"Thlarau Khah Nun Nihcun Zeibnatuk In Dah Minung A Thlen?" (power 04)

Zeibantuk thlennâkdah Thlarau khah nun nih a ken? Cauk hminthang “Not A Fan” ti mi `ialtu Kyle Idleman nih a Facebook hawile sinah, “Thiang Thlarau thiltikhawhnâk huham hmangin........” (“By the power of the Holy Spirit...”) ti mi cathluan tling lo tlinter dingin a nawl hna. Nazi pakhat chungah chawntu 100 renglo a hmuh. Cu hna chungin an chonhnâk bia cheukhat hna cu: 

- Ka pa ka ngaihthiam khawh. 

- Ka va hmasa a sual tuknak ka ngaihthiam khawh. 

- Pound 150 ka `um i ka kuakzuk zong ka ngol. 

- Rit khawhnâk hmang loin um kho lo ka sinâk ka tei khawh. 

- Nu le pa sualnâk tuah loin um kho lo ka sinâk ka tei khawh. 

- Thil cawk lawngte ka duhnâk ka ngol khawh. 

- A ngandam lomi ei le din ka duhnâk ka ngol khawh. 

- Kum 4 chung a si cang fimhring tein ka um kho. 

- Kan i ngeihnâk cu khamhin a um cang. 

- Nuhmei ka si nain, ka fāle ka cawmchan khawh hna. 

- Ka pasal a thih tikah ka nun bak a dih cang tiah ka ruah nain, hnangam tein ka um kho. 

- Ka va hmasa, saunawn kan i `hen hnuah kan ngei kho `hân. 

A cunglei i kan langhtermi hna khi Thiang Thlarau nih a bingtalet in nun a thlennâk nih a kenmi cheukhat an si: ngaiihthiam khawhnâk, tei khawhnâk, dawt khawhnâk, Pathian nih si dingah an duhpiakmi nun phâk khawhnâk le Pathian nih tuah dingah an duhpiakmi tuah khawhnâk an si.

Note: Hi Rev. Dr. Rual Uk ttialmi "Thiltikhawhnak Huhman Hi Ngaih Khawh A Si" timi cauk chung in lakmi a si.