"Thlarau khah hnu ah Vawleipi kan thlen lai.." (power 06)

Kristiansinâk hi philhmi pasal `ha le nusal `ha, Pathian nih khuaruahhar in a hmanmi hna in a khat, asinain an rian`uannâk le an min hna cu hngalh ti lo le lohter men an si. Philhmi lak i ai telmi Pathian mihman miropi pakhat cu Jock Troup hi a si. Jock cu Scotland ram ah 1896 ah a chuak. Kum 1919 ah tilong lei rian a `uan lioah a piangthar. A pianthar hnu tlawmpal ah, Jock cu a ngatlaih hawi thlarau nun zawnruahnâk in a khat. Zing nazi 6:00 in zan nazi 6:00 tiang ngatlaih rian a `uan. Rian a `uan hnuah nazi tam zetzet minung tlaih rian a `uan. 

Mi an um`inâk hmun pauh ah, bazar ah siaeh, mual ah siseh, Jock nih an thlarau nun zawn kha ruatin piantharnâk kong a chim lengmang. Thawng`habia a chimnâk ah a ral a `ha tuk, mi a thong a thong in ca cawnsânnâk zong ngei lomi, ngatlaitu men men, huham he phungchimtu pa phungchiim cu an ngai. A phungchim a ngaitu mi tampi cu an sualning i hngalin lei ah an bawk, an `ap i Pathian zângfahnâk an hal. Kum 34 chung bak hi ngatlaitu men men, cawnnâk ngei lo Jock cu Pathian nih lothlo hna le mirum zong thawng`habia in a nawrtu ah Scotland le England ah fak tak takin a hmang. Min theih lomi a thong thong in Khrih sinah a hruai hna. A rian`uan hlawhtlinnâk biathli cu zeidah a si? Zeiruangah kha bantuk mi men men a simi kha Pathian nih liangan tak takin a hman hnga? A lehnâk cu: a nupi nih Jock kong, “Kum 1920 ah Jock cu Fisherman‟s Mission, Aberdeen khua, Scotland ah

Thiang Thlarau he tonnâk an nei,” tiah a `ial. Phun dang in kan chim ahcun anih cu Thlarau in a khat i rian`uannâk caah thomh a si. Baibal bia kan hman ahcun anih cu Lam. 1:8 ah a lut tinâk a si. “Asinain nan cungah Thiang Thlarau a phâk tikah, thiltikhawhnâk nan ngei lai i Jerusalem le Judia ram vialte, Samaria ramkip le vanhram deng tiangin ka biahngaltu nan si lai,” tiah a ti. Nihin ah Pathian kawhhran nih a herhbik mi cu Thiang Thlarau huham hngalhfian hi a si. Kan Baibal ah “Apostol hna Cawlcanghhnâk,” tiah min pek a si. Asinain a taktak ah cun Apostol hna cawlcanghnâk men si loin, Apostol hna hmang i Thiang Thlarau cawlcanghnâk deuh a si.

Apostol hna Cawlcanghnâk cauk chungah kan hmuhmi Apostol hna an tuahmi pauhpauh hi Thiang Thlarau huham tuah mi a si:

- Thiang Thlarau huham in Pathian Bia an phuan.

- Thiang Thlarau huham in thawng`habia an phuan.

- Thiang Thlarau huham in kawhhran an `hithruai.

- Thiang Thlarau huham in rian`uannâk thar thawk

dingin `hithruai an si.

- Thiang Thlarau huham in dohdalnâk an tuar.

Ruan`uannâk le thlarau lei hmuhtonnâk ah hlawhtlinnâk

an hmuhmi vialte cu Thiang Thlarau huham thawngin a si.

Cubangin kannih zong:

- Zisu Khrih caah kan vawlei pi nawr dingin,

- Kan phungchim, kan cawnpiakmi nih thleidannâk

phâkter dingah,

- Kan umnâk khua i mibu thlarau lei herhmi hngalhnâk

ah i `hang dingin,

- Thlarau lei hlawhtlinnâk hmu ding le

- Thawng`habia in kan vawlei pi nawr dingin Thiang

Thlarau huham kan herh.

Kan nun ah, kan rian`uannâk le kan Bawipa kan rianhnâk phunkip ah Thiang Thlarau huham kan ngeih a herh. Lam. 1:1-14 nih thawng`habia hmangin kan vawlei pi nawr kho dingin Thiang Thlarau huham thomh kan herhning akan hngalhter. Thihnâk in Zisu Khrih a thawh`hân hnu tlawmpal ah, a lamkaltu hna kha a ton hna i ni 40 chung Pathian pennâk he aipehtlaiin bia tampi a cawnpiak hna. Baibal nih, “an sinah a palh kho lomi hngalhpinâk tampi he a temtuar hnu ah a nung `hân tiah ai langh, ni 40 chungah hmuh khawh in ai lang i Pathian pennâk kong kha a chimh hna,” (Apo 1:3). Cu ni 40 chungah Zisu nih a lamkaltu hna a cawnpiakmi hna cu thawng`habia hmangin vawlei pi nawr dingah Thiang Thlarau huham i thomh an herhnâk kong a si. Zisu- chimmi hi i chinchiah, “Cun anmah he hmunkhat ah i pum in Jerusalem khua kha chuahtak lo ding le Pa biakam kha hngak dingin nawl a pek hna. “Cucu” a rak chim cangmi, “Ka sin in nan theih ciami kha a si; Zeitintiah Johan nih ti in Baptisma kha a rak pek tak tak hna, asinain a rauh hlanah Thiang Thlarau in baptisma kha pek nan si lai,” tiah a ti,” (Apo 1:4-5). Nihin ah kawhhran ke bai in kan umnâk chan cu ka kan rakchiatnâk le “Thiang Thlarau baptisma,” kong kan hngalhfian lo ruangah a si.

Note: Hi Rev. Dr. Rual Uk ttialmi "Thiltikhawhnak Huhman Hi Ngaih Khawh A Si" timi cauk chung in lakmi a si.