"Thiang Thlarau Baptism ti cu Zeidah a Si?" (power 07)

Thiang Thlarau baptistma cu vanhram deng tiang thawng`habia hlawhtling tak takin phâkter khawhnâk Thlarau huham i thomhnâk a si. Cucu dah kaw Luke nih lam. 1:4-8 i a chimmi cu. „Pa biakam‟ (câng 4) timi kha i chinchiah, cucu „Thiang Thlarau baptisma‟(câng 5) tiah kawh a si i cucu „huham baptisma‟ a si (câng 8).

Luke `ialmi hi hun rel hmanh, “Cun anmah he hmunkhat ah i pum in Jerusalem khua kha chuahtâk lo ding le Pa biakam kha hngak dingin nawl a pek hna, “Cucu” A rak chim cangmi, “Kan sin in nan theih ciami kha a si; zeitintiah Johan nih ti in baptisma kha a rak pek tak tak, asinain a rauhhlan ah Thiang Thlarau in baptisma kha pek nan si lai” tiah a ti, Asinain nan cungah Thiang Thlarau a phak tikah thiltikhawhnak kha nan ngei lai.. (Apo 1:4-5, 8a).

Phun dang in kan chim ahcun Thiang Thlarau baptisma co timi cu Thiang Thlarau huham co tinâk a si. Hi kong hi thang`habia Luke zongah kan hmuh, “Nanmah hi hi thil vialte hngalhpitu nan si. Ngaihmanh u, ka Pa biakam kha nan cungah ka run thlah lai; asinain cunglei in thiltikhawhnâk i thomh nan sihlan pauh cu Jerusalem hi chuahtâk hlah u, tiah a ti,” (Luke 24:48-49). Pa biakam asiloah hi Thiang Thlarau baptisma ti mi cu huham biakamnâk a si. “Thomh” timi cu “huham i thomh” tinâk a si. A rauhhlan ah Pa biakam nan co lai i Thiang Thlarau huham i thomh nan si lai tiah Zisu nih a ti. Lam 1 i Thiang Thlarau baptisma kong le 1Ko 12:13 i Thiang Thlarau hmangin baptisma hi an i lo lo timi theih hi a biapi tak tak. Paul nih, “Zeitintiah Judahmi siseh, Grikmi siseh, sal siseh, miluat siseh kan dihlakin Thiang Thlarau pakhat I baptis kan si cu Thlarau pakhat cu kan dihlak in dinter kan si,” (1Ko 12:13), a ti tikah, khamhnâk kan co lioah, Thiang Thlarau nih zûmtu vialte cu Khrih ah pumkhat akan siter i zûmtu vialte cu Khrih pum ah akan fonh dih.

Luke nih Apo 1 i a chim hi cu kong cu a si lo.1Ko 12:13 ah cun Paul nih khamhnâk kong kha a chim, Thlarau nih zûmtu kha Khrih pum ah a chiah. Apo 1 ah cun Luke nih Bawipa rian kan `uannâk kong kha a chim, Thiang Thlarau nih zûmtu kha Khrih kong kha theihter dingin huham in a thomh.

Bawipa nih a kamh hna bamgin ni 10 hnuah lamkaltu hna kha Thiang Thlarau baptisma an si. Hi Thiang Thlarau huham i thomhnâk kong cu Baibal nih hitihin a `ial: “Pentikos ni a phâk tikah, an dihlak in hmun pakhat ah lungrual tein an um. Hmakhatteah van in a `hawngmi thlitu hran thawng bangin a rak phan i an `hutnâk inn kha a khat dih. Mei zik bantuk a simi lei kha an lang i an i `hek hnu ah, pakhat cio an cungah ai fu. An dihlakin Thiang Thlarau in an khat i Thlarau nih a chimter hna ningin holh phun dangdang in an chim cio,” (Apo 2:1-4). Hi baptima, hi huham i thomhnâk, hi thiang Thlarau khahnâk theitlai cu zeidah a si? Apo 2:14 ah, Peter cu Thiang Thlarau huham in a khat, a dir i phung a chim, cuticun Apo 2:41 i `ial a si bangin mi 3000 cu Pathian pennâk chungih luhter an si.

Cucu baptisma asiloah Thiang Thlarau i khah a si. Cucu Thiang Thlarau huham i thomh cu a si, cu nih cun vanhram deng tiang thawng`habia phuan khawhnâk akan pek. Lamkaltu hna Cawlcanghnâk Cauk chungah kawhhran hmasa hna kong kan caah `ial a si. Lam. 4:8 ah Peter cu „Thiang Thlarau in a khat `hân‟. Cuticun Thiang Thlarau i a khahnâk thawngin zeibantuk theitlai dah a um? A theitlai cu ca thiam sâng a si lo nain, huham he ral`ha tak takin bia a chimmi an hmuh tikah Jew hruaitu hna an khawruah a har (Apo 4:13). Apo 4:31 ah lamkaltu hna cu thla an cam i an thlacamnâk hmun cu ai hnin, cuticun „an dihlakin Thiang Thlarau in an khat,” timi kan hmuh `hân. Thiang Thlarau khahnâk theitlai a chuahtermi zeidah a si? Ral`ha tak takin Pathian Bia kha an phuan i Khrih cawisânnâk huham kha a lang. Lam. 6 ah Stefen kong kha kan hmuh, „Anih cu Thiang Thlarau in a khat‟ (Apo 6:5). Hika i Thiang Thlarau khahnâk theitlai teh zeidah a si? Biaknâk hruaitu hna nih

Stefen fimnâk le Thlarau huham he a chimmi bia hna cu an êl kho lo i doh zong an doh kho lo. Lam. 9 ah, khuaruahhar ngaiin Paul kha khamh a si, cuticun khamh a si in ni thum hnuah „Thlarau in a khat‟ (câng 17). Hika ah ta Thlarau khahnâk theitlai cu zeidah a si? Khuaruahhar huham he bia a chim i Damaskas i Jew mi hna an khuaruah a har (câng 22). Lam. 11:24 ah, Barnabas cu „Thlarau in a khat‟. Hika ah ta Thlarau khahnâk theitlai ah zeidah a um? “..mi tampi cu Bawipa sinih chap an si” ti a si khah. Cucu Thlarau khah asiloah Thlarau baptisma a si. Cucu thawng`habia chim ding le vanhram deng tiang thawng`habia phâkpi kho dingin Thlarau thiltikhawhnâk huham thomhnâk a si. Hihi ruat hmanh: lamkaltu hna le kawhhran hmasa zûmtu tampi hi “cacawng lo le cawnnâk ngei lo” an si (Apo 4:13). 

Dawnkhamtu tampi an tong i dohdalnâk fak tak tak an tuar. Rom cozah biaceihnâk an ton tawn. Nu le pa sualnâk hi kha chan ah hmun kipah a tam tak tak. Biaknâk zong a thûrhnawm tak tak. Milem biaknâk, thlarau sual biaknâk le khuachia biaknâk zong a tam ngai ngai. Kha zûmtu hmasa hna kha an kalnâk kipah an zumhnâk ruangah zomhtaih, doh le serhsat an si. Cuticun a si ko nain, kum 40 chungah zûmtu mipum 120 hna nih pumpi mipnung 30% cu Khristian ah an canter i annih cu, “Vawlei khupthal a lettu hna,” (Apo 17:6) tiah theih an si. Zeitindah an cawlcangh? Dawnkhamtu le dodalnâk hna cu zei hmangin, zeitindah an va panh? Vanhram deng tiang thawng`habia phâk khawhnâk cu zeitindah tikhawhnâk le huham thiltikhawhnâk a pek? Hi zûmtu hna cu „Thlarau in an khat i Bawipa rian `uan dingin huham in thomh an si‟.

Note: Hi Rev. Dr. Rual Uk ttialmi "Thiltikhawhnak Huhman Hi Ngaih Khawh A Si" timi cauk chung in lakmi a si.