2. A midang he pehtlaihnak nun a kilven peng lai Lung thawh Caan mi vialte chonh dih, lung thawh ko caan chonh ngam lo phun nunzia khi Thlarau nun caah rungrul tha lo bak a si. Midang timi chung ahhin nupi fale le kiangkap minung vialte an i rel dih. Mi zapi caah saya sayamah ttha ngai si ko bu in, mah fale le nupi/pasal caah beidong misual kan tampi kho. Keimah lila zong ka DL nih hi bantuk hin a ka hmuh khawh ve ko. Nang zong na si ve kho ve men ko. Pathian riantuantu hna nih, kan mipi hmai nunzia le kan chungkhar hmai nunzia ah balance kan tuah lo ahcun, minthang hmanh ah minthan caan a sau kho lo ti a si. Minthang lo cu kan dih tinak si ko. Cucaah mipi hmai ka nunzia le chungkhar tang ka nunzia aa balance maw, tihi check le kilven peng a hau.
3. A Khua-ruahnak lungthin a kilven peng lai Khuaruahnak hi kilven lo ahcun Caan tawite Chung ah hmun tam tuk a phan kho. Internet kan awn ah, FB kan kau ah minung kan si ve cang suaitu kan ngei kho. Sexy photo zoh nih a suai cangmi Lai mi Pathian riantuantu zong kan tam cang, tiah bia a leng pah lengmang. Kei zong Boxing le UFC zoh nih a rak ka suai ve. Internet ka kau poh ah, "Aung la NSang fights etc"..tial, rel le zoh nih a ka suai. Cu bantuk in lenglei thil suaitu kan ngeih ahcun, kan Pathian riantuannak cu tihnung ngai dirhmun ah a dir cang, tinak a si. Lungfim tei colh a hau. Pathian riantuantu hna nih lenglei thil suaitu kan ngeihnak hnga lo, kan lungthin kilven peng a herh.
4. Ni fatin pumpak thlacam le Bible relnak caan a kilven peng lai Nifa tin pumpak Bible rel le Thlacamnak tawi te tal a ngei peng lomi Pathian riantuantu cu hnuampho nak he aa naih ngaingai. Hihi full-time in Pathian a tuan liomi hna ca ahcun tuah hrimhrim ding a si. Keimah bantuk sianginn a Kai pah rihmi le rian zong a tuan pahmi ca ahcun a har ngai nain kan tuah lo ahcun tukforhnak he kan i naih taktak khi a si. Hrial harhar an tam khun caah nifa tin Bible rel peng nak lam kan kawl ve a hau. Keimah ka tuahmi le bawmtu tha ngai ah ka ruahmi cu Audio Bible internet loin play khawh a simi khi ka mobile ah kaa chiah i zung kal pah, tin pah le dinh caan chung poah ah ear phone in ka ngeih peng. Cucu a tha hnem ngai te.
5. Upattlakmi sinak nunzia a kilven peng lai Thawngtha chimtu nih midang nih an kan upatnak kan thlau ahcun, kan Pathian rian a dih. Mipi upatnak le tihzahnak hmuh lo bu in, Pathian rian tuan hi rian vialte lak ah tuan a nuam lo bikmi rian a si! Hihi Pathian riantuantu hna nih, kan bia chim, kan uar zawng le cawlcanghning phunphun in kan kilven peng a herh!
6. A Lei a kilven peng lai Thawngtha chimtu cu zeitluk nal in dah a chim khawh ti siloin zeitluk in dah a kaa Aa cip khawh, a Lei aa sum khawh, tiin kan Thlarau nun kan i tah awk a si.
7. Sifak lo ding in a chungkhar a kilven lai Keimah nih Ka hmuhning ahcun, tu chan Pathian riantuantu hna hi "Pathian nih rak kan cawm ko seh" ti phun in Vawlei lei rian tuan bak loin kan um awk a si lo, tiah ka ruah. Nihin Pathian riantuantu dirhmun le hlan lio tlangbawi pawl dirhmun hi hi zawn te ahhin cun zohthiam ngai a herh. Kan PA Pathian rian a tuan i kan nih cu zeihmanh rian awk kan tha lo ti phun in chungkhar in PA a zohmi kan tam pah. Hi bantuk ruahnak hi a dik lomi a si! Lah khah pek lem lomi Evanglist le thawngtha chimtu hna phaisa hmuhnak rian tete zong tuan pah hna seh. Cucu Bible cawnpiaknak he aa kalh lomi a si. Lai mi ruahnak he bal aa kalh men lai.
8. A Peknak Nun a kilven peng lai Peknak Nun a ngeimi hrauitu le Pathian riantuantu cu phaisa ah a thi bal lai lo. Peknak hi nun hi sualnak phun tampi in a kan vengtu a si.
No comments:
Post a Comment