"Nihin ah Thiang Thlarau huhman ngeih khawh a si rih maw?" (power 09)

Luke 24:49 le Lam. 1:8 i kamhmi huham hi nihin ah co khawh a si maw? tiah mi tampi nih bia an hal tawn. Hihi kan kawl ding a si maw asiloah kum zabi pakhatnâk i a ummi Kristian hna ca lawngah dah a si? 

A lehnâk cu: hi biakam hi nihin zongah co khawh a si ti hi a si. Luke nih Lam. 2:39 ah huham co khawh a sinâk kong a chim, “Zeitintiah hi biakam [huham] cu nanmah le nan tefa le hlapi ah a ummi vialte le khalah a si. Bawipa kan Pathian nih a kawhmi hna sinah kamhmi a si, tiah a ti.” Phun dangin kan chim ahcun zûmtu na si ahcun hi huham thiltikhawhnâk hi na caah a si, co khawh a si.

Hi huham co khawh a si rih nâk a chan cu: vanhram deng tiang i thawng`habia phuan ding hi lim a si rih lo. Kamhmi huham: Thiang Thlarau baptisma le Thiang Thlarau i khahnâk hi miphun vialte sinah thawng`habia phuan khawhnâk caah kan sinah pek a si, co khawh a si. Zisu chimmi hi ruat ve hmanh, “Asinain Thiang Thlarau nan cungah a phâk tikah, thiltikhawhnâk nan ngei lai i Jerusalem le Judah ram vialte Samaria ram kip le vanhram dĕng tiangin ka hngaltutu nan si lai, tiah a ti,” (Lam. 1:8). Lei pumpi i thawng`habia chim rian hi kan lim rih lo caah, leicung ah mi pahra ah pakua nih thawng`habia an hna in an theih rih lo caah, Pathian nih hi biakam hi a la rih

lo. Zisu nih nawlpek lianngan lim a si hlan pauh cu biakam cu a dir ko rih tinîk a si. Thiang Thlarau huham cu kan caah co khawh a si ko rih caah, zeitindah cu huham cu kan co khawh lai i Thiang Thlarau baptisma le Thlarau khah cu zeitindah kan hngalh khawh lai?

Note: Hi Rev. Dr. Rual Uk ttialmi "Thiltikhawhnak Huhman Hi Ngaih Khawh A Si" timi cauk chung in lakmi a si.