Tu lio kan vawleipi ah a lar taktakmi le mi lian ngan tampi nih a ttih zong an ttih taktakmi riantuannak cu "#MeToo movement" hi a si. "MeToo" ti cu "keimah zong" tinak khi a si.
Tlaihhremmi le ningcang loin sualpi a tongmi nu pawl nih, minchiat ttih ah an rak phuan ngam bal lomi thil pawl ral tha tein an phuan ngamnak hnga rian a tuantu phu an si!
Hi hna ruantuannak ruang ahhin vawlei cung minthang US president, US ram supreme court biaceihtu Brett in, pumpalulh chuih minthang Ronaldo hna tiang zan it lo in a tuah cang hna.
A hmanmi le a taktak thil chuahtertu zong a si bantuk in a hman lopi in minchiat ternak zong ah fakpi in hman a si ve.
Hi bantuk ruantuannak hi kan nih Lai miphun lak zong ah a rauh hlan ah a phan ve cang lai tiah ka zumh!
Tih zong a nung pah!
Kan Lai ram pastor, evangelist le ramkhel riantuantu tampi zong kan Chin nu pawl nih ral tha tein an tonmi an chim ngam sual ahcun a hmual pho ding kan tampi lai. Kan luat cio lo kho men!
Bible nih "a thli tein puan tang ah nan tuahmi sualnak cu mizapi theih in tlangpar in ka aupi lai", a timi kha kanmah chan ah a tling cuahmah ko cang hih.
Pathian nih thli thup in kan tuahmi sualnak zapi theih in aupi ning a thiam tuk; atu ahcun mah facebook timeline i voikhat post te khi a si ko cang!
Kan rak tuah sual cangmi let awk tha ti lomi kong ahcun zei ti awk tha hlah, atu in hmailei caan hrimhrim ahcun miphun le biaknak hruaitu hna cu Pathian kan ttih ruang lawng zong ah siloin hmual pho ttih ruang hrimhrim ah kan nunzia kan tthinh ngaingai awk a si cang!
MeToo (keimah zong) titu tampi na ngei ve sual te lai maw?
No comments:
Post a Comment