notes on Cinkhua tuanbia”.




   

 

No comments:

Post a Comment